სერგეი გავრილოვი

გავრილოვმა საქართველოს ხელისუფლებას „რევანშისტების“ გეგმების დამსხვრევა უსურვა

262
(განახლებულია 21:28 20.06.2020)
რუსეთის სათათბიროს დეპუტატის თქმით, საქართველოს საზოგადოებამ და ხელისუფლებამ თბილისში მომხდარ მოვლენებს „სამართლიანი შეფასება“ დღემდე ვერ მისცა

თბილისი, 20 ივნისი – Sputnik. რუსეთის სათათბიროს დეპუტატმა სერგეი გავრილოვმა ჩაწერა ვიდეომიმართვა Facebook-ში, რომელშიც გამოთქვა მოსაზრება იმის შესახებ, რომ ქართული მხარის ოფიციალური ბოდიში 2019 წლის 20 ივნისის მოვლენების გამო ორ ქვეყანას შორის პოლიტიკური ურთიერთობების აღდგენის მნიშვნელოვანი საწინდარი შეიძლება გახდეს.

გავრილოვის თქმით, 2019 წლის 20 ივნისს თბილისში მოხდა „ბინძური მეთოდებით შიდაპოლიტიკური პრობლემების გადაჭრის მცდელობა, საქართველოსთვის უნიკალური მოვლენის - მართლმადიდებლობის პარლამენტთაშორისი ასამბლეის გამოყენებით“.

„ჩვენ დაჟინებით კი არ მოვითხოვთ ბოდიშებს, ჩვენ მიგვაჩნია, რომ მომხდარის გამო ბოდიშის მოხდა მართლმადიდებელი ევროპელი დეპუტატების მიმართ, ძმების მიმართ, რომლებსაც საქართველოსთვის მხოლოდ კარგი სურთ, ბოდიში რუსეთის წინაშე რუსეთის პრეზიდენტის და დეპუტატების შეურაცხყოფისთვის, რომელიც საერთოდ არაფერთან არ იყო კავშირში, ჩვენი საერთო ისტორიის მიმართ - ეს ჩვენი პოლიტიკური ურთიერთობების აღდგენის მნიშვნელოვანი პირობაა“, - განაცხადა გავრილოვმა.

გარდა ამისა, რუსი დეპუტატი მიიჩნევს, რომ საქართველოს საზოგადოებამ და ხელისუფლებამ თბილისში მომხდარ მოვლენებს „სამართლიანი შეფასება“ დღემდე ვერ მისცა. ამასთან გავრილოვი იმედოვნებს, რომ ქართული მთავრობა შეძლებს „საბოლოოდ დაამსხვრიოს რევანშისტი-გადამტრიალებლების გეგმები“ და „შეაჩეროს ისინი, ვინც იმ წელს გაბედა და სცდადა მკრეხელობა, სახელმწიფო გადატრიალება აშკარა ანტიმართლმადიდებლური, ანტიქრისტიანული ლოზუნგებით“.

„დამნაშავეებმა ბინძურ პროვოკაციებში,რომელიც მიმართული იყო ჩვენი ურთიერთობების დანგრევაზე, პასუხი უნდა აგონ, თუ საჭირო გახდა - სასჯელი მოიხადონ“, - ხაზგასმით აღნიშნა მან.

რუსეთის დეპუტატმა უსურვა საქართველოს ხელისუფლებას „დაამსხვრიოს რევანშისტი-გადამტრიალებლების“ გეგმები და გამოთქვა რწმენა იმისა, რომ რუსეთთან პატივისცემაზე დაფუძნებული ურთიერთობების აღდგენა ქართველი ხალხის ეროვნულ ინტერესს წარმოადგენს.

„იმედი გვაქვს, რომ ამ დღეს საქართველოს ხელმძღვანელობა იპოვის ძალებს იმისათვის, რომ საბოლოოდ დაამსხვრიოს რევანშისტი-გადამტრიალებლების გეგმები, რომლებსაც ქვეყნიდან გაძევებული და კანონით დევნილი ყოფილი პრეზიდენტის მსგავსად საქართველოში დემოკრატიის განადგურება სურთ. - აღნიშნა გავრილოვმა. - სურთ შექმნან თავისი ქვეყნისგან ავტორიტარული პლაცდარმი, რათა დაამსხვრიონ მყიფე, მაგრამ ძალიან მნიშვნელოვანი სიმშვიდე ამიერკავკასიაში და მთლიანად ახლო აღმოსავლეთში. აბსოლუტურად დარწმუნებული ვარ, რომ რუსეთთან პატივისცემაზე და თანასწორობაზე დაფუძნებული ურთიერთობების აღდგენა ქართველი ხალხის ეროვნულ ინტერესს წარმოადგენს“.

