ვახტანგ გომელაური

გომელაური: ქვეყნიდან რუსეთის მოქალაქეების გაძევებას არავინ აპირებს

114
(განახლებულია 16:55 30.06.2020)
როგორც რუსეთის, ისე სხვა ქვეყნების მოქალაქეების, რომლებმაც პანდემიის გამო ქვეყნის დატოვება ვერ მოახერხეს, ქვეყანაში ლეგალურად ყოფნის ვადა 31 ივლისამდე გაგრძელდა.

თბილისი, 30 ივნისი — Sputnik. კორონავირუსის პანდემიის პერიოდში საქართველოში რუსეთის ბევრი მოქალაქე დარჩა, რომლებმაც ვერ მოასწრეს ქვეყნიდან გასვლა. ყველა მათგანს აქვს უფლება, ლეგალურად იმყოფებოდეს საქართველოს ტერიტორიაზე, განაცხადა მთავრობის ადმინისტრაციაში გამართულ ბრიფინგზე შინაგან საქმეთა მინისტრმა ვახტანგ გომელაურმა.

რუსეთის მოქალაქეებისთვის 2015 წლიდან საქართველოში უვიზოდ ყოფნა ნებადართულია ერთი კალენდარული წლის განმავლობაში. ეს, არსებითად, ნიშნავს, რომ რუს ტურისტს, მოქმედი საზღვარგარეთის პასპორტით, ქვეყნის ტერიტორიაზე შეუძლია იყოს 365 დღის განმავლობაში.

„რუსეთის მოქალაქეების ნაწილი პანდემიის დაწყების შემდეგ საქართველოში დარჩა; უკვე რამდენიმე თვეა აქ არიან. ლეგალურად არიან და აქვთ აქ ყოფნის უფლება, ვადა არ გათავებიათ ქვეყანაში ყოფნის და მათ იძულებით ვერ გავუშვებთ", – განაცხადა გომელაურმა.

ამას გარდა, საქართველოს ხელისუფლებამ ცვლილებები შეიტანა იანვრის დადგენილებაში უცხოელების ან მოქალაქეობის არმქონე პირების საქართველოს ტერიტორიაზე ლეგალურად ყოფნის ვადების შესახებ და ეს ვადა 31 ივლისამდე გააგრძელა.

ცვლილებები ეხება იმ პირებს, ვინც 2020 წლის 14 მარტისთვის ლეგალურად იმყოფებოდა საქართველოს ტერიტორიაზე და ვერ შეძლო ქვეყნის დატოვება კანონიერად ყოფნის ვადის ამოწურვამდე. ასეთ შემთხვევაში პირი უფლებამოსილია იმყოფებოდეს საქართველოს ტერიტორიაზე 2020 წლის 31 ივლისამდე.

რა შემთხვევაში შეუძლიათ უცხოეთის მოქალაქეებს საქართველოში კანონიერად ყოფნა>>

შინაგან საქმეთა მინისტრმა ასევე უარყო სოციალურ ქსელებში გავრცელებული ინფორმაცია იმის თაობაზე, თითქოს საქართველომ საზღვრები გახსნა რუსეთთან. მინისტრის თქმით, ქვეყანაში შემოსვლის უფლება კვლავ აქვთ მხოლოდ საქართველოს მოქალაქეებსა და ორმაგი მოქალაქეობის მქონე პირებს, მათთან ერთად მათი ოჯახების წევრებს, თუნდაც ისინი რუსეთის მოქალაქეები იყვნენ.

114
ცესკოს შენობა

არჩევნები 2020: ცესკოში პარტიების განაცხადების მიღება გრძელდება

84
(განახლებულია 19:34 11.07.2020)
ამ დროისათვის 2020 წლის საპარლამენტო არჩევნებში მონაწილეობის სურვილი ათმა პოლიტიკურმა პარტიამ გამოხატა

თბილისი, 11 ივლისი — Sputnik. საქართველოს ცენტრალურმა საარჩევნო კომისიამ (ცესკო) გამოაქვეყნა იმ პარტიების ჩამონათალი, რომლებსაც 31 ოქტომბრის საპარლამენტო არჩევნებში მონაწილეობის სურვილი გამოთქვეს.

გახარია: კარგად ჩატარებული არჩევნები – ჩვენი საერთო მიზანია >>

ცესკოს ვებგვერდზე გავრცელებული ინფორმაციის მიხედვით, პარტიებმა უკვე მიიღეს უფლება საარჩვენო კომისიაში ჰყავდეთ საკუთარი წარმომადგენელი. დღეისათვის წინასწარი რეგისტრაცია ცესკოში გაიარეს შემდეგმა პოლიტიკურმა ძალებმა:

  • „სამართლიანობის აღდგენის კავშირი - ხმა ერისა: უფალია ჩვენი სიმართლე „სოციალური სამართლიანობისთვის“
  • „ქრისტიან-დემოკრატიული მოძრაობა“
  • „საქართველო“
  • „საქართველოს ერთობისა და განვითარების პარტია“
  • „ახალი პოლიტიკური ცენტრი - გირჩი“
  •  „მოძრაობა თავისუფალი საქართველოსთვის“
  • „საქართველოს ძალოვან ვეტერანთა და პატრიოტთა პოლიტიკური მოძრაობა”
  • „ქრისტიან-დემოკრატიული მოძრაობა“
  • „ახალი ქრისტიან-დემოკრატები“
  • „ევროპელი დემოკრატები“

პარტიების განაცხადების მიღება არჩევნებამდე 43 დღით ადრე - 21 სექტემბერს შეწყდება. ამის შემდეგ პარტიებმა, რომლებმაც წინა არჩევნებზე 15 ათასი ხმა ვერ მოიპოვეს, ცესკოში უნდა წარადგინონ 5 ათასი მხარდამჭერის ხელმოწერა - ბლანკებზე და ელექტრონული სახით. პარტიების საბოლოო ჩამონათვალი გახდება ცნობილი სიების შემოწმების შემდეგ, არჩევნებამდე 30 დღით ადრე - 2 ოქტომბერს. მხარდამჭერების სიების შემოწმების შემდეგ პარტია გაივლის ოფიციალურ რეგისტრაციას და ბიულეტენში თავიანთი რიგითი ნომრები მიენიჭებათ.

