გიორგი ბარამიძე

ძალა ერთობაში აღარაა: „ნაცმოძრაობამ“ შეიძლება დატოვოს თანამოაზრეთა კოალიცია

211
(განახლებულია 23:24 08.07.2020)
იმ შემთხვევაში, თუ ერთ-ერთი ყველაზე გავლენიანი ოპოზიციური პარტია - „ნაციონალური მოძრაობა“ დატოვებს კოალიცია „ძალა ერთობაშიას“, ოპოზიციური გაერთიანების შანსები არჩევნებზე მნიშვნელოვნად შემცირდება

თბილისი, 8 ივლისი – Sputnik. „ერთიანი ნაციონალური მოძრაობა“ არ ადასტურებს და არც უარყოფს ხმებს თავისი გასვლის შესახებ ოპოზიციური კოალიციიდან „ძალა ერთობაშია“, მაგრამ ღიად გამოთქვამს უკმაყოფილებას იმით, რომ გარკვეული გადაწყვეტილებები მასში მათ ზურგს უკან მიიღება.

ენმ-ის ერთ-ერთმა ლიდერმა გიორგი ბარამიძემ გაერთიანებული ოპოზიციური კოალიციიდან მისი პარტიის გასვლის შესახებ ხმების კომენტირებისას განაცხადა, რომ ამ კოალიციაში ანგარიში უნდა გაუწიონ „ნაციონალურ მოძრაობას“.

ოპოზიციურ-ქალური სოლიდარობა - ნინო ბურჯანაძემ ეკა ბესელიას ინიციატივას მხარი დაუჭირა >>

„საბოლოო ჯამში, გადაწყვეტილებას მიიღებს „ნაციონალური მოძრაობის“ ჯერ სამდივნო და შემდეგ პოლიტიკური საბჭო. სამწუხაროდ, მიუხედავად იმისა, რომ ჩვენ გვაქვს შეთანხება კოორდინირებულად ვიმოქმედოთ, ძალიან მნიშვნელოვან საკითხზე, ვთქვათ, ვინ შეიძლება იყოს ჩვენი მომავალი პრემიერ-მინისტრი, „ნაციონალური მოძრაობის“ ზურგსუკან იყო გაკეთებული განცხადებები და კამპანიაც წარმოებული ამასთან დაკავშირებით... საკმაოდ პრობლემატური ნაბიჯებია, მაგრამ ჩვენ ამ მომენტისთვის არ მიგვიღია არანაირი გადაწყვეტილება“, – განაცხადა ბარამიძემ.

მისი თქმით, პარტიაში საკმაოდ ბევრი განსახილველი საკითხი დაგროვდა, მიმდინარეობს აქტიური მზადება საპარლამენტო არჩევნებისთვის.

„ჩვენი ამოცანაა, არჩევნებზე ვითანამშრომლოთ ოპოზიციასთან და ერთიანი პოზიციები გვქონდეს. იცით თქვენ, რომ სააკაშვილმა შესთავაზა პარტიებს ერთიანი სია, ეს არ იყო მიღებული, მაგრამ შეგვიძლია სხვა მიმართულებებითაც ვითანამშრომლოთ. ჩვენი შეთავაზება ძალაშია მაჟორიტარებთან მიმართებაში თბილისში, ამიტომ რვა მაჟორიტარული ოლქიდან მხოლოდ ორში დავასახელეთ კანდიდატურა, დანარჩენი ექვსი პარტნიორებს დავუთმეთ“, – განაცხადა ბარამიძემ.

ამასთან მას არ უხსენებია „ერთიანი ნაციონალური მოძრაობის“ გეგმები კოალიცია „ძალა ერთობაშიას“ დატოვებასთან დაკავშირებით. ეს კოალიცია ათმა ოპოზიციურმა პარტიამ საპრეზიდენტო არჩევნებზე „ნაციონალების“ კანდიდატის - გრიგოლ ვაშაძის მხარდაჭერის მიზნით შექმნა.

„ძალა ერთობაშიას“ შესაძლო დაშლის შესახებ ხმების გაქარწყლებას შეეცადა კოალიციის წევრი ნიკა მაჭუტაძე, რომელმაც ამ ხმებს „ზედმეტად გადაჭარბებული“ უწოდა. მისი თქმით, ის დარწმუნებულია, რომ „ნაციონალური მოძრაობა“ გაერთიანებას არ დატოვებს.

