გიორგი გახარია პარლამენტში

უკვე მესამედ... კვლავ პარლამენტში პრემიერს კანონმდებლები უსმენენ

76
(განახლებულია 16:23 26.06.2020)
პრემიერ-მინისტრი გიორგი გახარია საკანონმდებლო ორგანოს წინაშე წლიური ანგარიშით გამოდის, სხდომა თითქმის სავსე დარბაზში ტარდება.

თბილისი, 26 ივნისი — Sputnik. მიუხედავად პანდემიისა და ეკონომიკური კრიზისისა, სამთავრობო პროგრამა ხორციელდება, განაცხადა პარლამენტში სიტყვით გამოსვლის წინ საქართველოს პრემიერმა გიორგი გახარიამ.

გახარია კანონმდებლების წინაშე 2019 წელს მთავრობის პროგრამის შესრულების შესახებ ანგარიშით წარდგება, თუმცა მას კითხვებს მიმდინარე წლის შესახებაც დაუსვამენ.

„მიუხედავად იმისა, რომ თებერვლიდან ჩვენ ვებრძვით გლობალურ გამოწვევას – პანდემიას, ის ოთხი ძირითადი პრიორიტეტული მიმართულება, რომელიც სამთავრობო პროგრამის დამტკიცების დროს იყო წარმოდგენილი, განხორციელების ფაზაშია, რა თქმა უნდა, სხვადასხვა წარმატებით“, – განაცხადა გახარიამ.

ამასთან მან აღნიშნა, რომ ერთი თვის განმავლობაში ეს მისი მესამე მისვლაა საქართველოს პარლამენტში, რაც ნიშნავს, რომ დემოკრატია ვითარდება. 

გამოსვლის დაწყებამდე ოპოზიციის დეპუტატებსა და პარლამენტის თავმჯდომარეს შორის მცირე სიტყვიერი შელაპარაკება მოხდა. დეპუტატები პროცედურულ საკითხებზე სიტყვას მოითხოვდნენ, მაგრამ პარლამენტის თავმჯდომარემ არჩილ თალაკვაძემ მათი მოთხოვნა არ დააკმაყოფილა.

პრემიერ-მინისტრის წლიური ანგარიშის მოსმენა თითქმის სავსე დარბაზში მიმდინარეობს. სხდომას მინისტრთა კაბინეტის სრული შემადგენლობა ესწრება.

ამ დროისთვის დეპუტატები პრემიერის გამოსვლას უსმენენ, რომელიც დაახლოებით ერთი საათი გაგრძელდება, რის შემდეგაც მათ საშუალება ექნებათ მთავრობის მეთაურს კითხვები დაუსვან.

 

76
თემები:
საქართველოს პარლამენტი (179)
ცესკო

არჩევნები 2020: ცესკო პარტიების რეგისტრაციას აგრძელებს

31
(განახლებულია 22:32 14.07.2020)
2020 წლის საპარლამენტო არჩევნებში მონაწილეობის მისაღებად ცენტრალურმა საარჩევნო კომისიამ უკვე 14 პარტია დარეგისტრირდა

თბილისი, 14 ივლისი — Sputnik. საქართველოს ცენტრალური საარჩევნო კომისია (ცესკო) აგრძელებს პარტიების რეგისტრაციას საპარლამენტო არჩევნებში მონაწილეობის მისაღებად, ნათქვამია ცესკოს ვებგვერდზე გავრცელებულ განცხადებაში.

საპარლამენტო არჩევნები საქართველოში 31 ოქტომბერს გაიმართება.

ცესკოს თავმჯდომარის, ნინო ჟვანიას განკარგულებით სამშაბათისთვის რეგისტრაცია გაიარა კიდევ სამმა პარტიამ: „ერთიანი საქართველო-დემოკრატიული მოძრაობა“ (ნინო ბურჯანაძე), „პოლიტიკური პლატფორმა - ახალი საქართველო“ (გიორგი ვაშაძე); „თავისუფლება-ზვიად გამსახურდიას გზა“ (მალხაზ გორგასლიძე).

ამგვარად, ამ დროისთვის ცესკოში სულ 14 პარტიაა რეგისტრირებული.