პარლამენტში მოსახვედრად პარტიამ არჩევნებზე მისული ამომრჩევლების ხმების სულ მცირე 1% უნდა მიიღოს.

84
თემები:
საქართველოს პოლიტიკური ცხოვრება
ვანო მერაბიშვილი

„ახალი ხალხი მოვა“ - მერაბიშვილმა პოლიტიკაში დაბრუნება გამორიცხა

158
(განახლებულია 17:24 11.07.2020)
ყოფილმა პრემიერ-მინისტრმა გამოთქვა რწმენა იმისა, რომ მოახლოებული არჩევნების შემდეგ საქართველოში ხელისუფლება შეიცვლება

თბილისი, 11 ივლისი — Sputnik. ყოფილმა პრემიერ მინისტრმა და ყოფილმა შინაგან საქმეთა მინისტრმა ვანო მერაბიშვილმა გამორიცხა თავისი დაბრუნება საქართველოს მთავრობაში, თუნდაც ხელისუფლების შეცვლის შემთხვევაში.

მერაბიშვილი გირგვლიანის საქმეზე: არასწორად მოვიქეცი თანამდებობა რომ არ დავტოვე >>

„მე პირადად უკვე ამოვწურე ყველა თანამდებობა, რომელიც კი შეიძლება დამეკავებინა. მინისტრი ვერ ვიქნები. ყოფილი პრემიერ-მინისტრი ვერ იქნება მინისტრი, ხოლო პრემიერ-მინისტრის თანამდებობაზე არც კი ვფიქრობ. ახალი ხალხი მოვა“, - განაცხადა მერაბიშვილმა ჟურნალისტ დმიტრი გორდონთან ინტერვიუში.

ამავე ინტერვიუში მერაბიშვილმა გამოთქვა რწმენა, რომ საქართველოში ხელისუფლება აუცილებლად შეიცვლება არჩევნების შემდეგ, მაგრამ, მისი თქმით, მომავალში ახალი ხელსუფლება პრობლემების წინაშე დადგება.

„სამწუხაროდ, ახალ მთავრობას ექნება ნაკლები აზარტი, ნაკლები მოტივაცია. მათ რეფორმატორების წარმატებაც და წარუმატებლობაც ნახეს. ეს არის ყველაზე ცუდი იქიდან, რაც მოხდა. რეფორმების გატარებისას ისინი შეშინდებიან, დაფრთხებიან, იქნებიან უფრო ფრთხილები, რეფორმები კი ასე არ კეთდება. მაგრამ იმედი მაქვს, რომ გლობალიზაცია, ევროკავშირში შესვლა დააჩქარებს სიტუაციის გაუმჯობესებას საქართველოში. ყველაზე მთავარია, რომ ეს გამოიყვანს ქვეყანას იმ სტაგნაციიდან, რომელშიც ის ახლა იმყოფება“, - განაცხადა მერაბიშვილმა.

რაც შეეხება მის გეგმებს პოლიტიკასთან დაკავშირებით, ყოფილმა შინაგან საქმეთა მინისტრმა განაცხადა, რომ მათ თბილისში პრესკონფერენციაზე გაახმოვანებს.

ექს-პრეზიდენტ მიხეილ სააკაშვილის პარტიის „ერთიანი ნაციონალური მოძრაობის“ ყოფილი წევრი თითქმის შვიდწლიანი პატიმრობიდან თებერვალში გათავისუფლდა. სააკაშვილის ხელისუფლების დროს ის ერთ-ერთი ყველაზე გავლენიანი პოლიტიკოსი იყო.

ამჟამად მერაბიშვილი უკრაინაში იმყოფება. მანამდე კი პოლონეთში მკურნალობის კურსი გაიარა.

 

158
თემები:
საქართველოს პოლიტიკური ცხოვრება
მთის მდინარე

მესტიაში ავტომობილი მდინარეში გადავარდა: მიმდინარეობს საძიებო სამუშაოები

0
მანქანაში ერთი ადამიანი იმყოფებოდა. სამაშველო სამსახურის თანამშრომლებმა და ადგილობრივებმა მდინარიდან მანქანის ამოტანა შეძლეს, თუმცა მანქანის მძღოლს ამ დრომდე ეძებენ.

თბილისი, 12 ივლისი – Sputnik. მესტიის მუნიციპალიტეტში, მესტია-უშგულის გზის მონაკვეთზე, მულახის თემის ტერიტორიაზე მდინარე მულხურაში Mitsubishi Delica-ს მარკის ავტომობილი გადავარდა, იუწყება Sputnik-საქართველოს კორესპონდენტი.

მანქანაში ერთი ადამიანი იმყოფებოდა. სამაშველო სამსახურის თანამშრომლებმა და ადგილობრივებმა მდინარიდან მანქანის ამოტანა შეძლეს, თუმცა მანქანის მძღოლს ამ დრომდე ეძებენ.

ნიკა ლატარია

0
თემები:
შემთხვევები საქართველოში