გაეროს შტაბ-ბინა

სოფო კილაძემ კრიტიკას და ბრალდებებს უპასუხა

70
(განახლებულია 21:48 23.06.2020)
არასამთვრობო სექტორს მიაჩნია, რომ სოფო კილაძეს ბავშვთა უფლებების სფეროში არასაკმარისი კომპეტენცია გააჩნია იმისათვის, რომ გაერო-ს კომიტეტის წევრი გახდეს

თბილისი, 23 ივნისი — Sputnik. პარლამენტის ადამიანის უფლებათა დაცვის და სამოქალაქო ინტეგრაციის კომიტეტის თავმჯდომარე სოფო კილაძე კატეგორიულად არ ეთანხმება კრიტიკას, რომელიც მისი მისამართით არასამთავრობო სექტორის მხრიდან ისმის.

გაეროში საქართველოს ბრძოლას კორონავირუსთან მაღალი შეფასება მისცეს >>

„ერთადერთი რაც შემიძლია ვთქვა, არის ის, რომ როცა ენჯეოების გარკვეული ჯგუფი გებრძვის, ეს ნიშნავს იმას, რომ შენ სწორ გზაზე დგახარ, ამიტომ გავაგრძელებ სწორი გზით სიარულს და იმ ბავშვების უფლებების დაცვას, რომლებსაც ჩვენ ყველაზე მეტად ვაფასებთ“, - განაცხადა მან ბრიფინგზე 53 არასამთავრობო ორგანიზაციის ბრალდებებზე საპასუხოდ.

53 არასამთავრობო ორგანიზაციის მიერ ხელმოწერილ განცხადებაში ნათქვამია, რომ საქართველომ ბავშვთა უფლების კომიტეტის წევრობის კანდიდატის შერჩევისას უგულებელყო გაეროს რეკომენდაციები და სოფიო კილაძე, რომელიც ამ თანამდებობაზე აცხადებს პრეტენზიას, გამოირჩევა ჰომოფობიური განწყობებით და მიუხედავად იმისა, რომ ორი მნიშვნელოვანი კანონპროექტის ავტორია, მას არ აქვს ექსპერტული ცოდნა ბავშვის უფლებათა სფეროში.

„კანდიდატი, რომელიც დასახელდა სახელმწიფოს მხრიდან, ვერ აკმაყოფილებს ისეთ მნიშვნელოვან კრიტერიუმს, როგორიცაა მაღალი ექსპერტული ცოდნა ბავშვის უფლებების დაცვის სფეროში. მიუხედავად იმისა, რომ სოფიო კილაძე არის ერთ-ერთი ავტორი ორი საკანონმდებლო ინიციატივის, ბავშვის უფლებათა კოდექსისა და სოციალური მუშაობის შესახებ კანონის, მას არ აქვს მაღალი ექსპერტული ცოდნა ბავშვის უფლებების დაცვის სფეროში“, - აღნიშნულია განცხადებაში.

არასამთავრობო სექტორს პრეტენზიები გააჩნია არამარტო კილაძისადმი, არამედ ხელისუფლებისადმი, რადგან მისი კანდიდატურა ღია კონსულტაციების გარეშე წარადგინეს.

როგორც დეპუტატმა აღნიშნა, არასამთავრობო ორგანიზაციების განცხადება ეფუძნება ტყუილებსა და „ფეიკ ნიუსებს“.

კილაძე ამტკიცებს, რომ მისი კანდიდატურის შერჩევისას არცერთი პროცედურა არ დარღვეულა. გარდა ამისა, ის ავტორია ბავშვის უფლებათა კოდექსის და კანონის სოციალური მუშაობის შესახებ.

ქართულმა არასამთავრობო ორგანიზაციებმა თავისი წერილი გაეროში უკვე გაგზავნეს.

მე-18 სესიაზე უნდა შეირჩეს გაეროს ბავშვთა უფლებების კომიტეტის 9 ახალი წევრი, მათ ნაცვლად, ვისი უფლებამოსილების ვადა 2021 წლის თებერვალში იწურება. მოსალოდნელია, რომ ახალ წევრებს სექტემბერში აირჩევენ. თუ კომისია სოფიო კილაძის კანდიდატურას მხარს დაუჭერს, ის რამდენიმე წლის განმავლობაში კომიტეტში საქართველოს პირველი წარმომადგენელი იქნება.

ბავშვთა უფლებების კომიტეტში 18 დამოუკიდებელი ექსპერტი შედის - მაღალი მორალური თვისებების და ადამიანთა უფლებების სფეროში აღიარებული კომპეტენციის მქონე პირები.

