ირაკლი ღარიბაშვილი

ღარიბაშვილი პარლამენტში: როგორ ჩააბარებს „გამოცდას" თავდაცვის მინისტრი

61
(განახლებულია 15:52 12.06.2020)
ირაკლი ღარიბაშვილი თავდაცვის მინისტრის თანამდებობას გასული წლის სექტემბრიდან იკავებს. იგი პოლიტიკაში 2011 წელს მილიარდერ ბიძინა ივანიშვილთან ერთად მოვიდა.

თბილისი, 12 ივნისი — Sputnik. საქართველოს თავდაცვის მინისტრი ირაკლი ღარიბაშვილი კანონმდებლების წინაშე თავდაცვის სამინისტროს საქმიანობის წლიური ანგარიშით წარდგება.

ღარიბაშვილი თავდაცვის მინისტრის რანგში პირველად წარდგება და დეპუტატების კითხვებს „მინისტრის საათის" ფორმატში უპასუხებს.

ბოიკოტის რეჟიმში მყოფი „ნაციონალური მოძრაობისა" და „ევროპული საქართველოს" დეპუტაცია მინისტრის წლიურ ანგარიშს არ მოისმენს.

დამოუკიდებელმა დეპუტატებმა კი მინისტრისთვის კითხვები უკვე მოამზადეს, რომლებიც უმეტესად თავდაცვის უწყების მიმართულებით შემცირებულ ბიუჯეტს ეხება; დეპუტატები ასევე დაინტერესდებიან, როგორ მოხდება დარჩენილი ბიუჯეტის გადანაწილება თავდაცვის სამინისტროში.

საპარლამენტო უმრავლესობა თავდაცვის სამინისტროს საქმიანობას დადებითად აფასებს – მმართველი გუნდის წარმომადგენელთა ძირითადი კითხვები უწყების სამომავლო გეგმებს ეხება.

„პარლამენტში თავდაცვის მინისტრის მოსვლა და ანგარიშის წარმოდგენა არის ძალიან მნიშვნელოვანი. ჩვენ, მთლიანად პარლამენტი და საზოგადოება დაინტერესებულია, თუ როგორ ვითარდება ჩვენი თავდაცვის ძალები და რა რეფორმები ხორციელდება… მაგრამ ჩემთვის, როგორც კომიტეტის თავმჯდომარისთვის, მთავარია რა კეთდება თავდაცვისუნარიანობის გაძლიერებისთვის", – განაცხადა თავდაცვისა და უშიშროების კომიტეტის თავმჯდომარემ ირაკლი სესიაშვილმა ჟურნალისტებთან.

მისი თქმით, მინისტრ ღარიბაშვილის ხელმძღვანელობით საკმაოდ სერიოზული პროექტები დაიწყო – აბსოლუტურად ყველა ყაზარმის გარემონტება, თავდაცვის შესაძლებლობების გაზრდა, მათ შორის, სამეცნიერო-ტექნიკური ცენტრი „დელტას" შესაძლებლობების გაზრდა.

„ვფიქრობ, რომ ანგარიში ბევრ საკითხს მოიცავს... სამწუხაროდ, ზოგიერთმა მედიასაშუალებამ ვერ მოითმინა და ჩვენს თავდაცვის ძალებზე პოლიტიკური თავდასხმები განახორციელა, ამიტომ ბატონი ღარიბაშვილი ამ ნაწილზეც პასუხს გასცემს... პირველ რიგში, საზოგადოებას მისცემს სწორ ინფორმაციას თითოეულ საკითხთან დაკავშირებით", – განაცხადა ირაკლი სესიაშვილმა.

ღარიბაშვილი თავდაცვის მინისტრის თანამდებობას გასულ წლის სექტემბრიდან იკავებს. იგი პოლიტიკაში 2011 წელს მილიარდერ ბიძინა ივანიშვილთან ერთად მოვიდა და ივანიშვილის პრემიერ-მინისტრობის პერიოდში შინაგან საქმეთა მინისტრის თანამდებობა ეჭირა.

