ირაკლი კობახიძე

ვის უხდის ირაკლი კობახიძე ბოდიშს ოპოზიციის ნაცვლად

84
(განახლებულია 19:55 29.06.2020)
გერმანიის ელჩმა ჰუბერტ კნირშმა განაცხადა, რომ „გიორგი რურუა 8 მარტის შეთანხმებაში მოხსენიებული არ არის, ეს აბსოლუტურად ნათელია და ამის წაკითხვა ნებისმიერს შეუძლია“.

თბილისი, 29 ივნისი — Sputnik. საპარლამენტო უმრავლესობის წევრმა, პარლამენტის ყოფილმა თავმჯდომარემ ირაკლი კობახიძემ საქართველოში გერმანიის ელჩის ჰუბერტ კნირშის მისამართით ოპოზიციის მხრიდან გამოთქმული შეურაცხმყოფელი განცხადებების გამო ბოდიში კიდევ ერთხელ მოიხადა.

„ჩვენ კიდევ ერთხელ ბოდიშს ვიხდით იმის გამო, რომ საქართველოს მოქალაქეები ასე უმსგავსოდ იქცევიან“, – განაცხადა კობახიძემ.

ხელისუფლების სახელით ელჩს პირველი ოფიციალური ბოდიში „ქართულმა ოცნებამ“ გასულ პარასკევს მოუხადა და არა მარტო ელჩს, არამედ დასავლელ პარტნიორებს, რომელთა მისამართით ოპოზიციის მხრიდან მკვეთრი განცხადებები გაკეთდა. 

რადიკალური ოპოზიციის, კერძოდ, „ნაციონალური მოძრაობისა“ და „ევროპული საქართველოს“ კრიტიკა ჰუბერტ კნირშმა დაიმსახურა მის მიერ გაკეთებული განცხადების გამო, რომ 8 მარტს დიპლომატიური კორპუსის მონაწილეობით მიღწეულ შეთანხმებაში არ ფიგურირებს „პოლიტპატიმრების“, მათ შორის, გიორგი რურუას გვარი, რომლის გათავისუფლებასაც ოპოზიცია მოითხოვს, და რომელმაც ოპოზიციას საკონსტიტუციო ცვლილებების მხარდაჭერისკენ მოუწოდა.

„ქართული ოცნების“ განცხადებაში ნათქვამია, რომ რადიკალური ოპოზიციის ლიდერები ღიად და თავხედურად აცხადებენ უარს იმ შეთანხმების შესრულებაზე, რომელსაც პოლიტიკურმა პარტიებმა ელჩების მხარდაჭერით მოაწერეს ხელი, „უფრო მეტიც, რადიკალური ოპოზიციის წარმომადგენლებმა არაერთხელ ღიად განაცხადეს, რომ საკონსტიტუციო ცვლილებების მიღების ჩაგდებას გეგმავენ“.

„რადიკალური ოპოზიციის ანტიდასავლური კამპანიის ერთგვარი კულმინაცია იყო მათი ლიდერების შალვა ნათელაშვილისა და გიგა ბოკერიას მიერ გერმანიის ელჩის კომენტარის პასუხად გაკეთებული შეურაცხმყოფელი განცხადებები, რომლებიც უხეშად არღვევდა ზრდილობისა და ეთიკის ელემენტარულ ნორმებს. ბოკერიას და მისი მეუღლის შეურაცხმყოფელი განცხადებები მოგვიანებით კიდევ უფრო გაამძაფრა ნათელაშვილმა, რომელმაც შეურაცხყოფა მიაყენა არა მხოლოდ გერმანიის ელჩს, არამედ გერმანელ ხალხსა და გერმანულ სახელმწიფოს, სახელმწიფოს, რომელიც 1990-იანი წლებიდან დგას საქართველოს სუვერენიტეტისა და ტერიტორიული მთლიანობის სადარაჯოზე“, – ნათქვამია განცხადებაში.  

გერმანიის ელჩმა ჰუბერტ კნირშმა განაცხადა, რომ „გიორგი რურუა 8 მარტის შეთანხმებაში მოხსენიებული არ არის, ეს აბსოლუტურად ნათელია და ამის წაკითხვა ნებისმიერს შეუძლია“.

