საქართველოს პარლამენტის სხდომა

„კარგი დღე" ოპოზიცია კონსტიტუციაში შესწორებებზე

88
(განახლებულია 21:34 29.06.2020)
იმისდა მიუხედავად, ოპოზიციიდან ვინ მისცა ხმა საკონსტიტუციო შესწორებებს და ვინ არა, საბოლოოდ ყველა კმაყოფილია იმით, რომ ის პარლამენტმა მიიღო.

თბილისი, 29 ივნისი — Sputnik. ოპოზიციაში საკონსტიტუციო შესწორებების მიღება არჩევნების ახალ სისტემასთან დაკავშირებით, რომელიც დღეს პარლამენტმა მიიღო, სხვადასხვაგვარად აღიქვეს.

ოპოზიციის ერთი ნაწილი პარლამენტის გადაწყვეტილებას მნიშვნელოვანსა და გადამწყვეტს უწოდებს, მეორე ნაწილი ამაში „ქართული ოცნების" სისუსტესა და საზოგადოებრივი ზეწოლის ძალას ხედავს.

კონსტიტუციაში ცვლილებები დამტკიცებულია: როგორ ჩატარდება არჩევნები>>

„საქართველოს პატრიოტთა ალიანსის" ლიდერის ირმა ინაშვილის განცხადებით, დღევანდელი დღე მეცხრე მოწვევის პარლამენტისთვის ძალიან მნიშვნელოვანია და ეს ქვეყნის მომავალზე აისახება.

მისი თქმით, ისინი შეუთანხმდნენ ხელისუფლებას და სიტყვა შეასრულეს, კანონპროექტს მხარი სამივე მოსმენით დაუჭირეს. რა თქმა უნდა, ეს იდეალური ცვლილებები არაა, აღნიშნა ინაშვილმა, მაგრამ ესაა პროცესი, პოლიტიკა და აქ მნიშვნელოვანია რეალობის გათვალისწინება.

მიუხედავად იმისა, რომ მან და ფრაქციიდან მისმა კოლეგებმა საკონსტიტუციო შესწორებებს ბოიკოტი გამოუცხადეს, „ევროპული საქართველოს" ერთ-ერთი ლიდერი გიგა ბოკერია კმაყოფილია, რომ შესწორებები მესამე მოსმენით გავიდა. მისი თქმით, „ქართული ოცნება" აიძულეს ხმა მიეცა იმ ცვლილებებისთვის, რომლის წინააღმდეგ გამოდიოდნენ თავდაპირველად მისი წევრები.

„ძალიან კარგი დღეა და „ევროპული საქართველო" ძალიან კმაყოფილია კონსტიტუციაში საარჩევნო სისტემის ცვლილებების ასახვით. მე მგონი, მთლიანად ოპოზიციური სპექტრიც კმაყოფილია. ისეთ მდგომარეობაში იყო ივანიშვილის გუნდი, რომ რის წინააღმდეგაც იყვნენ, იმას მისცეს ხმა და ახლა ზეიმობენ საკუთარ თავზე გამარჯვებას. კარგი იქნება არქივიდან იმ კადრების ამოღება, სადაც „ქართული ოცნების“ ლიდერები ერთხმად ამტკიცებენ, რომ საარჩევნო სისტემის შეცვლის „საკითხი დახურულია". ეს აჩვენებს საზოგადოებისა და საქართველოს მეგობრების ძალას, რომ ასეთ კომიკურ მდგომარეობაში არიან ახლა", – განაცხადა ბოკერიამ.

ის დარწმუნებულია, რომ ერთი ამოცანა უკვე შესრულდა და ახლა რჩება მეორე – გიორგი რურუას გათავისუფლება და არჩევნების მოგება.

ფრაქცია „ერთიანი ნაციონალური მოძრაობის" თავმჯდომარემ რომან გოცირიძემ საკონსტიტუციო შესწორებებზე კომენტარისას ჟურნალისტებს განუცხადა, რომ „ქართულმა ოცნებამ" საერთაშორისო ზეწოლას ვერ გაუძლო.

