ლევან კობერიძე

„ლელოში“ მატებაა: პარლამენტის დეპუტატმა პარტია გამოიცვალა

566
მმართველი პარტიის ყოფილი თანამოაზრე გადავიდა ოპოზიციურ პარტიაში, რომელიც მამუკა ხაზარაძემ და ბადრი ჯაფარიძემ შექმნეს

თბილისი, 11 აგვისტო — Sputnik. საპარლამენტო ფრაქცია „დამოუკიდებელი დეპუტატების“ წევრი ლევან კობერიძე არჩევნებამდე თითქმის სამი თვით ადრე შეუერთდა პარტიას „ლელო საქართველოსთვის“, რომელიც ბანკირმა მამუკა ხაზარაძემ დააფუძნა.

საქართველოში საპარლამენტო არჩევნები 31 ოქტომბერს გაიმართება. დღეისათვის არჩევნებში მონაწილეობის მისაღებად რეგისტრაცია 40-ზე მეტმა პარტიამ გაიარა.

„ჩვენ გვაქვს ღირებულებითი ერთობა, რომელიც უნდა გამოვიყენოთ თითოეული ჩვენი მოქალაქის უკეთესი მომავლისთვის. ერთმანეთი უნდა გავაძლიეროთ, ეს ჩვენი მოვალეობაა“, – განაცხადა ლევან კობერიძემ.

სახელმწიფო აუდიტის სამსახურის მონაცემებით, „ლელო საქართველოსთვის“ ქვეყანაში ერთ-ერთი ყველაზე მდიდარი პარტიაა და შემოსავლების მიხედვით მილიონერი პარტიების სამეულში შედის.

ეს პარტია ბანკირებმა მამუკა ხაზარაძემ და ბადრი ჯაფარიძემ 2019 წლის ბოლოს შექმნეს და ახლა წარმოადგენს სამი ძალის გაერთიანებას: თავად „ლელო“, პარლამენტის ყოფილი სპიკერის, დავით უსუფაშვილის „შენების მოძრაობა“ და ქვეყნის ერთ-ერთი უძველესი პარტია „ახალი მემარჯვენეები“.

„ლელო საქართველოთვის“ არჩევნებში დამოუკიდებლად მიიღებს მონაწილეობას >>

რაც შეეხება ლევან კობერიძეს, ის იყო მმართველი პარტიის ერთგული მომხრე, მაგრამ გასულ წელს მან დატოვა „ქართული ოცნების“ რიგები. ამის შემდეგ მან შექმნა ოპოზიციური ფრაქცია „დამოუკიდებელი დეპუტატები“, ხოლო არჩევნების წინ ყველასათვის მოულოდნელად ანა დოლიძესა და ალეკო ელისაშვილთან ერთად ახალი პოლიტიკური ძალის შექმნის შესახებ განაცხადა. თუმცა ეს პარტია დღემდე არ შექმნილა.

566
თემები:
საქართველოს პოლიტიკური ცხოვრება (152)
არჩევნები

„წავალ, მაგრამ არ ვიცი, ვის მივცემ ხმას...“: დავუჯეროთ თუ არა გამოკითხვებს არჩევნების წინ

76
(განახლებულია 10:29 20.09.2020)
არ არსებობს ალტერნატივა, ნდობა ხელისუფლებისადმი ან უბრალოდ რთულია არჩევანის გაკეთება - არჩევნების წინ ამომრჩევლებიც კი ცხარე კამათის საგნად იქცევიან

გასულ კვირაში ერთბაშად ოთხმა ორგანიზაციამ გამოაქვეყნა საზოგადოებრივი გამოკითხვების შედეგები და ყველამ აჩვენა, რომ არჩევნებზე წასასვლელად მზადყოფნის მიუხედავად, ამომრჩევლების ნაწილს არჩევანი ჯერ არ გაუკეთებია.

საპარლამენტო არჩევნები საქართველოში 31 ოქტომბერს გაიმართება. არჩევნების თარიღის გამოცხადებამდე უკვე ცხადი იყო, რომ საზოგადოებრივი აზრის გამოკითხვა საქართველოში საკმაოდ უმადური საქმეა.

