გიორგი გახარია

როდის მიიღებს საქართველო პოლიტიკურ გადაწყვეტილებას ხანგოშვილის მკვლელობის საქმეზე

739
მკვლელობაში ბრალდებულია რუსეთის მოქალაქე. ამის გამო გერმანიასა და რუსეთს შორის დიპლომატიური სკანდალი აგორდა

თბილისი, 27 იანვარი - Sputnik. საქართველო თანამშრომლობს გერმანიასთან ბერლინში საქართველოს მოქალაქის, ზელიმხან ხანგოშვილის მკვლელობის საქმეზე, განაცხადა პრემიერ-მინისტრმა გიორგი გახარიამ.

ჩეჩნეთის პრეზიდენტის მეგობარი იზოლატორიდან საავადმყოფოში გადაიყვანეს >>

საქართველოს მთავრობის მეთაურმა აღნიშნა, რომ პოლიტიკური გადაწყვეტილებები გამოძიების დასრულების შემდეგ იქნება მიღებული.

„ჩვენი სამართალდამცავი სისტემა მჭიდროდ თანამშრომლობს გერმანელებთან ამ საქმის გახსნაში... დაველოდებით გამოძიების საბოლოო შედეგებს. გამოძიების საბოლოო შედეგებიდან გამომდინარე მივიღებთ პოლიტიკურ გადაწყვეტილებებს. ამ საქმის გახსნაში პირდაპირაც ჩართულები ვართ. ეს საქმე რომ გაიხსნება, ნახავთ, გერმანელები რა განცხადებას გააკეთებენ და ჩვენ რა განცხადებას გავაკეთებთ. ნუ გარბიხართ ამაზე წინ, რა“, - განაცხადა გახარიამ პარლამენტში ყოველწლიური მოხსენებით გამოსვლისას, ოპოზიციონერი დეპუტატის, გიორგი კანდელაკის კითხვაზე საპასუხოდ.

ადრე გერმანიის გენერალურ პროკურატურაში განაცხადეს, რომ ბერლინის სასამართლოს გადაუგზავნეს რუსეთის მოქალაქის საქმე, რომელიც 2019 წლის აგვისტოში საქართველოს მოქალაქის მკვლელობაშია ბრალდებული, იუწყება РИА Новости.

გერმანული გამოძიების ვერსიით, რუსეთის მოქალაქემ „რუსეთის ფედერაციის მთავრობის სახელმწიფო უწყებებისგან“ 2016 წლიდან ლტოლვილის სტატუსით მცხოვრები საქართველოს მოქალაქის ლიკვიდაციის დავალება მიიღო. მოკლული მეთაურობდა „ჩეჩნურ მილიციას რუსეთის წინააღმდეგ ბრძოლაში“, ნათქვამია განცხადებაში. როგორც გენერალური პროკურატურის განცხადებაშია ნათქვამი, მოკლული საქართველოს მოქალაქე „რუსეთის უწყებებმა მიაკუთვნეს... ტერორისტებს და ტერორისტული დაჯგუფების „კავკასიური ემირატი“ წევრობაში დაადანაშაულეს (აკრძალულია რუსეთის ფედერაციაში - რედ.)“.

გერმანელი გამომძიებლების ვერსიით, დავალების შესასრულებლად გასული წლის 17 აგვისტოს რუსეთის მოქალაქე მოსკოვიდან პარიზში გაემგზავრა, 20 აგვისტოს კი - პარიზიდან ვარშავაში. 22 აგვისტოს დილით მან ვარშავა დატოვა და ჯერჯერობით დაუდგენელი გზით ბერლინში ჩავიდა, ამტკიცებს გამოძიება.

მისი მონაცემებით, შენგენის ზონაში შესვლისთვის მან გამოიყენა ვადიმ სოკოლოვის სახელზე გაცემული დოკუმენტები. პასპორტი 2019 წლის 18 ივლისს ქალაქ ბრიანსკის მიგრაციული სამსახურის მიერ არის გაცემული, 30 ივლისს მოსკოვში მდებარე საფრანგეთის საკონსულოს მიერ ამ პასპორტზე გაიცა ვიზა. გამოძიების მონაცემებით, ვადიმ სოკოლოვმა, რომელიც ველოსიპედით გადაადგილდებოდა, ტირგარტენის პარკში ხანგოშვილს Glock 26-ის მარკის მაყუჩიანი პისტოლეტიდან ესროლა. ხანგოშვილი ადგილზე დაიღუპა. ბრალდებული მომხდართან ახლოს დააკავეს. 2019 წლის 24 აგვისტოდან ის წინასწარ პატიმრობაში იმყოფება.