„ვერ გაუძლო „ქართულმა ოცნებამ" და ბიძინა ივანიშვილმა საერთაშორისო და შიდა ზეწოლას. ის განცხადებები, რომელიც მოდიოდა დასავლეთიდან, მათ შორის, პირადი სანქციების დაწესების სახით ბიძინა ივანიშვილისადმი, ფაქტობრივად, აღმოჩნდა გადამწყვეტი ამ გადაწყვეტილების მიღებაში. ძალიან კარგი რამ მოხდა. მადლობა უნდა ვუთხრათ იმ თავისუფალ დეპუტატებს და სხვა ოპოზიციურ პარტიებს, რომლებმაც უზრუნველყვეს საკონსტიტუციო ცვლილებების გატანა", – განაცხადა გოცირიძემ.

პარტია „ერთიანი საქართველოს" თავმჯდომარის ნინო ბურჯანაძის განცხადებით, შესწორებების მიღება მთელი ოპოზიციის დამსახურებაა.

„რომ არა ოპოზიციური მაგიდის ერთობა და საერთაშორისო თანამეგობრობის უპრეცედენტო ზეწოლა, კონსტიტუციური ცვლილებები ვერც ერთ შემთხვევაში ვერ გავიდოდა. ძალიან დიდი მადლობა ყველას, ვინც იბრძოლა კონტიტუციური ცვლილებების მოსაპოვებლად", – განაცხადა ბურჯანაძემ.

საქართველოს პარლამენტმა მესამე მოსმენით დაამტკიცა შესწორებები კონსტიტუციაში, რომლის მიხედვით 2020 წლის 31 ოქტომბერს საპარლამენტო არჩევნები ახალი სისტემით უნდა ჩატარდეს. კენჭისყრისას წინააღმდეგ წავიდა მხოლოდ სამი დეპუტატი – ბიძინა გეგიძე, კახა ოქრიაშვილი და ალექსანდრე ერქვანია.

კენჭისყრაში არ მონაწილეობდნენ „ერთიანი ნაციონალური მოძრაობა" და „ევროპული საქართველო".

საკონსტიტუციო ცვლილებები დამტკიცებულია... რურუა ისევ პატიმრობაში დატოვეს>>

პარლამენტის მიერ მიღებული ცვლილებების მიხედვით, საქართველოს საკანონმდებლო ორგანოში 150-დან 120 ადგილი გადანაწილდება იმ პარტიებს შორის, რომლებიც ამომრჩეველთა ხმების 1%-ზე მეტს მოიპოვებენ, ან იმ ბლოკებს შორის, რომლებიც ხმების არანაკლებ იმდენი პროცენტის მიღებას შეძლებენ, რამდენი პოლიტიკური სუბიექტიც შედის ამ ბლოკში. დანარჩენ ადგილებს 30 ერთმანდატიან ოლქში გამარჯვებული კანდიდატები მიიღებენ.

88
თემები:
საქართველოს პარლამენტი (192)
ირაკლი სესიაშვილი

სესიაშვილი: საქართველომ სომხეთსა და აზერბაიჯანს იარაღის ტრანზიტზე უარი უთხრა

31
საქართველო კონფლიქტის მშვიდობიან მოგვარებას უჭერს მხარს და მხარეებს საომარი მოქმედებების შეწყვეტისკენ მოუწოდებს, განაცხადა საპარლამენტო კომიტეტის თავმჯდომარემ

ბილისი, 29 სექტემბერი – Sputnik. საქართველომ სომხეთსა და აზერბაიჯანს თავისი ტერიტორიის გავლით იარაღის ტრანზიტზე უარი განუცხადა და ისინი ამას გაგებით მოეკიდნენ, განაცხადა თავდაცვისა და უშიშროების კომიტეტის თავმჯდომარე ირაკლი სესიაშვილმა.