მათი შედეგებით უკმაყოფილო პოლიტიკოსები ძალიან ხშირად გამოთქვამდნენ უნდობლობას ისეთი საერთაშორისოდ აღიარებული ორგანიზაციების გამოკითხვების მიმართ, როგორიცაა აშშ-ს ეროვნულ-დემოკრატიული ინსტიტუტი (NDI) და საერთაშორისო რესპუბლიკური ინსტიტუტი (IRI). მათი ნაწილი ამ ორგანიზაციების გამოკითხვების აკრძალვის მხარდასაჭერად ხელმოწერებსაც კი აგროვებდა.

ამიტომ გასაკვირი არაა, რომ არჩევნების წინ უკვე სამმა ტელეარხმა - „იმედმა“, „რუსთავი2“-მა და „ფორმულამ“ საკუთარი გამოკითხვები შეუკვეთეს ალტერნატიულ საერთაშორისო კომპანიებს, რომლებიც ასევე არჩევნებზე ეგზიტპოლებს ჩაატარებენ.

თუმცა პრაქტიკულად ყველა გამოკითხვამ აჩვენა თითქმის ერთი და იგივე - არჩევნებზე წასვლას ბევრი აპირებს, მაგრამ არჩევანი ყველას არ გაუკეთებია.

ასე, მაგალითად, თუ დავუჯერებთ გამოკითხვებს, აქტივობა არჩევნებზე 80%-ს გადააჭარბებს.

აქტივობა არჩევნებზე ბოლო გამოკითხვებით:

ორგანიზაცია აქტივობა გამოკითხვის თარიღი
NDI 88% 6 – 11 აგვისტო
IRI    74% 4 - 21 აგვისტო
GORBI (დამკვეთი ტელეარხი „იმედი“) 80% 19 - 20 აგვისტო
Survation (დამკვეთი „რუსთავი2“) 81,4% 26 აგვისტო– 2 სექტემბერი
Edison Research (დამკვეთი „ფორმულა ტვ“) 94% 25 აგვისტო– 7 სექტემბერი

ამასთან ერთად ამავე გამოკითხვებმა აჩვენა გაურკვეველი ამომრჩევლების მაღალი პროცენტი.

ამომრჩევლები, რომლებსაც გადაწყვეტილება ჯერ არ მიუღიათ:

ორგანიზაცია  ამომრჩევლების რიცხვი,რომლებსაც გადაწყვეტილება ჯერ არ მიუღიათ გამოკითხვის თარიღი
NDI 59% 6 – 11 აგვისტო
IRI    23% 4 - 21 აგვისტო
GORBI (დამკვეთი ტელეარხი „იმედი“) 1 ადამიანი 5-დან 19 - 20 აგვისტო
Survation (დამკვეთი „რუსთავი2“) მონაცემები არაა 26 აგვისტო – 2 სექტემბერი
Edison Research  (დამკვეთი „ფორმულა ტვ“)  23% 25 აგვისტო – 7 სექტემბერი

გამოკითხვების ნიუანსები - თვალსაზრისები

ექსპერტი არჩილ სიხარულიძე მიიჩნევს, რომ გაურკვეველი ამომრჩევლების უმრავლესობა ოპოზიციის ალტერნატივას ვერ ხედავს და ამასთან ერთად ხელისუფლებისთვის ხმის მიცემა არ სურს.

„ბევრი უკმაყოფილოა ხელისუფლებით და ოპოზიციის ალტერნატივას ვერ ხედავს. ეს გამოკითხვებიდან ჩანს. და ისინი, ვინც ვერ პასუხობს, ვის მისცემს ხმას, სავარაუდოდ, გადაწყვეტილებას პირდაპირ საარჩევნო უბანზე მიიღებენ: მისცენ ხმა ხელისუფლებას თუ ოპოზიციას, რადგან არ მიაჩნიათ, რომ ოპოზიცია ხელისუფლებაზე უკეთესია“, - განუცხადა სიხარულიძემ Sputnik-ს.

ექსპერტი ვახტანგ მაისაია კი მიიჩნევს, რომ გაურკვეველი ამომრჩევლები - ოპოზიციის ელექტორატია.

„ეს საზოგადოების მზარდ აპათიას აჩვენებს. არსებობს ასევე კრიტიკული დამოკიდებულება ხელისუფლებისადმი. და ეს გაურკვეველი ამომრჩევლები ნამდვილად არ მისცემენ ხმას ხელისუფლებას“, - განაცხადა მაისაიამ.