ამჟამად კომიტეტის შემადგენლობაში 10 ქალი და 8 მამაკაცი შედის.

 

70
თემები:
საქართველოს პოლიტიკური ცხოვრება (102)
ცესკო

არჩევნები 2020: ცესკო პარტიების რეგისტრაციას აგრძელებს

24
(განახლებულია 22:32 14.07.2020)
2020 წლის საპარლამენტო არჩევნებში მონაწილეობის მისაღებად ცენტრალურმა საარჩევნო კომისიამ უკვე 14 პარტია დარეგისტრირდა

თბილისი, 14 ივლისი — Sputnik. საქართველოს ცენტრალური საარჩევნო კომისია (ცესკო) აგრძელებს პარტიების რეგისტრაციას საპარლამენტო არჩევნებში მონაწილეობის მისაღებად, ნათქვამია ცესკოს ვებგვერდზე გავრცელებულ განცხადებაში.

საპარლამენტო არჩევნები საქართველოში 31 ოქტომბერს გაიმართება.

ცესკოს თავმჯდომარის, ნინო ჟვანიას განკარგულებით სამშაბათისთვის რეგისტრაცია გაიარა კიდევ სამმა პარტიამ: „ერთიანი საქართველო-დემოკრატიული მოძრაობა“ (ნინო ბურჯანაძე), „პოლიტიკური პლატფორმა - ახალი საქართველო“ (გიორგი ვაშაძე); „თავისუფლება-ზვიად გამსახურდიას გზა“ (მალხაზ გორგასლიძე).

ამგვარად, ამ დროისთვის ცესკოში სულ 14 პარტიაა რეგისტრირებული.

პარტიების განაცხადების მიღება არჩევნებამდე 43 დღით ადრე - 21 სექტემბერს შეწყდება. ამის შემდეგ პარტიებმა, რომლებმაც წინა არჩევნებზე 15 ათასი ხმა ვერ მოიპოვეს, ცესკოში უნდა წარადგინონ 5 ათასი მხარდამჭერის ხელმოწერა - ბლანკებზე და ელექტრონული სახით.

პარტიების საბოლოო ჩამონათვალი გახდება ცნობილი სიების შემოწმების შემდეგ, არჩევნებამდე 30 დღით ადრე - 2 ოქტომბერს. იმავე დროს პარტიებს ბიულეტენში თავიანთი რიგითი ნომრები მიენიჭებათ.

პარლამენტში მოსახვედრად პარტიამ არჩევნებზე მისული ამომრჩევლების ხმების სულ მცირე 1% უნდა მიიღოს.

24
თემები:
საქართველოს საპარლამენტო არჩევნები 2020
„ქართული ოცნების“ ოფისი

„ქართულმა ოცნებამ“ საპარლამენტო არჩევნებისთვის აქტიური მზადება დაიწყო

38
„ქართული ოცნების“ საარჩევნო შტაბის ხელმძღვანელად პარლამენტის დეპუტატი და პარტიის აღმასრულებელი მდივანი ირაკლი კობახიძე დაინიშნა

თბილისი, 14 ივლისი – Sputnik. მმართველი პარტია „ქართული ოცნება - დემოკრატიული საქართველო“ საპარლამენტო არჩევნებისთვის აქტიურ მზადებას იწყებს - პარტიამ საარჩევნო შტაბი უკვე ჩამოაყალიბა, ნათქვამია პარტიის Facebook-გვერდზე გავრცელებულ განცხადებაში.

საარჩევნო შტაბის ხელმძღვანელად დაინიშნა პარლამენტის დეპუტატი და პარტიის აღმასრულებელი მდივანი ირაკლი კობახიძე, რომელმაც პირველ სხდომაზე წინასაარჩევნო კამპანიის შესახებ საკუთარი ხედვა წარმოადგინა. სხდომაზე არჩევნებთან დაკავშირებულ მიმდინარე საკითხებზე იმსჯელეს.

საარჩევნო შტაბის პირველ სხდომას ესწრებოდნენ პარტიის პოლიტსაბჭოს წარმომადგენლები და მინისტრთა კაბინეტის წევრები პრემიერ-მინისტრ გიორგი გახარიას ხელმძღვანელობით. სხდომაზე ასევე ონლაინ ჩაერთო პარტიის თავმჯდომარე ბიძინა ივანიშვილი.

