საარჩევნო ურნა

Edison Research-ის გამოკითხვის შედეგები არჩევნების წინ: ვის „სწყალობს" მოსახლეობა

184
(განახლებულია 16:59 17.07.2020)
ამ ეტაპზე საქართველოს ყოველი მეხუთე ამომრჩეველი ჩამოყალიბებული არ არის, თუ ვის დაუჭერს მხარს საპარლამენტო არჩევნებზე.

თბილისი, 17 ივლისი — Sputnik. საქართველოს მოსახლეობის უმრავლესობა მიმდინარე წლის ოქტომბერში დაგეგმილ საპარლამენტო არჩევნებში მონაწილეობას გეგმავს, ასეთია ამერიკული კომპანია Edison Research-ის გამოკითხვის შედეგები, რომელიც ოპოზიციურად განწყობილმა ტელეკომპანია Formula-მ წარმოადგინა.

კვლევა 23 ივნისიდან 13 ივლისის პერიოდში – საპარლამენტო არჩევნებამდე თითქმის ოთხი თვით ადრე ჩატარდა.

გამოკითხვის თანახმად, არჩევნებში მონაწილეობას გეგმავს გამოკითხულთა 71%, დანარჩენი 29% კი მონაწილეობას არ აპირებს. ამასთან, თუ არჩევნები ხვალ გაიმართება, მაშინ გამოკითხულთა დიდი ნაწილი (39%) ხმას მმართველ პარტია „ქართული ოცნება - დემოკრატიულ საქართველოს" მისცემს. გამოკითხვაში მონაწილეთა 20%-ს კი გადაწყვეტილება მიღებული არ აქვს.

რაც შეეხება ოპოზიციას, 16% მზადაა ხმა მისცეს „ერთიან ნაციონალურ მოძრაობას", 5% კი „ევროპულ საქართველოს" უჭერს მხარს.

1%-იანი ბარიერის პირობებში პარლამენტში მოხვედრის შანსები ასე აქვთ შემდეგ ოპოზიციურ პარტიებს:

პარტია ლიდერი გამოკითხულთა მხარდაჭერა (%)
„საქართველოს ლეიბორისტული პარტია" შალვა ნათელაშვილი 3%
„ლელო საქართველოსთვის" მამუკა ხაზარაძე 3%
„ახალი საქართველო" გიორგი ვაშაძე 3%
„საქართველოს პატრიოტთა ალიანსი" ირმა ინაშვილი 3%
„გირჩი" ზურაბ ჯაფარიძე 2%
„მოქალაქე" ალეკო ელისაშვილი 2%
„ერთიანი საქართველო" ნინო ბურჯანაძე 1%
„გამარჯვებული საქართველო" ირაკლი ოქრუაშვილი 1%
„სამართლიანობისთვის" ეკ ბესელია 1%
„თავისუფალი საქართველო" კახა კუკავა 1%

ამასთან, გამოკითხულთა 59%-ს ხელისუფლებაში ახალი პარტიის ნახვა სურს, დანარჩენების სურვილია, რომ მმართველი პარტია "ქართული ოცნება" ხელისფლებაში მესამე ვადით დარჩეს.

გარდა ამისა, გამოკითხულთა 56%-ს მიაჩნია, რომ ოპოზიციის ხელისუფლებაში მოსვლა ქვეყნის განვითარებაზე დადებითად აისახება, 44% კი თვლის, რომ ყველაფერი გაუარესდება.

გამოკითხვა თბილისსა და რეგიონებში პირდაპირი ინტერვიუს გზით ჩატარდა. მასში მონაწილეობა მიიღო 18 წელზე უფროსი ასაკის 2 ათასმა საქართველოს მოქალაქემ. ცდომილება +/- 2,1%-ს შეადგენს.

184
თემები:
საქართველოს საპარლამენტო არჩევნები 2020 (150)
ცესკო

ცესკოში საპარლამენტო არჩევნებზე დამკვირვებელთა რეგისტრაცია გრძელდება

41
(განახლებულია 15:31 24.09.2020)
ამ დროისათვის ცესკოში საპარლამენტო არჩევნებზე საერთაშორისო დამკვირვებლის სტატუსით რეგისტრაცია ექვსმა ორგანიზაციამ გაიარა.

თბილისი, 24 სექტემბერი — Sputnik. ცენტრალურმა საარჩევნო კომისიამ ამ დროისათვის ექვსი საერთაშორისო და 53 ადგილობრივი ორგანიზაცია დაარეგისტრირა, რომლებიც არჩევნების მსვლელობას დააკვირდებიან, ნათქვამია ცესკოს ვებ-გვერდზე გამოქვეყნებულ მასალებში.

საქართველოში საპარლამენტო არჩევნები 31 ოქტომბერს არის დანიშნული. პარალელურად ამავე დღეს აჭარის უმაღლესი საბჭოს და რამდენიმე მუნიციპალიტეტში მერებისა და საკრებულოს დეპუტატების არჩევნები ჩატარდება. 