ამასთან მან აღნიშნა, რომ ბოლო დროს საქართველოში გაჩნდა პოლიტიზებული გამოკითხვები და ორგანიზაციის მიხედვით, რომელიც ამ გამოკითხვებს ატარებს, შეიძლება დასკვნის გაკეთება, თუ რომელ ძალას წარმოადგენს ის. ამიტომაც გამოკითხვები იძლევა ბუნდოვან სურათს, რომელიც ძალიან განსხვავდება რეალურისგან.

76
თემები:
საქართველოს საპარლამენტო არჩევნები 2020
ადამიანი კლავიატურასთან

ქალი პოლიტიკოსები პირადი ცხოვრების კადრების გავრცელების წინააღმდეგ: პეტიცია არჩევნების წინ

94
განცხადებაში ნათქვამია, რომ სექსუალური ცხოვრების შესახებ ინფორმაციის გამოყენება შანტაჟისა ან დაშინების მიზნით დაუშვებელია

თბილისი, 19 სექტემბერი – Sputnik. ცნობილმა ქალმა პოლიტიკოსებმა საპარლამენტო არჩევნების დაწყებამდე 41 დღით ადრე ხელი მოაწერეს ერთობლივ განცხადებას, რომლითაც პირადი ცხოვრების ამსახველი კადრების გავრცელებას ეწინააღმდეგებიან, იუწყება „პირველი არხი“.

კომპრომატების და პირადი ცხოვრების კადრების გავრცელება ბოლო წლების „ბინძური პოლიტიკის“ ნაწილი გახდა. ბოლოჯერ სკანდალი აგორდა 2018 წელს დეპუტატ ეკა ბესელიას პირადი ცხოვრების კადრების გავრცელების შემდეგ, რომელიც სისხლის სამართლის საქმის აღძვრით დასრულდა.

„პირადი ცხოვრებით მანიპულირება, ან მისი გასაჯაროება ქალების პოლიტიკიდან განდევნის, მათი მორალური დისკრედიტაციის და სრული მარგინზალიზაციის ყველაზე სასტიკი მეთოდია. დაუშვებელია სექსუალური ცხოვრების ამსახველი ინფორმაციის გამოყენება დაშანტაჟების, შერცხვენის, დაშინების მიზნით“, - ნათქვამია ქალთა მიერ გავრცელებულ განცხადებაში.

ქალმა პოლიტიკოსებმა პირადი ცხოვრების კადრების გავრცელების ყველა მსხვერპლს სოლიდარობა გამოუცხადეს და მოუწოდეს სახელმწიფოს მსგავს ფაქტებზე რეაგირება განსაკუთრებული სიმკაცრით მოახდინოს.

ერთობლივ დეკლარაციას სხვადასხვა ქართული პარტიის 18-მა წარმომადგენელმა მოაწერა ხელი.

 

 

94
თემები:
საქართველოს პოლიტიკური ცხოვრება (152)
პეიზაჟი

კვირის ასტროპროგნოზი: სიყვარული, ფინანსები, სამუშაო 21–27 სექტემბერი

0
(განახლებულია 22:47 19.09.2020)
სექტემბერიც მალე მიილევა. ასტროლოგები მოგვითხრობენ, როგორ იმოქმედებენ ღამის მანათობლები ამ პერიოდში და როგორ უნდა ვიმოქმედოთ ჩვენ.

ამ კვირაში, სავარაუდოდ, ზოდიაქოს ბევრ ნიშანს ჩვეულებრივზე ნაკლები ძალა და მოტივაცია ექნება, მაგრამ ამის გამოსწორება შეიძლება. თითოეულ ნიშანს ძალისა და ენერგიის თავისი წყარო აქვს. ასტროლოგები გვირჩევენ, გამოვიყენოთ ჩვენი ფარული რეზერვები, რათა მანათობლების ნეგატიურ ზემოქმედებას გავუმკლავდეთ.

ვერძი

ვერძებს არცთუ მარტივი კვირა გელოდებათ, რადგან საქმე ბევრი გექნებათ და ხშირად მათი კონტროლი გაგიჭირდებათ. რაღაც მომენტებში შეიძლება დაიბნეთ კიდეც.