საქართველოს პარლამენტში სომხეთსა და აზერბაიჯანს ცეცხლის შეწყვეტისკენ მოუწოდეს>>

სომხეთისა და აზერბაიჯანის ხელისუფლებებმა, მთიან ყარაბაღში ვითარების გამწვავების შემდეგ, 27 სექტემბერს საომარი მდგომარეობა გამოაცხადეს. კონფლიქტის ესკალაციაში ერევანი და ბაქო ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს. მესამე დღეა, რაც მთიან ყარაბაღში გააფთრებული ბრძოლები მიმდინარეობს. არის მსხვერპლი ორვე მხარეს.

„მინდა, ხაზი გავუსვა, რომ ორივე სახელმწიფო უფრთხილდება ჩვენს პოზიციებს. საუბარი იმაზე, რომ საქართველოს ტერიტორიები შეიძლება რომელიმე ქვეყანამ გამოიყენოს ტრანზიტისთვის და საკუთარი სამხედრო მიზნებისთვის, ჩვენ ამაზე მკაფიო უარი გვაქვს გაცხადებული ყველასთვის. ეს ჩვენმა მეზობლებმა იციან, ამ მიდგომას პატივისცემით ეპყრობიან და უფრთხილდებიან. ვაანალიზებთ სიტუაციას, პროცესს თვალ-ყურს ვადევნებთ და ყველანაირი სცენარისთვის მზად ვართ“, – განუცხადა სესიაშვილმა ჟურნალისტებს.

მან აღნიშნა, რომ საქართველო კონფლიქტის მშვიდობიან მოგვარებას უჭერს მხარს და მხარეებს ცეცხლის შეწყვეტისკენ მოუწოდებს.

საგარეო უწყება: საქართველო მზადაა ხელი შეუწყოს ყარაბაღში სიტუაციის დეესკალაციას>>

„საქართველოს ერთგვარი ნეიტრალური პოზიციები აქვს ამ კონფლიქტთან მიმართებით გასაგები მიზეზების გამო, რამდენადაც ჩვენ გამორჩეული კეთილმეზობლური ურთიერთობა გვაქვს როგორც აზერბაიჯანთან, ისე სომხეთთან“, – განაცხადა სესიაშვილმა.

მთიანი ყარაბაღის გამო სომხეთსა და აზერბაიჯანს შორის კონფლიქტი 1988 წლის თებერვალში დაიწყო, როდესაც მთიანი ყარაბაღის ავტონომიამ აზერბაიჯანის სსრ-დან გასვლის თაობაზე განაცხადა. 1992-1994 წლებში აზერბაიჯანმა დაკარგა კონტროლი მთიან ყარაბაღზე და მის მიმდებარე შვიდ რაიონზე.

კონფლიქტის მშვიდობიანად მოგვარებისთვის მოლაპარაკებები 1992 წლიდან მიმდინარეობს ეუთოს მინსკის ჯგუფის ფარგლებში, რომელსაც სამი თანათავმჯდომარე ჰყავს – რუსეთი, აშშ და საფრანგეთი. აზერბაიჯანი მოითხოვს ტერიტორიული მთლიანობის აღდგენას, სომხეთი კი არაღიარებული რესპუბლიკის ინტერესებს იცავს, რადგან თავად ყარაბაღი მოლაპარაკებების მხარე არ არის.