„ერთიანი ნაციონალური მოძრაობა“, ჩემი დადასტურებული ინფორმაციით, არის ერთგული შეთანხმებისა. მას არ გაუკეთებია არავითარი განცხადება, რომელიც გულისხმობდა ამ შეთანხმებიდან ან კოალიციიდან გასვლას. დარწმუნებული ვარ, რომ „ნაციონალური მოძრაობა“ კოალიციას არ დატოვებს. გია ბარამიძის განცხადებაში, რასაკვირველია, არის ის მარცვალი, რომელიც შესაძლოა, კოალიციაში არსებულ გარკვეულ სირთულეებს ასახავს, მაგრამ ეს არის პოლიტიკური კოალიცია და პოლიტიკურ კოალიციაში, როგორც წესი, არის ხოლმე სირთულეები, რომლებიც უნდა გადაილახოს და გადაილახება“, – აცხადებს ნიკა მაჭუტაძე.

ოპოზიციური გაერთიანების დაწყებული დაშლისა და კოალიციიდან „ნაცმოძრაობის“ გასვლის შესახებ ინფორმაცია სამშაბათს ტელეკომპანია „იმედმა“ გაავრცელა, შემდეგ კი ის სხვა მედიებმაც აიტაცეს.

აშშ-მა საქართველოს ფინანსური დახმარება გაუყინა? დეპუტატები სკანდალურ ინფორმაციას უარყოფენ >>

აღნიშნულის დასტურად ტელეკომპანიას მოჰყავს კოალიციის ერთ-ერთი ლიდერის, გიორგი ვაშაძის ინტერვიუ, რომელიც აცხადებს, რომ „ძალა ერთობაშია“ მუშაობას ჩვეულ რეჟიმში აგრძელებს, მაგრამ არავინ არ იცის, ხვალ რა მოხდება.

„ძალა ერთობაშიას“ წევრები ასევე აცხადებენ, რომ წერილობითი შეთანხმების მიუხედავად, „ერთიან ნაციონალურ მოძრაობას“ ჯერ არ აქვს გადაწყვეტილი, იყაროს კენჭი საპარლამენტო არჩევნებზე მათთან ერთად თუ დამოუკიდებლად.

ეს საკითხი ჯერჯერობით ღიად რჩება.

211
თემები:
საქართველოს პოლიტიკური ცხოვრება (128)
გრიგოლ ვაშაძე

„ნაცმოძრაობა“ მალე დეპუტატობის კანდიდატებს წარადგენს: ვინ იქნება სიაში

74
(განახლებულია 20:33 12.08.2020)
უკვე ცნობილია, რომ „ნაციონალური მოძრაობიდან“ დეპუტატის სავარძელზე პრეტენზიას განაცხადებს ყოფილი საგარეო საქმეთა მინისტრი გრიგოლ ვაშაძე.

თბილისი, 12 აგვისტო – Sputnik. ყოფილი მმართველი პარტია „ერთიანი ნაციონალური მოძრაობა“ უახლოეს ათ დღეში რეგიონებში ყველა მაჟორიტარ კანდიდატს წარადგენს, განაცხადა პარტიის ერთ-ერთმა ლიდერმა რომან გოცირიძემ „პირველი არხის“ ეთერში.

„ძალა ერთობაშია“ იშლება? ვინ ტოვებს გაერთიანებას >>

წინასაარჩევნო კამპანია აქტიურ ფაზაში შედის. დღეისათვის 30 ერთმანდატიან ოლქში კანდიდატების ვინაობა სრულად განსაზღვრა მმართველმა პარტიამ „ქართული ოცნება“. რაც შეეხება ოპოზიციას, ის თბილისის რვიდან ექვს ოლქში შეთანხმდა ერთობლივი კანდიდატების შესახებ, ხოლო დანარჩენი ორი ოლქის შესახებ შეთანხმება ჯერ კიდევ არ არის მიღწეული, შესაძლოა ამ ოლქების საკითხი თითოეულმა პარტიამ დამოუკიდებლად გადაწყვიტოს.

„მაჟორიტარების სიას უახლოეს ათ დღეში წარვადგენთ, ჯერჯერობით ვმუშაობთ ამ სიაზე“, – განაცხადა რომან გოცირიძემ.

თუმცა, გოცირიძემ პარტიის შიგნით უკვე შეთანხმებული რამდენიმე კანდიდატიც დაასახელა.