რა მოხდა ერთი წლის წინ?

2019 წლის 20 ივნისის მოვლენები დაიწყო დილით პარლამენტში, სადაც მართლმადიდებლობის პარლამნენტთაშორისო ასამბლის სესია იმართებოდა.

რუსეთის სათათბიროს დეპუტატმა პროტოკოლის მიხედვით დაიკავა ადგილი საქართველოს პარლამენტის თავმჯდომარის ადგილი, რამაც უკიდურესად აღაშფოთა საპარლამენტო ოპოზიცია ორი მსხვილი პარტიის სახით - „ერთიანი ნაციონალური მოძრაობა“ და „ევროპული საქართველო“.

ისინი ავიდნენ ტრიბუნაზე და შეურაცხყოფას აყენებდნენ გავრილოვს. ასამბლეის სესია ჩაიშალა, ყველა მისი მონაწილე სასწრაფოდ გაიყვანეს პარლამენტის შენობიდან. მათი ადგილები „ნაცმოძრაობის“ 20-მდე აქტივისტმა დაიკავა.

თავად გავრილოვმა იმავე დღეს დატოვა საქართველო, ხოლო 21 ივნისს რუსეთმა საქართველოსთან ავიამიმოსვლის შეწყვეტის შესახებ განაცხადა. 20 ივნისს კი პარლამენტის წინ შეიკრიბნენ ადამიანები. ისმოდა ანტირუსული ლოზუნგები, გაჟღერდა პარლამენტის თავმჯდომარის გადადგომის მოთხოვნა.

ღამისკენ სიტუაცია არაკონტროლირებადი გახდა, და პოლიციამ გააფრთხილა აქციის მონაწილეები, რომ იმ შემთხვევაში, თუ პროტესტი კანონის ფარგლებს გასცდებოდა, ის ძალას გამოიყენებდა. პარლამენტში შეჭრის მცდელობის შემდეგ, პოლიციამ ცრემლსადენი გაზი და რეზინის ტყვიები გამოიყენა.

პოლიციის და აქციის მონაწილეებს შორის დაპირისპირება მთელი ღამე გაგრძელდა, ასობით ადამიანი დააკავეს. გამთენიისას გაირკვა, რომ პოლიციასთან შეტაკებისას დაშავდა 240 ადამიანი, მათ შორის 80 პოლიციელი. რეზინის ტყვიის მოხვედრის შედეგად რამდენიმე ადამიანმა თვალი დაკარგა.

262
თემები:
ქართულ–რუსული ურთიერთობები (188)

ოპოზიციის აქტივისტებმა კომენდანტის საათის დროს თბილისში აქცია გამართეს

44
სამოქალაქო აქტივისტებისა და ოპოზიციის მომხრეების ჯგუფმა კვირას საღამოს თბილისის ცენტრში კომენდანტის საათის დროს საპროტესტო აქცია გამარტეს. დაწვრილებით - Sputnik-საქართველოს ვიდეოში იხილავთ

აქციაში რამდენიმე ათეული ადამიანი მონაწილეობდა. მათ პლაკატებით ჩაიარეს რუსთაველის გამზირი მას შემდეგ, რაც ქალაქში საკომენდანტო საათი ამოქმედდა. აქციამ ინციდენტების გარეშე ჩაიარა, მისი მონაწილეები არ დაუკავებიათ და არ დაუჯარიმებიათ.

საღამოს აქციის მონაწილეები საკომენდანტო საათის გაუქმებას მოითხოვდნენ და საქართველოს ახალი მოწვევის პარლამენტისადმი უნდობლობას გამოხატავდნენ.

44
ნაგვის ურნები ბათუმში

აჭარის უმაღლესი საბჭოს დეპუტატს თავზე ნაგავი დააყარეს - რა გამოხმაურება მოჰყვა ინციდენტს

130
(განახლებულია 22:27 23.01.2021)
ბათუმში გამართულ საპროტესტო აქციაზე მომხდარ ინციდენტს ოპოზიციისა და მმართველი გუნდის წარმომადგენლები ეხმაურებიან.

