პარლამენტის სხდომა

როგორ ავირჩევთ პარლამენტს?.. ანუ  რა იცვლება დედაკანონში?..

1208
(განახლებულია 18:48 21.06.2020)
საარჩევნო სისტემის რეფორმის კონსტიტუციური უზრუნველყოფის პროცესი დაიწყო. პარლამენტმა პირველი მოსმენით მიიღო საკონსტიტუციო ცვლილებათა პროექტი. გველოდება თუ არა მმართველი გუნდისგან ან სხვისგან რაიმე, ვისთვის სასიამოვნო და ვისთვისაც მიუღებელი სიურპრიზი?

სამსონ ხონელი

არის, ასრულდა და ამით დასრულდა კიდეც!.. თუმცა შესაძლოა ვცდები და ყველაფერი სწორედ აწი იწყება... დარწმუნებული ვარ, სიტყვათა თამაშმა არ დააბნია ჩვენი მკითხველი. მკათათვის 21 რიცხვი გამორჩეული გამოდგა. კვირა დღეს ხალხის რჩეულები სალაყბოში დილიდან ადრე შეიკრიბნენ... მოლოდინიც განსაკუთრებული იყო. შიგნით და მის ფარგლებს გარეთ ელოდნენ პასუხს კითხვაზე − შესრულდებოდა თუ არა ე.წ. 8 მარტის პოლიტიკური შეთანხმება და რა სისტემით ჩატარდებოდა მიმდინარე წლის ღვინობისთვის ბოლოს დაგეგმილი საპარლამენტო არჩევნები. უმაღლეს საკანონმდებლო ორგანოში მოვლენათა განვითარებას დიდი ინტერესით აკვირდებოდნენ ბებერი კონტიგენტის დედაქალაქში, ოკეანის გაღმა და გამოღმა...

ყველაფერი ბიუროს რიგგარეშე სხდომით დაიწყო. დღის წესრიგი დამტკიცდა. შემდეგ ქვეყნის პირველმა კანონმდებელმა კოლეგებს კენჭისყრაში მონაწილეობისაკენ მოუწოდა. დეპუტატებმა პლენარულ სხდომათა დარბაზში გადაინაცვლეს. საპარლამენტო პოლიტიკურ ძალთა პოზიცია წინასწარ იყო ცნობილი. საკონსტიტუციო ცვლილებების პროექტს მმართველ გუნდთან ერთად მხარს უჭერდნენ დამოუკიდებელი დეპუტატები და ფრაქცია „პატრიოტთა ალიანსის“ წევრები. რაც შეეხება ყოფილი სახელისუფლებო გუნდის ორად გაყოფილ წარმომადგენლობას, უცხო არ ოყო, ისინი წინააღმდეგი იყვნენ. რატომ? იმედია, მკითხველს მოგეხსენება, მათთვის საარჩევნო სისტემის რეფორმის მხარდაჭერა გიორგი რურუას განთავისუფლებაზე გადიოდა... იმთავითვე, მარტივი არითმეტიკით დათვლადი იყო, რომ პარლამენტის გადაწყვეტილება საქართველოში ახალი საარჩევნო სისტემის ჩამოყალიბებას დაუდებდა სათავეს. ასეც მოხდა...

ქვეყნის უმაღლესმა წარმომადგენლობითმა ორგანომ საკონსტიტუციო ცვლილებების პროექტი პირველი მოსმენით დაამტკიცა. რეგისტრაცია პარლამენტის 142-მა წევრმა გაიარა. მათ შორის 136-მა დეპუტატმა საარჩევნო სისტემის ცვლილებაზე კონსტიტუციურ კანონის პროექტს მხარი დაუჭირა. ბოლო მომენტში გადაწყვეტილება შეცვალა, კენჭისყრაში მონაწილეობა მიიღო და ცვლილების მომხრეთ შეუერთდნენ „ევროპული საქართველოს“ წარმომადგენლები. სიტყვა არ გადათქვეს და წინასწარ დეკლარირებული პოზიციის ერთგულები დარჩნენ პარლამენტარები  „ნაციონალური მოძრაობიდან“. მათ არც სხდომაში მიუღიათ მონაწილეობა. წინააღმდეგ კი სულ 5 დეპუტატი წავიდა. ვინ იყო უარზე? − შესაძლოა ჩამეძიოს მკითხველი და რა გაეწყობა, დავაკონკრეტებ. საკონსტიტუციო ცვლილებების პროექტს მხარი არ დაუჭირა - ბიძინა გეგიძემ, ალექსანდრე ერქვანიამ, ემზარ კვიციანმა, კახაბერ ოქრიაშვილმა და დავით ჭიჭინაძემ. მხოლოდ ერთმა დეპუტატმა, ნატო ჩხეიძემ თავი შეიკავა კენჭისყრაში მონაწილეობისგან... პარლამენტმა უახლოეს ორ კვირაში საკონსტიტუციო ცვლილებათა პროექტი მეორე და მესამე მოსმენით უნდა მიიღოს. როგორ განვითარდება პროცესები? ამას დრო გვიჩვენებს, მანამდე კი ქვეყნის პოლიტიკური სისტემისთვის ისტორიული მნიშვნელობის გადაწყვეტილების მიღების შემდეგ პირველი პოლიტიკური განცხადებები და შეფასებები გაკეთდა...