მოგიწევთ მოთმინებით აღჭურვა და ამასთან ფრთხილად მოქმედება. ასეთ რიტმში მუშაობა გიჭირთ, რადგან სწრაფად გინდათ წარმატების მიღწევა ყველაფერში, მაგრამ ახლა არ უნდა იჩქაროთ გადაწყვეტილებების მიღება, არ უნდა თქვათ დაუფიქრებელი ფრაზები. ამან, შესაძლოა, თქვენი გეგმებიდან ყველაფერი გააცამტვეროს. განსაკუთრებული სიფრთხილე გმართებთ 23 და 24 სექტემბერს.

ტიბეტური ჰოროსკოპი და ცხრილი – რომელი ცხოველია თქვენი მფარველი დაბადების წლის მიხედვით>>

კურო

კუროებს ტოქსიკურ ადამიანებთან გელოდებათ შეხვედრები, ასევე უსიამოვნებები სამსახურში ან საქმიანობაში. კარგი იქნება, თუ დროდადრო საკუთარ აურას გაასუფთავებთ. საუკეთესო ხერხია, არ „ჩაიციკლოთ“ უსიამოვნებებზე, რადგან ფიქრი ცუდ რამეებზე ცნობიერებას აბინძურებს და იღბალს დევნის. თუ შინაგანად მისცემთ თავს ბედნიერების უფლებას, ფორტუნაც არ დააყოვნებს.

კვირის ყველაზე ხელსაყრელი დღეები იქნება პარასკევი და უქმეები. ამ დღეებში ვარსკვლავები და პლანეტები სრულ ჰარმონიაში იქნებიან. შაბათ–კვირას გააკეთეთ ის, რაც მოგესურვებათ, ან სულაც არაფერი გააკეთოთ – ეს თქვენს ნება–სურვილზეა დამოკიდებული.

ტყუპი

სექტემბრის ბოლოს ჩვეულებრივზე მეტი მუშაობა და ძალისხმევის გამოჩენა მოგიწევთ. მნიშვნელოვანი მომენტი იქნება მეტოქეებისა და კონკურენტების ფხიზლად შეფასება. არ ღირს არაკეთილმოსურნეების არასათანადოდ შეფასება – მათ შორის, შესაძლოა, ძალზე ეშმაკი ადამიანები აღმოჩნდნენ.

რაც შეეხება სასიყვარულო სფეროს, მნიშვნელობის მხრივ ის ფინანსურ სფეროს არ ჩამორჩება. მარტოხელა ტყუპებმა სიყვარულის მიზიდულობის ოქროს წესებს უნდა მისდიოთ. ვისაც ჰყავს პარტნიორი, გამოიჩინეთ მის მიმართ მეტი ყურადღება და სიკეთე.

ხართ თუ არა ოხუნჯი, როგორ რეაგირებთ სხვის ხუმრობაზე - ნახეთ, ზუსტია თუ არა ჩვენი ჰოროსკოპი>>

კირჩხიბი

კვირის პირველი ორი დღე ძალზე დაძაბული და რთული იქნება. თუნდაც არაფერი ცხოვრებისეული გაუგებრობა და უსიამოვნება არ გელოდებოდეთ, მაინც მოსალოდნელია, რომ დათრგუნული განწყობა და აპათია დაგეუფლოთ. ოთხშაბათს ვარსკვლავების განწყობა აღდგება და კვირის ბოლომდე პოზიტიური დარჩება.

ეს იქნება შესანიშნავი პერიოდი დასვენების, გარემოს გამოცვლის, მოგზაურობისა და შოპინგისთვის. შეგიძლიათ ფულის თამამად დახარჯვა გართობაზე, თვითგანათლებაზე. კვირის ბოლოს დიდი წარმატებები გელოდებათ სასიყვარულო სარბიელზე. მარტოხელებს სიყვარულის პოვნის დიდი შანსი გაქვთ – მოიმატებს თქვენი ქარიზმა. ვისაც ჰყავს პარტნიორი, ისინი ურთიერთობებში არსებული პრობლემებისა და უსიამოვნებების მოგვარებას შეძლებენ.