მაგალითად, ქუთაისში „ნაციონალური მოძრაობიდან“ კენჭს იყრის ქუთაისის მერობის და საქართველოს პრეზიდენტობის ყოფილი კანდიდატი, ყოფილი საგარეო საქმეთა მინისტრი გრიგოლ ვაშაძე.

რუსთავში პარტია წარადგენს ქვემო ქართლის ყოფილ გუბერნატორს დავით კირკიტაძეს, საგარეჯოში – პარტიის პოლიტსაბჭოს წევრს ლევან ბეჟაშვილს, სამტრედიაში – გენშტაბის ყოფილ მეთაურს დევი ჭანკოტაძეს.

დღეისათვის მაჟორიტარების ნაწილი რეგიონებში უკვე წარადგინეს ოპოზიციურმა პარტიამ „ევროპული საქართველო - მოძრაობა თავისუფლებისთვის“, ასევე „ლელომ“, პარტიამ „სამართლიანი საქართველოსთვის“ და ლეიბორისტულმა პარტიამ.

კანონმდებლობის თანახმად, პარტიებს თავიანთი კანდიდატების შესათანხმებლად და ცესკოში მათ წარსადგენად დრო სექტემბრის შუა რიცხვებამდე აქვთ.

საქართველოში სულ 30 ერთმანდატიანი ოლქია, საიდანაც რვა თბილისშია. თითოეულ ოლქში გამარჯვებული გახდება ის კანდიდატი, რომელიც ამომრჩევლების ხმების ნახევარზე მეტს მიიღებს. წინააღმდეგ შემთხვევაში საუკეთესო შედეგების მქონე ორი კანდიდატი ერთმანეთს მეორე ტურში სამი კვირის თავზე დაუპირისპირდება.

74
თემები:
საქართველოს პოლიტიკური ცხოვრება (128)
თბილისის ცენტრი

საქართველოს ყოველი მესამე მცხოვრები ხმას „ქართულ ოცნებას“ მისცემს IRI-ს გამოკითხვა

141
(განახლებულია 20:25 12.08.2020)
გამოკითხვის თანახმად, პარტიების რეიტინგში მეორე ადგილზე ყოფილი მმართველი პარტია „ერთიანი ნაციონალური მოძრაობაა“.

თბილისი, 12 აგვისტო – Sputnik. მმართველი პარტია „ქართული ოცნება - დემოკრატიული საქართველო“ პარტიების რეიტინგის ლიდერია. ამაზე აშშ-ის საერთაშორისო რესპუბლიკური ინსტიტუტის (IRI) მიერ ივნისში ჩატარებული გამოკითხვის შედეგები მეტყველებს.

სამი მილიონერი პარტია და სხვა დანარჩენი: ვის რამდენი შესწირეს >>

კითხვას, „თუ საპარლამენტო არჩევნები უახლოეს კვირას ჩატარდება, ვის მისცემთ ხმას?“ – 33%-მა უპასუხა, რომ მხარს მმართველ პარტიას დაუჭერს, 16% მზადაა ყოფილი მმართველი პარტია „ერთიანი ნაციონალური მოძრაობა“ აირჩიოს.

რაც შეეხება დანარჩენ პარტიებს, ხმები შემდეგნაირად გადანაწილდა:

პარტია გამოკითხულთა წილი
„ევროპული საქართველო - მოძრაობა თავისუფლებისთვის"  5%
„ახალი საქართველო - სტრატეგია აღმაშენებელი" 3%
„საქართველოს პატრიოტთა ალიანსი" 3%
„საქართველოს ლეიბორისტული პარტია" 2%
„მოქალაქე" ალეკო ელისაშვილი 2%
„ახალი პოლიტიკური ცენტრი - გირჩი" 2%
„ლელო საქართველოსთვის" 2%
„ერთიანი საქართველო - დემოკრატიული მოძრაობა" 1%
„გამარჯვებული საქართველო" 1%

კითხვაზე პასუხი ჯერ არ აქვს ან პასუხის გაცემაზე უარი თქვა 28%-მა და მხოლოდ 1%-მა განაცხადა, რომ მათ არც ერთი პარტია არ მოსწონთ.