პარლამენტის თავმჟდომარე არჩილ თალაკვაძე: „რაც შეეხება „ნაციონალურ მოძრაობას“, დღეს, საზოგადოებამ დაინახა, ეს პოლიტიკური პარტია თამაშგარე მდგომარეობაში აღმოჩნდა. რაც, რასაკვირველია, საერთო ჯამში, სამწუხაროა, მაგრამ თუ მათ ვერ აიღეს პასუხისმგებლობა იმაზე, რაზეც არსებობდა შეთანხმება, იმაზეც რაზეც არსებობდა საზოგადოების დაკვეთა და საერთო ფართო კონსენსუსი, კითხვა ჩნდება შეძლებს თუ არა ეს პოლიტიკური პარტია მომავალში რამეზე აიღოს პოლიტიკური პასუხისმგებლობა. ძალიან კარგია, რომ „ევროპულმა საქართველომ“ მიიღო პასუხისმგებლიანი გადაწყვეტილება...“

მალევე გაირკვა, რა პოზიცია ექნება „ევროპული საქართველოსა“ და „ნაციონალურ მოძრაობის“ საპარლამენტო წარმომადგენლობას მეორე და მესამე მოსმენის დროს.

„ევროპული საქართველოს“ ერთ-ერთი ლიდერი დავით ბაქრაძე: „ჩვენ დღეს გადავარჩინეთ პროპორციული სისტემა, მაგრამ ამ კანონპროექტს მეორე და მესამე მოსმენით არ დავუჭერთ მხარს თუ ხელისუფლება საკუთარ ვალდებულებას არ შეასრულებს და არ გაათავისუფლებს გიორგი რურუას. ამიტომ, ბურთი არის ხელისუფლების მხარეს. ახლა არის ხელისუფლების გადასაწყვეტი, თუ ისინი 8 მარტის შეთანხმებას შეასრულებენ, ჩვენ მზად ვიქნებით მხარი დავუჭიროთ მეორე, მესამე მოსმენით, თუ არა, შესაძლო შედეგზე პასუხისმგებელი მთლიანად „ქართული ოცნება“ იქნება...“

საპარლამენტო ფრაქცია „ნაციონალური მოძრაობის“ თავმჯდომარე რომან გოცირიძე: „რა თქმა უნდა, მივესალმები პარლამენტის გადაწყვეტილებას. ეს იმას ნიშნავს, რომ შეთანხმების ერთი მნიშვნელოვანი ნაწილი შესრულდა. დარჩა მისი მეორე ნაწილი, რომელიც ითვალისწინებს ქვეყანაში პოლიტიკური დევნის შეწყვეტას და პოლიტიკური პატიმრების გათავისუფლებას... იმედს ვიქონიებ, რომ ორივე ნაწილი ბოლომდე შესრულდება, რაც ჩვენ საშუალებას მოგვცემს, დავბრუნდეთ დარბაზში და მივცეთ ხმა...“

კონსტიტუციური კანონის პროექტის მეორე და მესამე მოსმენით განხილვისას და კენჭისყრისას არსებულ რისკებზე ყურადღება გაამახვილა დამოუკიდებელი დეპუტატების ერთმა ნაწილმა... 

