გიორგი გახარია

გახარია 2019 წლის 20 ივნისის მოვლენების შესახებ: ჩვენ აღვკვეთეთ დესტაბილიზაცია

72
(განახლებულია 22:02 18.06.2020)
საქართველოს პრემიერ-მინისტრმა განაცხადა, რომ გასული წლის 20 ივნისის მოვლენებთან დაკავშირებით მინიმუმ ორჯერ არის გამოკითხული

თბილისი, 17 ივნისი – Sputnik. გასული წლის 20 ივნისის მოვლენების ირგვლივ იქნება ბევრი კითხვა, მაგრამ ყველაზე მთავარია ის, რომ იმ დღეს შსს-მ და სამართალდამცავმა სისტემამ ქვეყანაში მნიშვნელოვანი დესტაბილიზაცია და არეულობა აღკვეთა, განაცხადა პრემიერ-მინისტრმა გიორგი გახარიამ.

30-მდე ოპოზიციური პარტია და არასამთავრობო ორგანიზაცია 20 ივნისს თბილისის ცენტრში საპროტესტო აქციის გამართვას გეგმავს. ეს აქცია მიეძღვნება შარშანდელი მოვლენების წლისთავს, როდესაც ანტისამთვრობო გამოსვლა პარლამენტის შტურმის მცდელობაში და მომიტინგეთა დარბევაში გადაიზარდა. მომიტინგეთა და პოლიციას შორის შეტაკებების შედეგად დაშავდა 240 ადამიანი, მათ შორის იყვნენ პოლიციელები და ჟურნალისტებიც.

„ზუსტად არ მახსოვს, მაგრამ გამოკითხვაზე ორჯერ ვიყავი. უკვე 8 თვე გავიდა, რაც შინაგან საქმეთა მინისტრი აღარ ვარ. რაღაცები მეხსიერებაში იშლება“, - განუცხადა ჟურნალისტებს გახარიამ.

მან აღნიშნა, რომ 20 ივნისის მოვლენებთან დაკავშირებით უამრავი სხვადასხვა კითხვა იქნება, ვინ გასცა ბრძანება, ისროდნენ თუ არა დამიზნებით, ეს ყველაფერი მისთვის „მეორეხარისხოვანია“.

„ეს ყველაფერი არის მეორეხარისხოვანი, ჩემთვის პირადად. ჩემთვის მთავარი არის ის, რომ 20 ივნისს ერთი წელი გავა, ორი წელი თუ ბევრი წელი, ეს იყო ქმედება, რომლითაც შსს-მ და საქართველოს სამართალდამცავმა სისტემამ ქვეყანას აარიდა დიდი დესტაბილიზაცია და არეულობა“, - განაცხადა პრემიერმა.

გახარია მიიჩნევს, რომ 20 ივნისის მოვლენები იყო პარლამენტზე შტურმი, ხოლო პოლიციელებმა გააკეთეს ის, რაც უნდა გაეკეთებინათ.

პროკურატურამ 20-21 ივნისის მოვლენების შედეგად დაზარალებულად კიდევ ერთი პირი ცნო >>

გუშინ გიორგი გახარიამ განაცხადა, რომ ხელისუფლება არ შეუშლის ხელს ოპოზიციას აქციის ჩატარებაში, რომელიც იმ მოვლენების წლისთავს მიეძღვნება. „ჩვენი მოქალაქეების გამოხატვის თავისუფლებას არაფერი არ ემუქრება“, – განაცხადა პრემიერმა და ამით მან უარყო ხმები თბილისის შესაძლო „ჩაკეტვის“ შესახებ.

72
თემები:
საქართველოს პოლიტიკური ცხოვრება (98)
მარტოობა

„მსხვერპლი მარტო არ არის“ ქალებზე ძალადობა მიუღებელია

24
(განახლებულია 09:10 10.07.2020)
ბოლო დროს ქალებზე ძალადობამ და მათმა მკვლელობამ საქართველოს ხელისუფლება აიძულა, სერიოზულად დაფიქრებულიყო ამ პრობლემაზე

თბილისი, 10 ივლისი – Sputnik. გენდერული თანასწორობის, ქალთა მიმართ და ოჯახში ძალადობის საკითხებზე უწყებათაშორისი კომისია შეშფოთებას გამოხატავს ბოლო დროს გახშირებული ქალებზე ძალადობისა და ქალთა მკვლელობების გამო.

