გიორგი გახარია

საქართველოს წინ რეფორმების 10-15 წელი აქვს გახარიამ მთავარ სოციალურ პრობლემებზე ისაუბრა

75
(განახლებულია 22:06 26.06.2020)
პარლამენტში გამოსვლისას პრემიერმა ქვეყნისთვის უმთავრეს საკითხებზე – საგარეო პოლიტიკასა და უსაფრთხოებაზე, ადამიანის უფლებათა დაცვაზე, ეკონომიკასა და სახელმწიფო მართვაზე ისაუბრა, მაგრამ მოხსენების ძირითადი ნაწილი განათლებასა და ჯანდაცვას დაუთმო.

თბილისი, 26 ივნისი – Sputnik. ჩვენ მზად უნდა ვიყოთ, რომ შემდგომი 10–15 წელი ქვეყანა მუდმივი რეფორმირების პროცესში იქნება, განაცხადა საქართველოს პრემიერ-მინისტრმა გიორგი გახარიამ პარლამენტში წლიური ანგარიშის წარდგენისას.

მისი თქმით, რამდენიც არ უნდა ისაუბრონ ეკონომიკაზე, საქართველოს შემთხვევაში ადამიანური კაპიტალი ძირითადი მამოძრავებელი ძალა და ეკონომიკის განვითარების ძირითადი რესურსია. სწორედ ამიტომ განსაკუთრებული მნიშვნელობა აქვს განათლების სისტემურ რეფორმას. გახარიამ აღნიშნა, რომ ქვეყანამ ყველაფერი უნდა გააკეთოს იმისთვის, რომ საქართველოს ახალგაზრდობა, განათლების სისტემის დახმარებით, გლობალურ ბაზარზე კონკურენტუნარიანი გახდეს.

განათლების სისტემა

„ჩვენ მზად უნდა ვიყოთ იმისათვის, რომ განათლების რეფორმაზე მუშაობა მოუწევს მრავალ თაობას, რათა საქართველოს განათლების სისტემა სულ უფრო და უფრო მდგრადი იყოს“, – განაცხადა გახარიამ.

პრემიერმა ამ სფეროს რეფორმირების ძირითადი მიღწევები ჩამოთვალა:

- შემუშავდა „ახალი სკოლის მოდელი“, რომელშიც შედის 166 სკოლა და ოთხი ათასამდე პედაგოგი; 

- გვარდება სატრანსპორტო პრობლემები, უმჯობესდება ქართული ენის შესწავლის ხელმისაწვდომობა, სახელმწიფო სასწავლო გრანტებით სარგებლობს 1395 სტუდენტი;

- გრძელდება პედაგოგების ხელფასების მომატების პროგრამა;

- დასრულდა რვა ახალი სკოლის მშენებლობა, წლის ბოლომდე კი დასრულდება კიდევ 70 ახალი საჯარო სკოლის მშენებლობა. დასრულდა 717 სკოლის რემონტი, კიდევ 111 საჯარო სკოლაში სარემონტო სამუშაოები ახალი სასწავლო წლისთვის დასრულდება.

2020 წლის ერთ-ერთ ყველაზე დიდ მიღწევად გახარიამ ქუთაისის საერთაშორისო უნივერსიტეტის მშენებლობა დაასახელა. მისი თქმით, ის უმაღლესი განათლების ახალ სტანდარტს დააწესებს.

ჯანდაცვა

რაც შეეხება ჯანდაცვის სფეროს, როგორც მთავრობის მეთაურმა აღნიშნა, საქართველოში არ ყოფილა კორონავირუსით ინფიცირებული არც ერთი პაციენტი, რომელმაც სტაციონარული მომსახურება არ მიიღო.

გახარიამ ჯანდაცვის სფეროს მთავარი მიღწევებიც ჩამოთვალა:

- 2019 წელს გარემონტდა 400-მდე სოფლის ამბულატორია;

- აშენდა „სასწრაფო დახმარების“ 41 ახალი ცენტრი;

- გრძელდება С ჰეპატიტის უფასო პროგრამა. მისი თქმით, შარშან სკრინინგი გაიარა 774 ათასმა ადამიანმა, პროგრამაში კი მონაწილეობს 9,77 ათასი ადამიანი.