დამოუკიდებელი დეპუტატი თამარ ჩუგოშვილი: „ჩემთვის ეს ძალიან მნიშვნელოვანი დღე იყო და მნიშვნელოვანი წუთები, რომ პირველი მოსმენით მაინც ეს ცვლილებები გავიდა. ჩვენ ძალიან ბევრი დავთმეთ და გადავიტანეთ იმისთვის, რომ ეს შედეგები მიგვეღო იმიტომ, რომ საარჩევნო სისტემა არის ქვეყნის მართვის ფორმა. ამ ქვეყანას მართვის მახინჯი ფორმა აქვს უკვე ათ წელზე მეტია და ეს ფორმები უნდა შეიცვალოს... მეორე და მესამე მოსმენაზე სერიოზული რისკები იქნება. გაჩნდება ცვლილებების ჩავარდნის, საქმის ბოლომდე ვერ მიყვანის საფრთხე, ამიტომ ყველას ვალდებულება, რომ ამ ცვლილებებში მიიღოს მონაწილეობა...“

ოპტიმისტურად არის განწყობილი არასაპარლამენტო ოპოზიციის ერთი ნაწილი.

„ერთიანი საქართველო-დემოკრატიული მოძრაობის“ ერთ-ერთი ლიდერი ანზორ ბიწაძე: „დიახ პროცესს ძალიან ყურადღებით აკვირდებიან საერთაშორისო პარტნიორები და ფასილიტატორი ელჩები, ასე რომ, მე დარწმუნებული ვარ ეს კანონპროექტიც ბოლომდე გავა და შეთანხმებაც შესრულდება...“

არ დააყოვნა ევროკავშირის რეაქციამ. კერძოდ, საქართველოში ევროკავშირის ელჩი მიესალმა პარლამენტის გადაწყვეტილებას. კალრ ჰარცელი სოციალურ ქსელში, „ტვიტერზე“ წერს. „მე 142 ხმა დავითვალე, რომელიც საკონსტიტუციო შეთანხმებას მხარს უჭერდა 8 მარტის შემდეგ. მივესალმები, რომ პარლამენტმა დღეს პირველი მოსმენით კანონის დამტკიცება 136 ხმით შეძლო. იმედი მაქვს, რომ ყველა მხარე აიღებს პასუხისმგებლობას, საბოლოო წარმატების უზრუნველსაყოფად...“

ახლა ურიგო არ იქნება, კიდევ ერთხელ გავეცნოთ საკონსტიტუციო ცვლილების პარამეტრებს. რა თქმა უნდა, მკითხველის ყურადღებას ძირითად ასპექტებზე გავამახვილებ. პროექტით 2020 წლის საპარლამენტო არჩევნები შერეული სისტემით, 120 პროპორციული, 30 მაჟორიტარული და 1 პროცენტიანი ბარიერით ჩატარდება. კანონპროექტი ასევე გულისხმობს 40 პროცენტიან ე.წ. ჩამკეტ მექანიზმსაც. ანუ პარტია, პროცენტზე ნაკლებ მხარდაჭერას მიიღებს, ვერ შეძლებს მთავრობის დამოუკიდებლად ფორმირებას. დგინდება პროპორციული და მაჟორიტარული სისტემით ჯამურად მიღებული მანდატების მარჟა, რომლის გადაჭარბების შემთხვევაშიც, პარტიას ან საარჩევნო ბლოკს მოაკლდება მანდატები პროპორციული საარჩევნო სიიდან და გადანაწილდება იმ სხვა პოლიტიკური პარტიებისა და საარჩევნო ბლოკების მიერ წარდგენილ საარჩევნო სიებზე, რომლებმაც შესაბამისი საარჩევნო ბარიერი გადალახეს. განსაზღვრულია საარჩევნო ბლოკების საკითხიც. პროპორციული სისტემით ჩატარებული არჩევნების შედეგად, მანდატები განაწილდება იმ პოლიტიკური პარტიების საარჩევნო ბლოკებზე, რომელთა მიერ მიღებული ნამდვილი ხმების პროცენტული მაჩვენებელი 1 პროცენტისა და საარჩევნო ბლოკში შემავალი პოლიტიკური პარტიების რაოდენობის ნამრავლს მაინც შეადგენს.

რაც შეეხება გაუნაწილებელ მანდატებს, ისინი განაწილდება უდიდესი ნაშთის მქონე პარტიებსა და საარჩევნო ბლოკებზე.

