შატილი

შატილში მომხდარ ტრაგედიას უცხოეთში ეხმაურებიან

336
(განახლებულია 12:29 25.08.2020)
შატილისკენ მიმავალ გზაზე, დუშეთის მუნიციპალიტეტში, კვირა საღამოს ავტოკატასტროფაში 17 ადამიანი დაიღუპა. წინასწარი ინფორმაციით, დაღუპულთა შორის არიან გიდი და ერთი უცხოელი.

თბილისი, 24 აგვისტო – Sputnik. შატილში მომხდარ ტრაგედიას სხვადასხვა ქვეყნის საგარეო პოლიტიკური უწყებები გამოეხმაურნენ, იუწყება საზოგადოებრივი მაუწყებლის პირველი არხი.

შატილისკენ მიმავალ გზაზე, დუშეთის მუნიციპალიტეტში, კვირა საღამოს ავტოკატასტროფაში 17 ადამიანი დაიღუპა. წინასწარი ინფორმაციით, დაღუპულთა შორის არიან გიდი და ერთი უცხოელი.

შატილის გზაზე მომხდარ ტრაგედიას ევროსაბჭოს გენერალური მდივანი, მარია პეიჩინოვიჩ ბურიჩი ეხმაურება.

„შოკირებული და დამწუხრებული ვარ საქართველოში გუშინ მომხდარი ავტოსაგზაო შემთხვევით. ჩვენი ფიქრი მსხვერპლთან და მათ ოჯახებთან არის. ვუსამძიმრებ საქართველოს მოსახლეობასა და მთავრობას“, – ნათქვამია ევროსაბჭოს გენერალური მდივნის განცხადებაში.

შატილის გზაზე დაღუპულთა ოჯახების წევრებს სამძიმარს უცხადებს ლიეტუვის საგარეო საქმეთა სამინისტროც.

„უკიდურესად დამწუხრებულები ვართ შატილში მომხდარი ტრაგიკული ავტოსაგზაო შემთხვევის გამო. გულწრფელად ვუსამძიმრებთ ოჯახებს, რომლებმაც საყვარელი ადამიანები დაკარგეს“, – ნათქვამია ლიეტუვის საგარეო საქმეთა სამინისტროს განცხადებაში.

ტრაგედიას ეხმაურება ისრაელის საგარეო საქმეთა სამინისტრო და დაშავებულებს სწრაფ და სრულ გამოჯანმრთელებას უსურვებს.

„ისრაელი უსამძიმრებს საქართველოში შატილის გზაზე მომხდარი ტრაგიკული შემთხვევის დროს გარდაცვლილთა ოჯახებს. ვუსურვებთ სწრაფ და სრულ გამოჯანმრთელებას ყველა დაშავებულს“, - ნათქვამია ისრაელის საგარეო საქმეთა სამინისტროს განცხადებაში.

დაღუპულთა ოჯახებს სამძიმარი გამოუცხადეს ასევე აზერბაიჯანის საგარეო საქმეთა მინისტრმა ჯეიჰუნ ბაირამოვმა, სომხეთის პრემიერ–მინისტრმა ნიკოლ ფაშინიანმა.

შატილის გზაზე მომხდარი ავტოსაგზაო შემთხვევის შედეგად დაღუპულთა ოჯახებს სამძიმარს უცხადებს სომხეთის საგარეო საქმეთა მინისტრი ზოგრაბ მნაცაკანიანი.

„ვიზიარებ მწუხარებას და სამძიმარს ვუცხადებ ოჯახებს და ახლობლებს, ვინც მოძმე საქართველოში მომხდარ ტრაგიკულ ავტოსაგზაო შემთხვევის დროს საყვარელი ადამიანი დაკარგა. ვუსურვებ მალე გამოჯანმრთელებას დაშავებულებს. სომხეთი სოლიდარობას უცხადებს ქართველ ხალხს და საქართველოს მთავრობას“,- წერს მნაცაკანიანი „ტვიტერის“ გვერდზე.

ტრაგედიის გამო 25 აგვისტო საქართველოში გლოვის დღედ გამოცხადდა. შესაბამის განკარგულებას პრემიერ-მინისტრმა გიორგი გახარიამ მოაწერა ხელი. განკარგულების თანახმად, გლოვის დღესთან დაკავშირებით დაეშვება სახელმწიფო დროშა მთელ საქართველოში, ყველა ადმინისტრაციულ შენობაზე.

ტურისტებში მეტად პოპულარული სოფელი შატილისკენ ქვეყნის ერთ-ერთი ყველაზე სახიფათო გზა მიდის. ბოლო დღეებში მთებში წვიმდა, რასაც შეიძლებოდა გადაადგილება გაერთულებინა.

336
აზერბაიჯანის ახალმა ელჩმა დავით ზალკალიანს რწმუნებათა სიგელის ასლი გადასცა

აზერბაიჯანის ახალმა ელჩმა დავით ზალკალიანს რწმუნებათა სიგელის ასლი გადასცა

12
სიგელის გადაცემის ცერემონია კორონავირუსის გამო უსაფრთხოების ყველა ზომის დაცვით ჩატარდა - ელჩიც და მინისტრიც პირბადეებით იყვნენ

თბილისი, 23 სექტემბერი - Sputnik. აზერბაიჯანის ახალმა საგანგებო და სრულუფლებიანმა ელჩმა საქართველოში ფაიგ გულიევმა საქართველოს საგარეო საქმეთა მინისტრ დავით ზალკალიანს რწმუნებათა სიგელის ასლი გადასცა, იუწყება საქართველოს საგარეო საქმეთა სამინისტროს პრესსამსახური.

