მადრიდი

საქართველო ესპანეთის სამთავრობო დელეგაციას ელოდება: პირველი ტესტ-საჩვენებელი მგზავრობა

680
(განახლებულია 16:06 23.06.2020)
ესპანეთი საქართველოს კორონავირუსთან ბრძოლის კუთხით წარმატებული ქვეყნების ტოპ-ხუთეულში მოიაზრებს, სადაც მგზავრობა უსაფრთხოა.

თბილისი, 23 ივნისი — Sputnik. პანდემიის მთელი პერიოდის მანძილზე პირველად საქართველო უცხოეთიდან ოფიციალურ დელეგაციას ელოდება – ივლისის მეორე ნახევარში თბილისში ესპანეთის სამთავრობო დელეგაციის ვიზიტია დაგეგმილი.

საზოგადოებრივი მაუწყებლის „პირველი არხის“ ინფორმაციით, ვიზიტის დროს ერთ-ერთი განსახილველი თემა ქვეყნებს შორის პირდაპირი ავიამიმოსვლის აღდგენა და თბილისი–მადრიდის პირდაპირი ავიარეისის დანიშვნა იქნება. წინასწარი ინფორმაციით, ფრენებს ავიაკომპანია Air Europa შეასრულებს.

როგორც ტელეკომპანიას ესპანეთში საქართველოს ელჩმა ილია გიორგაძემ განუცხადა, ვიზიტი საქართველოს ეკონომიკისა და მდგრადი განვითარების მინისტრის ნათია თურნავას ინიციატივით ხორციელდება, რომელმაც თბილისში ესპანეთის ტრანსპორტის მინისტრი მოიწვია. დელეგაციის შემადგენლობაში ასევე იქნებიან ესპანეთის ტურიზმის მინისტრი, მსოფლიო ტურიზმის ორგანიზაციის გენერალური მდივანი ზურაბ პოლოლიკაშვილი და ცნობილი ტუროპერატორები.

ესპანეთში საქართველოსადმი დიდ ინტერესს იჩენენ, აღნიშნა გიორგაძემ.

„ძალზე მნიშვნელოვანია, რომ ეს ვიზიტი ზუსტად მას შემდეგ შედგება, როცა გაიხსნება საერთაშორისო საზღვრები. ეს იქნება პირველი საერთაშორისო ვიზიტი და, გარდა ტურიზმის მინისტრისა, ამ ვიზიტის ფარგლებში ასევე იქნება ბატონი ზურაბ პოლოლიკაშვილი, როგორც ტურიზმის მსოფლიო ორგანიზაციის ხელმძღვანელი და ეს იქნება პირველი ტესტ-საჩვენებელი მგზავრობა, თუ როგორ უნდა ვიმგზავროთ მომავალში „კოვიდის" გარეშე, უსაფრთხოდ", – განაცხადა ილია გიორგაძემ.

ელჩის განცხადებით, ესპანეთში აქტიურად შუქდებოდა კორონავირუსის წინააღმდეგ საქართველოს წარმატება. ესპანელი ხალხი კი საქართველოს იმ ქვეყნების ტოპ-ხუთეულში მოიაზრებს, სადაც მოგზაურობა უსაფრთხოა. აქედან გამომდინარე, დელეგაციაში წარმოდგენილი იქნება ოთხი მსხვილი ტურისტული კომპანია.

გიორგაძის თქმით, ესპანეთიდან შემდეგი ვიზიტი, სავარაუდოდ, სექტემბერ-ოქტომბერში განხორციელდება.

საქართველოში ესპანეთის აღმასრულებელი ხელისუფლების ოფიციალურ ვიზიტს გააშუქებენ CNN, BBC და სხვა წამყვანი საერთაშორისო მედიასაშუალებები.

შეზღუდული დროის გამო დელეგაციის წევრები მხოლოდ კახეთსა და თბილისს დაათვალიერებენ. ვიზიტის ორგანიზატორი საქართველოს ტურიზმის ეროვნული ადმინისტრაციაა.

ესპანეთი კორონავირუსისგან ერთ-ერთი ყველაზე მეტად დაზარალებული ქვეყანაა. ამ დროისათვის ინფიცირებულთა საერთო რიცხვი 247 ათასს შეადგენს, გარდაცვლილია 28 324 ადამიანი.

საქართველოსა და ესპანეთს შორის დიპლომატიური ურთიერთობები 1992 წლის 9 ივლისს დამყარდა.