ამ ეტაპზე სადამკვირვებლო ორგანიზაციებს მხოლოდ განაცხადები შეაქვთ. ორგანიზაციებისა და დამკვირვებლების ზუსტი რაოდენობა ცნობილი არჩევნებამდე ერთი კვირით ადრე გახდება.

ამ დროისათვის ცესკომ საერთაშორისო დამკვირვებლის სტატუსით დაარეგისტრირა: „ადამიანის უფლებათა საერთაშორისო საზოგადოება" (ISHR), „საერთაშორისო რესპუბლიკური ინსტიტუტი" (IRI), „საერთაშორისო საქმეთა ეროვნული დემოკრატიული ინსტიტუტი" (NDI), „საარჩევნო სისტემების საერთაშორისო ფონდი" (IFES), „ინიციატივა დიალოგისა და დემოკრატიისთვის" (SILBA) და ამერიკის შეერთებული შტატების საელჩო საქართველოში.

ადგილობრივი ორგანიზაციების რაოდენობა გაცილებით მეტია – 53, მათ შორის არიან ისეთი გამოცდილი ორგანიზაციები, როგორიცაა „საქართველოს ახალგაზრდა იურისტთა ასოციაცია“, „საერთაშორისო გამჭვირვალობა – საქართველო“, „სამართლიანი არჩევნებისა და დემოკრატიის საერთაშორისო საზოგადოება“ და ა.შ. კენჭისყრის პროცესების გაშუქების მიზნით ცესკოში აკრედიტაციას მასმედიის წარმომადგენლებიც გადიან. ამ დროისათვის რეგისტრაცია უკვე გაიარა 16-მა მედია-ორგანიზაციამ.

41
თემები:
საქართველოს საპარლამენტო არჩევნები 2020 (150)
ცესკო

როგორ უნდა მოხდეს საკარანტინო სივრცეებში არჩევნების ორგანიზება? შეხვედრა ცესკოში

52
(განახლებულია 13:42 24.09.2020)
საარჩევნო უბნებზე ამომრჩევლებისა და კომისიების წევრებისთვის სანიტარიულ-ჰიგიენური წესები  სპეციალურმა სამუშაო ჯგუფმა შეიმუშავა, რომელშიც ცესკოს, პოლიტიკური პარტიების, სამოქალაქო სექტორის და საერთაშორისო ორგანიზაციების წარმომადგენლები შედიან.

თბილისი, 24 სექტემბერი — Sputnik. ცენტრალური საარჩევნო კომისია იმ სავალდებული წესებისა და რეკომენდაციების შემუშავების საკითხებზე მუშაობს, რაც სტაციონარულ სამკურნალო დაწესებულებებსა და საკარანტინო სივრცეებში კენჭისყრის ორგანიზებისას უნდა იყოს გათვალისწინებული, ნათქვამია უწყების ვებ-გვერდზე გავრცელებულ ინფორმაციაში. 

გუშინ ცესკოს თავმჯდომარემ თამარ ჟვანიამ ჯანდაცვის მინისტრის მოადგილესთან გიორგი წოწკოლაურთან და დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილესთან პაატა იმნაძესთან სამუშაო შეხვედრა გამართა.

შეხვედრის მონაწილეებმა ის შესაძლებლობები და რისკები განიხილეს, რაც სტაციონარულ სამკურნალო დაწესებულებებსა და საკარანტინო სივრცეებში არჩევნების ორგანიზებას უკავშირდება.

„ამ საკითხებზე მსჯელობა ხელს შეუწყობს საარჩევნო ადმინისტრაციის პოზიციის ჩამოყალიბებას, რომელიც შემდგომ  სპეციალურ სამუშაო ჯგუფთან განიხილება. ცესკომ სწორედ ამ სამუშაო ჯგუფთან ერთად უკვე შეიმუშავა კენჭისყრის დღის ეპიდემიოლოგიური პროტოკოლი“, – ნათქვამია ცესკოს მიერ გავრცელებულ ინფორმაციაში.

საარჩევნო უბნებზე ამომრჩევლების, საარჩევნო კომისიების წევრებისა და ჩართული მხარეებისთვის სანიტარიულ–ჰიგიენური წესები სპეციალურმა სამუშაო ჯგუფმა შეიმუშავა, რომელშიც საარჩევნო ადმინისტრაციის, პოლიტიკური პარტიების, სამოქალაქო სექტორის და საერთაშორისო ორგანიზაციების წარმომადგენლები შედიან. 

საქართველოში საპარლამენტო არჩევნები 31 ოქტომბერს არის დანიშნული. დღეს არსებული ეპიდემიოლოგიური მდგომარეობის პირობებში აუცილებელია ყველაფერი გაკეთდეს, რათა, ერთი მხრივ, დაცული იყოს არჩევნებზე ხმის მიცემასთან დაკავშირებული ადამიანის ფუნდამენტური უფლება, ხოლო მეორე მხრივ – ქვეყანაში ინფექციის შემდგომი გავრცელების პრევენცია მოხდეს.

