საქართველოს უსაფრთხოების სამსახურის შენობა

სუს-ში საქმის გამოძიება: საბოტაჟი და 10 ათასი ლარი „კორონავირუსით გარდაცვალების“ სანაცვლოდ

126
სუს-ში მიიჩნევენ, რომ თავისი ქმედებებით „მთავარი არხი“ „ხელისუფლების დისკრედიტაციას შეეცდებოდა და დაადანაშაულებდა მას მიზანმიმართულ უკანონო ქმედებაში“

თბილისი, 25 ივნისი – Sputnik. ოპოზიციური ტელეკომპანია „მთავარი არხის“ სიუჟეტი კორონავირუსზე ფიგურირებს საქმეში საბოტაჟის შესახებ, ნათქვამია საქართველოს უსაფრთხოების სამსახურის (სუს) განცხადებაში.

რამდენიმე დღის წინ ტელეარხი ადანაშაულებდა ხელისუფლებას COVID-19-ით გარდაცვალებების რიცხვის ხელოვნურ გაზრდაში. ერთ-ერთ სიუჟეტში ტელეარხი ამტკიცებდა, რომ ექიმები და ხელისუფლების წარმომადგენლები მარნეულის მუნიციპალიტეტში მართავენ მოლაპარაკებებს სხვადასხვა მიზეზით გარდაცვლილი ადამიანების ოჯახებთან და სთავაზობენ ფულად თანხებს იმის სანაცვლოდ, რომ მათ სიკვდილის მიზეზად კორონავირუსი დაესახელებინათ.

სუს-მა ამ მტკიცებულებებს სიცრუე და დეზინფორმაცია უწოდა.

„გამოძიებით გამოიკვეთა, რომ ტელეკომპანია „მთავარმა არხმა“, ცალკეულ დაინტერესებულ ჟურნალისტებზე დაყრდნობით, მოამზადა დეზინფორმაციული შინაარსის სიუჟეტი, რომლის მიხედვით თითქოსდა ხელისუფლების წარმომადგენლები ცდილობენ ბუნებრივი სიკვდილით გარდაცვლილთა ოჯახის წევრებთან დაკავშირებას და მათთვის თანხის შეთავაზებას, იმისათვის რომ მათ განეცხადებინათ, თითქოს მათი ოჯახის წევრი გარდაიცვალა ვირუსის შედეგად“, - ნათქვამია განცხადებაში.

სუს-ში მიიჩნევენ, რომ თავისი ქმედებებით „მთავარი არხი“ ცდილობდა „ხელისუფლების დისკრედიტაციას და მას დადანაშაულებას მიზანმიმართულ უკანონო ქმედებაში“, „საზოგადოებაში თესავდა დაუცველობის განცდას კორონავირუსის პანდემიის ფონზე“, პროტესტის გამოწვევას, რაც „ხელს შეუშლიდა სახელმწიფო დაწესებულებების და ორგანიზაციების შეუფერხებელ ფუნქციონირებას“.

სიუჟეტში მოხსენიებულმა მოქალაქეებმა სუს-ში გამოკითხვაზე განაცხადეს, რომ მათთან ინტერვიუ დამონტაჟებულია, აღნიშნულია განცხადებაში. ისინი ამტკიცებენ, რომ ტელეარხმა მათი გამონათქვამები არასწორად გადათარგმნა აზერბაიჯანული ენიდან და „მოახდინა ფაქტების დიამეტრულად განსხვავებული ინტერპრეტაციით გაშუქება“.

ნინო ლომჯარია: რურუას საქმეზე კითხვები ჩნდება >>

ამასთან დაკავშირებით სიუჟეტის გმირებმა უკმაყოფილება გამოთქვეს და სამართლებრივი რეაგირება მოითხოვეს.

სუს-ის მონაცემებით, „საბოტაჟის“ მუხლით გამოძიება გრძელდება, მოგვიანებით იქნება მიღებული განცხადება შემდგომი სამართლებრივი რეაგირების შესახებ.

როგორც სუს-ში განმარტეს, მარნეულის მკვიდრი არკინაზ გულიევი და ზანურა თალიბოვი გამოკითხეს მოწმეების სტატუსით საქმეზე, რომელიც კორონავირუსთან დაკავშირებით ცრუ შეტყობინებას ეხება და აღიძრა სიუჟეტის ეთერში გასვლამდე. ამასთან, სუს-ში არ აკონკრეტებენ, რა სახის შეტყობინებაზეა საუბარი და როდის აღიძრა სისხლის სამართლის საქმე.

