Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

თუ შვეიცარიაში მოგზაურობა გსურთ: 20 ივლისიდან საზღვარი „ღიაა“

CC0 / Pixabay / შვეიცარიის დროშა
შვეიცარიის დროშა - Sputnik საქართველო
გამოწერა
შვეიცარია 20 ივლისიდან ევროკავშირის იმ ქვეყნებს შეუერთდება, რომლებიც საქართველოს მოქალაქეებისთვის საზღვრებს ხსნიან.

თბილისი, 2 ივლისი – Sputnik. შვეიცარია საქართველოს მოქალაქეებისთვის ქვეყანაში შესვლაზე დაწესებულ შეზღუდვებს 20 ივლისიდან გააუქმებს, აღიშნული ინფორმაცია schengenvisainfo-ზეა გამოქვეყნებული. გადაწყვეტილება შვეიცარიის ფედერალურმა საბჭომ 1 ივლისს მიიღო. 

ნათია თურნავა - Sputnik საქართველო
ევროპის მიმართულებით ყველა ავიარეისი და ბილეთის გაყიდვა შეთანხმდება – თურნავა

შეზღუდვების გაუქმება შეეხება ევროკავშირის არაწევრ ქვეყნებს: კანადას, ავსტალიას, ახალ ზელანდიას, რუანდას, იაპონიას, სამხრეთ კორეას, ალჟირს, ტუნისს, მაროკოს, ტაილანდს, ურუგვაის, ბულგარეთს, ირლანდიას, ხორვატიას, რუმინეთსა და კვიპროსს.

შვეიცარიის ხელისუფლებამ ამ ეტაპზე ქვეყანაში შესვლაზე უარი უთხრა სებეთის, მონტენეგროსა და ჩინეთის მოქალაქეებს.

მანამდე ევროკავშირმა საქართველო უსაფრთხო 15 ქვეყნის სიაში შეიყვანა, რომელთათვისაც 1 ივლისიდან საზღვრების გახსნის გადაწყვეტილება მიიღო.

საქართველოსა და რამდენიმე მესამე ქვეყნისთვის საკუთარი საზღვრების გახსნის შესახებ განცხადება უკვე გააკეთეს გერმანიამ, ნიდერლანდებმა, ესპანეთმა, საფრანგეთმა და ლატვიამ.

ამასთანავე ცნობილი გახდა, რომ ავსტრია ქვეყანაში შესვლაზე შეზღუდვებს ევროკავშირის არაწევრი ქვეყნებისთვის, მათ შორის საქართველოსთვის, მხოლოდ 30 სექტემბრიდან აუქმებს. ამის შესახებ იუწყება საქართველოს საელჩო ვენაში.

საქართველომ, თავის მხრივ, კონკრეტული ავიაკომპანიებისთვის საჰაერო სივრცე 1 ივლისიდან გახსნა, მიუხედავად იმისა, რომ რეგულარული ავიამიმოსვლის აღდგენა 1 აგვისტომდე გადადო. საქართველოს პრემიერ-მინისტრის გიორგი გახარიას განცხადებით, აღნიშნული გადაწყვეტილება ქვეყნის მოქალაქეებზე ზრუნვითაა განპირობებული.

ყველა ახალი ამბავი
0