ცესკომ უკვე მიიღო დადგენილება, რომლითაც რეგულირდება კენჭისყრის შენობებში შესვლის, გამოსვლის, ყოფნის, გადაადგილების, თერმოსკრინინგის, პირბადის გამოყენების, საარჩევნო უბანზე უფლებამოსილი პირის სხვა პირით ჩანაცვლების წესები.

კენჭისყრის დღეს საარჩევნო უბნებზე კომისიის ყველა წევრი და ამომრჩევლები პირბადეებით უნდა გამოცხადდნენ.

კენჭისყრის შენობის შესასვლელებთან განთავსებული იქნება დეზობარიერი, ხელის დეზინფექციისთვის საჭირო ხსნარი და ინფორმაცია ვირუსის გავრცელების პრევენციული ღონისძიებების შესახებ.  

კომისიის წევრებმა, რომელთაც უშუალო შეხება აქვთ ბიულეტენებთან, კონვერტებთან, სიებთან, უნდა გამოიყენონ ხელთათმანები.

ამომრჩეველს კენჭისყრის პერიოდში პირბადის მოხსნა ორჯერ მოუწევს – კენჭისყრის ოთახში შესვლისას და რეგისტრატორის მაგიდასთან იდენტიფიცირებისას. პირბადის გამოყენებაზე გამონაკლისი დაშვებული იქნება იმ პირებისთვის, ვისაც ჯანმრთელობის მდგომარეობის გამო უჭირს პირბადის ტარება. ამ შემთხვევაში აღნიშნულმა პირმა სამედიცინო ცნობა უნდა წარადგინოს.

ცენტრალურ საარჩევნო კომისიაში არჩევნებში მონაწილეობისთვის 58 პარტია და ორი ბლოკია რეგისტრირებული. პარლამენტში სულ 150 ადგილია, აქედან 120 ადგილს დაიკავებენ პარტიებიდან და ბლოკებიდან პროპორციული სისტემით არჩეული კანდიდატები, 30-ს კი ერთმანდატიან საარჩევნო ოლქში გამარჯვებული კანდიდატები.

52
თემები:
საქართველოს საპარლამენტო არჩევნები 2020 (150)
ბათუმი

გამყრელიძე:  მნიშვნელოვანია აჭარის რეგიონში კამპანია „დარჩი სახლში“ კვლავ ამოქმედდეს

0
(განახლებულია 15:32 24.09.2020)
საქართველოში ბოლო 24 საათში გამოვლენილი კორონავირუსის 259 ახალი შემთხვევიდან 164 აჭარაში დადასტურდა.

თბილისი, 24 სექტემბერი - Sputnik. ვინაიდან აჭარაში ინფიცირების მაღალი მაჩვენებელია,  მნიშვნელოვანია რეგიონში კამპანია  „დარჩი სახლში“  კვლავ ამოქმედდეს,  განაცხადა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ.

ეპიდემიოლოგებმა აჭარას COVID-19-ის გავრცელების თვალსაზრისით „წითელი ზონა“ უკვე უწოდეს - ბოლო 24 საათში კორონავირუსის 259 ახალი შემთხვევიდან 164 აჭარაში გამოვლინდა. რეგიონში სულ ინფიცირების ათასზე მეტი აქტიური შემთხვევაა. 

 

შექმნილი ეპიდვითარების ფონზე გამყრელიძემ  განსაკუთრებით ხანდაზმულებს მოუწოდა, რომ ვითარების დასტაბილურებამდე მობილობა შეამცირონ.

„განსაკუთრებით მოვუწოდებ ხანდაზმულებს,  ვიდრე აჭარაში სიტუაცია  დასტაბილურდება, შეამცირონ მობილობა. რა თქმა უნდა, მათ არავინ დააჯარიმებს, მაგრამ სასურველია, რომ  რეგიონში კამპანია „დარჩი სახლში“  კვლავ ამოქმედდეს“, – განაცხადა გამყრელიძემ.

უწყებათაშორისი საკოორდინაციო საბჭოს გადაწყვეტილებით,  აჭარაში ხვალიდან  რიგი შეზღუდვები ამოქმედდება, რომელიც კორონავირუსის  მხრივ რთული ეპიდემიური ვითარების გათვალისწინებით წესდება.   კერძოდ, საღამოს 10  საათიდან დილამდე  მუშაობას შეწყვეტენ რესტორნები. მთლიანად გაჩერდება საზოგადოებრივი ტრანსპორტი. ამასთან, 1 ოქტომბრიდან  სასწავლო პროცესი ყველა საფეხურზე დისტანციურად გაგრძელდება.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 259-ით გაიზარდა და 4399-ს მიაღწია, გამოჯანმრთელდა 1705 ადამიანი, გარდაიცვალა 26 პაციენტი.

0
თემები:
COVID-19 საქართველოში