ღარიბაშვილმა 2013 წელს საქართველოს პრემიერის პოსტი დაიკავა და მთავრობას 2015 წლის დეკემბრამდე ხელმძღვანელობდა. მისი თანამდებობიდან წასვლა ყველასთვის მოულოდნელი იყო. შემდეგ იგი პოლიტიკაში 2019 წლის იანვრამდე არ გამოჩენილა.

2019 წლის იანვარში ღარიბაშვილი აქტიურ პოლიტიკაში დაბრუნდა და მმართველი პარტიის პოლიტიკური მდივანი გახდა.

61
თემები:
საქართველოს თავდაცვა (85)
მიხეილ სააკაშვილი

საქართველო უკრაინისგან განმარტებას მოითხოვს: სააკაშვილის მორიგი განცხადება

19
პარლამენტის დეპუტატი მიიჩნევს, რომ სააკაშვილი თავისი გამოსვლებით საქართველოს შიდა საქმეებში ერევა.

თბილისი, 10 ივლისი – Sputnik. საქართველოს ხელისუფლება უკრაინული მხარისგან განმარტებას მოითხოვს უკრაინის რეფორმების ეროვნული საბჭოს აღამსრულებელი კომიტეტის ხელმძღვანელის მიხეილ სააკაშვილის განცხადებებთან დაკავშირებით, რომელმაც განაცხადა, რომ ის არ აღიარებს საქართველოს ამჟამინდელი ხელმძღვანელობის ლეგიტიმურობას, განაცხადა საქართველოს პარლამენტის თავდაცვისა და უსაფრთხოების კომიტეტის თავმჯდომარე ირაკლი სესიაშვილმა.

საჭიროა რევოლუცია: სააკაშვილი უკრაინის ელიტას ემუქრება>>

სააკაშვილმა უფრო ადრე თავის Facebook–გვერდზე დაწერა, რომ არ აღიარებს საქართველოს მთავრობის ლეგიტიმურობას. მან ასევე განაცხადა, რომ ის საქართველოს საპარლამენტო არჩევნებზე „მოწინავე ხაზზე“ იქნება.

„ის წარმოადგენს უკრაინის ხელისუფლებას, ის არის უკრაინის საჯარო მოხელე, შესაბამისად, მისი ეს განცხადება, როცა საუბრობს ამ ქვეყნის მთავრობის ლეგიტიმაციაზე, თავისთავად ცხადია, არ დარჩება რეაგირების გარეშე იმიტომ, რომ ამაზე პასუხი მოეთხოვება უკრაინას“, – განუცხადა ჟურნალისტებს სესიაშვილმა.

პოლიტიკოსმა დასძინა, რომ თავისი პროპაგანდული გამოსვლებით სააკაშვილი საქართველოს შიდა საქმეებში ერევა.

საქართველოს საგარეო საქმეთა სამინისტრომ ივნისში უკრაინის ელჩი მას შემდეგ დაიბარა, რაც სააკაშვილმა საქართველოს ხელისუფლება გააკრიტიკა და განაცხადა, რომ ოპოზიციის ბრძოლის წინა ხაზზე იქნება. საქართველოში ეს განცხადება ქვეყნის საშინაო საქმეებში და საარჩევნო პროცესში ჩარევად შეფასდა.

„უკრაინის პოზიცია ასეთია: სააკაშვილი უკრაინაში არ არის ოფიციალური პირი, ის არ არის აღმასრულებელი ხელისუფლების რომელიმე შტოს ნაწილი“, – განაცხადა უკრაინის ელჩმა საქართველოში იგორ დოლგოვმა საგარეო უწყებაში შეხვედრის შემდეგ.

ყველანი ერთის წინააღმდეგ: საქართველოში სააკაშვილით უკმაყოფილონი არიან>>

უკრაინის პრეზიდენტმა ვლადიმირ ზელენსკიმ სააკაშვილი რეფორმების ეროვნული საბჭოს აღმასრულებელი კომიტეტის ხელმძღვანელად დანიშნა. ამის საპასუხოდ საქართველომ კიევიდან თავისი ელჩი კონსულტაციებისთვის გამოიწვია.