ელჩის განცხადებაზე მკვეთრი რეაქცია ჰქონდათ ოპოზიციის წარმომადგენლებს.

მათ შორის არის „ევროპული საქართველოს“ ერთ-ერთი ლიდერი გიგა ბოკერია. ბოკერიას განცხადებით, იგი „უთანაგრძნობს“ გერმანიის ელჩს იმის გამო, რომ „ასეთ არასასიამოვნო სიტუაციაში“ აღმოჩნდა. მისი სიტყვებით, გერმანიის ელჩი ისე გამოიყურება, თითქოს იგი „თარგმანში დაიკარგა, შემდეგ კი იძულებული გახდა ბოდიში მოიხადოს“.

ამავე დროს, ლეიბორისტული პარტიის ლიდერმა შალვა ნათელაშვილმა განაცხადა, რომ გერმანიის ელჩს ივანიშვილის რეჟიმი აფინანსებს და გერმანიის ხელისუფლებას „სამარცხვინო ელჩის გაწვევისკენ“ მოუწოდა.

საპარლამენტო ოპოზიციამ საკონსტიტუციო ცვლილებების კენჭისყრაში მონაწილეობაზე უარი თქვა. მათ განაცხადეს, რომ ისინი საკონსტიტუციო ცვლილებებს მხარს მხოლოდ იმ შემთხვევაში დაუჭერდნენ, თუ ხელისუფლება 8 მარტის შეთანხმებას სრულად შეასრულებდა და პატიმრობიდან გაათავისუფლებდა ოპოზიციური ტელეკომპანია „მთავარი არხის" ერთ-ერთ მფლობელს გიორგი რურუას, რომელსაც პოლიტპატიმრად მიიჩნევს. თუმცა, საკონსტიტუციო ცვლილებები პარლმენტმა მათი ხმების გარეშე მიიღო – კანონპროექტს მხარი 117-მა დეპუტატმა დაუჭირა, მათ შორის ოპოზიციისა და დამოუკიდებელი დეპუტატების დიდმა ნაწილმა.

გიორგი რურუა 2019 წლის ნოემბერში ცეცხლსასროლი იარაღის უკანონო შეძენა-შენახვა-ტარების ბრალდებით დააკავეს.

84
თემები:
საქართველოს პოლიტიკური ცხოვრება (102)
კახა კალაძე

კალაძე: ახალი საგანგებო მდგომარეობა საქართველოში არავის სჭირდება

48
(განახლებულია 11:17 15.07.2020)
მმართველი პარტიის გენმდივანი აცხადებს, რომ ხელისუფლება საპარლამენტო არჩევნების მინიმალური შეზღუდვებითა და უსაფრთხო გარემოში ჩასატარებლად ყველაფერს აკეთებს

თბილისი, 15 ივლისი – Sputnik. მმართველი პარტიის ამოცანაა, არ დაუშვას სპეკულაციები და არჩევნები მშვიდ გარემოში ჩაატაროს, განაცხადა თბილისის მერმა, მმართველი პარტია „ქართული ოცნება – დემოკრატიული საქართველოს“ გენერალურმა მდივანმა კახა კალაძემ.

საპარლამენტო არჩევნები 2020 წლის 31 ოქტომბერს გაიმართება. ამ დროისთვის ქვეყანაში კორონავირუსის პანდემიის გამო გარკვეული შეზღუდვები იმოქმედებს, რაც ოპოზიციაში იწვევს მოსაზრებას, რომ ხელისუფლება ამით ისარგებლებს და წინასაარჩევნო კამპანიაში ჩაერევა.