თბილისი, 23 იანვარი - Sputnik. ბათუმში გამართულ საპროტესტო აქციაზე მომიტინგეებმა აჭარის უმაღლესი საბჭოს დეპუტატს ირაკლი ჩავლეიშვილს ნაგვის ურნიდან ნარჩენები დააყარეს. ინციდენტის ამსახველი ვიდეო დღეს სოციალურ ქსელებში გავრცელდა.

სამოქალაქო საზოგადოებები - „ბათუმი“ და „დაიცავი ძველი ბათუმი“ - ბათუმის ბულვარში 16-სართულიანი შენობის მშენებლობას აპროტესტებდნენ, აქციაზე იმყოფებოდნენ „ნაციონალური მოძრაობის“ წარმომადგენლებიც.

ირაკლი ჩავლეიშვილი უმაღლეს საბჭოში „ნაციონალური მოძრაობის“ პარტიული სიით შევიდა. „ნაცმოძრაობის“ წარმომადგენლების თქმით, მას პროტესტის გამოხატვის უფლება არ ჰქონდა.

აღნიშნულ ფაქტს პოლიტიკოსები გამოეხმაურნენ.

აქციის მონაწილეთა და ირაკლი ჩავლეიშვილის დაპირისპირებას სოციალური ქსელის მეშვეობით „ნაციონალური მოძრაობის“ წევრი სალომე სამადაშვილი ეხმაურება.

„ამაზრზენია ის, რაც ბათუმში მოხდა. ერთნაირად სამარცხვინო ხალხია ის, ვინც ნაგავს აყრის ადამიანს და ისიც, ვინც ამას მიესალმება“, – წერს სალომე სამადაშვილი.

თუმცა სალომე სამადაშვილის პათოსს არ ეთანხმებიან მისი თანაპარტიელები.

სამადაშვილს ფაქტობრივად მუქარით პასუხობს „ნაციონალური მოძრაობის“ წარმომადგენელი ჯელალ ქიქავა.

„სალომე სამადაშვილმა ან ბოდიში მოუხადოს თითოეულ აქციის მონაწილეს ან დატოვოს ნაცმოძრაობა. წინააღმდეგ
შემთხვევაში შემდეგი იქნება თვითონ, თუ ბათუმში ჩამოვა“, - წერს ქიქავა.

გაკეთებული განცხადების გამო სალომე სამადაშვილს მისი თანაპარტიელი, „ნაციონალური მოძრაობის“ წევრი ბონდო თედორაძეც უპირისპირდება. როგორც თედორაძე აღნიშნავს, წარსულში სალომე სამადაშვილისგან, მსგავსად პარტიის სხვა ლიდერებისა, მხარდაჭერა არ ახსოვს.

„არ ვაპირებ ვინმეს პარტიის შიგნით გავუტარო პეროობა და ან რამე მსგავსი! ჩემი თუ გაინტერესებთ: თანამებრძოლი (თუნდაც დაუშვას შეცდომა) ბრძოლაში არ მიიტოვება!“, - განაცხადა თედორაძემ.

მომხდარ ინციდენტზე ისაუბრა „ნაციონალური მოძრაობის“ წარმომადგენელმა, ბათუმის საკრებულოს წევრმა მირდატ ქამადაძემაც. მისი თქმით თავზე ნაგვის დაყრა არასასურველი ფორმაა, თუმცა გამოხატვის თავისუფლების ჩარჩოებში ჯდება.

მეორე მხრივ, მომხდარი დაპირისპირების მონაწილეთა დასჯას ითხოვს აჭარის უმაღლეს საბჭოში „ქართული ოცნების“ დეპუტატი, ლადო მგალობლიშვილი.

„ვგმობ აჭარის უმაღლესი საბჭოს წევრის, ირაკლი ჩავლეიშვილის მიმართ „ნაციონალური მოძრაობის“ აქტივისტების მხრიდან განხორციელებულ ბნელ და ძალადობრივ თავდასხმის აქტს. მოვუწოდებ სამართალდამცავ ორგანოებს, დაუყოვნებლივ მოახდინონ ფაქტზე უმკაცრესი რეაგირება“, – განაცხადა ლადო მგალობლიშვილმა.