31
თემები:
მთიან ყარაბაღში ვითარება გამწვავდა – შეიარაღებული შეტაკება 2020
საპატრულო პოლიცია და მოქალაქეები

დაპირისპირება მარნეულში: „ნაცმოძრაობა" VS „ქართული ოცნება"

33
(განახლებულია 20:05 29.09.2020)
ცესკოს მტკიცებით, ის ბრალდებები, თითქოსდა საოლქო საარჩევნო კომისიამ არ შეატყობინა „ნაციონალური მოძრაობის“ მიერ დანიშნულ საუბნო საარჩევნო კომისიების წევრებს პირველი სხდომების გამართვის შესახებ, არის უსაფუძვლო

თბილისი, 29 სექტემბერი - Sputnik. მარნეულის საოლქო საარჩევნო კომისიასთან „ერთიანი ნაციონალური მოძრაობისა“ და „ქართული ოცნება - დემოკრატიული“ მხარდამჭერები ერთმანეთს სიტყვიერად და ფიზიკურად დაუპირისპირდნენ, იუწყება პირველი არხი.

გავრცელებული ინფორმაციით, სიტყვიერი შელაპარაკება მოხდა „ნაციონალური მოძრაობის“ მაჟორიტარი დეპუტატობის კანდიდატს, მოქმედ დეპუტატ აზერ სულეიმანოვსა და „ქართული ოცნების“ შტაბის უფროს ამირან გიორგაძეს შორის. ინციდენტი სამართალდამცველების ჩარევის შემდეგ მალევე განიმუხტა.

მანამდე საოლქო კომისიასთან მომხდარი კიდევ ერთი ინციდენტი ფიზიკურ დაპირისპირებაშიც გადაიზარდა. მარნეულის საოლქო კომისიის თავმჯდომარის, ანა ილურიძის განცხადებით, ადამიანთა ჯგუფი კომისიის შენობაში შეჭრას ცდილობდა და მათ მუშაობას ხელს უშლიდა, შემდეგ კი კომიასიაში დასაქმებულ პირს  ფიზიკური შეურაცხყოფა მიაყენეს.

მარნეულში ოპოზიციური პარტიის აქტივისტს ტირის თოფიდან ესროლეს>>

„ნაციონალური მოძრაობის“ წევრების მტკიცებით, საოლქო კომისიამ გუშინ პირველი სხდომები ჩაატარა და უბნების ხელმძღვანელი პირები მათგან ჩუმად აირჩია, ამიტომ, დღეს პროტესტი გამოხატეს.

აღნიშნულთან დაკავშირებით დღეს განცხადება გაავრცელა ცენტრალურმა საარჩევნო კომისიამ (ცესკო), სადაც ნათქვამია,რომ ცესკო გმობს ძალადობისა და საოლქო საარჩევნო კომისიაზე ზეწოლის მცდელობის ფაქტებს. 

ცესკოს მტკიცებით, ის ბრალდებები, თითქოსდა საოლქო საარჩევნო კომისიამ არ შეატყობინა „ნაციონალური მოძრაობის“ მიერ დანიშნულ საუბნო საარჩევნო კომისიების წევრებს პირველი სხდომების გამართვის შესახებ, არის უსაფუძვლო და სიცრუის ტირაჟირება, რადგანაც ყველა წევრთან ხორციელდებოდა მათ მიერ მითითებულ საკონტაქტო საშუალებებზე (ტელეფონის ნომრებზე) დაკავშირება.

მარნეულის საოლქო საარჩევნო კომისიის შენობას ამჟამად პოლიცია იცავს.

მომხდარ ფაქტთან დაკავშირებით გამოძიება საქართველოს სსკ-ის  126-ე, ძალადობის მუხლით დაიწყო.

33
თემები:
საქართველოს საპარლამენტო არჩევნები 2020
საქართველოს პროკურატურა

აზერბაიჯანთან საზღვრის დემარკაციის საკითხზე საქართველოში სისხლის სამართლის საქმე აღიძრა

0
გამოძიების ჩატარების მიზეზი ქვეყნის თავდაცვის სამინისტროს წერილი გახდა დემარკაციის კომისიის არასამართლებრივი საქმიანობის შესახებ

თბილისი, 29 სექტემბერი – Sputnik. საქართველოს გენერალურმა პროკურატურამ აღძრა სისხლის სამართლის საქმე „უცხო ქვეყნისათვის საქართველოს ტერიტორიის ნაწილის გადაცემის“ მუხლით. საკითხი ეხება საქართველოსა და აზერბაიჯანს შორის საზღვრის დემარკაციასა და დემილიტაციას, აღნიშნულია უწყების განცხადებაში.

