გიორგი გახარია

გახარია: გამჭვირვალე და დემოკრატიული არჩევნები პრიორიტეტი ნომერი ერთი

76
(განახლებულია 20:59 29.06.2020)
2020 წლის საპარლამენტო არჩევნები, რადიკალური ოპოზიციის ბოიკოტის მიუხედავად, ახალი სისტემით ჩატარდება – პარლამენტმა მესამე, საბოლოო მოსმენით კონსტიტუციაში შესწორებები მიიღო.

თბილისი, 29 ივნისი — Sputnik. მთავრობის უპირველესი ამოცანა საკონსტიტუციო შესწორებების მიღების შემდეგ თავისუფალი და გამჭვირვალე არჩევნების ჩატარების უზრუნველყოფაა, განუცხადა ჟურნალისტებს საქართველოს პრემიერ-მინისტრმა გიორგი გახარიამ.

კონსტიტუციაში ცვლილებები დამტკიცებულია: როგორ ჩატარდება არჩევნები>>

საქართველოს პარლამენტმა ორშაბათს მიიღო შესწორებები კონსტიტუციაში, რომლის თანახმად საპარლამენტო არჩევნები მიმდინარე წლის 31 ოქტომბერს ახალი სისტემით ჩატარდება.

„საკონსტიტუციო ცვლილებების შემდგომ ჩვენი ყველაზე მნიშვნელოვანი და ყველაზე პრიორიტეტული ამოცანა არის, რომ საქართველოში არჩევნები იყოს დემოკრატიული, სრულიად გამჭვირვალე და აკმაყოფილებდეს არჩევნების დასავლურ, უმაღლეს სტანდარტებს, რასაც ჩვენ გავაკეთებთ. ეს არის პრიორიტეტი ნომერი ერთი. ამის შემდგომ ვის მისცემს უკვე ხმას ამომრჩეველი, როდესაც საარჩევნო ურნასთან აღმოჩნდება, ეს მისი გადასაწყვეტია", – განაცხადა გახარიამ.

ამასთან მან აღნიშნა, რომ პარლამენტში აღარ უნდა მოხვდნენ „საქართველოს მტრები".

მან გააკრიტიკა ის ოპოზიციური პარტიები, რომლებმაც საკონსტიტუციო შესწორებების კენჭისყრაში მონაწილეობაზე უარი თქვეს.

„მოქალაქეების წინაშე თავს ვერ გაიმართლებს ის, ვინც გაურკვეველი კრიმინალური ქეისების გამო კენჭისყრაში მონაწილეობა არ მიიღო", – განაცხადა გახარიამ.

პარლამენტის მიერ მიღებული ცვლილებების თანახმად, საქართველოს საკანონმდებლო ორგანოში 150-დან 120 ადგილი გადანაწილდება იმ პარტიებს შორის, რომლებიც ამომრჩეველთა ხმების 1%-ზე მეტს მოიპოვებენ, ან იმ ბლოკებს შორის, რომლებიც ხმების არანაკლებ იმდენი პროცენტის მიღებას შეძლებენ, რამდენი სუბიექტიც შედის ამ ბლოკში. დანარჩენ ადგილებს 30 ერთმანდატიან ოლქში გამარჯვებული კანდიდატები მიიღებენ.

დღეს არსებული სისტემისგან განსხვავებით, პარტიებს შორის ადგილების გადანაწილება პარლამენტში გამოითვლება ახალი ფორმულით. ამ ფორმულის მიხედვით შემოდის გარკვეული შეზღუდვა, ე.წ. 40%-იანი „ჩამკეტი“ – ყველა მაჟორიტარულ ოლქში გამარჯვების შემთხვევაშიც კი პარტია ან ბლოკი იმაზე მხოლოდ ერთი მეოთხედით მეტი მანდატის მიღებას შეძლებს, ვიდრე მათ პროპორციული არჩევნების შედეგების მიხედვით ერგებათ.

76
თემები:
საქართველოს საპარლამენტო არჩევნები 2020 (434)
მამუკა მდინარაძე

მამუკა მდინარაძე: ოპოზიცია რევოლუციური სცენარის ამოქმედებას ცდილობს

6
ამ დროისთვის ცენტრალურ საარჩევნო კომისიის შენობასთან სხვადასხვა ოპოზიციური პარტიების ლიდერები და მათი მხარდამჭერები იკრიბებიან. 

თბილისი, 1 ნოემბერი – Sputnik.  ცესკოს თავმჯდომარეს ორჯერ შეაწყვეტინეს ბრიფინგი, რათა ადრე დაანონსებული რევოლუციური სცენარი მოქმედებაში მოიყვანონ, განაცხადა მმართველი პარტია  „ქართული ოცნება–დემოკრატიული საქართველოს“ ერთ-ერთმა ლიდერმა  ცენტრალურ საარჩევნო კომისიაში მომხდარ ინციდენტთან დაკავშირებით. 