გასულ წელს გერმანიამ ხანგოშვილის მკვლელობასთან დაკავშირებით ბერლინში რუსეთის საელჩოს ორი თანამშრომელი პერსონა ნონ გრატად გამოაცხადა.

რუსეთის პრეზიდენტმა ვლადიმირ პუტინმა განაცხადა, რომ ზელიმხან ხანგოშვილი იყო ტერაქტების ორგანიზატორი რუსეთში, ჩრდილოეთ კავკასიაში საბრძოლო მოქმედებებში ბოევიკების მხარეზე იღებდა მონაწილეობას. ადრე რუსულმა მხარემ ხანგოშვილის გადაცემის საკითხი არაერთხელ დააყენა „სპეცდანიშნულების სამსახურების დონეზე“, თუმცა „ოფიციალური მოთხოვნა პროკურატურის მეშვეობით ნამდვილად არ ყოფილა, რადგან ეს ჩვენმა კომპეტენტურმა ორგანოებმა უაზრობად მიიჩნიეს“, ვინაიდან ფაქტობრივად „უარყოფითი პასუხი“ მიიღეს. როგორც რუსეთის ლიდერმა აღნიშნა, ხანგოშვილი მონაწილეობდა მოსკოვის მეტროში აფეთქებების ორგანიზებაშიც, და ეს არ არის მისი სისასტიკეების მთელი ჩამონათვალი.

პუტინი აღნიშნავდა, რომ ეს ადამიანი იძებნება და რუსეთმა გერმანიას არაერთხელ მიმართა მისი გადაცემის თხოვნით, მაგრამ უშედეგოდ. მისი თქმით, რუსეთი „გააკეთებს ყველაფერს იმისათვის, რომ საქმეში გაირკვეს“ და გერმანელ კოლეგებს გამოძიებაში დაეხმარება.

რუსეთის საგარეო საქმეთა სამინისტრომ ზამთარში განაცხადა, რომ სიმართლეს არ შეესაბამება გერმანიის ხელისუფლების განცხადებები იმის შესახებ, რომ ხანგოშვილის მკვლელობის გამოძიების კუთხით რუსეთის უწყებები გერმანიას არასათანადოდ ეხმარებიან, „ამ საქმეზე 2019 წლის აგვისტოს ბოლოდან ხორციელდებოდა კონტაქტები საპარტნიორო არხებით, რომლებიც რუსეთისა და გერმანიის სპეცსამსახურებს შორის არის დამყარებული“.

739
დავით ზალკალიანი

ზალკალიანი სომეხ და აზერბაიჯანელ კოლეგებს ტელეფონით ესაუბრა

44
მინისტრმა აღნიშნა, რომ მოვლენების ადგილზე ვითარება უნდა განიმუხტოს და შეიარაღებული შეტაკებები შეწყდეს

თბილისი, 13 ივლისი - Sputnik. საქართველოს საგარეო საქმეთა მინისტრმა დავით ზალკალიანმა სომხეთ-აზერბაიჯანის საზღვარზე სიტუაციის ესკალაციის გამო შეშფოთება გამოხატა.

პირველი არხის ინფორმაციით, ზალკალიანი ტელეფონით ესაუბრა თავის კოლეგებს სომხეთიდან და აზერბაიჯანიდან - ზოგრაბ მნაცაკანიანთან და ელმარ მამედიაროვთან.

კვირას შეიარაღებული დაპირისპირება მოხდა აზერბაიჯანსა და სომხეთს შორის საზღვარზე, შესაბამისად, თოვუზის რაიონში და ტავუშის ოლქში, რომელიც საქართველოს საზღვართან ახლოსაა. ამ ტერიტორიიდან რამდენიმე ასეულ კილომეტრშია არაღიარებული მთიანი ყარაბაღი, სადაც ამჟამად მშვიდი ვითარებაა. სროლის ადგილზე განლაგებულია საბრძოლო საგუშაგოები, დისლოცირებული სოფელ მოვსესის მახლობლად.