მამაკაცს, რომელმაც თავის შეყვარებულს ცეცხლი წაუკიდა, ბრალი წარედგინა>>

კერძოდ, თბილისში ახლგაზრდა მამაკაცმა შეყვარებულ ქალს ბენზინი მიასხა და ცეცხლი წაუკიდა. ქალი ამჟამად დამწვრობის ცენტრში მძიმე მდგომარეობაში იმყოფება. სურამში კი ქმარმა მძინარე ცოლი ცეცხლსასროლი იარაღით მოკლა.

კომისიის განცხადებაში ნათქვამია, რომ მოსახლეობის დაცვა სახელმწიფოს ვალდებულებაა და ძალადობის მსხვერპლთ ურჩევენ, დაუკავშირდნენ სამართალდამცავ ორგანოებს ტელეფონის ნომრებზე – 116 006 და 112.

„სახელმწიფოსთვის მიუღებელია გენდერული ძალადობის გამოვლენის ნებისმიერი ფორმა და თითოეულ ასეთ ფაქტზე სახელმწიფოს რეაგირება იქნება მკაცრი!.. პრაქტიკა ცხადყოფს, რომ დროული შეტყობინება გაცილებით მძიმე ძალადობის აცილებას უზრუნველყოფს. ამასთან, ვიღებთ პასუხისმგებლობას, საზოგადოებასთან ერთად გავაგრძელოთ მუშაობა გენდერული თანასწორობისა და ქალთა გაძლიერების ყველა მიმართულებით“, – ნათქვამია განცხადებაში.

კომისიაში ასევე აღნიშნავენ, რომ ძალადობა ქალთა მიმართ და ოჯახური ძალადობა დაუშვებელია, „მსხვერპლი არ არის მარტო. სახელმწიფო იცავს და აგრძელებს ძალადობაგამოვლილი ადამიანების მხარდაჭერას“, ხოლო ყველა დამნაშავე კანონის სრული დაცვითა და სიმკაცრით დაისჯება.

გენდერული თანასწორობის, ქალთა მიმართ და ოჯახში ძალადობის საკითხებზე უწყებათაშორისი კომისია საქართველოს მთავრობის გადაწყვეტილებით 2017 წლის ივნისში შეიქმნა. კომისია აერთიანებს 22 სახელმწიფო ორგანოს. კომისიას ხელმძღვანელობს პრემიერ–მინისტრის მრჩეველი ადამიანის უფლებათა დაცვისა და გენდერული თანასწორობის საკითხებში და იუსტიციის მინისტრის მოადგილე.

კომისია აერთიანებს სამინისტროებს, გენერალურ პროკურატურას, ტრეფიკინგის მსხვერპლთა დაცვისა და დახმარების სახელმწიფო ფონდს, სამოქალაქო სამსახურის ბიუროსა და სტატისტიკის ეროვნულ სამსახურს.

24
სამგზავრო თვითმფრინავი ცაში

რომელი ქვეყნების მოქალაქეები და რა პირობებით ჩამოვლენ საქართველოში

234
(განახლებულია 23:31 09.07.2020)
საქართველოში ჩამოსვლა ნებადართულია 18 ქვეყნის მოქალაქეებისთვის, მაგრამ ხუთი მათგანის მოქალაქეებისთვის განსაკუთრებული შეზღუდვები არ იმოქმედებს

თბილისი, 9 ივლისი – Sputnik. თითქმის ოთხთვიანი პაუზის შემდეგ საქართველო თავის საზღვრებს 18 ქვეყნის მოქალაქეებს უხსნის, თუმცა თითოეული მათგანისთვის გარკვეული რეკომენდაციები და შეზღუდვები დაწესდა.

ქვეყნების ჩამონათალი და მოგზაურთათვის ქვეყანაში ყოფნის პირობები მოყვანილია მთავრობის განკარგულებაში, რომელიც 9 ივლისს 00:00 საათიდან ამოქმედდა. ავიაბილეთების გაყიდვის პროტოკოლები ცნობილი გახდება უახლოეს დღეებში.

ხუთი ქვეყნის მოქალაქეებისთვის საქართველოს საზღვარი ყოველგვარი პირობის გარეშე იხსნება, თუმცა მხოლოდ საჰაერო გზით. ეს არის გერმანია, საფრანგეთი, ლატვია, ლიეტუვა და ესტონეთი.

ამ ქვეყნების მოქალაქეები ქვეყანაში უნდა ჩამოვიდნენ პირდაპირი ავიარეისით და შეავსონ სპეციალური ელექტრონული ანკეტა, სადაც უნდა მიუთითონ მოგზაურობის ისტორია ბოლო 14 დღის განმავლობაში, დატოვონ საკონტაქტო ტელეფონი და იმ ადგილის მისამართი, სადაც გაჩერდებიან.

