საარჩევნო ურნა

როგორ ჩატარდება არჩევნები საკარანტინო ზონებში

44
(განახლებულია 16:11 30.06.2020)
ცესკომ საპარლამენტო არჩევნებზე შეიძლება საკარანტინო ზონებში სპეციალური უბნების შექმნის გადაწყვეტილება მიიღოს.

თბილისი, 30 ივნისი — Sputnik. მმართველი პარტია „ქართული ოცნების" აღმასრულებელი მდივანი ირაკლი კობახიძე არ გამორიცხავს, რომ საკარანტინო ზონებში სპეციალური საარჩევნო უბნები შეიქმნას, რათა იქ მყოფმა მოქალაქეებმა თავიანთი სამოქალაქო უფლების რეალიზება შეძლონ.

პარლამენტში „სასარგებლო ქაოსი" გამეფდება – ექსპერტები კონსტიტუციაში შესწორებებზე>>

კორონავირუსის პირველი შემთხვევა საქართველოში 26 თებერვალს დაფიქსირდა. ამჟამად კარანტინში იმყოფება 2 809 ადამიანი, სტაციონარებში ექიმების მეთვაყურეობის ქვეშ – 229. ბოლო მონაცემებით, ინფიცირებულების საერთო რაოდენობაა 928, აქედან გამოჯანმრთელდა 794 ადამიანი.

კობახიძის განცხადებით, კორონავირუსის გავრცელების პირობებში არჩევნების ჩატარების საკითხები ცენტრალურმა საარჩევნო კომისიამ უნდა გადაწყვიტოს.

„შეიძლება ცესკომ მიიღოს გადაწყვეტილება შესაბამის სივრცეში სპეციალური საარჩევნო უბნის გახსნასთან დაკავშირებით, მაგალითად, თუ არის სადმე სასტუმროში საკარანტინო სივრცე, იქ შეიძლება ცალკე შეიქმნას კომისია, ცალკე ჩატარდეს არჩევნები, ამასთან დაკავშირებით საბოლოო გადაწყვეტილება მიიღება", – განაცხადა ჟურნალისტებთან საუბრისას კობახიძემ.

საქართველოს პარლამენტში სამუშაო ჯგუფის სხდომა გაიმართა, რომლის დროსაც დეპუტატებმა საარჩევნო კოდექსში შესწორებების პროექტი და კორონავირუსის პანდემიის დროს უსაფრთხო არჩევნების ჩატარების პირობები განიხილეს.

საქართველოში საპარლამენტო არჩევნების ჩატარება 2020 წლის 31 ოქტომბერს იგეგმება. ეს არჩევნები ახალი სისტემით ჩატარდება. საკონსტიტუციო შესწორებები საარჩევნო სისტემის შეცვლასთან დაკავშირებით პარლამენტმა ორშაბათს მიიღო.

პარლამენტის მიერ მიღებული ცვლილებების მიხედვით, საქართველოს საკანონმდებლო ორგანოში 150-დან 120 ადგილი გადანაწილდება იმ პარტიებს შორის, რომლებიც ამომრჩეველთა ხმების 1%-ზე მეტს მოიპოვებენ, ან იმ ბლოკებს შორის, რომლებიც ხმების არანაკლებ იმდენი პროცენტის მიღებას შეძლებენ, რამდენი პოლიტიკური სუბიექტიც შედის ამ ბლოკში. დანარჩენ ადგილებს 30 ერთმანდატიან ოლქში გამარჯვებული კანდიდატები მიიღებენ.

44
თემები:
საქართველოს საპარლამენტო არჩევნები 2020 (162)
საქართველომ ახალი უპილოტო საფრენი აპარატები შეიძინა

საქართველომ ახალი უპილოტო საფრენი აპარატები შეიძინა

101
(განახლებულია 19:54 28.09.2020)
ახალი უპილოტო საფრენი აპარატებით საქართველოს თავდაცვის ძალების დაზვერვის ქვედანაყოფები აღიჭურვებიან

თბილისი, 28 სექტემბერი - Sputnik. საქართველოს თავდაცვის ძალებში დაზვერვის ქვედანაყოფები აღიჭურვება ახალი უპილოტო საფრენი აპარატებით, რომლებიც უწყებამ ესპანეთში შეიძინა, ნათქვამია უწყების ვებგვერდზე გავრცელებულ განცხადებაში.

უწყების ინფორმაციით, უპილოტო დაზვერვის სისტემების მოდერნიზაცია და შეძენა საქართველოს თავდაცვისუნარიანობას მნიშვნელოვნად გაზრდის. ეს სისტემები არსებითად ხელს შეუწყობს თავდაცვის ძალებს სადაზვერვო შესაძლებლობების განვითარებაში, ასევე იქნება გამოყენებული სხვადასხვა წვრთნებში და სამაშველო ოპერაციებში.

საქართველოს თავდაცვის სამინისტრომ ძველი საფრენი აპარატები ჩაანაცვლა და პერსონალი გადაამზადა.

დაზვერვის ქვედანაყოფების ახალი უპილოტო საფრენი აპარატებით დაკომპლექტება ითვალისწინებს ამ ქვედანაყოფების აღჭურვას თანამედროვე ტაქტიკური და ოპერატიული უპილოტო სადაზვერვო სისტემებით.

თავდაცვის მინისტრმა ირაკლი ღარიბაშვილმა ესპანური უპილოტო სადაზვერვო სისტემები მარნეულის საავიაციო ბაზაზე დაათვალიერა და სადემონსტრაციო ფრენას დაესწრო.