პარტიების განაცხადების მიღება არჩევნებამდე 43 დღით ადრე - 21 სექტემბერს შეწყდება. ამის შემდეგ პარტიებმა, რომლებმაც წინა არჩევნებზე 15 ათასი ხმა ვერ მოიპოვეს, ცესკოში უნდა წარადგინონ 5 ათასი მხარდამჭერის ხელმოწერა - ბლანკებზე და ელექტრონული სახით.

პარტიების საბოლოო ჩამონათვალი გახდება ცნობილი სიების შემოწმების შემდეგ, არჩევნებამდე 30 დღით ადრე - 2 ოქტომბერს. იმავე დროს პარტიებს ბიულეტენში თავიანთი რიგითი ნომრები მიენიჭებათ.

პარლამენტში მოსახვედრად პარტიამ არჩევნებზე მისული ამომრჩევლების ხმების სულ მცირე 1% უნდა მიიღოს.

31
თემები:
საქართველოს საპარლამენტო არჩევნები 2020
„ქართული ოცნების“ ოფისი

„ქართულმა ოცნებამ“ საპარლამენტო არჩევნებისთვის აქტიური მზადება დაიწყო

46
„ქართული ოცნების“ საარჩევნო შტაბის ხელმძღვანელად პარლამენტის დეპუტატი და პარტიის აღმასრულებელი მდივანი ირაკლი კობახიძე დაინიშნა

თბილისი, 14 ივლისი – Sputnik. მმართველი პარტია „ქართული ოცნება - დემოკრატიული საქართველო“ საპარლამენტო არჩევნებისთვის აქტიურ მზადებას იწყებს - პარტიამ საარჩევნო შტაბი უკვე ჩამოაყალიბა, ნათქვამია პარტიის Facebook-გვერდზე გავრცელებულ განცხადებაში.

საარჩევნო შტაბის ხელმძღვანელად დაინიშნა პარლამენტის დეპუტატი და პარტიის აღმასრულებელი მდივანი ირაკლი კობახიძე, რომელმაც პირველ სხდომაზე წინასაარჩევნო კამპანიის შესახებ საკუთარი ხედვა წარმოადგინა. სხდომაზე არჩევნებთან დაკავშირებულ მიმდინარე საკითხებზე იმსჯელეს.

საარჩევნო შტაბის პირველ სხდომას ესწრებოდნენ პარტიის პოლიტსაბჭოს წარმომადგენლები და მინისტრთა კაბინეტის წევრები პრემიერ-მინისტრ გიორგი გახარიას ხელმძღვანელობით. სხდომაზე ასევე ონლაინ ჩაერთო პარტიის თავმჯდომარე ბიძინა ივანიშვილი.

საქართველოში საპარლამენტო არჩევნები 2020 წლის 31 ოქტომბერსაა დაგეგმილი. მმართველი პარტია „ქართული ოცნება – დემოკრატიული საქართველო“ საპარლამენტო არჩევნებისთვის პარტიულ სიას სექტემბერში წარმოადგენს. ადრე კობახიძემ განაცხადა, რომ ივლისის შუა რიცხვებში უკვე დასრულდება მაჟორიტარების წარდგენის პროცესი და პარტია აქტიურ საარჩევნო რეჟიმზე გადავა. მისი განმარტებით, საარჩევნო სიაში, მათ შორის მაჟორიტარობის კანდიდატებს შორის, იქნებიან როგორც ძველი, ისე ახალი სახეები.

დაგეგმილი არჩევნები ახალი სისტემით გაიმართება. საკონსტიტუციო ცვლილებების თანახმად, პარლამენტში 150-დან 120 ადგილი გადანაწილდება იმ პარტიებს შორის, რომლებიც ამომრჩეველთა ხმების 1%-ზე მეტს მოიპოვებენ, ან იმ ბლოკებს შორის, რომლებიც ხმების არანაკლებ იმდენი პროცენტის მიღებას შეძლებენ, რამდენი პოლიტიკური სუბიექტიც შედის ამა თუ იმ ბლოკში. დანარჩენ ადგილებს 30 ერთმანდატიან ოლქში გამარჯვებულები მიიღებენ. თბილისში იქნება 8 მაჟორიტარული ოლქი, 22 ოლქი კი ათ რეგიონზე გადანაწილდა.