სოციალური დაცვა

მთავრობის მეთაურმა აღნიშნა, რომ 2020 წლის 1 იანვრიდან პენსიონერები 20 ლარით მომატებულ პენსიას იღებენ. ამგვარად, მათი პენსია 220 ლარია. 2020 წლის 1 ივლისიდან კი 70 წელს გადაცილებული პენსიონერები კიდევ 30 ლარით გაზრდილ პენსიას – 250 ლარს აიღებენ. 70 წელს გადაცილებული პენსიონერები, რომლებიც მაღალმთიან რეგიონებში ცხოვრობენ, 300 ლარს მიიღებენ. 

„ინდექსაციის ეს მექანიზმი ჩართულია და დაკავშირებულია ეკონომიკურ მაჩვენებლებთან, შესაბამისად, შემდგომში გამორიცხულია პენსიის მატებით პოლიტიკური სპეკულაცია“, – განაცხადა გახარიამ.

იძულებით გადაადგილებული პირები და ეკომიგრანტები – კიდევ ერთი თემაა, რომელსაც გახარია შეეხო.

- მოხერხდა 372 ოჯახის განსახლება და 2265 ბინის აშენება;

- პროგრამის „სახლი სოფელში“ ფარგლებში განხორციელდა 509 პროექტი და ეკომიგრანტებისთვის შეძენილი იქნა 167 საცხოვრებელი ბინა.

– საქართველოს მთავრობამ 150 მილიონი ლარი გამოყო იმისათვის, რომ სამშენებლო სექტორისგან ტენდერის მეშვეობით შეეძინა ბინები იძულებით გადაადგილებული პირებისთვის.

პრემიერ-მინისტრის გამოსვლა თითქმის სავსე დარბაზში თითქმის ორ საათს გაგრძელდა. სხდომას მინისტრთა კაბინეტის სრული შემადგენლობა ესწრებოდა. დეპუტატებმა მთავრობის მეთაურს კითხვებიც დაუსვეს.

სხდომა 16:30 საათზე განახლდა – გახარია კანონმდებლების დასმულ კითხვებს პასუხობს.

75
თემები:
საქართველოს პარლამენტი (177)
პარლამენტის სხდომა

სუს–ი: საქართველოში ტერორისტული საფრთხეები მინიმუმამდეა დაყვანილი

21
პარლამენტის კომიტეტების გაერთიანებული სხდომა, რომელზეც ალექსანდრე ხოჯევანიზე ანგარიშით წარდგა, დახურულ ფორმატში გაიმართა

 

თბილისი, 10 ივლისი  — Sputnik.  საქართველოს სახეელმწიფო უსაფრთხოების სამსახურისა (სუს–ი) და სხვა შესაბამისი უწყებების კოორდინირებული მუშაობის შედეგად, ქვეყანაში ტერორიზმიდან მომდინარე  საფრთხეები მინიმუმამდეა დაყვანილი, განაცხადა  სამსახურის უფროსის მოადგილე ალექსანდრე ხოჯევანიშვილმა პარლამენტში. 

ხუთშაბათს ხოჯევანიშვილმა პარლამენტის თავდაცვისა და უშიშროების, იურიდიულ საკითხთა და ადამიანის უფლებათა დაცვისა და სამოქალაქო ინტეგრაციის კომიტეტების გაერთიანებულ სხდომაზე საქართველოს სახელმწიფო უსაფრთხოების სამსახურის 2019 წლის საქმიანობის შესახებ ანგარიში წარადგინა.

სხდომა მედიისთვის დახურული იყო.

 „ახლო აღმოსავლეთში მიმდინარე საომარ მოქმედებებში საქართველოს მოქალაქეების გამგზავრების ფაქტები არ გამოვლენილა. აღსანიშნავია, რომ წინა წლებში გატარებულმა ზომებმა, მათ შორის, ტერორიზმის მომხრეების დაკავებებმა მნიშვნელოვანი როლი ითამაშეს ქვეყანაში დღეს არსებულ კონტროლირებად გარემოზე“, – განაცხადა ხოჯევანიძემ.