სსკ-ის 318-ე მუხლის პირველი ნაწილი გულისხმობს საბოტაჟს, ანუ საქართველოს დასუსტების მიზნით სახელმწიფო ან სხვა საწარმოს, დაწესებულების, ორგანიზაციის ან სამსახურის ნორმალური ფუნქციონირებისათვის ხელის შეშლას და ისჯება თავისუფლების აღკვეთით ვადით ორიდან ოთხ წლამდე.

„მთავარი არხის“ გავრცელებული ინფორმაცია „კორონავირუსით გარდაცვალების“ სანაცვლოდ 10 ათასი ლარის შესახებ ჯანდაცვის სამინისტროში უარყვეს. კორონავირუსის გამო ლეტალური შემთხვევების რაოდენობის შესახებ ინფორმაციის გაყალბების შესაძლებლობა კატეგორიულად გამორიცხა მინისტრმა ეკატერინე ტიკარაძემ. მისი თქმით, თითოეული გარდაცვლილი პაციენტის ისტორიასთან დაკავშირებით გაცემულია დეტალური ინფორმაცია და ინფიცირების ან გარდაცვალების არცერთი ფაქტი არ დამახინჯებულა.

 

126
თემები:
COVID-19 საქართველოში (1201)
მიეცი ხმა

„რეფორმერი“, ახალგაზრდული პოლიტიკა და საარჩევნო სტრატეგია

51
(განახლებულია 16:36 13.07.2020)
თუ ოპოზიცია ჯერჯერობით ვერ ჩამოყალიბდა – ერთიანი სიით მიიღონ მონაწილეობა არჩევნებში თუ ერთმანეთს და „ქართულ ოცნებას“ გაუწიონ კონკურენცია, ხელისუფლება ნელ-ნელა საარჩევნო სტრატეგიაზე ყალიბდება.

მართალია, მაჟორიტარების რაოდენობის 30-მდე შემცირებამ კიდევ უფრო გაზარდა მათი ფასი და დაასრულა სპეკულაციები, მაგრამ ის, თუ როგორ გადანაწილდება ეს ადგილები, მართლაც საინტერესოა.

სახელისუფლებო გუნდში არსებული მაღალი კონკურენციის გამო, ჩვენი ინფორმაციით, შესაძლოა, კანდიდატურების დასახელებამ აგვისტოს შუა რიცხვებისთვისაც კი გადაიწიოს. ამ შემთხვევაში კანდიდატებს ცოტა დრო, ასე ორი თვე დარჩებათ მოსახლეობასთან შესახვედრად. ცნობილია რეკომენდაციები, რომ პანდემიის პირობებში ეს შეხვედრები, სასურველია, ღია სივრცეებში ჩატარდეს.

მომავალი პარლამენტი კი საკმაოდ ჭრელი უნდა იყოს, თუ იმას გავითვალისწინებთ, რომ 1-პროცენტიანი ბარიერი ბევრ პოლიტიკურ ძალას აძლევს საშუალებას, 20 ათასამდე ხმა მოიპოვოს და პარლამენტში საკუთარი ინტერეს-ჯგუფის თუნდაც ერთი წარმომადგენელი ჰყავდეს.

საოცრება მოიფიქრა სოციალური სამართლიანობისათვის მებრძოლმა მამუკა ტუსკაძემ. ის მოქალაქეებს მოუწოდებს დაეხმარონ და მზადაა, საპარლამენტო 4 წელი 6-6 თვიანი შუალედებით 8 დეპუტატზე გაყოს. ეს 6 თვით გარანტირებულ ხელფას და შემდეგ სამუდამო 560-ლარიან პენსიას ნიშნავს და სულაც არაა ცუდი შეთავაზება მოქალაქეებისთვის, ვისაც მინიმუმ 2-3 ათასი კარგი მეგობარი და ხმის მიმცემი აღმოაჩნდება.

სხვა პოლიტიკური სუბიექტებიდან დამოუკიდებლად საარჩევნო ბარიერის გადალახვის იმედი აქვს კახა კუკავას.

პარლამენტში მოხვდება ბურჯანაძის „დემოკრატიული მოძრაობა“. როგორც ამბობენ, მისი ვაჟი ანზორ ბიწაძე პარტიული სიის პირველ სამეულშია.

საკმაოდ ნორმალური შედეგი ექნება „ნაციონალურ მოძრაობას“. პარლამენტში შევლენ „პატრიოტები“ და, შესაძლოა, მე-9 მოწვევაზე უკეთესი შედეგით.