680
საქართველომ ახალი უპილოტო საფრენი აპარატები შეიძინა

საქართველომ ახალი უპილოტო საფრენი აპარატები შეიძინა

100
(განახლებულია 19:54 28.09.2020)
ახალი უპილოტო საფრენი აპარატებით საქართველოს თავდაცვის ძალების დაზვერვის ქვედანაყოფები აღიჭურვებიან

თბილისი, 28 სექტემბერი - Sputnik. საქართველოს თავდაცვის ძალებში დაზვერვის ქვედანაყოფები აღიჭურვება ახალი უპილოტო საფრენი აპარატებით, რომლებიც უწყებამ ესპანეთში შეიძინა, ნათქვამია უწყების ვებგვერდზე გავრცელებულ განცხადებაში.

უწყების ინფორმაციით, უპილოტო დაზვერვის სისტემების მოდერნიზაცია და შეძენა საქართველოს თავდაცვისუნარიანობას მნიშვნელოვნად გაზრდის. ეს სისტემები არსებითად ხელს შეუწყობს თავდაცვის ძალებს სადაზვერვო შესაძლებლობების განვითარებაში, ასევე იქნება გამოყენებული სხვადასხვა წვრთნებში და სამაშველო ოპერაციებში.

საქართველოს თავდაცვის სამინისტრომ ძველი საფრენი აპარატები ჩაანაცვლა და პერსონალი გადაამზადა.

დაზვერვის ქვედანაყოფების ახალი უპილოტო საფრენი აპარატებით დაკომპლექტება ითვალისწინებს ამ ქვედანაყოფების აღჭურვას თანამედროვე ტაქტიკური და ოპერატიული უპილოტო სადაზვერვო სისტემებით.

თავდაცვის მინისტრმა ირაკლი ღარიბაშვილმა ესპანური უპილოტო სადაზვერვო სისტემები მარნეულის საავიაციო ბაზაზე დაათვალიერა და სადემონსტრაციო ფრენას დაესწრო.

„უპილოტო სადაზვერვო სისტემების განახლების გარდა, აქტიურად მიმდინარეობს საჰაერო თავდაცვის, ჯავშანსაწინააღმდეგო შეიარაღების, თანამედროვე საარტილერიო და სადაზვერვო სისტემების შეძენა და ამ შესაძლებლობების განვითარება“, - ნათქვამია განცხადებაში.

ღარიბაშვილი: როდის ამოქმედდება საქართველოში ფრანგული საჰაერო თავდაცვის სისტემა >>

თანამედროვე სისტემების შეძენა, დანერგვა და განვითარება საქართველოს თავდაცვის ძალების განვითარების ძირითადი პრიორიტეტებია, აცხადებენ უწყებაში.

100
თემები:
საქართველოს თავდაცვა
ზაალ უდუმაშვილი

„ნაციონალური მოძრაობა“ მხოლოდ ოპოზიციასთან დებატებზე უარს აცხადებს

51
(განახლებულია 19:35 28.09.2020)
„ერთიან ნაციონალურ მოძრაობაში“ მიაჩნიათ, რომ დისკუსია ოპოზიციურ პარტიებს შორის წინასაარჩევნო კამპანიას აზიანებს

თბილისი, 28 სექტემბერი - Sputnik. „ერთიანი ნაციონალური მოძრაობა“ უარს ამბობს ისეთ დებატებში მონაწილეობაზე, სადაც არ იქნება წარმოდგენილი მმართველი პარტია „ქართული ოცნება - დემოკრატიული საქართველო“.

ქართველი პოლიტიკოსი უსაფრთხოების რეგიონული საბჭოს შექმნის წინადადებით გამოდის >>

როგორც პარტიის ერთ-ერთმა ლიდერმა ზაალ უდუმაშვილმა აღნიშნა, დისკუსია ოპოზიციურ პარტიებს შორის ზიანს აყენებს მთლიანად წინასაარჩევნო კამპანიას. „ნაცმოძრაობას“ არ სიამოვნებს ისეთ პოლემიკაში მონაწილეობა, რომელიც ოპოზიციურ პარტიებს შორის მიმდინარეობს, ხაზი გაუსვა მან.

„არ მივიჩნევთ, რომ ოპოზიციური პარტიები ჩვენი კონკურენტები არიან. ისინი ჩვენი მომავალი მოკავშირეები არიან. კონკურენტი მხოლოდ მმართველი პარტიაა. ერთიანი ნაციონალური მოძრაობა დღეიდან წყვეტს ოპოზიციურ პარტიებთან დისკუსიაში მონაწილეობას. ეს საერთო მიზნისთვის დამაზიანებელია“, – განაცხადა უდუმაშვილმა.

საქართველოს ექსპრეზიდენტ მიხეილ სააკაშვილის მიერ შექმნილი „ერთიანი ნაციონალური მოძრაობა“ საპარლამენტო არჩევნებში მონაწილეობას მიიღებს ბლოკის „ძალა ერთობაშია“ შემადგენლობაში. დღეისათვის სააკაშვილი წარმოადგენს ნაცმოძრაობის პრემიერ-მინისტრობის კანდიდატს და დავის მთავარ საგანს ოპოზიციისთვის, რომელიც ცოტა ხნის წინ კოალიციურ მთავრობაზე საუბრობდა.