გამოკითხულებს დაუსვეს ასევე კითხვა, რომელ პარტიას არ დაუჭერდნენ მხარს არასდროს. შედეგები ამგვარი აღმოჩნდა: „ნაცმოძრაობას“ არასდროს არ მისცემს ხმას 29%, „ქართულ ოცნებას“ – 25%, „გირჩს“ – 16%, „პატრიოტთა ალიანსს“ – 12%.

მათ შემდეგ ანტირეიტინგში მოდიან „ლეიბორისტული პარტია“, პარტია „სამართლიანობისათვის“ და „ერთიანი საქართველო“, რომელთა სასარგებლოდაც ხმის მიცემას არ აპირებს გამოკითხულთა 9%.

7% არასოდეს დაუჭერს მხარს „ევროპულ საქართველოს“, 6-6% - „კონსერვატიულ პარტიას“, „გამარჯვებულ საქართველოს“ და „ლელოს საქართველოსთვის“. „ახალ საქართველოს“, „თავისუფალ საქართველოს“, „რესპუბლიკურ პარტიასა“ და პარტია „მოქალაქეს“ არასდროს მისცემს ხმას გამოკითხულთა 4%.

29%-მა პასუხის გაცემაზე უარი თქვა ან გაუჭირდა კითხვაზე პასუხის გაცემა.

კვლევა 4 ივნისიდან 2 ივლისის ჩათვლით პერიოდში პირდაპირი გამოკითხვის გზით ჩატარდა. მასში მონაწილეობა მიიღო 1,5 ათასმა სრულწლოვანმა რესპონდენტმა. გამოკითხვის ცდომილება შეადგენს +/-2,5%-ს.

141
თემები:
საქართველოს პოლიტიკური ცხოვრება (128)
მთვარის ფაზები

მთვარის კალენდარი: 13 აგვისტო რისი გაკეთება შეიძლება და რისი არა

0
(განახლებულია 16:05 11.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

13 აგვისტო, ხუთშაბათი. ამ დღეს იუპიტერი მართავს. კლებადი მთვარე ტყუპის ნიშანშია.

ტყუპის დღეები კარგია კონტაქტებისა და ურთიერთობებისთვის, გაცნობისა და იდეების ურთიერთგაცვლისთვის. ხელსაყრელი დროა ინფორმაციების მოპოვებისა და დამუშავებისთვის, სრწფად გასაკეთებელი საქმეებისთვის.

მთვარე ტყუპში – ესაა მსუბუქი ურთიერთობების დრო, რომელიც არაფერს ავალდებულებს ადამიანებს. კარგად ეწყობა ახალი ნაცნობობა. ადამიანები უფრო გულგახსნილი, მიმნდობი და კომუნიკაბელური ხდებიან.

რეკომენდებულია ფულთან დაკავშირებული საქმიანობა, მიმდინარე საქმეების განხილვა და რთული საკითხების განხილვის გადადება, დაგეგმილის რეალიზება, საბუღალტრო ოპერაციები, ბიზნეს–საქმიანობა, მნიშვნელოვანი პროექტების დასრულება, აქტიურობა, უძრავ ქონებასთან დაკავშირებით: მშენებლობის საძირკვლის ჩაყრა, რემონტის დაწყება, უძრავი ქონების ყიდვა, გამოფენების, კონცერტების მოწყობა, სწავლა, კვალიფიკაციის ამაღლება.

არარეკომენდებული აჩქარება, საფუძვლიანი მიზეზის გარეშე ხელმძღვანელობისთვის მიმართვა, კონტრაქტების გაფორმება.

კარგი დღეა მგზავრობისთვის.

თმის შეჭრა, შეღებვა: თმის შეჭრისთვის ნეიტრალური დღეა. დაჩქარდება თმის ზრდის პროცესი, მაგრამ თმა დაუმორჩილებელი გახდება. შეღებვისთვის ძალიან კარგი დღეა.

მანიკურისთვის არასასურველი დღეა.

მებაღეობა: მთვარის კლების ფაზის დროს, ტყუპის ნიშანში, მცენარეები ისვენებენ, მათი წვენი ფესვებისკენ ისწრაფვის, მცირდება მცენარეების სიცოცხლისუნარიანობა. კარგი დღეა გადარგვის, გასხვლის, შეწამვლის, მოსავლის აღებისთვის.

ეფექტური იქნება ზედმეტი ყლორტების მოშორება–გაკრეჭა, გამარგვლა, კულტივირება, მულჩირება, სამკურნალო მცენარეების მოგროვება, ხილისა და კენკროვანების დაკრეფა.

0