აზერბაიჯანის თავდაცვის სამინისტრომ განაცხადა, რომ სომხეთის სამხედროებმა აზერბაიჯანული პოზიციები დაცხრილეს. სომხეთის თავდაცვის სამინისტრომ კი, თავის მხრივ, განაცხადა, რომ აზერბაიჯანელი სამხედროები ცდილობდნენ არტილერიის დახმარებით სომხეთის საგუშაგოს ხელში ჩაგდებას. ბაქოს ინფორმაციით, დაიღუპა ოთხი აზერბაიჯანელი სამხედრო. სომხეთის მხარის განცხადებით, დაჭრილია ორი სომეხი პოლიციელი, დაღუპულები არ არიან.

სატელეფონო საუბრისას ზალკალიანმა აღნიშნა, რომ ძალიან მნიშვნელოვანია მოვლენების ადგილზე ვითარების განმუხტვა, შეიარაღებული მოქმედებების შეჩერება და მშვიდობის უზრუნველყოფა.

დავით ზალკალიანმა იმედი გამოთქვა, რომ საერთაშორისო ძალისხმევით შესაძლებელია სიტუაციის დარეგულირება რეგიონში ყველაზე მნიშვნელოვანის - მშვიდობისა და სტაბილურობის უზრუნველსაყოფად.

მანამდე საკითხით შეშფოთება გამოთქვა საქართველოს პრეზიდენტმა სალომე ზურაბიშვილმაც. მან აღნიშნა, რომ ამ რთულ დროს, როდესაც მთელი მსოფლიო იბრძვის „უხილავი მტრის წინააღმდეგ“, უდიდესი მნიშვნელობა აქვს საერთაშორისო სოლიდარობას და გლობალური სტაბილურობის შენარჩუნებას.

სომხეთ–აზერბაიჯანის დაპირისპირება: თურქეთმა არჩევანი გააკეთა >>

ორშაბათს სროლა გაგრძელდა. ერევანის განცხადებით, ბაქო სომხეთის ტერიტორიის მიმართულებით 15-20 წუთის შუალედებით ისვრის. აზერბაიჯანი და სომხეთი სროლაში ერთმანეთს ადანაშაულებენ.

44
თემები:
საქართველოს საგარეო პოლიტიკა
სალომე ზურაბიშვილი

საქართველოს პრეზიდენტმა სომხეთსა და აზერბაიჯანს შორის მომხდარ ინციდენტზე კომენტარი გააკეთა

55
(განახლებულია 22:24 13.07.2020)
ზურაბიშვილმა აღნიშნა, რომ ახლა, როდესაც ყველა უხილავ მტერს ებრძვის, განსაკუთრებული მნიშვნელობა ენიჭება მშვიდობისა და სტაბილურობის შენარჩუნებას.

თბილისი, 13 ივლისი - Sputnik. საქართველოს პრეზიდენტი სალომე ზურაბიშვილი წუხილს გამოთქვამს 12-13 ივლისს აზერბაიჯანისა და სომხეთის საზღვარზე მომხდარი შეიარაღებული დაპირისპირების გამო, იუწყება პრეზიდენტის ადმინისტრაციის პრეს-სამსახური.

კვირას შეიარაღებული დაპირისპირება მოხდა აზერბაიჯანსა და სომხეთს შორის საზღვარზე, შესაბამისად, თოვუზის რაიონში და ტავუშის ოლქში, რომელიც საქართველოს საზღვართან ახლოსაა. ამ ტერიტორიიდან რამდენიმე ასეულ კილომეტრშია არაღიარებული მთიანი ყარაბაღი, სადაც ამჟამად მშვიდი ვითარებაა. სროლის ადგილზე განლაგებულია საბრძოლო საგუშაგოები, დისლოცირებული სოფელ მოვსესის მახლობლად.

აზერბაიჯანის თავდაცვის სამინისტრომ განაცხადა, რომ სომხეთის სამხედროებმა აზერბაიჯანული პოზიციები დაცხრილეს. სომხეთის თავდაცვის სამინისტრომ კი, თავის მხრივ, განაცხადა, რომ აზერბაიჯანელი სამხედროები ცდილობდნენ არტილერიის დახმარებით სომხეთის საგუშაგოს ხელში ჩაგდებას. ბაქოს ინფორმაციით, დაიღუპა ოთხი აზერბაიჯანელი სამხედრო. სომხეთის მხარის განცხადებით, დაჭრილია ორი სომეხი პოლიციელი, დაღუპულები არ არიან.