კორუფციასთან ბრძოლა

გასულ წელს სახელმწიფო უსაფრთხოების სამსახურის ანტიკორუფციულმა სამსახურმა 91 სისხლის სამართლის საქმის გამოძიება დაიწყო. პასუხისგებაში მიეცა 135 ადამიანი, მათ შორის ქრთამის, თაღლითობის, სამსახურებრივი გულგრილობის, უკანონო სამეწარმეო საქმიანობისთვის და ა.შ. გატარებული ღონისძიებების შედეგად რამდენიმე საჯარო მოხელე დააკავეს. 

კორუფციასთან ბრძოლა საქართველოს ერთ–ერთი მიღწევაა. საქართველოში დასჯადია როგორც ქრთამის აღება, ისე ქრთამის მიცემა. ამასთან, ქრთამის აღება ექვსიდან 15 წლამდე, ქრთამის მიცემა კი სამიდან რვა წლამდე ვადით თავისუფლების აღკვეთას ითვალისწინებს.

აქტუალური საკითხები
ალექსანდრე ხოჯევანიშვილმა თავის გამოსვლაში, ასევე, ისაუბრა ჰიბრიდულ ომზე, რომელიც კვლავ დიდ გამოწვევად რჩება, კონტრდაზვერვით საქმიანობაზე,  სახელმწიფო უსაფრთხოების სამსახურის საერთაშორისო თანამშრომლობაზე, ეკონომიკურ უსაფრთხოებზე; საქართველოს წინააღმდეგ განხორციელებულ კიბერშეტევებზე და კიბერსადაზვერვო ოპერაციებზე. 

გარდა ამისა, ხოჯევანიშვილი 2019 წლის 20–21 ივნისის მოვლენებსაც შეეხო, როდესაც თბილისის ცენტრში ანტისამთავრობო აქცია პოლიციასთან შეტაკებაში გადაიზარდა. აქციის დაშლისას 240 ადამიანი დაშავდა, მათ შორის 80 პოლიციელი.

მისი თქმით, აღნიშნული მოვლენები ძალიან მტკივნეულად აისახა ქვეყნის უსაფრთხოებაზე.

„სამართალდამცველებისადმი დაუმორჩილებლობა და უკონტროლო ვითარება ასევე აღნიშნულის მიღების ნორმად დამკვიდრების მცდელობები, მნიშვნელოვან გამოწვევებს ქმნის სახელმწიფოებრიობისათვის“, – განაცხადა ხოჯევანიშვილმა.

როგორც მან დასძინა, მსგავსი აქტივობები, შესაძლოა, მყისიერად იყოს გამოყენებული უცხო ქვეყნის სპეცსამსახურების მიერ, უფრო მწვავე, შეუქცევადი პროცესების გააქტიურებისათვის.


21
თემები:
საქართველოს პარლამენტი (177)
საქართველოს და ფინეთის დროშები

რომელი ქართველი მოხვდება ფინეთში რა განსაკუთრებულ პირობებს აწესებს ქვეყანა

50
(განახლებულია 21:31 10.07.2020)
საქართველოს მოქალაქეების ფინეთში ჩასვლის „წონადი“ მიზეზი მხოლოდ საქმიანი ვიზიტი ან განსაკუთრებული მიზანი შეიძლება იყოს.

თბილისი, 10 ივლისი – Sputnik. ფინეთი საქართველოსა და კიდევ 10 უსაფრთხო ქვეყნის მოქალაქეებისთვის საზღვრებს ნაწილობრივ 13 ივლისიდან გახსნის, აღნიშნულია ქვეყნის საგარეო საქმეთა სამინისტროს ვებ-გვერდზე. 

„13 ივლისიდან ალჟირის, ავსტრალიის, ახალი ზელანდიის, იაპონიის, რუანდის, სამხრეთ კორეის, საქართველოს, ტაილანდის, ტუნისის, ურუგვაისა და ჩინეთის მოქალაქეებს შეუძლიათ ფინეთს ეწვიონ საქმიანი ვიზიტით ან სხვა მნიშვნელოვანი მიზნით“, – ნათქვამია განცხადებაში.