ვიზიტორთა საერთო რაოდენობის - 9 მილიონის გათვალისწინებით, გასულ წელს საქართველოს ამ ხუთი ქვეყნიდან დაახლოებით 170 ათასი ადამიანი ესტუმრა: საფრანგეთიდან - 27 951, გერმანიიდან - 89 051, ლიეტუვიდან - 22 381, ლატვიიდან – 20 514 და ესტონეთიდან - 12 482.

საქართველო ამ ეტაპზე საზღვარს უხსნის კიდევ 13 ქვეყნის მოქალაქეებსა და რეზიდენტებს: ეს არის ესპანეთი, ლუქსემბურგი, ნიდერლანდები, პოლონეთი, პორტუგალია, რუმინეთი, საბერძნეთი, შვედეთი, ხორვატია, იტალია, სლოვაკეთი, ისლანდია და კვიპროსი. მაგრამ მათთვის ორკვირიანი კარანტინის გავლა სავალდებულოა, თანაც საკუთარი ხარჯით.

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/9 ივლისი >>

რაც შეეხება სამშობლოში დაბრუნებულ საქართველოს მოქალაქეებს, მათთვის 14-დღიანი კარანტინის გავლა ძალაში რჩება, თუმცა ამ შემთხვევაში ხარჯებს სახელმწიფო ფარავს.

ქვეყნების ჩამონათალი, რომელთათვის საქართველო საზღვრებს ხსნის, ორ კვირაში ერთხელ გადაიხედება და განახლდება.

 

234
გორის სამხედრო ჰოსპიტალი

ქართველ სამხედროებს ავღანეთში კორონავირუსი დაუდგინდა

0
(განახლებულია 10:52 10.07.2020)
სამხედრო მოსამსახურეები, რომლებიც როტაციის შედეგად ავღანეთიდან სამშობლოში დაბრუნდებიან, ორკვირიან კარანტინში განთავსდებიან

თბილისი, 10 ივლისი – Sputnik. ავღანეთიდან თბილისში სპეცრეისით 28 ქართველი სამხედრო მოსამსახურე ჩამოიყვანს. მათ კორონავირუსი აღმოაჩნდა.

ქართული მასმედიის ინფორმაციით, სამხედროები, რომლებიც სამშვიდობო მისიაში „მტკიცე მხარდაჭერა“ მონაწილეობდნენ, გერმანიის საჰაერო ძალების სამხედრო თვითმფრინავით გამოიყვანეს. ბორტზე მაათან ერთად იმყოფებოდა ბუნდესვერის მედპერსონალი.

„სამხედროების სამედიცინო მდგომარეობა დამაკმაყოფილებელია. რაც შეეხება სიმპტომატიკას, ის გართულებებისა და ჩივილების გარეშე მიმდინარეობს. ხოლო ინფიცირების წყარო, უკავშირდება ადგილობრივ ავღანელ პერსონალს“, – აღნიშნულია თავდაცვის სამინისტროს განცხადებაში.

საქართველოში გამოფრენამდე ინფიცირებულები სპეციალურ იზოლატორში მოათავსეს. შესაბამისა, მისიაში მონაწილე სხვა ქართველ ჯარისკაცებს ინფიცირების საფრთხე არ ემუქრება.

ინფიცირებული სამხედროები მკურნალობას გორის სამხედრო ჰოსპიტალში განაგრძობენ. რაც შეეხება დანარჩენ სამხედროებს, ისინი სამშობლოში დაბრუნების შემდეგ ორკვირიან სავალდებულო კარანტინს გაივლიან.

ნატოს მისია „მტკიცე მხარდაჭერა“ (Resolute Support), რომელიც არასაბრძოლო სტატუსის მატარებელია, ავღანეთში 2015 წლის 1 იანვრიდან იმყოფება. ნატოსა და ავღანეთს შორის ორმხრივი შეთანხმების თანახმად, ქვეყანაში 13 ათასამდე სამხედრო მოსამსახურეა, რომელთა ფუნქციებსაც ავღანეთის ძალოვანი სტრუქტურების სწავლება და მათთვის კონსულტაციების გაწევა წარმოადგენს.

საქართველოს მხრიდან მისიაში მონაწილეობს 870-ზე მეტი ჯარისკაცი. ისინი ბაგრამის საავიაციო ბაზაზე, ქაბულსა და მაზარი-შარიფში არიან დისლოცირებული.

0
თემები:
COVID-19 საქართველოში