აქციის ორგანიზატორები მომხდარ უმსგავსობას კატეგორიულად ემიჯნებიან.

„ის, რაც დღეს, აქციის შემდეგ მოხდა, ის, რაც დღეს მოძრაობა „ალტერნატივის“ აქტივისტებმა იკადრეს და აკადრეს, უპირველეს ყოვლისა თავიანთ მოძრაობას, ირაკლი ჩავლეიშვილს, ქალაქს, წარმოუდგენელია. ეს არის ანომალია და ასე თუ კეთდება ჩვენს ქვეყანაში პოლიტიკა, მაშინ ყველაფერი გასაგებია. შედეგად კი მივიღეთ ის, რომ ამ ამაზრზენმა ინციდენტმა სრულიად გადაფარა ის აქტუალური თემა, რისთვისაც დღეს ბათუმელები შევიკრიბეთ, ლამის დისკრედიტირებულ იქნა ის მოძრაობა, რომელსაც დღეს ჩაეყარა საფუძველი. საქვეყნოდ ვაცხადებ, მოძრაობა „დაიცავი ძველი ბულვარი“ კატეგორიულად გმობს ძალადობას და ვემიჯნებით ამ უმსგავსობას“, – წერს მოძრაობის წარმომადგენელი ზეინაბ დიასამიძე.

მომხდარ ფაქტს გმობს პარტია „ლელო საქართველოსთვის“:

„ჩვენთვის, „ლელოს" გუნდისთვის, რომელიც მომხრეა და თავად ამკვიდრებს ახალ ღირსეულ პოლიტიკურ სტანდარტებს ქართულ რეალობაში, კატეგორიულად მიუღებელია ირაკლი ჩავლეიშვილთან დაკავშირებით მომხდარი ფაქტი.
ეს არ არის გამოხატვის თავისუფლება, ეს არის გამოხატვის თავისუფლებაზე თავდასხმა“, - ნათქვამია პარტიის Facebook-გვერდზე გავრცელებულ განცხადებაში.

რაც შეეხება თავად ჩავლეიშვილს, მან განაცხადა, რომ  წინა ხელისუფლების დროს ბულვარში უკანონო მშენებლობებს ყოველთვის აპროტესტებდა და მომავალშიც გააპროტესტებს იქ, სადაც საჭიროდ ჩათვლის.

130
საქართველოს ზამთრის პეიზაჟები

დღის ასტროპროგნოზი ზოდიაქოს ნიშნებისთვის: 25 იანვარი

0
(განახლებულია 12:50 24.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 25 იანვარია, ორშაბათი. მზარდი მთვარე ტყუპის ნიშანშია. ამ დღეს პლანეტა მთვარე მფარველობს.

დღეს ადამიანების უმრავლესობას ისეთი განწყობა შეექმნება, რომ სულ უბრალო ცხოვრებისეული მოვლენებისგან უსაზღვრო სიხარულს მიიღებს და პოზიტიური ენერგიით დაიმუხტება. გასეირნება ბუნებაში, სუფთა ჰაერზე, ფინჯანი ყავა ან ჩაი მეგობრებთან ერთად, გემრიელი საჭმელი – ეს ყოველივე იმდენ პოზიტიურ ემოციას მოგიტანთ, რამდენსაც რომელიმე ეგზოტიკურ ქვეყანაში მოგზაურობა მოგანიჭებდათ. ამ დღეს არ ღირს სერიოზულ გეგმებზე ფიქრი, რადგან დიდია ალბათობა, სასურველი რეალობად აღიქვათ. სამაგიეროდ, იდეალური დღეა რომანტიკისა და სიყვარულისთვის.

სიყვარული თეთრი ხარის ეგიდით – რა ელოდება ზოდიაქოს ნიშნებს 2021 წელს სასიყვარულო ასპარეზზე>>

ვერძი: განწყობის ნატამალიც კი არ გაქვთ იმისა, რომ რამე გააანალიზოთ ან დეტალებს ჩაუღმავდეთ. მზად ხართ, გადაწყვეტილებები დაუფიქრებლად მიღოთ და გულისძახილს მიჰყვეთ. თუმცა, ვარსკვლავები გაფრთხილებენ, რომ ინტუიციაზე დაყრდნობა დღეს არ ივარგებს. წინათგრძნობა მცდარი აღმოჩნდება და მათზე დაფიძნებული გადაწყვეტილება – არასწორი. შესაძლო გართულებებისა და უსიამოვნებების თავიდან ასაცილებლად, სჯობს, გადაწყვეტილებები ცხელ გულზე არ მიიღოთ.

