რომან გოცირიძე

„ნაციონალური მოძრაობა“ ტაქტიკას ცვლის და ბოიკოტს წყვეტს რას გეგმავს ოპოზიცია

84
(განახლებულია 15:25 30.06.2020)
ოპოზიციური ფრაქცია საპარლამენტო ცხოვრებას უბრუნდება და საქართველოს საარჩევნო კოდექსში ცვლილებების განხილვაში ერთვება.

თბილისი, 30 ივნისი – Sputnik. ოპოზიციური ფრაქცია „ერთიანი ნაციონალური მოძრაობა“ ბოიკოტის რეჟიმიდან გამოდის და მონაწილეობას მიიღებს საკომიტეტო მოსმენებში, რომლებზეც საარჩევნო კანონმდებლობაში შესატან ცვლილებებზე მსჯელობა გაიმართება, განაცხადა ფრაქციის თავმჯდომარემ რომან გოცირიძემ.

ცვლილებები ძირითადად საპარლამენტო არჩევნებს ეხება, რომელიც საქართველოში 2020 წლის 31 ოქტომბერს უნდა გაიმართოს.

„ზოგჯერ, როდესაც მნიშვნელოვანი საკითხები იხილება, ჩვენ ბოიკოტის რეჟიმიდან გამოვდივართ. დავაკვირდებით ამ პროცესს, როგორი იქნება დისკუსია და რა სიურპრიზებს შემოგვთავაზებს ხელისუფლება. მათ იციან, რომ ამ არჩევნებს ჩვენთვის გადამწყვეტი მნიშვნელობა აქვს და ისინი გააკეთებენ ყველაფერს, რათა საკუთარი ინტერესების გათვალისწინება მოხდეს ამ ცვლილებებში“, – განაცხადა გოცირიძემ ტელეკომპანია Imedi-ს ეთერში. 

ამასთან, გოცირიძემ აღნიშნა, რომ ფრაქცია ჯერ კიდევ არ ჩამოყალიბებულა, დაესწრება თუ არა პლენარულ სხდომას.

საქართველოს პარლამენტმა ორშაბათს 117 ხმით სამის წინააღმდეგ მესამე მოსმენით მიიღო საკონსტიტუციო შესწორებები, რომელიც საარჩევნო სისტემის ცვლილებას ეხება.

კენჭისყრაში მონაწილეობა არ მიუღიათ „ნაცმოძრაობასა“ და „ევროპულ საქართველოს“, რომლებიც ოპოზიციური ტელეკომპანია „მთავარი არხის“ ერთ-ერთი მფლობელის გიორგი რურუას პატიმრობიდან გათავისუფლებას მოითხოვენ.

ოპოზიციის თქმით, რურუას გათავისუფლების შესახებ ხელისუფლებასთან კონსენსუსს 8 მარტის შეთანხმებაზე ხელმოწერისას მიაღწიეს. 

ადრე გერმანიის ელჩმა ჰუბერტ კნირშმა განაცხადა, რომ „გიორგი რურუა 8 მარტის შეთანხმებაში მოხსენიებული არ არის, ეს აბსოლუტურად ნათელია და ამის წაკითხვა ნებისმიერს შეუძლია“.

ელჩის განცხადებას ოპოზიციის მხრიდან მკვეთრი განცხადებები მოჰყვა.

ოპოზიციის განცხადებების გამო გერმანიის ელჩს ბოდიში ხელისუფლებამ რამდენჯერმე მოუხადა.

84
თემები:
საქართველოს პოლიტიკური ცხოვრება (102)
დავით ზალკალიანი

ზალკალიანი სომეხ და აზერბაიჯანელ კოლეგებს ტელეფონით ესაუბრა

45
მინისტრმა აღნიშნა, რომ მოვლენების ადგილზე ვითარება უნდა განიმუხტოს და შეიარაღებული შეტაკებები შეწყდეს

თბილისი, 13 ივლისი - Sputnik. საქართველოს საგარეო საქმეთა მინისტრმა დავით ზალკალიანმა სომხეთ-აზერბაიჯანის საზღვარზე სიტუაციის ესკალაციის გამო შეშფოთება გამოხატა.

პირველი არხის ინფორმაციით, ზალკალიანი ტელეფონით ესაუბრა თავის კოლეგებს სომხეთიდან და აზერბაიჯანიდან - ზოგრაბ მნაცაკანიანთან და ელმარ მამედიაროვთან.

