მოძრაობა თბილისში

ავტომობილისტებო, არ იჩქაროთ: მთავრობა სანომრე ნიშანთან დაკავშირებით გადაწყვეტილებას ცვლის

3517
(განახლებულია 15:49 22.06.2020)
მოქმედი კანონმდებლობით, ძველი სანომრე ნიშნების მოქმედების ვადა 2020 წლის 1 სექტემბერს იწურებოდა, თუმცა კორონავირუსმა თავისი კორექტივები ამ კანონშიც შეიტანა.

თბილისი, 22 ივნისი – Sputnik. საქართველოში ავტომობილის ძველი სახის სანომრე ნიშნის მოქმედების ვადა 2021 წლის 1 აპრილამდე გაგრძელდება. შესაბამისი შესწორებები კანონში შინაგან საქმეთა სამინისტრომ პარლამენტს წარუდგინა.

მოქმედი კანონმდებლობით, ძველი სანომრე ნიშნების მოქმედების ვადა 2020 წლის 1 სექტემბერს მთავრდებოდა.

პროექტში ნათქვამია, რომ ავტომობილების, მისაბმელების, სასოფლო-სამეურნეო მანქანების ან სპეციალიზებული თვითმავალი მანქანებისა და მოტოციკლების ძველი სახის სარეგისტრაციო ნომრები იურიდიულ ძალას ინარჩუნებს 2021 წლის 1 აპრილამდე, გარდა შინაგან საქმეთა სამინისტროს მიერ განსაზღვრული შემთხვევებისა.

ძველი სახელმწიფო ნომრების მოქმედების ვადის გახანგრძლივების მიზეზად სამინისტროში კორონავირუსს და ვირუსის გავრცელების აღკვეთის მიზნით გატარებულ ზომებს ასახელებენ.

„სააგენტოში დაცული მონაცემების თანახმად, ძველი ნიმუშის სატრანსპორტო საშუალების სანომრე ნიშანი გააჩნია – 539 739 ერთეულ სატრანსპორტო საშუალებას, შესაბამისად, 2020 წლის 1 სექტემბრისთვის შესაძლებელია სააგენტოში ამ მომსახურების გაწევის მოთხოვნის ოდენობა ბევრად აღემატებოდეს მომსახურების სააგენტოს მატერიალური და საკადრო რესურსის შესაძლებლობებს. ამასთან, მომსახურების მიღების მიზნით მოქალაქეთა სააგენტოში გამოცხადება გამოიწვევს ერთ სივრცეში პირთა დიდი ოდენობის თავშეყრას, რაც გაზრდის ეპიდემიის გავრცელების რისკს“, – ნათქვამია პროექტში.

ევროპული სტანდარტის შესაბამისი ახალი დიზაინის სანომრე ნიშნების გაცემა ყველა სახის სატრანსპორტო საშუალებისთვის შსს-ს მომსახურების სააგენტომ 2014 წლის 1 სექტემბერს დაიწყო.

ძველი სანომრე ნიშნის ახალზე გაცვლა შესაძლებელი იყო დამატებითი გადახდის გარეშე, ხოლო ძველი სახელმწიფო ნომრების მოქმედების ვადა 2020 წლის 1 სექტემბრამდე იყო განსაზღვრული.

2014 წლიდან მოქმედი სანომრე ნიშნების ფორმა და დიზაინი ევროპული სტანდარტების შესატყვისად შეიცვალა.

სანომრე ნიშნის მარცხენა ზედა კუთხეში გამოსახულია საქართველოს სახელმწიფო დროშა, მარცხენა ქვედა კუთხეში – ქვეყნის საიდენტიფიკაციო კოდი (GE). სანომრე ნიშნის დაცვის მიზნით მარჯვენა მხარეს დატანილია გაყალბების საწინააღმდეგო ჰოლოგრამა სახელმწიფო გერბის გამოსახულებით. ასევე გამოყენებულია ევროპული სტანდარტების სხვა დამცავი მექანიზმები. სანომრე ნიშანზე შეიცვალა ასევე ციფრებისა და ლათინური სიმბოლოების თანმიმდევრობა: ცენტრშია სამი ციფრი, ხოლო მისგან მარცხნივ და მარჯვნივ – ორ-ორი ასო.

3517
თემები:
საქართველოს პარლამენტი (192)
საქართველომ ახალი უპილოტო საფრენი აპარატები შეიძინა

საქართველომ ახალი უპილოტო საფრენი აპარატები შეიძინა

101
(განახლებულია 19:54 28.09.2020)
ახალი უპილოტო საფრენი აპარატებით საქართველოს თავდაცვის ძალების დაზვერვის ქვედანაყოფები აღიჭურვებიან

თბილისი, 28 სექტემბერი - Sputnik. საქართველოს თავდაცვის ძალებში დაზვერვის ქვედანაყოფები აღიჭურვება ახალი უპილოტო საფრენი აპარატებით, რომლებიც უწყებამ ესპანეთში შეიძინა, ნათქვამია უწყების ვებგვერდზე გავრცელებულ განცხადებაში.

უწყების ინფორმაციით, უპილოტო დაზვერვის სისტემების მოდერნიზაცია და შეძენა საქართველოს თავდაცვისუნარიანობას მნიშვნელოვნად გაზრდის. ეს სისტემები არსებითად ხელს შეუწყობს თავდაცვის ძალებს სადაზვერვო შესაძლებლობების განვითარებაში, ასევე იქნება გამოყენებული სხვადასხვა წვრთნებში და სამაშველო ოპერაციებში.

საქართველოს თავდაცვის სამინისტრომ ძველი საფრენი აპარატები ჩაანაცვლა და პერსონალი გადაამზადა.