საქართველოში საპარლამენტო არჩევნები 2020 წლის 31 ოქტომბერსაა დაგეგმილი. მმართველი პარტია „ქართული ოცნება – დემოკრატიული საქართველო“ საპარლამენტო არჩევნებისთვის პარტიულ სიას სექტემბერში წარმოადგენს. ადრე კობახიძემ განაცხადა, რომ ივლისის შუა რიცხვებში უკვე დასრულდება მაჟორიტარების წარდგენის პროცესი და პარტია აქტიურ საარჩევნო რეჟიმზე გადავა. მისი განმარტებით, საარჩევნო სიაში, მათ შორის მაჟორიტარობის კანდიდატებს შორის, იქნებიან როგორც ძველი, ისე ახალი სახეები.

დაგეგმილი არჩევნები ახალი სისტემით გაიმართება. საკონსტიტუციო ცვლილებების თანახმად, პარლამენტში 150-დან 120 ადგილი გადანაწილდება იმ პარტიებს შორის, რომლებიც ამომრჩეველთა ხმების 1%-ზე მეტს მოიპოვებენ, ან იმ ბლოკებს შორის, რომლებიც ხმების არანაკლებ იმდენი პროცენტის მიღებას შეძლებენ, რამდენი პოლიტიკური სუბიექტიც შედის ამა თუ იმ ბლოკში. დანარჩენ ადგილებს 30 ერთმანდატიან ოლქში გამარჯვებულები მიიღებენ. თბილისში იქნება 8 მაჟორიტარული ოლქი, 22 ოლქი კი ათ რეგიონზე გადანაწილდა.

მმართველი პარტია „ქართული ოცნება - დემოკრატიული საქართველო“ 2011 წლის დეკემბერში მილიარდერმა ბიძინა ივანიშვილმა დააფუძნა. 2012 წლის არჩევნებზე ხუთ პარტიასთან კოალიციაში პარტიამ მოუგო 2004 წლიდან ხელისუფლებაში მყოფ „ერთიან ნაციონალურ მოძრაობას“.

უკვე 2016 წლიდან „ქართულმა ოცნებამ“ არჩევნებში მონაწილეობა დამოუკიდებლად მიიღო და პარლამენტში საკონსტიტუციო უმრავლესობა მიიღო.

38
თემები:
საქართველოს საპარლამენტო არჩევნები 2020
ნაყოფის თოჯინა

ზუგდიდში დაურეგისტრირებელი ახალშობილი დამარხეს: შსს-მ გამოძიება დაიწყო

0
გამოძიებამ უნდა გასცეს მთავარ კითხვას პასუხი - ქალს მკვდარი ჩვილი გაუჩნდა თუ ახალშობილი მშობიარობის შემდეგ გარდაიცვალა.

თბილისი, 14 ივლისი — Sputnik. ზუგდიდში ახალგაზრდა ქალმა გააჩინა ბავშვი, რომელიც შემდეგ ბავშვის მამამ დამარხა, იუწყება Sputnik-კორესპონდენტი.

შემთხვევა რამდენიმე დღის წინ მოხდა.

ქალმა ჩვილი დაქირავებულ ბინაში გააჩინა, შემდეგ დაურეკა ბავშვის მამას, რომელთანაც ოფიციალურ ქორწინებაში არ იმყოფებოდა და ახალშობილი დაამარხინა.

ახალნამშობიარებმა საავადმყოფოს მას შემდეგ მიმართა, რაც მისი ჯანმრთელობის მდგომარეობა დამძიმდა. ის ზუგდიდის რეფერალურ საავადმყოფოში მკურნალობდა. ინციდენტის შესახებ სწორედ ქალის მიერ კლინიკაში მიმართვის შემდეგ გახდა ცნობილი.

ექიმები ქალის ჯანმრთელობის მდგომარეობასთან დაკავშირებით ინფორმაციას მედიაში არ ავრცელებენ.

დედა, რომელმაც შვილი დაქირავებულ ბინაში გააჩინა, დაკავებულია. ამის შესახებ ინფორმაციას შსს-ში ადასტურებენ და აცხადებენ, რომ გამოძიება სსკ-ის 112-ე მუხლით მიმდინარეობს, რაც დედის მიერ ახალშობილის განზრახ მკვლელობას გულისხმობს და ისჯება შინაპატიმრობით ვადით ექვსი თვიდან ორ წლამდე ან თავისუფლების აღკვეთით ვადით სამიდან ხუთ წლამდე.
ახალშობილის ცხედარს ექსპერტიზა უკვე ჩაუტარდა. ახლა გამოძიებამ უნდა გასცეს მთავარ კითხვას პასუხი - ქალს მკვდარი ჩვილი გაუჩნდა თუ ახალშობილი მშობიარობის შემდეგ გარდაიცვალა.

ნიკა ლატარია

0
თემები:
შემთხვევები საქართველოში