კვირას შეიარაღებული დაპირისპირება მოხდა აზერბაიჯანსა და სომხეთს შორის საზღვარზე, შესაბამისად, თოვუზის რაიონში და ტავუშის ოლქში, რომელიც საქართველოს საზღვართან ახლოსაა. ამ ტერიტორიიდან რამდენიმე ასეულ კილომეტრშია არაღიარებული მთიანი ყარაბაღი, სადაც ამჟამად მშვიდი ვითარებაა. სროლის ადგილზე განლაგებულია საბრძოლო საგუშაგოები, დისლოცირებული სოფელ მოვსესის მახლობლად.

აზერბაიჯანის თავდაცვის სამინისტრომ განაცხადა, რომ სომხეთის სამხედროებმა აზერბაიჯანული პოზიციები დაცხრილეს. სომხეთის თავდაცვის სამინისტრომ კი, თავის მხრივ, განაცხადა, რომ აზერბაიჯანელი სამხედროები ცდილობდნენ არტილერიის დახმარებით სომხეთის საგუშაგოს ხელში ჩაგდებას. ბაქოს ინფორმაციით, დაიღუპა ოთხი აზერბაიჯანელი სამხედრო. სომხეთის მხარის განცხადებით, დაჭრილია ორი სომეხი პოლიციელი, დაღუპულები არ არიან.

სატელეფონო საუბრისას ზალკალიანმა აღნიშნა, რომ ძალიან მნიშვნელოვანია მოვლენების ადგილზე ვითარების განმუხტვა, შეიარაღებული მოქმედებების შეჩერება და მშვიდობის უზრუნველყოფა.

დავით ზალკალიანმა იმედი გამოთქვა, რომ საერთაშორისო ძალისხმევით შესაძლებელია სიტუაციის დარეგულირება რეგიონში ყველაზე მნიშვნელოვანის - მშვიდობისა და სტაბილურობის უზრუნველსაყოფად.

მანამდე საკითხით შეშფოთება გამოთქვა საქართველოს პრეზიდენტმა სალომე ზურაბიშვილმაც. მან აღნიშნა, რომ ამ რთულ დროს, როდესაც მთელი მსოფლიო იბრძვის „უხილავი მტრის წინააღმდეგ“, უდიდესი მნიშვნელობა აქვს საერთაშორისო სოლიდარობას და გლობალური სტაბილურობის შენარჩუნებას.

სომხეთ–აზერბაიჯანის დაპირისპირება: თურქეთმა არჩევანი გააკეთა >>

ორშაბათს სროლა გაგრძელდა. ერევანის განცხადებით, ბაქო სომხეთის ტერიტორიის მიმართულებით 15-20 წუთის შუალედებით ისვრის. აზერბაიჯანი და სომხეთი სროლაში ერთმანეთს ადანაშაულებენ.

45
თემები:
საქართველოს საგარეო პოლიტიკა
სალომე ზურაბიშვილი

საქართველოს პრეზიდენტმა სომხეთსა და აზერბაიჯანს შორის მომხდარ ინციდენტზე კომენტარი გააკეთა

55
(განახლებულია 22:24 13.07.2020)
ზურაბიშვილმა აღნიშნა, რომ ახლა, როდესაც ყველა უხილავ მტერს ებრძვის, განსაკუთრებული მნიშვნელობა ენიჭება მშვიდობისა და სტაბილურობის შენარჩუნებას.

თბილისი, 13 ივლისი - Sputnik. საქართველოს პრეზიდენტი სალომე ზურაბიშვილი წუხილს გამოთქვამს 12-13 ივლისს აზერბაიჯანისა და სომხეთის საზღვარზე მომხდარი შეიარაღებული დაპირისპირების გამო, იუწყება პრეზიდენტის ადმინისტრაციის პრეს-სამსახური.

კვირას შეიარაღებული დაპირისპირება მოხდა აზერბაიჯანსა და სომხეთს შორის საზღვარზე, შესაბამისად, თოვუზის რაიონში და ტავუშის ოლქში, რომელიც საქართველოს საზღვართან ახლოსაა. ამ ტერიტორიიდან რამდენიმე ასეულ კილომეტრშია არაღიარებული მთიანი ყარაბაღი, სადაც ამჟამად მშვიდი ვითარებაა. სროლის ადგილზე განლაგებულია საბრძოლო საგუშაგოები, დისლოცირებული სოფელ მოვსესის მახლობლად.

აზერბაიჯანის თავდაცვის სამინისტრომ განაცხადა, რომ სომხეთის სამხედროებმა აზერბაიჯანული პოზიციები დაცხრილეს. სომხეთის თავდაცვის სამინისტრომ კი, თავის მხრივ, განაცხადა, რომ აზერბაიჯანელი სამხედროები ცდილობდნენ არტილერიის დახმარებით სომხეთის საგუშაგოს ხელში ჩაგდებას. ბაქოს ინფორმაციით, დაიღუპა ოთხი აზერბაიჯანელი სამხედრო. სომხეთის მხარის განცხადებით, დაჭრილია ორი სომეხი პოლიციელი, დაღუპულები არ არიან.