მიხეილ სააკაშვილი

სააკაშვილი საქართველოს პრეზიდენტი 2004-2013 წლებში იყო. 2012 წლის საპარლამენტო არჩევნებში მისი პარტიის „ერთიანი ნაციონალური მოძრაობის“ დამარცხებისა და მისი საპრეზიდენტო ვადის ამოწურვის შემდეგ მან ქვეყანა დატოვა და უცხოეთში ცხოვრობდა, ვიდრე 2015 წელს უკრაინის მაშინდელმა პრეზიდენტმა პეტრო პოროშენკომ მას უკრაინის მოქალაქეობა არ მისცა და ოდესის ოლქის გუბერნატორობა არ შესთავაზა.

სხვა ქვეყნის მოქალაქეობისა და თანამდებობის მიღების შემდეგ სააკაშვილს საქართველოს მოქალაქეობა ავტომატურად ჩამოერთვა. ამასთან, ბოლო წლებში თავად სააკაშვილისა და მისი თანამოაზრეების საქმიანობა საქართველოში არაერთი სისხლის სამართლის საქმის აღძვრის მიზეზი გახდა.

რაც შეეხება უკრაინაში მის პოლიტიკურ კარიერას, იგი პრეზიდენტ პეტრო პოროშენკოს მმართველობისას ოდესის გუბერნატორად დაინიშნა. თანამდებობაზე მან ერთი წელიც ვერ გაძლო. მას უკრაინის მოქალაქეობა ჩამოართვეს და ქვეყნიდან გააძევეს. უკრაინაში დაბრუნება და მოქალაქეობის აღდგენა მხოლოდ მას შემდეგ შეძლო, რაც ქვეყნის პრეზიდენტად ვლადიმირ ზელენსკი აირჩიეს.

საქართველოს ექს-პრეზიდენტს დაუსწრებლად მისჯილი აქვს თავისუფლების აღკვეთა 6 წლის ვადით. სასამართლოში მის წინააღმდეგ კიდევ რამდენიმე საქმე იხილება.

19
თემები:
მიხეილ სააკაშვილი
მარტოობა

„მსხვერპლი მარტო არ არის“ ქალებზე ძალადობა მიუღებელია

26
(განახლებულია 09:10 10.07.2020)
ბოლო დროს ქალებზე ძალადობამ და მათმა მკვლელობამ საქართველოს ხელისუფლება აიძულა, სერიოზულად დაფიქრებულიყო ამ პრობლემაზე

თბილისი, 10 ივლისი – Sputnik. გენდერული თანასწორობის, ქალთა მიმართ და ოჯახში ძალადობის საკითხებზე უწყებათაშორისი კომისია შეშფოთებას გამოხატავს ბოლო დროს გახშირებული ქალებზე ძალადობისა და ქალთა მკვლელობების გამო.

მამაკაცს, რომელმაც თავის შეყვარებულს ცეცხლი წაუკიდა, ბრალი წარედგინა>>

კერძოდ, თბილისში ახლგაზრდა მამაკაცმა შეყვარებულ ქალს ბენზინი მიასხა და ცეცხლი წაუკიდა. ქალი ამჟამად დამწვრობის ცენტრში მძიმე მდგომარეობაში იმყოფება. სურამში კი ქმარმა მძინარე ცოლი ცეცხლსასროლი იარაღით მოკლა.

კომისიის განცხადებაში ნათქვამია, რომ მოსახლეობის დაცვა სახელმწიფოს ვალდებულებაა და ძალადობის მსხვერპლთ ურჩევენ, დაუკავშირდნენ სამართალდამცავ ორგანოებს ტელეფონის ნომრებზე – 116 006 და 112.