„უპილოტო სადაზვერვო სისტემების განახლების გარდა, აქტიურად მიმდინარეობს საჰაერო თავდაცვის, ჯავშანსაწინააღმდეგო შეიარაღების, თანამედროვე საარტილერიო და სადაზვერვო სისტემების შეძენა და ამ შესაძლებლობების განვითარება“, - ნათქვამია განცხადებაში.

ღარიბაშვილი: როდის ამოქმედდება საქართველოში ფრანგული საჰაერო თავდაცვის სისტემა >>

თანამედროვე სისტემების შეძენა, დანერგვა და განვითარება საქართველოს თავდაცვის ძალების განვითარების ძირითადი პრიორიტეტებია, აცხადებენ უწყებაში.

101
თემები:
საქართველოს თავდაცვა
ზაალ უდუმაშვილი

„ნაციონალური მოძრაობა“ მხოლოდ ოპოზიციასთან დებატებზე უარს აცხადებს

51
(განახლებულია 19:35 28.09.2020)
„ერთიან ნაციონალურ მოძრაობაში“ მიაჩნიათ, რომ დისკუსია ოპოზიციურ პარტიებს შორის წინასაარჩევნო კამპანიას აზიანებს

თბილისი, 28 სექტემბერი - Sputnik. „ერთიანი ნაციონალური მოძრაობა“ უარს ამბობს ისეთ დებატებში მონაწილეობაზე, სადაც არ იქნება წარმოდგენილი მმართველი პარტია „ქართული ოცნება - დემოკრატიული საქართველო“.

ქართველი პოლიტიკოსი უსაფრთხოების რეგიონული საბჭოს შექმნის წინადადებით გამოდის >>

როგორც პარტიის ერთ-ერთმა ლიდერმა ზაალ უდუმაშვილმა აღნიშნა, დისკუსია ოპოზიციურ პარტიებს შორის ზიანს აყენებს მთლიანად წინასაარჩევნო კამპანიას. „ნაცმოძრაობას“ არ სიამოვნებს ისეთ პოლემიკაში მონაწილეობა, რომელიც ოპოზიციურ პარტიებს შორის მიმდინარეობს, ხაზი გაუსვა მან.

„არ მივიჩნევთ, რომ ოპოზიციური პარტიები ჩვენი კონკურენტები არიან. ისინი ჩვენი მომავალი მოკავშირეები არიან. კონკურენტი მხოლოდ მმართველი პარტიაა. ერთიანი ნაციონალური მოძრაობა დღეიდან წყვეტს ოპოზიციურ პარტიებთან დისკუსიაში მონაწილეობას. ეს საერთო მიზნისთვის დამაზიანებელია“, – განაცხადა უდუმაშვილმა.

საქართველოს ექსპრეზიდენტ მიხეილ სააკაშვილის მიერ შექმნილი „ერთიანი ნაციონალური მოძრაობა“ საპარლამენტო არჩევნებში მონაწილეობას მიიღებს ბლოკის „ძალა ერთობაშია“ შემადგენლობაში. დღეისათვის სააკაშვილი წარმოადგენს ნაცმოძრაობის პრემიერ-მინისტრობის კანდიდატს და დავის მთავარ საგანს ოპოზიციისთვის, რომელიც ცოტა ხნის წინ კოალიციურ მთავრობაზე საუბრობდა.

საპარლამენტო არჩევნები საქართველოში 31 ოქტომბერს ჩატარდება. ქვეყნის მოსახლეობა 150 დეპუტატს აირჩევს - 120-ს პარტიული სიით, 30-ს კი - მაჟორიტარულ ოლქებში. გამსვლელი ბარიერი პარტიებისთვის 1%-ია.

არჩევნებში მონაწილეობის უფლება აქვს 3 501 931 საქართველოს მოქალაქეს როგორც ქვეყანაში, ისე მის ფარგლებს გარეთ.

51
თემები:
საქართველოს საპარლამენტო არჩევნები 2020 (162)
საპატრულო პოლიცია

სექსუალური ძალადობა: იმერეთში 17 წლის გოგონაზე ოჯახის ახლობელმა იძალადა

0
(განახლებულია 15:28 29.09.2020)
მე–12 კლასის მოსწავლე მზრუნველობამოკლებულ ბავშვთა დღის ცენტრის ბენეფიციარია – ამ დროისთვის მოზარდთან ფსიქოლოგები მუშაობენ.

 

თბილისი, 29 სექტემბერი - Sputnik. წყალტუბოს მუნიციპალიტეტში 17 წლის გოგონაზე სექსუალურად იძალადეს, იუწყება ტელეკომპანია Rustavi2. 

გავრცელებული ინფორმაციით, სავარაუდო გარყვნილ ქმედებაში ბრალს ოჯახის ახლობელს სდებენ. მამაკაცზე შემაკავებელი ორდერი უკვე გაიცა.

ამ დროისთვის 17 წლის მოზარდთან ფსიქოლოგები მუშაობენ. მე–12 კლასის მოსწავლე მზრუნველობამოკლებულ ბავშვთა დღის ცენტრის ბენეფიციარია. 

ამ დროისთვის დანიშნულია ექსპერტიზა და გამოძიება ექსპერტიზის პასუხებს ელოდება.

0
თემები:
შემთხვევები საქართველოში