როგორც განცხადებაშია აღნიშნული, სიგელების გადაცემის ცერემონიის დასრულების შემდეგ მინისტრმა აზერბაიჯანის ელჩს საქართველოში დიპლომატიური მისიის დაწყება მიულოცა, მომავალ საქმიანობაში წარმატება უსურვა და იმედი გამოთქვა, რომ ორ ქვეყანას შორის არსებული მაღალი დონის სტრატეგიული და მეგობრული ურთიერთობები კიდევ უფრო გაღრმავდება.

შეხვედრის დროს მხარეებმა ასევე განიხილეს ორ ქვეყნას შორის თანამშრომლობის პერსპექტივები და მიმართულებები.

აზერბაიჯანის პრეზიდენტმა ილჰამ ალიევმა ფაიგ მაგბეტოღლუ გულიევის საგანგებო და სრულუფლებიან ელჩად დანიშვნის ბრძანებას 17 აგვისტოს მოაწერა ხელი. გულიევმა პოსტზე დურსუნ ჰასანოვი შეცვალა.

12
თემები:
საქართველოს პოლიტიკური ცხოვრება
მიხეილ სააკაშვილი

საიდუმლო გამხელილია: სააკაშვილის და „ევროპელების“ კონფლიქტი კულუარებს გასცდა

20
ქართულ ოპოზიციაში საკმაოდ ბევრი პარტიაა, რომლისთვისაც სახელმწიფოს ყოფილი მეთაური, მიხეილ სააკაშვილი მიუღებელია

თბილისი, 23 სექტემბერი - Sputnik. საქართველოს ექსპრეზიდენტმა მიხეილ სააკაშვილმა არჩევნების წინ ოპოზიციის მოლაპარაკებების შესახებ საიდუმლო გაამხილა, რითაც სხვა პარტიების წარმომადგენლების აღშფოთება გამოიწვია.

დღესდღეობით სააკაშვილი პარტია „ერთიანი ნაციონალური მოძრაობის“ პრემიერ-მინისტრობის კანდიდატი და ოპოზიციაში, რომელიც სულ ახლახან კოალიციურ მთავრობაზე საუბრობდა, დავის მთავარი საგანია.

„ყოველთვის ვიყავი და ვიქნები ერთიანობის მომხრე. თავიდან ჩემი შეთავაზება იყო, ყველა ოპოზიციურ ჯგუფს გაეკეთებინა ერთიანი სია, აერჩია ერთიანი პრემიერობის კანდიდატი, რა თქმა უნდა, ეს არ ვიქნებოდი მე და წასულიყო არჩევნებზე. ბევრმა ჯგუფმა ეს უარყო და არ გამოვიდა. მეორე იყო ჩვენი შეთავაზება „ევროპული საქართველოს“ მიმართ და ეს მოლაპარაკებები რამდენიმე კვირა წარმოებდა, რომ პარიტეტულ საწყისებზე, პრაქტიკულად თანაბრად დაგვეკომპლექტებინა სია, პარლამენტის თავმჯდომარის ადგილი წაეღოთ მათ, პრემიერობაზე მომხდარიყო ცალკე შეთანხმება და იქაც არ განიხილებოდა ჩემი კანდიდატურა. ესეც, რაღაც მიზეზების გამო, მათ მიერ იყო უარყოფილი“, – განუცხადა სააკაშვილმა „ტვ პირველს“.

ამ განცხადებამ „ევროპული საქართველოს“ წარმომადგენელთა აღშფოთება გამოიწვია. ისინი ადრევე აცხადებდნენ, რომ სააკაშვილი „ერთიან ნაციონალურ მოძრაობასთან“ კოალიციაში მათი გაერთიანების მთავარი დაბრკოლება იქნებოდა.

„რაც შეეხება თანამდებობების შემოთავაზებას, ეს არის პირდაპირ ტყუილი, არანაირი საუბარი თანამდებობების შემოთავაზებაზე არ ყოფილა და არც მივიღებდით, რადგან ჩვენთვის მთავარი ამოცანაა არა თანამდებობების და სკამების განაწილება, არამედ გარდამტეხი ცვლილებების მოტანა ოთხი მილიონი ქართველისთვის, რომელიც დღეს არის კრიზისულ და უმძიმეს მდგომარეობაში. ჩვენ ჩვენივე გუნდშიც კი არ ვასახელებთ პრემიერობის კანდიდატს“, - განაცხადა „ევროპული საქართველოს“ ლიდერმა დავით ბაქრაძემ.

„ევროპული საქართველოს“ მსგავსად, სააკაშვილი სხვა არაერთი ოპოზიციური პარტიისთვისაა მიუღებელი, მათ შორისაა პარტია „გირჩი“, ნინო ბურჯანაძის „ერთიანი საქართველო“, „ახალი საქართველო“. ამ პარტიების წარმომადგენლები სხვადასხვა დროს მუშაობდნენ სააკაშვილთან, ისევე როგორც „ევროპული საქართველოს“ ლიდერები, და შემდეგ მისი ოპონენტები გახდნენ.

საპარლამენტო არჩევნები 31 ოქტომბერს ჩატარდება. მოსახლეობა 150 დეპუტატს აირჩევს - 120-ს პარტიული სიით, 30-ს კი - მაჟორიტარულ ოლქებში. პარტიებისთვის გამსვლელი ბარიერი 1%-ია.

ხმის უფლება დამდეგ არჩევნებზე 3 501 931 საქართველოს მოქალაქეს აქვს.

20
თემები:
საქართველოს საპარლამენტო არჩევნები 2020