მმართველი პარტია „ქართული ოცნება - დემოკრატიული საქართველო“ 2011 წლის დეკემბერში მილიარდერმა ბიძინა ივანიშვილმა დააფუძნა. 2012 წლის არჩევნებზე ხუთ პარტიასთან კოალიციაში პარტიამ მოუგო 2004 წლიდან ხელისუფლებაში მყოფ „ერთიან ნაციონალურ მოძრაობას“.

უკვე 2016 წლიდან „ქართულმა ოცნებამ“ არჩევნებში მონაწილეობა დამოუკიდებლად მიიღო და პარლამენტში საკონსტიტუციო უმრავლესობა მიიღო.

46
თემები:
საქართველოს საპარლამენტო არჩევნები 2020
კიკვიძის პარკი

თბილისში კიკვიძის განახლებული პარკი გაიხსნა

0
პარში მოეწყო სპორტული და სამაგიდო თამაშების მოედნები, დასასვენებელი პავილიონები, სარწყავი, განათებისა და ვიდეომეთვალყურეობის სისტემები

თბილისი, 14 ივლისი — Sputnik. თბილისში ვეტერანთა კულტურისა და დასვენების განახლებული პარკი (კიკვიძის) გაიხსნა, იუწყება მერიის ვებგვერდი.

გახსნის ღონისძიებას დედაქალაქის მერი კახა კალაძე და საქართველოს პრემიერ-მინისტრი გიორგი გახარია დაესწრნენ.

თბილისის მერმა მოსახლეობას განახლებული პარკის გახსნა მიულოცა. მისი განცხადებით, პარკში შესაბამისი სივრცე ყველა თაობის ადამიანისთვის მოეწყო.

„თბილისს კიდევ ერთი მნიშვნელოვანი რეკრეაციული სივრცე შეემატა. რაც შეეხება პარკს, იგი მთლიანად იქნა რეაბილიტირებული. გაჩნდა ახალი ზონები, ბავშვებისთვის შესაბამისი ადგილები, სადაც განთავსებულია ატრაქციონები. ყველა თაობის ადამიანისთვის არის შესაბამისი ზონა, სადაც გაქვთ შესაძლებლობა, თქვენი შვილებითა და შვილიშვილებით დაისვენოთ. ნამდვილად მიხარია, რომ ჩვენთან უკვე ჩნდება ის საპარკო კულტურა, რაც ყველა განვითარებულ ქვეყანაშია. ჩვენ გვაქვს პარკების ნაკლებობა, მაგრამ პირობა მაქვს მიცემული თბილისელებისთვის, რომ ჩვენი ქალაქი ევროპაში ყველაზე მწვანე, ყველაზე მოწესრიგებული, განახლებული, უსაფრთხო და კეთილმოწყობილი იქნება“, - განაცხადა კახა კალაძემ.

რეაბილიტაციის ფარგლებში, პარკს შეუერთდა მიმდებარედ არსებული ტერიტორია, მოეწყო სპორტული და სამაგიდო თამაშების მოედნები, დასასვენებელი პავილიონები, სარწყავი, განათებისა და ვიდეომეთვალყურეობის სისტემები.

პარკის ტერიტორიაზე განთავსდა შინაური ცხოველების სასეირნო სივრცე, ველო და სარბენი ბილიკები. ერისთავის ქუჩის მხრიდან კი, მოეწყო პარკში შესასვლელი პანდუსი. რეაბილიტაცია ჩაუტარდა პარკში არსებული შენობებსა და შადრევანს.

ტერიტორიაზე, რომლის ფართობიც 72 ათას 100 კვადრატული მეტრია, ჯამში, 12 ათას 124 ძირი ხე-მცენარე დაირგო. სამუშაოების განსახორციელებლად დედაქალაქის ბიუჯეტიდან 4 მლნ 500 ათასი ლარი გამოიყო.

0
თემები:
თბილისის მერია