„დღეს, როცა ყველა ერთად ვიბრძვით უხილავი მტრის წინააღმდეგ, უდიდესი მნიშვნელობა აქვს საერთაშორისო სოლიდარობას და გლობალური სტაბილურობის შენარჩუნებას. ჩვენი რეგიონის მშვიდობა და უსაფრთხოება მნიშვნელოვანია როგორც საქართველოს, ასევე ჩვენი მეგობარი და პარტნიორი სახელმწიფოების – აზერბაიჯანისა და სომხეთის მომავალი განვითარებისა და კეთილდღეობისათვის“, – განაცხადა ზურაბიშვილმა.

ორშაბათს სროლა გაგრძელდა. ერევანის განცხადებით, ბაქო სომხეთის ტერიტორიის მიმართულებით 15-20 წუთის შუალედებით ისვრის. აზერბაიჯანი და სომხეთი სროლაში ერთმანეთს ადანაშაულებენ.

55
თემები:
საქართველოს პრეზიდენტი
ქალი

შევარჩიოთ ჩანთა ზოდიაქოს ნიშნის მიხედვით: პროფესიონალების რჩევები

0
(განახლებულია 16:21 13.07.2020)
მოდა იცვლება, მაგრამ როგორიც არ უნდა იყოს ახალი კოლექცია, მათ შორის მაინც შეიძლება იმ განსაკუთრებული ჩანთის პოვნა, რომელზეც ქალი იტყვის „საჩემოა“

ჩანთა ერთ–ერთი უმნიშვნელოვანესი აქსესუარია ქალის გარდერობში და გარდა იმისა, რომ მას აუცილებელი პრაქტიკული დანიშნულება აქვს, ის ასევე ხაზს უსვამს ადამიანის ინდივიდუალობასა და ხასიათს.

როგორი ჩანთა შეეფერება ზოდიაქოს თითოეული ნიშნის ქალებს, როგორს ანიჭებენ ისინი უპირატესობას – ამის შესახებ გაეცანით ექსპერტების მოსაზრებას.

ვერძი

ვერძი ავანტიურისტია თავისი ბუნებით. ხანდახან ძნელად განსაჭვრეტია, რით დამთავრდება საღამო და საით წაიყვანს მას მოვლენების მთელი რიგი. ამ ნიშნის ქალებს ყველაზე მეტად ტევადი ჩანთა მიესადაგება, სადაც მოათავსებენ კბილის ჯაგრისს, ფეხსაცმელს, თმის ლაქს და საყვარელი სუნამოს ფლაკონს. ვერძების ცხოვრება ხომ სიურპრიზებითაა სავსე, ამიტომ ნუ გაიფუჭებთ განწყობას პატარა ჩანთით.

კურო

კუროებმა აქცენტი დეტალებზე უნდა გააკეთოთ. თუ რესტორანში ან წვეულებაზე მიდიხართ, შავი პატარა ჩანთა დაგჭირდებათ. თუ შოპინგზე მეგობართან ერთად – დიდი ჩანთა, რომელსაც თავისი „ეშხი“ ექნება – განსაკუთრებული ფერი ან ორნამენტი. მთავარია, რომ შინაგანად გრძნობდეთ, რომ ნივთი უნიკალურია, საინტერესო და გარშემომყოფების ყურადღებას იპყრობს.

ზოდიაქოს ნიშნები, რომლებიც ნებისმიერ ასაკში იოლად თხოვდებიან>>

ტყუპი

ტყუპებმა ბოლომდე თავადაც არ იცით, რა გსურთ. მიზეზი მარტივია: ერთი მხრივ, თქვენში მოკრძალებული ნატურა ცხოვრობს, რომელიც მოდის ბოლო ტენდენციებს მისდევს, ხოლო მეორე მხრივ – მეამბოხე, რომელსაც თვითგამოხატვის სურვილი არ ასვენებს. თქვენი ხასიათის გათვალისწინებით შეარჩიეთ ორფერიანი ჩანთები. თქვენი განწყობის ცვალებადობის მიუხედავად, არის შანსი, რომ ჩანთის ფერი გაგახარებთ.

კირჩხიბი

კირჩხიბები არ ჩქარობთ, რომ თითოეული ადამიანის წინაშე გული გახსნათ – ეს თქვენთვის საინტერესო არაა. თუმცა ნივთების საშუალებით თავის წარმოდგენა გიყვართ. საჭიროა არაა, ეს რამე მყვირალა და ორიგინალური იყოს, უფრო დახვეწილი, ნატიფი და უჩვეულო იქნება. მაგალითად, საშუალო ზომის „დუტის“ ჩანთა.