გამოძიების დაწყების საბაბი გახდა თავდაცვის სამინისტროს 2020 წლის 17 აგვისტოს მიწოდებული წერილობითი ინფორმაცია, რომელიც ეხებოდა საქართველოს სახელმწიფო საზღვრის დემარკაციის სამთავრობო კომისიის საქმიანობას.

„თავდაცვის სამინისტროდან მიღებული ინფორმაციით, კომისიის მიერ საქართველო აზერბაიჯანის სახელმწიფო საზღვრის გარკვეული მონაკვეთები არამართლზომიერად, ჩვენი ქვეყნის ტერიტორიული ინტერესების საზიანოდ შეთანხმდა“, – აღნიშნულია განცხადებაში.

ამჟამად პროკურატურა საქართველო–აზერბაიჯანის საზღვრის დელიმიტაციის პროცესში მონაწილე სამთავრობო კომისიის ცალკეული ექსპერტების მოქმედებების კანონიერებას სწავლობს. უკვე დაიწყო კარტოგრაფიული ექსპერტიზა საქმეზე, რომლი შედეგებზე პროკურატურა ასევე მიაწვდის ინფორმაციას საზოგადოებას.

საქართველო–აზერბაიჯანის საზღვრის დემარკაცია ერთ–ერთი ყველაზე მტკივნეული საკითხია ქვეყნებს შორის ურთიერთობებში.

დავით-გარეჯის დამცველებმა საგარეო უწყებას გადაუწყვეტელი პრობლემა შეახსენეს>>

საქართველოსა და აზერბაიჯანს 446 კილომეტრის სიგრძის საერთო სახელმწიფო საზღვარი აქვთ, რომლის მესამედი, მათ შორის დავით-გარეჯის მონაკვეთი, ჯერჯერობით არ არის დელიმიტირებული. სახელმწიფო საზღვრის დელიმიტაციისა და დემარკაციის ორმხრივი ქართულ–აზერბაიჯანული კომისია 1996 წელს შეიქმნა.

არსებობის 15 წლის განმავლობაში საზღვრის თითქმის 70%-ის დაზუსტების სამუშაოები შესრულდა, მაგრამ 2007 წელს დელიმიტაციის ჩატარების პროცესში დაბრკოლებები გაჩნდა. ოფიციალური თბილისი სადავო ტერიტორიად მიიჩნევს დავით–გარეჯისა და სოფელ ერისიმედის ტერიტორიებს.

საზღვრის დელიმიტაციისა და დემარკაციის თემა მას შემდეგ გახდა მეტად აქტუალური, რაც გასული წლის აპრილის ბოლოს აზერბაიჯანის მხარემ პერიოდულად დაიწყო ქართული კულტურის ძეგლებთან მისასვლელი გზების გადაკეტვა, ქართველმა აქტივისტებმა კი – მიმდებარედ საპროტესტო აქციების გამართვა.

ამის შემდეგ მუშაობა განაახლა დემარკაციის კომისიამ.

დავით-გარეჯის სამონასტრო კომპლექსში კლდეში ნაკვეთი 20-მდე მონასტერია გაერთიანებული. მთავარი მონასტერი წმინდა დავითის ლავრაა. კომპლექსის ტერიტორიაზე ზოგიერთ ეკლესიასა და სატრაპეზოში შემონახულია VIII-XIV საუკუნეებით დათარიღებული ფრესკები, რომლებზეც გამოსახული არიან ქართველი ისტორიული პირები, მათ შორის თამარ მეფე.

0
თემები:
ვნებათაღელვა დავით–გარეჯის ირგვლივ