ამავე დროს, ფინეთის საგარეო საქმეთა სამინისტრო თავის მოქალაქეებს მოუწოდებს, არ გაემგზავრონ ამ ქვეყნებში განსაკუთრებული საჭიროების გარეშე.

ჯანდაცვისა და სოციალური განვითარების ნაციონალური ინსტიტუტის (THL) მონაცემებით, ფინეთში ბოლო დღე-ღამეში კორონავირუსის 164 ახალი შემთხვევა გამოვლინდა. სულ ქვეყანაში ინფიცირების 2 769 შემთხვევაა დადასტურებული, გარდაცვლილია 42 ადამიანი.

გასულ კვირაში ვროკავშირმა საქართველო ევროკავშირის არაწევრი 15 ქვეყნის სიაში შეიყვანა, რომელთა მოქალაქეებისთვისაც ევროკავშირის წევრ ქვეყნებს საზღვრების გახსნის რეკომენდაცია მისცა.

საქართველოს გარდა, ევროკავშირის სიაში მოხვდნენ: კანადა, ავსტრალია, მაროკო, იაპონია, სამხრეთ კორეა, ალჟირი, მონტენეგრო, რუანდა, ახალი ზელანდია, ტუნისი, სერბეთი, ტაილანდი, ურუგვაი და ჩინეთი. ამავდროულად, ჩინეთზე ვრცელდება პირობა, რომ მანაც უნდა გახსნას საზღვრები ევროკავშირის მოქალაქეებისთვის.

საქართველოს მოქალაქეებისთვის საზღვრების გახსნის შესახებ უკვე განაცხადეს ნიდერლანდებმა, გერმანიამ, საფრანგეთმა, უნგრეთმა და ევროკავშირის სხვა ქვეყნებმა.

თითქმის ოთხთვიანი პაუზის შემდეგ საქართველომ საზღვრები 18 ქვეყნისთვის გახსნა, თუმცა, თითოეული მათგანისთვის დაწესებულია გარკვეული რეკომენდაციები და შეზღუდვები. 

აღნიშნული წესები და პირობები დეტალურადაა გაწერილი მთავრობის განკარგულებაში, რომელიც ძალაში შევიდა 9 ივლისს, 24:00 საათიდან. ავიაბილეთების გაყიდვის პროტოკოლი უახლოეს მომავალში გამოქვეყნდება.

ხუთი ქვეყნის მოქალაქეებისთვის საქართველოს საზღვრები უპირობოდ იხსნება, მაგრამ მხოლოდ პირდაპირი საჰაერო გზით. ეს ქვეყნებია: გერმანია, საფრანგეთი, ლატვია, ლიეტუვა და ესტონეთი.

საქართველოში გამომგზავრებამდე მათ უნდა შეავსონ სპეციალური ელექტრონული ფორმა, რომელშიც მიუთითებენ მოგზაურობის ისტორიას ბოლო 14 დღის განმავლობაში, საქართველოში გაჩერების ადგილს და საკონტაქტო მონაცემებს.

საქართველო ამ ეტაპზე ქვეყანაში შემოსვლის ნებართვას აძლევს რეზიდენტებს კიდევ 13 ქვეყნიდან – ესპანეთიდან, ლუქსემბურგიდან, ნიდერლანდებიდან, პოლონეთიდან, პორტუგალიიდან, რუმინეთიდან, საბერძნეთიდან, შვედეთიდან, ხორვატიიდან, იტალიიდან, სლოვაკეთიდან, ისლანდიიდან და კვიპროსიდან. თუმცა, მათთვის სავალდებულო იქნება ორკვირიანი კარანტინი, თანაც საკუთარი ხარჯით.

რაც შეეხება სამშობლოში დაბრუნების მსურველ საქართველოს მოქალაქეებს, მათთვის 14-დღიანი კარანტინი კვლავ სავალდებულოა, ამ შემთხვევაში ხარჯს სახელმწიფო ანაზღაურებს.

იმ ქვეყნების სია, რომელთა მოქალაქეებსაც საქართველო საზღვრებს უხსნის, გადაიხედება და განახლდება ორ კვირაში ერთხელ.

 

50
თემები:
საქართველოს საგარეო პოლიტიკა