„დღეს, როცა ყველა ერთად ვიბრძვით უხილავი მტრის წინააღმდეგ, უდიდესი მნიშვნელობა აქვს საერთაშორისო სოლიდარობას და გლობალური სტაბილურობის შენარჩუნებას. ჩვენი რეგიონის მშვიდობა და უსაფრთხოება მნიშვნელოვანია როგორც საქართველოს, ასევე ჩვენი მეგობარი და პარტნიორი სახელმწიფოების – აზერბაიჯანისა და სომხეთის მომავალი განვითარებისა და კეთილდღეობისათვის“, – განაცხადა ზურაბიშვილმა.

ორშაბათს სროლა გაგრძელდა. ერევანის განცხადებით, ბაქო სომხეთის ტერიტორიის მიმართულებით 15-20 წუთის შუალედებით ისვრის. აზერბაიჯანი და სომხეთი სროლაში ერთმანეთს ადანაშაულებენ.

55
თემები:
საქართველოს პრეზიდენტი
ქალი

შევარჩიოთ ჩანთა ზოდიაქოს ნიშნის მიხედვით: პროფესიონალების რჩევები

0
(განახლებულია 16:21 13.07.2020)
მოდა იცვლება, მაგრამ როგორიც არ უნდა იყოს ახალი კოლექცია, მათ შორის მაინც შეიძლება იმ განსაკუთრებული ჩანთის პოვნა, რომელზეც ქალი იტყვის „საჩემოა“

ჩანთა ერთ–ერთი უმნიშვნელოვანესი აქსესუარია ქალის გარდერობში და გარდა იმისა, რომ მას აუცილებელი პრაქტიკული დანიშნულება აქვს, ის ასევე ხაზს უსვამს ადამიანის ინდივიდუალობასა და ხასიათს.

როგორი ჩანთა შეეფერება ზოდიაქოს თითოეული ნიშნის ქალებს, როგორს ანიჭებენ ისინი უპირატესობას – ამის შესახებ გაეცანით ექსპერტების მოსაზრებას.

ვერძი

ვერძი ავანტიურისტია თავისი ბუნებით. ხანდახან ძნელად განსაჭვრეტია, რით დამთავრდება საღამო და საით წაიყვანს მას მოვლენების მთელი რიგი. ამ ნიშნის ქალებს ყველაზე მეტად ტევადი ჩანთა მიესადაგება, სადაც მოათავსებენ კბილის ჯაგრისს, ფეხსაცმელს, თმის ლაქს და საყვარელი სუნამოს ფლაკონს. ვერძების ცხოვრება ხომ სიურპრიზებითაა სავსე, ამიტომ ნუ გაიფუჭებთ განწყობას პატარა ჩანთით.

კურო

კუროებმა აქცენტი დეტალებზე უნდა გააკეთოთ. თუ რესტორანში ან წვეულებაზე მიდიხართ, შავი პატარა ჩანთა დაგჭირდებათ. თუ შოპინგზე მეგობართან ერთად – დიდი ჩანთა, რომელსაც თავისი „ეშხი“ ექნება – განსაკუთრებული ფერი ან ორნამენტი. მთავარია, რომ შინაგანად გრძნობდეთ, რომ ნივთი უნიკალურია, საინტერესო და გარშემომყოფების ყურადღებას იპყრობს.

ზოდიაქოს ნიშნები, რომლებიც ნებისმიერ ასაკში იოლად თხოვდებიან>>

ტყუპი

ტყუპებმა ბოლომდე თავადაც არ იცით, რა გსურთ. მიზეზი მარტივია: ერთი მხრივ, თქვენში მოკრძალებული ნატურა ცხოვრობს, რომელიც მოდის ბოლო ტენდენციებს მისდევს, ხოლო მეორე მხრივ – მეამბოხე, რომელსაც თვითგამოხატვის სურვილი არ ასვენებს. თქვენი ხასიათის გათვალისწინებით შეარჩიეთ ორფერიანი ჩანთები. თქვენი განწყობის ცვალებადობის მიუხედავად, არის შანსი, რომ ჩანთის ფერი გაგახარებთ.