საპარლამენტო არჩევნები საქართველოში 31 ოქტომბერს ჩატარდება. ქვეყნის მოსახლეობა 150 დეპუტატს აირჩევს - 120-ს პარტიული სიით, 30-ს კი - მაჟორიტარულ ოლქებში. გამსვლელი ბარიერი პარტიებისთვის 1%-ია.

არჩევნებში მონაწილეობის უფლება აქვს 3 501 931 საქართველოს მოქალაქეს როგორც ქვეყანაში, ისე მის ფარგლებს გარეთ.

51
თემები:
საქართველოს საპარლამენტო არჩევნები 2020
ევა ბარბაქაძე

ევა ბარბაქაძე ყაზბეგის მთებში საცურაო კოსტიუმში პოზირებს - პიკანტური ფოტო

0
(განახლებულია 15:26 29.09.2020)
მსახიობის ერთადერთმა ქალიშვილმა უნივერსიტეტის დაწყებამდე მდიდრული დასვენება მოიწყო. ევა ყაზბეგში ცეცხლოვანი საცურაო კოსტიუმით გამოჩნდა. როგორ გამოიყურება წონაში მომატებული გოგონა?

მსახიობის ქალიშვილმა დასვენება მთებში გადაწყვიტა. მანამდე კი, ზღვისპირა ქალაქში შეყვარებულთან ერთად ეწვია. ულამაზესმა გოგონამ მთიდან გადაღებული რამდენიმე ფოტოკადრი გამოაქვეყნა. ევა ერთ-ერთ ლამაზ სასტუმროში საურაო კოსტიუმში პოზირებს. აღსანიშნავია, რომ გოგონამ წონაში საგრძნობლად მოიმატა, თუმცა კილოგრამები მისთვის არაფერს აღნიშნავს. ევა კვლავ შეუდარებლად და უფრო მომხიბლავად გამოიყურება. უახლესი ფოტოები გოგონას ოფიციალური გვერდიდანაა. 

View this post on Instagram

A post shared by ევა🧚🏽‍♀️ (@_evvabarbaqadze_) on

პოპულარული დედა-შვილის გარშემო სკანდალური ჭორები არ წყდება. შორენა ბეგაშვილს ერთი ქალიშვილი ჰყავს. ევა ბარბაქაძე მსახიობს პატარა ასაკში შეეძინა, ჯერ კიდევ მაშინ, როდესაც შორენა ეკრანზე არ ჩანდა. პოპულარობა დედა-შვილის ცხოვრებაში დიდი მუშაობისა და ძალისხმევის შედეგად მოვიდა. ყველამ იცის, რომ შორენა რუსთავში გაჭირვებულად ცხოვრობდა.

View this post on Instagram

😜

A post shared by ევა🧚🏽‍♀️ (@_evvabarbaqadze_) on

ახლა მთელი ქვეყანა ევას და შორენას სილამაზეზე საუბრობს. მტკივნეული ცხოვრებისეული გამოცდილების გამო, შორენამ ახალი გადაცემა წამოიწყო. „შორენას ეფექტი“- ასე ჰქვია მის თოქ-შოუს, რომელიც ამ კვირაში გავა ეთერში. მსახიობი და ტელეწამყვანი სხვადასხვა პრობლემის მქონე გოგონებს საკუთარი თავის ახლბურად აღმოჩენაში დაეხმარება.

View this post on Instagram

💙

A post shared by ევა🧚🏽‍♀️ (@_evvabarbaqadze_) on

ბოლო პერიოდის მანძილზე დედა-შვილს  სულ უფრო და უფრო ხშირად ადარებენ. ფაქტი სახეზეა – სილამაზით ევა დედას არ ჩამოუვარდება. მიუხედავად იმისა, რომ ევა ბარბაქაძე ფოტოსესიებში მონაწილეობს და ხშირად მაკიაჟით ჩანს, მისი ბუნებრივი სილამაზის ნახვა ევას ოფიციალურ გვერდზეა შესაძლებელი. მსახიობის ქალიშვილმა Instagram-ის გვერდი სულ ახლახან შექმნა. მას უკვე 82 ათასზე მეტი „ფოლოვერი“ ჰყავს.

View this post on Instagram

A post shared by ევა🧚🏽‍♀️ (@_evvabarbaqadze_) on

დედასთან შედარებით თამამი ფოტოებით არ გამოირჩევა. ფაქტია, ევა დღითი დღე მეტად მშვენიერი ხდება. თაყვანისმცემლები ამბობენ, რომ ეშხითა და მომხიბლავი გარეგნობით სექსუალური დედაც კი დაჩრდილა.

0
თემები:
სელებრითების ცხოვრება