2020 წლის საპარლამენტო არჩევნებზე ქვეყნის მასშტაბით 30 ერთმანდატიანი მაჟორიტარული საარჩევნო ოლქი შეიქმნება... დეტალურად ამ საკითხზე აღარ შევჩერდები. დაინტერესებული მკითხველი ინფორმაციას თავადაც მარტივად მოიძიებს. ახლა მთავარია, როგორ დასრულდება პროცესი, გველოდება თუ არა მმართველი გუნდისგან ან სხვა საპარლამენტო დაჯგუფებისგან რაიმე, ვისთვის სასიამოვნო და ვისთვისაც მიუღებელი სიურპრიზი. პასუხს კითხვაზე ივნისის თვის ბოლოს მივიღებთ... წამზომი მეორე და მესამე მოსმენით კენჭისყრისთვის მზადების დროს ითვლის!..

 

1208
საპროტესტო აქცია ბათუმში. 29,11,2020

ოპოზიცია ბათუმში შეზღუდვებისგან თავისუფალი კვარტლის მოწყობას აპირებს

59
ოპოზიციის წარმომადგენლები მოუწოდებენ ადამიანებს, რომლებსაც კორონავირუსი გადატანილი აქვთ, დაეხმარონ სხვა ინფიცირებულებს საავადმყოფოებში გადაყვანაში

თბილისი, 29 ნოემბერი – Sputnik. ბათუმში მთავრობის სახლთან საპროტესტო აქციის მონაწილეებმა ადგილზე მიიტანეს გადასატანი ჯიხური და შეზღუდვებისადმი დაუმორჩილებლობის კვარტლის მოწყობა დააანონსეს.

აქციის მონაწილეების თქმით, ისინი გადასატან ჯიხურში მოაწყობენ კაფე-ბარს სახელწოდებით „არ დაუთმო!“ და კიდევ რამდენიმე მაღაზიას გახსნიან. მათ შორის ტექნიკის მაღაზიაც კი იქნება.

Акция протеста оппозиции в столице Аджарии против итогов выборов 29 ноября 2020 года
© Sputnik / Seyran Baroyan
საპროტესტო აქცია ბათუმში. 29.11.2020

პარტია „სტრატეგია აღმაშენებლის“ წარმომადგენლის, ბექა დიასამიძის თქმით, ჯიხურების მოსაწყობად ნებართვა არ დასჭირდებათ, ხოლო უმუშევრად დარჩენილი ადამიანები მცირედი თანხის გამომუშავებას შეძლებენ.

„ადამიანები დარჩნენ უმუშევრები. ჩვენ ვთავაზობთ ადამიანებს მოიტანონ აქ, მაგალითად, სუვენირები, ტანსაცმელი და გაყიდონ… ხვალისთვის ველოდებით ჯიხურებს და მიმდინარეობს მოლაპარაკებები, ვინ იქნებიან ამ ჯიხურებში, ვესაუბრეთ გარემოვაჭრეებსაც“, – აცხადებს ბექა დიასამიძე.

ოპოზიციის ლიდერებმა ასევე „სახალხო მერიის“ შექმნაც დააანონსეს. „ლელოს“ წარმომადგენლის, ლევან ანთიძის თქმით,  იმ მოქალაქეებმა, ვისაც კოვიდინფექცია გადატანილი აქვს და ავტომანქანას ფლობს, სხვა ინფიცირებულებს უნდა დაეხმარონ ტრანსპორტირებაში, რადგან სასწრაფო სამსახური ინფიცირებულებს ვეღარ აუდის.

Акция протеста оппозиции в столице Аджарии против итогов выборов 29 ноября 2020 года
© Sputnik / Seyran Baroyan
საპროტესტო აქცია ბათუმში. 29.11.2020

კოვიდინფექციის შესაკავებლად 28 ნოემბრიდან საქართველოში მთელი რიგი შეზღუდვები ამოქმედდა. ყველაზე მნიშვნელოვანი შეზღუდვები დაწესდა დიდ ქალაქებში, სადაც გაჩერდა საზოგადოებრივი ტრანსპორტი, დაიკეტა სავაჭრო ცენტრები, ტანსაცმლის ბაზრობები, სპორტდარბაზები და აუზები.

საპროტესტო აქციები აჭარაში 31 ოქტომბერს გამართული საპარლამენტო არჩევნების შემდეგ დაიწყო. მონაწილეები არ აღიარებენ არჩევნების შედეგებს, რადგან მათ გაყალბებულად მიიჩნევენ.