„სახელმწიფოსთვის მიუღებელია გენდერული ძალადობის გამოვლენის ნებისმიერი ფორმა და თითოეულ ასეთ ფაქტზე სახელმწიფოს რეაგირება იქნება მკაცრი!.. პრაქტიკა ცხადყოფს, რომ დროული შეტყობინება გაცილებით მძიმე ძალადობის აცილებას უზრუნველყოფს. ამასთან, ვიღებთ პასუხისმგებლობას, საზოგადოებასთან ერთად გავაგრძელოთ მუშაობა გენდერული თანასწორობისა და ქალთა გაძლიერების ყველა მიმართულებით“, – ნათქვამია განცხადებაში.

კომისიაში ასევე აღნიშნავენ, რომ ძალადობა ქალთა მიმართ და ოჯახური ძალადობა დაუშვებელია, „მსხვერპლი არ არის მარტო. სახელმწიფო იცავს და აგრძელებს ძალადობაგამოვლილი ადამიანების მხარდაჭერას“, ხოლო ყველა დამნაშავე კანონის სრული დაცვითა და სიმკაცრით დაისჯება.

გენდერული თანასწორობის, ქალთა მიმართ და ოჯახში ძალადობის საკითხებზე უწყებათაშორისი კომისია საქართველოს მთავრობის გადაწყვეტილებით 2017 წლის ივნისში შეიქმნა. კომისია აერთიანებს 22 სახელმწიფო ორგანოს. კომისიას ხელმძღვანელობს პრემიერ–მინისტრის მრჩეველი ადამიანის უფლებათა დაცვისა და გენდერული თანასწორობის საკითხებში და იუსტიციის მინისტრის მოადგილე.

კომისია აერთიანებს სამინისტროებს, გენერალურ პროკურატურას, ტრეფიკინგის მსხვერპლთა დაცვისა და დახმარების სახელმწიფო ფონდს, სამოქალაქო სამსახურის ბიუროსა და სტატისტიკის ეროვნულ სამსახურს.

26
ირანის სახელმწიფო დროშები

მესამე აფეთქება ბოლო სამ კვირაში: ირანში უცნობი სამხედრო ობიექტი შენიშნეს

0
(განახლებულია 10:32 10.07.2020)
პარასკევს მომხდარი აფეთქება უკვე მესამე ინციდენტია ბოლო სამი კვირის განმავლობაში, რომლებიც ირანის სამხედრო ობიექტებზე მოხდა

თბილისი, 10 ივლისი — Sputnik. თეირანის დასავლეთ ნაწილში აფეთქება მოხდა, რასაც ორ საცხოვრებელ რაიონში ელექტრომომარაგების მასიური გათიშვა, იუწყება The New York Times–ი ირანის სახელმწიფო მედიაზე დაყრდნობით. 

​აღსანიშნავია, რომ ეს ირანში მომხდარი მესამე ინციდენტია ბოლო სამი კვირის განმავლობაში.

გამოცემის ინფორმაციით, აფეთქების ზუსტი ადგილი უცნობია, თუმცა, როგორც ექსპერტები ამბობენ, აღნიშნულ რაიონში რამდენიმე სამხედრო და სასწავლო ობიექტი მდებარეობს.

„არსებობს ორი მიწისქვეშა ნაგებობა, რომლებიც ქიმიური იარაღის კვლევას უკავშირდება, და ასევე უცნობი სამხედრო ქარხანა“, — განაცხადა სამხედრო ექსპერტმა ირანის საკითხებში ფაბიან ჰინცმა.

​აღსანიშნავია, რომ ირანის სახელმწიფო მედიის განცხადების მიუხედავად აფეთქების შესახებ, პარლამენტის წევრი ჰოსეინ აგვერდი უარყოფს მსგავსს და აცხადებს, რომ დენის მიწოდება ადგილობრივ ელექტროსადგურზე წარმოქმნილი პრობლემის გამო შეწყდა.

შეგახსენებთ: წინა კვირაში გავრცელდა ინფორმაცია ნათანზის ბირთვულ ობიექტზე ხანძრის შესახებ, რაც სავარაუდოდ აფეთქება მოჰყვა, ხოლო კიდევ უფრო ადრე, 26 ივნისს, აფეთქება დაფიქსირდა ფარჩინის სამხედრო ბაზაზე.

0
თემები:
მსოფლიო დღეს