დაახლოებით ნახევარი საათის წინ, ცენტრალურ საარჩევნო კომისიაში, როდესაც თავმჯდომარე თამარ ჟვანია საპარლამენტო არჩევნების წინასწარ შედეგებს აცხადებდა, „ნაციონალური მოძრაობისა“ და „ევროპული საქართველოს“ ცესკოს წევრებმა „ქართული ოცნების“ მაღალი შედეგი გააპროტესტეს.

„ცესკოში ადგილი ჰქონდა საბოტაჟის ფაქტს, როდესაც ცენტრალური საარჩევნო კომისიის თავმჯდომარეს ორჯერ შეაწყვეტინეს ბრიფინგი, რათა ის რაღაც რევოლუციური სცენარი, როგორმე მოქმედებაში მოიყვანონ. თუმცა, დარწმუნებით შემიძლია გითხრათ, რომ ქვეყანაში ტყუილზე დაფუძნებული მუხტის აწევას ადგილი ვერ ექნება“, – განაცხადა მამუკა მდინარაძემ.

საქართველოს ცენტრალური საარჩევნო კომისიის თავმჯდომარე თამარ ჟვანიამ ცესკოში მომხდარ ინციდენტთან დაკავშირებით საერთაშორისო სადამკვირვებლო ორგანიზაციებს უკვე მიმართა.

 საქართველოში 31 ოქტომბერს პარლამენტის არჩევნები გაიმართა, რომელშიც 48 პარტია და ორი საარჩევნო ბლოკი მონაწილეობდა. საქართველოში ოირველად არჩევნები პანდემიის პირობებში ჩატარდა.

ამ დროისთვის ცენტრალურ საარჩევნო კომისიის შენობასთან სხვადასხვა ოპოზიციური პარტიების ლიდერები და მათი მხარდამჭერები იკრიბებიან. 

6
თემები:
საქართველოს საპარლამენტო არჩევნები 2020 (434)
ცესკო

ინციდენტი ცესკოში: თამარ ჟვანია საერთაშორისო სადამკვირვებლო ორგანიზაციებს მიმართავს

18
(განახლებულია 04:25 01.11.2020)
ამ დროისთვის ცენტრალურმა საარჩევნო კომისიამ 3 847 საარჩევნო უბნიდან 1085 უბნის მონაცემები დაამუშავა,

თბილისი, 1 ნოემბერი – Sputnik. საქართველოს ცენტრალური საარჩევნო კომისიის თავმჯდომარე თამარ ჟვანია ცესკოში მომხდარ ინციდენტთან დაკავშირებით  საერთაშორისო სადამკვირვებლო ორგანიზაციებს მიმართავს. 

ცენტრალურ საარჩევნო კომისიაში, როდესაც თამარ ჟვანია საპარლამენტო არჩევნების წინასწარ შედეგებს აცხადებდა, ინციდენტი მოხდა.  „ნაციონალური მოძრაობისა“ და „ევროპული საქართველოს“ ცესკოს წევრებმა „ქართული ოცნების“ მაღალი შედეგი გააპროტესტეს.

„მოვუწოდებ საერთაშორისო ორგანიზაციებს მოვიდნენ აქ. მათ კარგად იციან, რომ წინასწარი შედეგები არ ნიშნავს საბოლოო შედეგებს. მოვუწოდებ ადგილობრივ დამკვირვებლებს და იმ პირებს, რომლებიც არ არიან პოლიტიკურად დაინტერესებული მხარეები, საარჩევნო ადმინისტრაციას, მათ შორის, ცენტრალურ საარჩევნო კომისიას ხმების დათვლის საშუალება მისცენ“, – განაცხადა თამარ ჟვანიამ.

ჟვანიას განმარტებით, ამ დროისთვის ცენტრალურმა საარჩევნო კომისიამ 3 847 საარჩევნო უბნიდან 1085 უბნის მონაცემები დაამუშავა, რომლის თანახმად, პროპორციული სისტემით ამომრჩეველთა ხმები შემდეგნაირად გადანაწილდა:

„ქართული ოცნება – დემოკრატიული საქართველო“ – 54,72% (193 418 ხმა)

„ნაციონალური მოძრაობა – ძალა ერთობაშია“ – 23,61% (83 447)

 „ევროპული საქართველო“ (დავით ბაქრაძე) – 3,99% (14 117)

 „პატრიოტთა ალიანსი“ (ირმა ინაშვილი) – 3,34 (11810)

„ლელო საქართველოსთვის“ (მამუკა ხაზარაძე)– 2,66% %(9 408)

„გიორგი ვაშაძე – სტრატეგია აღმაშენებელი“ – 2,46% (8705)

„გირჩი“ (ზურაბ ჯაფარიძე) – 1,91% (6 753).

საქართველოში 31 ოქტომბერს პარლამენტის არჩევნები გაიმართა, რომელშიც 48 პარტია და ორი საარჩევნო ბლოკი მონაწილეობდა. საქართველოში ოირველად არჩევნები პანდემიის პირობებში ჩატარდა.

18
თემები:
საქართველოს საპარლამენტო არჩევნები 2020 (434)