ლომი
გააკეთეთ ის, რაც ყველაზე კარგად გამოგდით, იყავით ის, ვინც ხართ. ასტროლოგები გირჩევენ, არ შეასრულოთ სხვისი როლი იმისთვის, რომ საწინააღმდეგო სქესის წარმომადგენელზე, ხელმძღვანელობაზე ან მეგობრებზე შთაბეჭდილება მოახდინოთ. ბევრად მნიშვნელოვანია, დარჩეთ პატიოსანი, გულღია და გაჭირვებაში ჩავარდნილი ახლობლის დახმარებისთვის მზადმყოფი. ასეთ ლომს გარშემომყოფები ნამდვილად დააფასებენ.

ფინანსურ სფეროში ხელსაყრელი პერიოდი გელოდებათ. იღბლიანი იქნება კვირა მომსახურების სფეროში მომუშავე ლომებისთვის. გაითვალისწინეთ გარშემომყოფი ადამიანების ინტერესები. კვირის ყველაზე პროდუქტიული დღეებია 23, 24 და 25 სექტემბერი.

რამდენად გულწრფელი ხართ სიყვარულში – ამას ინდური ჰოროსკოპის მეშვეობით შეიტყობთ>>

ქალწული

21 სექტემბერს, სჯობს, სამუშაოზე თუ სახლში მოერიდოთ გაუგებრობებსა და პრობლემებს. ვარსკვლავები და პლანეტები მცირე დისონანსში იქნებიან, ამიტომ არ ღირს მნიშვნელოვანი გადაწყვეტილებების მიღება ცხელ გულზე. ეს შემდეგ სანანებელი გაგიხდებათ.

არ ღირს იმის დანგრევა, რასაც უკვე მიაღწიეთ. არ იჩხუბოთ მეგობრებთან, არ გაწყვიტოთ საქმიანი ან სასიყვარულო ურთიერთობები. ეს ეხება არა მხოლოდ ორშაბათს, არამედ კვირის ნებისმიერ დღეს. სჯობს, მოიცადოთ, კარგად დაფიქრდეთ და ვნებები რომ ჩაცხრება, შემდეგ ობიექტურად შეაფასოთ არსებული ვითარება.

სასწორი

სასწორებს ამ კვირაში, შესაძლოა, ისეთი უარყოფითი გრძნობები მოგეძალოთ, როგორიცაა შური, ბრაზი, წყენა ან ეჭვიანობა. ახლა მთავარია, საკუთარ თავს გვერდიდან შეხედოთ, გააანალიზოთ თითოეული აზრი და ნებისმიერი მოქმედება.

არა აქვს აზრი აჩქარებას. ვარსკვლავები და პლანეტები მშვიდი სასწორების მხარეს არიან, ვისაც გადაწყვეტილებების მიღება ორომტრიალის გარეშე შეუძლია. ეს ის დროა, როცა საჭიროა გარშემომყოფების, განსაკუთრებით ყველაზე ახლობელი ადამიანების რჩევების მოსმენა. ეს სასურველია მას მერეც, რაც ხელსაყრელი პერიოდი დადგება თქვენთვის – 25 სექტემბრიდან.

სამართლიანი, გონიერი, შემწყნარებელი - ზოდიაქოს სამი ყველაზე ბრძენი ნიშანი>>

მორიელი

მორიელებისთვის ეს კვირა პოზიტიური და იღბლიანი იქნება, რადგან ვარსკვლავები და პლანეტები საკმაოდ ხელსაყრელ მდგომარეობაში არიან. შეგიძლიათ თქვენი კომფორტის ზონის დატოვება, ახალი საქმეების დაწყება, ახალი იდეების განვითარება ბიზნესში, ძვირადღირებული ნივთების შეძენა, მივლინებაში წასვლა.

სიყვარულში დიდი წარმატებები ელოდება თამამ და გაბედულ მორიელებს, რომლებიც მიჩვეული არ არიან ლოდინს. საჭიროა ადამიანების დამოუკიდებლად გაცნობა, სიმორცხვის ან მერყეობის დაძლევა. ეს ის დროა, როცა ინიციატივისა და სითამამის წყალობით ცხოვრების სიყვარული შეიძლება იპოვოთ. ვისაც ჰყავს საყვარელი ადამიანი, მათთვის რეკომენდებულია ერთობლივი საქმიანობა.