დაზვერვის ქვედანაყოფების ახალი უპილოტო საფრენი აპარატებით დაკომპლექტება ითვალისწინებს ამ ქვედანაყოფების აღჭურვას თანამედროვე ტაქტიკური და ოპერატიული უპილოტო სადაზვერვო სისტემებით.

თავდაცვის მინისტრმა ირაკლი ღარიბაშვილმა ესპანური უპილოტო სადაზვერვო სისტემები მარნეულის საავიაციო ბაზაზე დაათვალიერა და სადემონსტრაციო ფრენას დაესწრო.

„უპილოტო სადაზვერვო სისტემების განახლების გარდა, აქტიურად მიმდინარეობს საჰაერო თავდაცვის, ჯავშანსაწინააღმდეგო შეიარაღების, თანამედროვე საარტილერიო და სადაზვერვო სისტემების შეძენა და ამ შესაძლებლობების განვითარება“, - ნათქვამია განცხადებაში.

ღარიბაშვილი: როდის ამოქმედდება საქართველოში ფრანგული საჰაერო თავდაცვის სისტემა >>

თანამედროვე სისტემების შეძენა, დანერგვა და განვითარება საქართველოს თავდაცვის ძალების განვითარების ძირითადი პრიორიტეტებია, აცხადებენ უწყებაში.

101
თემები:
საქართველოს თავდაცვა
ზაალ უდუმაშვილი

„ნაციონალური მოძრაობა“ მხოლოდ ოპოზიციასთან დებატებზე უარს აცხადებს

51
(განახლებულია 19:35 28.09.2020)
„ერთიან ნაციონალურ მოძრაობაში“ მიაჩნიათ, რომ დისკუსია ოპოზიციურ პარტიებს შორის წინასაარჩევნო კამპანიას აზიანებს

თბილისი, 28 სექტემბერი - Sputnik. „ერთიანი ნაციონალური მოძრაობა“ უარს ამბობს ისეთ დებატებში მონაწილეობაზე, სადაც არ იქნება წარმოდგენილი მმართველი პარტია „ქართული ოცნება - დემოკრატიული საქართველო“.

ქართველი პოლიტიკოსი უსაფრთხოების რეგიონული საბჭოს შექმნის წინადადებით გამოდის >>

როგორც პარტიის ერთ-ერთმა ლიდერმა ზაალ უდუმაშვილმა აღნიშნა, დისკუსია ოპოზიციურ პარტიებს შორის ზიანს აყენებს მთლიანად წინასაარჩევნო კამპანიას. „ნაცმოძრაობას“ არ სიამოვნებს ისეთ პოლემიკაში მონაწილეობა, რომელიც ოპოზიციურ პარტიებს შორის მიმდინარეობს, ხაზი გაუსვა მან.

„არ მივიჩნევთ, რომ ოპოზიციური პარტიები ჩვენი კონკურენტები არიან. ისინი ჩვენი მომავალი მოკავშირეები არიან. კონკურენტი მხოლოდ მმართველი პარტიაა. ერთიანი ნაციონალური მოძრაობა დღეიდან წყვეტს ოპოზიციურ პარტიებთან დისკუსიაში მონაწილეობას. ეს საერთო მიზნისთვის დამაზიანებელია“, – განაცხადა უდუმაშვილმა.

საქართველოს ექსპრეზიდენტ მიხეილ სააკაშვილის მიერ შექმნილი „ერთიანი ნაციონალური მოძრაობა“ საპარლამენტო არჩევნებში მონაწილეობას მიიღებს ბლოკის „ძალა ერთობაშია“ შემადგენლობაში. დღეისათვის სააკაშვილი წარმოადგენს ნაცმოძრაობის პრემიერ-მინისტრობის კანდიდატს და დავის მთავარ საგანს ოპოზიციისთვის, რომელიც ცოტა ხნის წინ კოალიციურ მთავრობაზე საუბრობდა.

საპარლამენტო არჩევნები საქართველოში 31 ოქტომბერს ჩატარდება. ქვეყნის მოსახლეობა 150 დეპუტატს აირჩევს - 120-ს პარტიული სიით, 30-ს კი - მაჟორიტარულ ოლქებში. გამსვლელი ბარიერი პარტიებისთვის 1%-ია.

არჩევნებში მონაწილეობის უფლება აქვს 3 501 931 საქართველოს მოქალაქეს როგორც ქვეყანაში, ისე მის ფარგლებს გარეთ.

51
თემები:
საქართველოს საპარლამენტო არჩევნები 2020
საპატრულო პოლიცია

სექსუალური ძალადობა: იმერეთში 17 წლის გოგონაზე ოჯახის ახლობელმა იძალადა

0
(განახლებულია 15:28 29.09.2020)
მე–12 კლასის მოსწავლე მზრუნველობამოკლებულ ბავშვთა დღის ცენტრის ბენეფიციარია – ამ დროისთვის მოზარდთან ფსიქოლოგები მუშაობენ.

 

თბილისი, 29 სექტემბერი - Sputnik. წყალტუბოს მუნიციპალიტეტში 17 წლის გოგონაზე სექსუალურად იძალადეს, იუწყება ტელეკომპანია Rustavi2. 

გავრცელებული ინფორმაციით, სავარაუდო გარყვნილ ქმედებაში ბრალს ოჯახის ახლობელს სდებენ. მამაკაცზე შემაკავებელი ორდერი უკვე გაიცა.

ამ დროისთვის 17 წლის მოზარდთან ფსიქოლოგები მუშაობენ. მე–12 კლასის მოსწავლე მზრუნველობამოკლებულ ბავშვთა დღის ცენტრის ბენეფიციარია. 

ამ დროისთვის დანიშნულია ექსპერტიზა და გამოძიება ექსპერტიზის პასუხებს ელოდება.

0
თემები:
შემთხვევები საქართველოში