„ჩვენი მიზანია, რომ საგანგებო მდგომარეობა არ შემოვიღოთ და არჩევნები ჩავატაროთ ისე, რომ არც ერთ პოლიტიკურ სუბიექტს არ შეექმნას პრობლემა. ეს ყველაფერი კეთდება იმისთვისაც, რომ სპეკულაციები არ გამოიწვიოს იმან, რომ არჩევნებია და საგანგებო მდგომარეობის შემოღებას აპირებენო... ჩვენი მიზანია, ოპონენტებს არ მივცეთ სპეკულაციების საშუალება, ყველას ჰქონდეს ერთნაირი პირობები და გარემო იმისთვის, რომ ჩაატაროს საარჩევნო კამპანია“, – განაცხადა კალაძემ.

მისი თქმით, მმართველმა პარტიამ არჩევნებისთვის მზადება აქტიურად დაიწყო და უახლოეს მომავალში დაასახელებს თავის მაჟორიტარობის კანდიდატებს და განსაზღვრავს პარტიულ სიას.

ეპიდემიოლოგები შემოდგომაზე კორონავირუსის მეორე ტალღას ელოდებიან, თუმცა ჯერჯერობით გამორიცხავენ პანდემიის გამო არჩევნების თარიღის გადატანას. უკვე ცნობილია, რომ არჩევნებზე, ვირუსის მასობრივი გავრცელების თავიდან ასაცილებლად, უსაფრთხოების გაძლიერებული ზომები გატარდება.

48
თემები:
საქართველოს საპარლამენტო არჩევნები 2020
გიორგი ვაშაძე

„ძალა ერთობაშია“ იშლება? ვინ ტოვებს გაერთიანებას

69
(განახლებულია 03:13 15.07.2020)
პარტია „ახალმა საქართველომ“, გაერთიანებაში შემავალი სხვა თანამოაზრეებისგან განსხვავებით, ცესკოში რეგისტრაცია უკვე გაიარა.

თბილისი, 14 ივლისი – Sputnik. ოპოზიციური გაერთიანება „ძალა ერთობაშია“ დაშლის პირასაა, პარტიები არჩევნებში მონაწილეობას ცალ-ცალკე აპირებენ, განაცხადა პარტია „ახალი საქართველოს“ ლიდერმა გიორგი ვაშაძემ.

„ძალა ერთობაშია“ აერთიანებს 11 ოპოზიციურ პარტიას, მათ შორის ერთ-ერთია ყოფილი მმართველი პარტია „ერთიანი ნაციონალური მოძრაობა“. გაერთიანება 2018 წლის ზაფხულში შეიქმნა და მმართველ პარტია „ქართულ ოცნებას“ საპრეზიდენტო არჩევნებში დაუპირისპირდა, თუმცა მისმა კანდიდატმა გია ვაშაძემ არჩევნებზე მეორე ადგილი დაიკავა.

„არის ასეთი საუბარი, არ დაგიმალავთ, რომ მოხდეს გარკვეულწილად დამოუკიდებლად, ცალ-ცალკე პროპორციულ არჩევნებში მონაწილეობა იმისთვის, რომ მაქსიმალურად მოპოვებული იყოს ყველა ოპოზიციური ხმა და არც ერთი ხმა არ დავკარგოთ, ჩვენი კვლევები და მონაცემებიც ამას უჩვენებს. შესაბამისად, ნამდვილად, „ნაციონალური მოძრაობაც“ ფიქრობს, მიიღოს მონაწილეობა არა ერთად, არამედ ცალკე, ჩვენც ცალკე და ა.შ.“, - განუცხადა ვაშაძემ ჟურნალისტებს.

ამასთან, თავად „ახალმა საქართველომ“, გაერთიანებაში შემავალი სხვა თანამოაზრეებისგან განსხვავებით, ცესკოში რეგისტრაცია უკვე გაიარა.

გაერთიანებაში შემავალი სხვა პარტიის - „სახელმწიფო ხალხისთვის“ - წარმომადგენელი ნიკა მაჭუტაძე დარწმუნებულია, რომ ერთიანობა შენარჩუნდება.

„ჩვენ გვაქვს ინტენსიური საუბრები სტრატეგიასთან დაკავშირებით, რომელიც გულისხმობს არჩევნებში ჩვენს ერთობლივ მონაწილეობას. დადასტურებულად შემიძლია გითხრათ, რომ ეს ფორმატი არის ერთიანი, მტკიცე. გაერთიანებული ოპოზიციის ფორმატი „ნაციონალურ მოძრაობასთან“ ერთად,– განაცხადა ნიკა მაჭუტაძემ.