კირჩხიბი

კირჩხიბები არ ჩქარობთ, რომ თითოეული ადამიანის წინაშე გული გახსნათ – ეს თქვენთვის საინტერესო არაა. თუმცა ნივთების საშუალებით თავის წარმოდგენა გიყვართ. საჭიროა არაა, ეს რამე მყვირალა და ორიგინალური იყოს, უფრო დახვეწილი, ნატიფი და უჩვეულო იქნება. მაგალითად, საშუალო ზომის „დუტის“ ჩანთა.

ლომი

ლომებს ყურადღების გარეშე ყოფნა არ შეგიძლიათ, ამიტომ ყველაფერს აკეთებთ, რომ ყურადღება მიიქციოთ, მათ შორის, ტანსაცმლისა და აქსესუარების გამოყენებით. მოგიხდებათ ლითონით დამშვენებული კაშკაშა ფერის ჩანთები. ეს გარშემომყოფების ყურადღებას მიიპყრობს.

თუ გინდათ, სურვილები აგისრულდეთ: ფერი-თილისმა ზოდიაქოს ნიშნის მიხედვით>>

ქალწული

ქალწულები, თუ არ მოგწონთ, მოდის გამო ჩანთას არ იყიდით – უფრო საკუთარ თავს მოუსმენთ და რამე უნივერსალურს, საიმედოს და ვინტაჟურსაც კი შეარჩევთ. ჩანთის ფერი ისეთი იქნება, რომ ნებისმიერ სამოსს მოუხდეს, ზომა კი – იმაზე დამოკიდებული, თუ რა მიზნით ყიდულობთ მას.

სასწორი

ზოდიაოქს ნიშანი თვითონ მეტყველებს ყველაფერზე – სასწორები დიდხანს წონიან დასკვნებს, სანამ არჩევანს გააკეთებენ. ამასთან, გადაწყვეტილება სრულიად მოულოდნელია ხოლმე. მაგალითად, თუ არჩევენ ჩანთას – წითელი აიღონ თუ ნაცრისფერი, უეცრად თვალს მოჰკრავენ დამაჯერებლი ზომის ჩანთა–საქაღალდეს და არჩევანს მასზე აჩერებენ. აქ წინასწარ ვერასდროს გამოიცნობთ. უბრალოდ, მოუსმინეთ საკუთარ თავს.

მორიელი

მორიელის გარდერობში იდეალურად ჩაეწერება რთული შეფერილობის ჩანთა აქტუალური პალიტრიდან. ეს შეიძლება იყოს ტყავის ან ზამშის ჩანთა, ოღონდ უნიკალური და თავისი საოცარი პეწით. ასეთი ჩანთების შეხამება სხვადასხვა სტილის ნივთებთან შეიძლება. თუმცა, მორიელები თავადაც შესანიშნავად ერკვევიან ამაში – გემოვნების „დეფიციტი“ არა აქვთ.

როგორია თქვენი აურის ფერი ზოდიაქოს ნიშნის მიხედვით>>

მშვილდოსანი

მშვილდოსნებს ორიგინალური ნივთები უყვართ, მათ შორის სხვადასხვა მორთულობა. გამონაკლისი არც ჩანთაა. ფერი და ზომა სხვადასხვა შეიძლება იყოს, მთავარია, რომ ხაზი გაუსვას თქვენს ორიგინალობასა და გადმოსცეს განუმეორებელი გემოვნება.

თხის რქა

თხის რქები ყველაფერში პრაქტიკულობას აფასებენ: ს ეხება როგორც ფინანსურ საკითხებს, ისე ნივთების შერჩევას. ამ ნიშნისთვის იდეალური ვარიანტია ნატურალური ტყავის ჩანთა. ჯერ ერთი, დიდხანს ძლებს, მეორეც – ყოველთვის მოდური და ესთეტიკურია.

მერწყული

ამ ნიშნის წარმომადგენლებს ექსპერიმენტებისა არ ეშინიათ. მათ „არსენალში“ შეიძლება შეგხვდეთ ნოუთბუქისთვის განკუთვნილი ან მყვირალა ლიმონისფერი ჩანთა, მაგრამ სრულიად ჩვეულებრივს ვერაფერს აღმოაჩენთ. განაგრძეთ ექსპერიმენტების ჩატარება და ირგვლივ მყოფთა გაოცება.

რომელი ფერია თქვენთვის ბედნიერებისა და წარმატების მომტანი ზოდიაქოს ნიშნის მიხედვით>>

თევზები

თევზები არ უშინდებიან სიახლეებს და ამიტომ ადვილად შეუძლიათ რამე მოულოდნელი, უჩვეულო მოსინჯონ, მაგალითად, კასრის ფორმის ჩანთა – ეს იდეალური გადაწყვეტილებაა ამ ნიშნის ქალებისთვის.

0