ასევე საპარლამენტო პერსპექტივები აქვთ „ლელოსა“ და „ევროპულ საქართველოს“.

გასულ კვირაში კი კიდევ ერთი საინტერესო პარტია დაფუძნდა, რომელსაც ახალგაზრდული პოლიტიკის გატარების ამბიცია აქვს.

პარტია „რეფორმერის“ ლიდერი თორნიკე ჯანაშვილია – როგორც ქართული მასმედია იუწყება, უტა ივანიშვილის ახლო მეგობარი და კარგი განათლების მქონე ახალგაზრდა.

„ქართულ ოცნებას“ დიდი ხანია დასავლეთში განათლებამიღებული ახალგაზრდების ნაკლებობის გამო აკრიტიკებდნენ.

სწორედ ამ დანაკლისს შეავსებს „რეფორმერი“, რომელიც, თუ წინასაარჩევნოდ არა, პარლამენტში მოხვედრის შემდეგ მაინც ითანამშრომლებს „ქართულ ოცნებასთან“.

ზოგადად, არჩევნებამდე ოთხი თვეც კი აღარ რჩება. შესაბამისად, საპარლამენტო არჩევნებზე რაიმე დიდ სიურპრიზებს არ უნდა ველოდოთ, რადგან თუ ვინმეს პოლიტიკაში ყოფნა და საკუთარი თავის გაპიარება სურდა, წესით, უკვე უნდა მუშაობდეს და მოსახლეობასთან მართავდეს შეხვედრებს.

 

51
ცესკოს შენობა

არჩევნები 2020: ცესკოში პარტიების განაცხადების მიღება გრძელდება

111
(განახლებულია 19:34 11.07.2020)
ამ დროისათვის 2020 წლის საპარლამენტო არჩევნებში მონაწილეობის სურვილი ათმა პოლიტიკურმა პარტიამ გამოხატა

თბილისი, 11 ივლისი — Sputnik. საქართველოს ცენტრალურმა საარჩევნო კომისიამ (ცესკო) გამოაქვეყნა იმ პარტიების ჩამონათალი, რომლებსაც 31 ოქტომბრის საპარლამენტო არჩევნებში მონაწილეობის სურვილი გამოთქვეს.

გახარია: კარგად ჩატარებული არჩევნები – ჩვენი საერთო მიზანია >>

ცესკოს ვებგვერდზე გავრცელებული ინფორმაციის მიხედვით, პარტიებმა უკვე მიიღეს უფლება საარჩვენო კომისიაში ჰყავდეთ საკუთარი წარმომადგენელი. დღეისათვის წინასწარი რეგისტრაცია ცესკოში გაიარეს შემდეგმა პოლიტიკურმა ძალებმა:

  • „სამართლიანობის აღდგენის კავშირი - ხმა ერისა: უფალია ჩვენი სიმართლე „სოციალური სამართლიანობისთვის“
  • „ქრისტიან-დემოკრატიული მოძრაობა“
  • „საქართველო“
  • „საქართველოს ერთობისა და განვითარების პარტია“
  • „ახალი პოლიტიკური ცენტრი - გირჩი“
  •  „მოძრაობა თავისუფალი საქართველოსთვის“
  • „საქართველოს ძალოვან ვეტერანთა და პატრიოტთა პოლიტიკური მოძრაობა”
  • „ქრისტიან-დემოკრატიული მოძრაობა“
  • „ახალი ქრისტიან-დემოკრატები“
  • „ევროპელი დემოკრატები“

პარტიების განაცხადების მიღება არჩევნებამდე 43 დღით ადრე - 21 სექტემბერს შეწყდება. ამის შემდეგ პარტიებმა, რომლებმაც წინა არჩევნებზე 15 ათასი ხმა ვერ მოიპოვეს, ცესკოში უნდა წარადგინონ 5 ათასი მხარდამჭერის ხელმოწერა - ბლანკებზე და ელექტრონული სახით. პარტიების საბოლოო ჩამონათვალი გახდება ცნობილი სიების შემოწმების შემდეგ, არჩევნებამდე 30 დღით ადრე - 2 ოქტომბერს. მხარდამჭერების სიების შემოწმების შემდეგ პარტია გაივლის ოფიციალურ რეგისტრაციას და ბიულეტენში თავიანთი რიგითი ნომრები მიენიჭებათ.