59
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს
ზურაბ ჯაფარიძე

ჯაფარიძე: ფიტნეს დარბაზს საცხოვრებელ სახლად ვქირაობ, შეგიძლიათ მოხვიდეთ და ივარჯიშოთ

62
(განახლებულია 18:28 29.11.2020)
„გირჩის“ ლიდერი ფართს სავარჯიშო ინვენტართან ერთად როგორც საცხოვრებელ სახლს იმ დრომდე ქირაობს, სანამ დამატებითი შეზღუდვები იმოქმედებს

თბილისი, 29 ნოემბერი – Sputnik. პარტია „ახალი პოლიტიკური ცენტრი – გირჩის“ ლიდერმა ზურაბ ჯაფარიძემ ბათუმში Reformer fitness-ის დარბაზი საცხოვრებელ ფართად იქირავა, - ამის შესახებ მან სოციალურ ქსელ Facebook-ზე ონლაინ-ჩართვისას განაცხადა.

მანამდე, შრომის, ჯანმრთელობისა და სოციალური დაცვის სამინისტროს შრომის პირობების ინსპექტირების დეპარტამენტმა განაცხადა, რომ შპს „ონლაინ მეჯიქ“ ე. წ. „რეფორმერი ფიტნესი“ აკრძალულ ეკონომიკურ საქმიანობას ახორციელებდა. ამის გამო იურიდიული პირი 10 ათასი ლარით დაჯარიმდა. თუმცა, მიუხედავად ამისა, სპორტული დარბაზი საქმიანობას კვლავ განაგრძობდა. 

„საჯაროდ ვაკეთებ ასეთ რაღაცას, ზეპირ ხელშეკრულებას ვდებთ, რისი უფლებაც მაქვს, ვქირაობ მთელ ამ დარბაზს ჩემს საცხოვრებელ სახლად. ბათუმში მექნება საცხოვრებელი სახლი, სანამ ეს რეგულაციები არსებობს. აქ ვაპირებ რომ ვიცხოვრო, სადაც მაქვს სავარჯიშო ინვენტარი, რომელსაც აქირავებს მფლობელი ფართთან ერთად და ნებისმიერ ადამიანს, ვინც ბათუმში ვარჯიშობს და დარბაზები დაუკეტეს, შეგიძლიათ მოხვიდეთ აქ სტუმრად ჩემთან სახლში და ივარჯიშოთ. ხვალიდან არავის არ აქვს უფლება, რომ აქ შემოვიდეს, რადგან ეს ჩემი სახლია და შრომის ინსპექციას თუ უნდა, შემოვიდეს და ნახოს, სალარო აპარატი მუშაობს თუ არა“, - განაცხადა ჯაფარიძემ.

შრომის ინსპექციამ კი განმეორებითი დარღვევის ფაქტის დაფიქსირების შესახებ ინფორმაცია შინაგან საქმეთა სამინისტროს მიაწოდა. „იზოლაციისა და კარანტინის წესების“ მოთხოვნების განმეორებით დარღვევაზე პასუხისმგებლობა გათვალისწინებულია სსკ-ის 248-ე მუხლის პირველი ნაწილით.

საქართველოში 28 ნოემბრიდან მკვეთრად გაუარესებული ეპიდვითარების გამო ხელისუფლების მიერ დაწესებული ახალი შეზღუდვები ამოქმედდა, რომლებიც 2021 წლის 31 იანვრამდე იქნება ძალაში.

შეზღუდვების მიხედვით, რესტორნები და კვების ობიექტები ქვეყნის მასშტაბით მთლიანად გადადიან მიტანის სერვისზე. აიკრძალა ფიტნეს-დარბაზების და აუზების საქმიანობა. გარდა ამისა, მოქმედებს სხვა მთელი რიგი შეზღუდვები.

 

62
თემები:
საქართველოს პოლიტიკური ცხოვრება
რაჭა

30 ნოემბერს დაბადებულები ზოდიაქო, დახასიათება, რჩევები

0
(განახლებულია 09:33 29.11.2020)
გაეცანით 30 ნოემბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

23 ნოემბერი - 2 დეკემბრის პერიოდი

23 ნოემბერი - 2 დეკემბრის პერიოდი მშვილდოსნის ნიშნის პირველ დეკადას განეკუთვნება.

ამ დეკადას მერკური მართავს და ამ პერიოდში დაბადებულებს დამოუკიდებელ ხასიათს ანიჭებს. არიან მრავალმხრივი ნიჭის პატრონები და უკიდეგანო შესაძლებლობების მქონე ადამიანები.