მშვილდოსანი

ვარსკვლავები ორშაბათსა და შაბათს ცუდ განწყობაზე იქნებიან. მოგიწევთ შიშებთან, განგაშთან და აკვიატებულ აზრებთან ბრძოლა. დანარჩენ დღეებში ყველაფერი კარგად იქნება. განსაკუთრებით უნდა აღინიშნოს კვირა დღე, რომელიც კვირის ყველაზე ხელსაყრელი დღე გახდება.

ამ დღეს შეგიძლიათ შეიცვალოთ გარემო, წახვიდეთ საყიდლებზე. იყავით გულღია ახლობლებთან, ესაუბრეთ მათ საკუთარ გრძნობებზე, გაუზიარეთ მათ თქვენი სამომავლო გეგმები. ისინი მიხვდებიან, რომ მათ ენდობიან და აფასებენ მათ აზრს.

ზოდიაქოს ყველაზე ქარიზმატული ნიშნები>>

თხის რქა

თხის რქებმა განსაკუთრებული ყურადღება უნდა დაუთმოთ სიყვარულსა და ურთიერთობებს. ასტროლოგები აღნიშნავენ, რომ 21–25 სექტემბერს ვარსკვლავები ძალზე აღმშენებლობითი იქნებიან და დაგეხმარებიან მეორე ნახევრის პოვნაში. ძალზე მნიშვნელოვანია, რომ უკეთესობისთვის განეწყოთ.

სამუშაო დღეებში ასევე სასურველია, მეტი ურთიერთობები გქონდეთ მეგობრებთან და ნათესავებთან. შეგიძლიათ მოიწვიოთ სტუმრები, მოაწყოთ მცირე ზეიმი–დღესასწაული. უქმეებზე ასტროლოგები გირჩევენ, საოჯახო საქმეებს მიხედოთ და დრო სიმშვიდეში გაატაროთ; არ იფიქროთ სამუშაოზე, პრობლემებზე და კვირის სასიამოვნო დღეები არ დაამძიმოთ.

მერწყული

მერწყულებმა ეს კვირა სულიერ განვითარებასა და ახალი ცხოვრებისეული მიზნების დასახვას უნდა მიუძღვნათ. არ ღირს ბრძნული რჩევების უგულებელყოფა. შეგიძლიათ იზრუნოთ თვითგანვითარებაზე, ცოდნის მიღებაზე, ასევე წაიკითხოთ წიგნი ან უყუროთ შემეცნებით გადაცემებს.

ვისაც ამ კვირის მსუბუქად და მოდუნებულად გატარება სურს, ისინი მომავალში, სავარაუდოდ, სირთულეებს წააწყდებიან. ყველაზე რთული დღეებია 22 და 23 სექტემბერი. სამშაბათსა და ოთხშაბათს აჯობებს, თუ არ გადაიღლებით და არ გექნებათ სხვების დახმარების იმედი. პარასკევსა და შაბათს ფორტუნა გაგიღიმებთ – ამ დღეებში შეიძლება ახალი საქმის დაწყება.

ვის შეიძლება ვანდოთ საიდუმლო და ვის - არა, ანუ ზოდიაქოს ყველაზე „ლაქლაქა" ნიშნები>>

თევზები

ვარსკვლავები და პლანეტები შესანიშნავ განწყობაზე არიან, რაც თქვენს იღბალსა და მოტივაციაზე აისახება. ამ კვირაში შესაძლებელია ყველაზე სანუკვარი ოცნებების ასრულება. კარგი იქნება, თუ საკუთარ ძალებს ერთი მიზნის მიღწევისკენ მიმართავთ, რადგან სხვადასხვა მიზანზე გამოდევნება პროდუქტიულობაზე ნეგატიურად აისახება.

სიყვარულსა და ურთიერთობებში მნიშვნელოვანია, რომ ტყუილუბრალოდ კონფლიქტი არ დაიწყოთ. ასტროლოგები გირჩევენ, აპატიოთ გარშემომყოფებს. კვირის დასაწყისი ძალიან კარგი დროა მივლინებისთვის, ხოლო კვირის ბოლო – სახლის დასუფთავებისა და უსარგებლო ნივთებისგან გათავისუფლებისთვის.

0