ლომი

ლომებს ყურადღების გარეშე ყოფნა არ შეგიძლიათ, ამიტომ ყველაფერს აკეთებთ, რომ ყურადღება მიიქციოთ, მათ შორის, ტანსაცმლისა და აქსესუარების გამოყენებით. მოგიხდებათ ლითონით დამშვენებული კაშკაშა ფერის ჩანთები. ეს გარშემომყოფების ყურადღებას მიიპყრობს.

თუ გინდათ, სურვილები აგისრულდეთ: ფერი-თილისმა ზოდიაქოს ნიშნის მიხედვით>>

ქალწული

ქალწულები, თუ არ მოგწონთ, მოდის გამო ჩანთას არ იყიდით – უფრო საკუთარ თავს მოუსმენთ და რამე უნივერსალურს, საიმედოს და ვინტაჟურსაც კი შეარჩევთ. ჩანთის ფერი ისეთი იქნება, რომ ნებისმიერ სამოსს მოუხდეს, ზომა კი – იმაზე დამოკიდებული, თუ რა მიზნით ყიდულობთ მას.

სასწორი

ზოდიაოქს ნიშანი თვითონ მეტყველებს ყველაფერზე – სასწორები დიდხანს წონიან დასკვნებს, სანამ არჩევანს გააკეთებენ. ამასთან, გადაწყვეტილება სრულიად მოულოდნელია ხოლმე. მაგალითად, თუ არჩევენ ჩანთას – წითელი აიღონ თუ ნაცრისფერი, უეცრად თვალს მოჰკრავენ დამაჯერებლი ზომის ჩანთა–საქაღალდეს და არჩევანს მასზე აჩერებენ. აქ წინასწარ ვერასდროს გამოიცნობთ. უბრალოდ, მოუსმინეთ საკუთარ თავს.

მორიელი

მორიელის გარდერობში იდეალურად ჩაეწერება რთული შეფერილობის ჩანთა აქტუალური პალიტრიდან. ეს შეიძლება იყოს ტყავის ან ზამშის ჩანთა, ოღონდ უნიკალური და თავისი საოცარი პეწით. ასეთი ჩანთების შეხამება სხვადასხვა სტილის ნივთებთან შეიძლება. თუმცა, მორიელები თავადაც შესანიშნავად ერკვევიან ამაში – გემოვნების „დეფიციტი“ არა აქვთ.

როგორია თქვენი აურის ფერი ზოდიაქოს ნიშნის მიხედვით>>

მშვილდოსანი

მშვილდოსნებს ორიგინალური ნივთები უყვართ, მათ შორის სხვადასხვა მორთულობა. გამონაკლისი არც ჩანთაა. ფერი და ზომა სხვადასხვა შეიძლება იყოს, მთავარია, რომ ხაზი გაუსვას თქვენს ორიგინალობასა და გადმოსცეს განუმეორებელი გემოვნება.

თხის რქა

თხის რქები ყველაფერში პრაქტიკულობას აფასებენ: ს ეხება როგორც ფინანსურ საკითხებს, ისე ნივთების შერჩევას. ამ ნიშნისთვის იდეალური ვარიანტია ნატურალური ტყავის ჩანთა. ჯერ ერთი, დიდხანს ძლებს, მეორეც – ყოველთვის მოდური და ესთეტიკურია.

მერწყული

ამ ნიშნის წარმომადგენლებს ექსპერიმენტებისა არ ეშინიათ. მათ „არსენალში“ შეიძლება შეგხვდეთ ნოუთბუქისთვის განკუთვნილი ან მყვირალა ლიმონისფერი ჩანთა, მაგრამ სრულიად ჩვეულებრივს ვერაფერს აღმოაჩენთ. განაგრძეთ ექსპერიმენტების ჩატარება და ირგვლივ მყოფთა გაოცება.

რომელი ფერია თქვენთვის ბედნიერებისა და წარმატების მომტანი ზოდიაქოს ნიშნის მიხედვით>>

თევზები

თევზები არ უშინდებიან სიახლეებს და ამიტომ ადვილად შეუძლიათ რამე მოულოდნელი, უჩვეულო მოსინჯონ, მაგალითად, კასრის ფორმის ჩანთა – ეს იდეალური გადაწყვეტილებაა ამ ნიშნის ქალებისთვის.

0