პარლამენტში მოსახვედრად პარტიამ არჩევნებზე მისული ამომრჩევლების ხმების სულ მცირე 1% უნდა მიიღოს.

111
თემები:
საქართველოს პოლიტიკური ცხოვრება
თამო ვაშალომიძე

იუბილარ თამო ვაშალომიძეს შეყვარებულმა არაჩვეულებრივი სიურპრიზი მოუწყო - ვიდეო

0
(განახლებულია 17:11 13.07.2020)
თამო ვაშალომიძე შეყვარებულია. მისი შვილის მამასთან დაშორებისა და დიდი პაუზის შემდეგ მან მორიგი სიყვარული იპოვა. ნახეთ როგორი დაბადების დღე გადაუხადა საყვარელმა მამაკაცმა

დრამატულად დასრულებული სასიყვარულო ურთიერთობების მიუხედავად, თამო ვაშალომიძე საკუთარ თავში ძალას პოულობს და ცხოვრებას თავიდან იწყებს. რამდენიმე წლის წინ თამოს საზოგადოებისთვის უცნობი მამაკაცი შეუყვარდა, რომელმაც არ ისურვა კამერების წინ გამოჩენა. ცოტა ხნის შემდეგ ფოტომოდელმა აღნიშნა, რომ საყვარელ მამაკაცთან ურთიერთობა იმის გამო დაეძაბა, რომ მას ოჯახი, ცოლ-შვილი ჰყავს.

View this post on Instagram

happy birthday to me 😍♥️🎉

A post shared by Tamo Vashalomidze (@tamovashalomidze) on

მიუხედავად აღნიშნული პრობლემებისა, სკანდალურმა თამომ მამაკაცს ქალიშვილი სოფია აჩუქა. მათი ურთიერთობა მყარი არ გამოდგა. წყვილის სიყვარული პატარა სოფიას დაბადებამაც არ გაამყარა. მამაკაცი პირველ ცოლსა და ოჯახს დაუბრუნდა. თამომ კი ახალი სიყვარულის ძიება დაიწყო. ახალი წყვილი ერთად რამდენიმე დღის წინ გამოჩნდა. მამაკაცის გარეგნობამ უამრავი ქალბატონი აღაფრთოვანა. როგორც ჩანს, თამო ვაშალომიძის ახალი პარტნიორი კამერებს არ უშინდება და მათ მალე ქართული ტელესივრცის რეიტინგულ გადაცემებში ვიხილავთ.

View this post on Instagram

♥️

A post shared by Tamo Vashalomidze (@tamovashalomidze) on

თამო ვაშალომიძის ახალი პარტნიორი აკა სამხარაძეა. ის ბიზნესმენია, რომელიც სამედიცინო სფეროში საქმიანობს. თამო ვაშალომიძის განცხადებით, ისინი რამდენიმე თვეა, რაც ერთმანეთს ხვდებიან, ერთმანეთს მოულოდნელად შეხვდნენ და შეუყვარდათ. ფოტომოდელის განმარტებით, ბიზნესმენი მას საჩუქრებითა და ულევი ყურადღებით ანებივრებს, რის გამოც მათი ურთიერთობა უფრო და უფრო მყარდება. შეყვარებული ქალის განებივრება სურათებზეც შეიმჩნევა. აკა სამხარაძესთან ერთად გამოქვეყნებულ უკანასკნელ ფოტოზე კარგად ჩანს მისი დამოკიდებულება საყვარელი ქალისადმი. ახალგაზრდა ბიზნესმენმა იუბილარ ფოტომოდელს ციხისძირში, სასტუმრო „კასტელო მარეში“ არაჩვეულებრივი სიურპრიზი და საჩუქრების წვიმა მოუწყო. ვაშალომიძე ახლა განსაკუთრებულად ბედნიერია.

რამდენიმე თვეა თამო ვაშალომიძე საზოგადოებას სექსუალური ხასიათის ფოტოებს აღარ უზიარებს. ამჯერად ფანების ყურადღება არა მისმა მკერდმა ან დაზღვეულმა უკანალმა, არამედ გაუჩინარებამ და დროებითმა პაუზამ მიიქცია. სავარაუდოდ, ამის მიზეზი მისი ახალი პარტნიორია. სკანდალური ფოტოსესიები, თოქ-შოუებში ინტიმურ თემებზე ხმამაღლა საუბარი, გამომწვევი ჩაცმულობა და ინტრიგებით აღსავსე პირადი ცხოვრება – ეს თამო ვაშალომიძის პოპულარობის გზა და მეთოდებია.

0