კურო: დღეს ძალიან უნდა იფრთხილოთ, განსაკუთრებით სარისკო და ავანტიურულ პროექტებთან დაკავშირებით. იღბალზე მინდობა არ შეიძლება, არის დამანგრეველი კრახის საფრთხე. ასე რომ, თუ ფიქრობთ, რომ იღბალი თვითონ ჩაგივარდათ ხელში, იცოდეთ, რომ ეს მხოლოდ მოჩვენებითია და არავითარ შემთხვევაში არ უნდა გარისკოთ. გონივრული იქნება დროის მოგება და პროექტის სამომავლოდ გადადება: მალე სიტუაცია ცხადი გახდება და მიხვდებით, როგორ უნდა იმოქმედოთ.

ტყუპი: ისეთი ენთუზიაზმით ხართ სავსე, რომ უკუშედეგი შეიძლება მიიღოთ. იმის ნაცვლად, რომ წინ წახვიდეთ, გულმოდგინე „სწრაფვით, მგნებარებითა და გარღვევებით“ გარშემომყოფები შეიძლება გააღიზიანოთ და ეს ყველა წამოწყებას დაამუხრუჭებს. მსგავსი რამ რომ არ მოხდეს, სჯობს, დაზოგოთ ძალები და აქცენტი ახლობელ ადამიანებთან ურთიერთობებზე გადაიტანოთ. ხოლო თუ ვითარება თქვენს აქტიურობას მოითხოვს, ეცადეთ, ზედმეტი ენთუზიაზმი და გატაცება არ გამოავლინოთ.

კირჩხიბი: დღეს ასტროლოგები მოდუნებასა და კარგად დასვენებას გირჩევენ. ეს აუცილებელია, რათა აღიდგინოთ ენერგია და სასიცოცხლო ძალები. ერთი კია – ირგვლივ მყოფების გაგების იმედი არ უნდა გქონდეთ, ამიტომ აჯობს, მოქმედების იმიტაციაზე იფიქროთ ისე, რომ არ დააზარალოთ არც საკუთარი თავი და არც სხვები. შესაძლოა, საკუთარი მოვალეობების ნაწილი სხვებს გადააბაროთ, ზოგიერთი სამომავლოდ გადადოთ. მთავარია, ამან არ დაგამძიმოთ – სულ მალე ამ საქმეებს ახალი შემართებითა და ძალებით შეუდგებით.

ლომი: დღეს კარგი „შეჯანჯღარება“ გჭირდებათ. ისეთი შთაბეჭდილება რჩება, თითქოს ყველაფერი სულერთია. სინამდვილეში კი თქვენი ემოციები რუტინამ ჩაახშო და თუ ყოველდღიურ ყოფაში მრავალფეროვნების შეტანას შეძლებთ, ჩამქრალ ენთიაზიაზმს გააცოცხლებთ. დაფიქრიდით, იქნებ ღირს, დროებით გადადოთ საქმეები და ქალაქგარეთ გახვიდეთ დასასვენებლად. ან პირიქით – ახალ პერსპექტიულ პროექტს შეეჭიდოთ, თუნდაც ეს პერსპექტივა ბოლომდე გამოკვეთილი არ იყოს. თქვენი გადასაწყვეტია, ვარსკვლავების აზრით კი დღეს ცოტაოდენი ავანტიურა არ გაწყენდათ.

ქალწული: დღეს ნებისმიერი რამ, რისი მამოძრავებელი ძალაც თქვენ ხართ, შეიძლება ჩავარდეს. და თუმცა ეს ჩავარდნები წვრილმანებს შეეხება, თქვენს ყურადღებას მთლიანად დაიპყრობს და აზროვნების კონცენტრირებაში შეგიშლით ხელს. შედეგად გაგიჭირდებათ კარგი შედეგებით თავის წარმოჩენა. სხვათა შორის, გარშემომყოფები და ხელმძღვანელობაც კი თქვენგან რამე სახის გმირობას არც ელოდება შექმნილი საერთო პრობლემების ფონზე.