მნიშვნელოვანი წლებია: 36, 40.

ამ პერიოდში დაბადებულთა სიმბოლოა ხმალა (გლადიოლუსი).

ეს ადამიანები არიან მშვიდი, შრომისმოყვარე, ყურადღებიანი, არ ისწრაფვიან ლიდერის პოზიციების დასაკავებლად. გუნდში თანამოაზრეებთან ერთად დიდი წარმატებების მიღწევა შეუძლიათ.

30 ნოემბერს დაბადებულები

ენამჭევრი, ენამახვილი, ოპტიმისტი - ასეთი არიან 30 ნოემბერს დაბადებულები. ისინი მომხიბლავი, გულღია, კომუნიკაბელური თვისებებით გამოირჩევიან, ახასიათებთ გამჭრიახობა და დაკვირვების უნარი. აქვთ პრაქტიკულად განუსაზღვრელი შემოქმედებითი პოტენციალი.

30 ნოემბერს დაბადებულები ვერ იტანენ სიცარიელეს; არ უყვართ მარტოობა. შეუძლიათ რამდენიმე საქმე ერთდროულად გააკეთონ. მუდმივად აფართოებენ საურთიერთობო წრეს, სრულყოფენ ორატორულ შესაძლებლობებს და ავითარებენ მსმენელის ნიჭს.

ზოდიაქოს ნიშნები - ოთხი დრო, ოთხი სტიქია>>

30 ნოემბერს დაბადებული მშვილდოსნები მოურჯულებელი, არაორდინარული ადამიანები არიან. მათი გონება მუდამ პასუხს ეძებს უამრავ ცხოვრებისეულ კითხვაზე. ისინი განვითარებაზე არიან ორიენტირებული, მუდამ წინ მიიწევენ.

ამ დღეს დაბადებულები ბუნებით მკვლევარები არიან. ისწრაფვიან ახალი ცოდნისკენ, წარმატებებს აღწევენ მეცნიერების სხვადასხვა დარგში. მაგრამ ასევე ბევრია მათ შორის პრაქტიკოსი. ისინიც ასევე დიდ წარმატებებს აღწევენ პროფესიულ საქმიანობაში.

30 ნოემბერს დაბადებულები ორ ტიპად იყოფიან. პირველისთვის კარიერა წინა პლანზეა. ამ ადამიანებისთვის დამახასიათებელია ამბიციურობა, თანამიმდევრულობა; ზუსტად იციან, რა უნდათ. მეორე ტიპის მშვილდოსნებისთვის სამუშაო არსებობისთვის სახსრების მიღების წყაროა, ისინი არ ისწრაფვიან ლიდერობისკენ, კარიერის გაკეთებისკენ, უპირატესობას ანიჭებენ სტაბილურ გრაფიკსა და ნორმირებულ სამუშაო დღეს.

ზოდიაქოს ნიშნები, რომლებსაც განსაკუთრებული მისია აკისრიათ>>

ამასთან, ორივე ტიპის წარმომადგენლები მაღალკვალიფიციური პროფესიონალები არიან. ზოგადად, მშვილდოსნებს ცუდად მუშაობა არ შეუძლიათ. თუ საკმარისი ცოდნა არა აქვთ, ისინი თავიანთ კვალიფიკაციას აუცილებლად აიმაღლებენ.

ჯანმრთელობა

30 ნოემბერს დაბადებულები, სხვა მშვილდოსნების მსგავსად, დეპრესიისადმი არიან მიდრეკილი. დეპრესიასთან ბრძოლა კი პროფესიონალის დახმარების გარეშე არ ღირს. თვითმკურნალობამ და განსაკუთრებით, დამამშვიდებელი პრეპარატების მიღებამ, შესაძლოა, ჯანმრთელობის მდგომარეობის გაუარესება გამოიწვიოს. ამას გარდა, ამ დღეს დაბადებულებს სხვადასხვა ფობია აწუხებთ, რაც, შესაძლოა, აკვიატებებსა და სოციოპათიაში გადაიზარდოს.

რჩევა:

ხშირად გიწევთ თქვენ მიმართ ნეგატივთან შეჯახება. ბევრისთვისაა გაუგებარი თქვენი პრინციპები, იდეები. აუცილებელია, რომ ეს თავდასხმები მშვიდად მიიღოთ, არ ღირს შურისძიება, ეს მორალურ კმაყოფილებას არ მოგიტანთ.

0