მისი თქმით, საბოლოო გადაწყვეტილებას გაერთიანება განხილვის შემდეგ უახლოეს დროს მიიღებს.

ამასთან, გაერთიანების მთავარი ფიგურა - „ერთიანი ნაციონალური მოძრაობა“ ჯერჯერობით ვერ ასახელებს, რა ფორმატით აპირებს პარტია არჩევნებში მონაწილეობას.

საპარლამენტო არჩევნები საქართველოში 31 ოქტომბერს გაიმართება. პარლამენტში მოსახვედრად პარტიამ ხმების 1% უნდა მიიღოს, ბლოკმა - იმდენი პროცენტი, რამდენი პარტიაც არის მის შემადგენლობაში.

დღეისათვის ოპოზიციური პარტიების უმრავლესობა აცხადებს, რომ არჩევნებზე გასვლას ცალ-ცალკე აპირებს და გაერთიანებას მხოლოდ მაჟორიტარული არჩევნებისთვის გეგმავენ.

ცესკოში რეგისტრაცია 14-მა პარტიამ გაიარა. არჩევნების მონაწილეების საბოლოო სია არჩევნებამდე 30 დღით ადრე გახდება ცნობილი.

69
თემები:
საქართველოს საპარლამენტო არჩევნები 2020
სამაშველო ოპერაცია მდინარეზე

„ზაალ, ნეტავ უფრო მეტად მოგფერებოდით“ - ვინ არის 15 წლის მოზარდი, რომელიც მდინარეში იპოვეს

0
(განახლებულია 12:41 15.07.2020)
გავრცელებული ინფორმაციით, 15 წლის ბიჭი მდინარესთან საქონელს მწყემსავდა, რა დროსაც ფეხი დაუცდა და ადიდებულ მდინარეში ჩავარდა

თბილისი, 15 ივლისი — Sputnik. 15 წლის მოზარდის გარდაცვალებას, რომელიც ორდღიანი ძებნის შემდეგ მდინარეში იპოვეს, დარჩელის პირველი საჯარო სკოლის დირექტორი, მარინე ცარციძე სოციალურ ქსელში ეხმაურება.

როგორც ჩანს, ბიჭი ადიდებულ მდინარეში შევიდა.

„რა ქნას საწყალმა შენმა დედიკომ, მამიკომ, ძმამ. რა ვქნათ ჩვენ, შენ რომ აღარ შემოაბიჯებ სკოლაში და არ შემოგვცინებ ალალი, ოდნავ ეშმაკური ღიმილით. შენ თამაშისა და გართობის დროს არ დაგემართა ეს უსაშველო უბედურება, საქონლის გამორეკვა გინდოდა, ჩემო შრომისმოყვარე ბიჭო. გვიყვარხარ, ზაალ, ნეტავ უფრო მეტად მოგფერებოდით სიცოცხლეში“, – წერს მარინე ცარციძე.

სოფლის რწმუნებულის მამუკა ჯოლოგუას თქმით, ორდღიანი ძებნის შემდეგ, დაკარგული არასრულწლოვანის ცხედარი გაუჩინარების ადგილიდან 3 კილომეტრში ქვიშაში ჩაფლული იპოვეს.

გავრცელებული ინფორმაციით, 15 წლის ბიჭი მდინარესთან საქონელს მწყემსავდა, რა დროსაც ფეხი დაუცდა და ადიდებულ მდინარეში ჩავარდა.

ბიჭი ადგილობრივებმა ბოლოს 13 ივლისს ნახეს.

სამძებრო-სამაშველო ოპერაციაში ჩართული იყვნენ სახანძრო-სამაშველო ჯგუფები სამეგრელო-ზემო სვანეთის, იმერეთის და აჭარის რეგიონებიდან. ასევე მობილიზებული იყო დრონი და ექოლოტი.

0
თემები:
შემთხვევები საქართველოში