სასწორი: ექსპერტები კატეგორიულად არ გიორჩევენ მარტო მოქმედებას. ეს ისეთი დღეა, როდესაც დამოუკიდებლად ვერაფერს გადაწყვეტთ და თუ მაინც ცდით, შეიძლება სავალალო შედეგები მიიღოთ. ასე რომ, თუ დღეს რამე მნიშვნელოვანი საკითხი გაქვთ მოსაგვარებელი, მოგიწევთ მისი გარჩევა ირგვლივ მყოფებთან, მათი რჩევების მოსმენა, კომპრომისის მოძებნა. მაგრამ შედეგი დახარჯული ძალისხმევის კომპენსირებას მოახდენს. ეს რთული გზა ბევრად ეფექტური აღმოჩნდება.

მორიელი: დღეს ავანტიურაში ჩაბმა კარგ არაფერს მოგიტანთ არც სამუშაო და არც პირად ცხოვრებაში. ყველგან, სადაც ოდნავ მაინც გაქვთ იღბლის იმედი, ჩავარდნა გელოდებათ. იღბალი დღეს თქვენთვის „ისვენებს“. უსიამოვნებები რომ აირიდოთ თავიდან, ამისთვის საკმარისი იქნება, რომ არ გარისკოთ და ყველაფერში ნაცადი, კონსერვატიული კურსი შეინარჩუნოთ. შეგიძლიათ მიმდინარე საქმეებს მიხედოთ – არე თუ გვიან, ისიც თქვენი გასაკეთებელია.

მშვილდოსანი: დღეს მხოლოდ საკუთარი თავის იმედი არ უნდა გქონდეთ – ზედმეტმა თავდაჯერებულობამ შეცდომებამდე შეიძლება მიგიყვანოთ. არ არის გამორიცხული, რომ ცხვირწინ ვერ დაინახოთ და შეამჩნიოთ რამე, ან ელემენტარული რამ შეგეშალოთ. სამაგიეროდ, შესანიშნავად შეძლებთ მუშაობას მეწყვილესთან ერთად – მისი კონტროლი შეცდომებისგან დაგიცავთ და უფრო ყურადღებიანი გახდებით.

თხის რქა: დღეს კარგი იქნება, თუ სხვების მონაწილეობით დიდ პროექტებს არ შეეჭიდებით – ნაკლებად სავარაუდოა, რომ გამოგივიდეთ. იგივე ეხება ნებისმიერ ერთობლივ წამოწყებას. ერთადერთი ადამიანი, რომლის იმედიც უნდა გქონდეთ, ეს თვითონ თქვენ ხართ. ეს ნიშნავს, რომ ყურადღება იმ პროექტებზე უნდა გადაიტანოთ, სადაცთქვენ ხართ პირადად პასუხისმგებელი და სადაც ვერავინ შეგიშლით ხელს.

მერწყული: დღეს შესანიშნავი დროა იმისთვის, რომ მოაწყოთ პროექტის ან საკუთარი თავის პრეზენტაცია – გარშემომყოფები ამას ძალზე პოზიტიურად შეხვდებიან. გაქვთ განწყობა, რომ ემოციების ენაზე ისაუბროთ და ეს სწორედ ის ენაა, რომელსაც ყველა „ფრიადზე“ გაიგებს. სხვაგვარად რომ ვთქვათ, დღეს არაა აუცილებელი, მსმენელი ციფრებითა და ფაქტებით დაამძიმოთ. საკმარისია კაშკაშა, გადამდები ემოციები და ადამიანები სიამოვნებით გამოგყვებიან უკან.

თევზები: უნდა მოემზადოთ იმისთვის, რომ შესაძლოა ყველაფერი ისეთი არ აღმოჩნდეს, როგორც ერთი შეხედვით ჩანს. ამასთან სიურპრიზები შეიძლება იყოს როგორც სასიამოვნო, ისე უსიამოვნოც. მაგალითად, არაა გამორიცხული სირთულეები ისეთ საქმეებში, რომლებიც უკვე დიდი ხანია, გადაწყვეტილი გგონიათ. მოკლედ რტომ ვთქვათ, მთელი დღის განმავლობაში მოვლენების პულსზე უნდა გეჭიროთ ხელი და მზად იყოთ საქმეებში მოულოდნელობებისთვის.

0