საგარეო საქმეთა სამინისტრო

სად გაუშვა ბოკერიამ სააკაშვილი და რატომ დაიბარეს საგარეო უწყებაში უკრაინის ელჩი

158
(განახლებულია 20:09 11.06.2020)
საქართველოში 2020 საპარლამენტო არჩევნების წელია. ექსპერტების პროგნოზით, არჩევნებში ძირითადი ბრძოლა 30 პარტიისგან შედგენილ ოპოზიციურ გაერთიანებასა და მმართველ პარტია „ქართული ოცნება - დემოკრატიულ საქართველოს" შორის გაიმართება.

თბილისი, 11 ივნისი — Sputnik. საქართველოს საგარეო საქმეთა სამინისტრომ უკრაინის ელჩი საქართველოს ექს-პრეზიდენტის, უკრაინის რეფორმების ეროვნული საბჭოს აღმასრულებელი კომიტეტის ხელმძღვანელის მიხეილ სააკაშვილის განცხადებასთან დაკავშირებით განმარტებისთვის დაიბარა, განაცხადა საქართველოს საგარეო უწყების პირველმა პირმა დავით ზალკალიანმა ბრიფინგზე.

გუშინ სააკაშვილმა საკუთარ Facebook-გვერდზე ქართულ ენაზე ვიდეომიმართვა გაავრცელა, რომელშიც ქართული ხელისუფლების კრიტიკით გამოვიდა და განაცხადა, რომ ხელისუფლებასთან ბრძოლაში წინა ფლანგზე იქნება და გამარჯვებას მიაღწევს.

„სააკაშვილის ეს განცხადება, რომელიც ჩვენ გუშინ მოვისმინეთ, არის უკრაინის მოქალაქის პირდაპირი ჩარევა სხვა ქვეყნის – სტრატეგიული პარტნიორის საქმეებში და პირდაპირ საარჩევნო პროცესში. ამ თემასთან დაკავშირებით ჩვენ უკრაინის ელჩი მოვიწვიეთ და მოვითხოვთ განმარტებებს", – განაცხადა ზალკალიანმა.

როგორც მან აღნიშნა, საქართველოს ხელისუფლება ვარაუდობდა, რომ სააკაშვილი საქართველოს საქმეებში ჩაერეოდა და ამის შესახებ უკრაინა გააფრთხილეს, როდესაც იქ სააკაშვილის ვიცე-პრემიერის თანამდებობაზე დანიშვნას გეგმავდნენ.

„სწორედ ამის შესახებ ვაფრთხილებდით ჩვენს უკრაინელ კოლეგებს, რომ ადამიანი, რომელიც ინიშნება მაღალ თანამდებობაზე, არის ძებნილი და ქართული მართლმსაჯულების წინაშე ოთხ დამოუკიდებელ საქმეზე უნდა წარდგეს, და ის აგრძელებს საქართველოს საშინაო საქმეებში ჩარევას", – აღნიშნა ზალკალიანმა.

სააკაშვილის განცხადებაში კანონდარღვევა დაინახა ასევე მმართველი პარტია „ქართული ოცნება - დემოკრატიული საქართველოს" აღმასრულებელმა მდივანმა ირაკლი კობახიძემ.

„მიხეილ სააკაშვილის განცხადება არის საარჩევნო კანონმდებლობის პირდაპირი დარღვევა. თუმცა, მიჩვეული ვართ, რომ მიხეილ სააკაშვილი ბევრად უფრო მძიმე კანონდარღვევებს სჩადის. მას თავის ბიოგრაფიაში აქვს მსგავსი კანონდარღვევები. მხედველობაში უნდა მივიღოთ კიდევ ერთი ფაქტი – ის არა მხოლოდ საქართველოს მოქალაქე არ არის, არამედ უკრაინის ჩინოვნიკია, რაც ორმაგად კანონდარღვევაა და ამით უნდა დაინტერესდნენ და რეაგირება მოახდინონ როგორც უცხოელმა, ისე ადგილობრივმა დამკვირვებლებმა", – განაცხადა კობახიძემ.

ამასთან, როგორც აღმოჩნდა, სააკაშვილის განცხადებით კმაყოფილი არ არიან ოპოზიციაში მისი ყოფილი თანამოაზრეებიც.

„მიხეილ სააკაშვილი „ევროპული საქართველოს" და ოპოზიციური პარტიების უდიდესი ნაწილის წინა ხაზზე ვერ იქნება. თუ იგი „ნაციონალურ მოძრაობას" თავის პარტიად თვლის, ის, რომ მისი წინა პლანზე ყოფნა მათთვის სასარგებლო იქნება, ეს მათ უნდა ჰკითხოს. ჩვენთვის ეგ საკითხი არ არსებობს და მიხეილ სააკაშვილი „ევროპული საქართველოს" ან სხვა ოპოზიციური პარტიების გადაწყვეტილებებში ვერ ჩაერევა", – განაცხადა ოპოზიციური პარტიის „ევროპული საქართველო - მოძრაობა თავისუფლებისთვის" ერთ-ერთმა ლიდერმა და სააკაშვილის ყოფილმა თანაპარტიელმა გიგა ბოკერიამ.

ამასთან, მან აღნიშნა, რომ სააკაშვილს შეუძლია საკუთარი ამბიციები მხოლოდ "ნაციონალურ მოძრაობას" მოახვიოს თავს.

„თუ ვინმე ბრიყვის რაიმე სახის მოტივაციის, ან პოლიტიკური ეგოიზმის გამო ვინმე დააზიანებს ერთობას, ის გადაიხდის ფასს. მაგრამ იმედი მაქვს, რომ ეს არ მოხდება. თუ მას ამბიციები „ნაცმოძრაობაში“ აქვს, ეს მისი და მისი პარტიის საქმეა", – განაცხადა ბოკერიამ.

საქართველოში 2020 საპარლამენტო არჩევნების წელია. ექსპერტების პროგნოზით, არჩევნებზე ძირითადი ბრძოლა 30 პარტიისგან შემდგარ ოპოზიციურ გაერთიანებასა და მმართველ პარტია „ქართული ოცნება - დემოკრატიულ საქართველოს" შორის გაიმართება.

158
მოფრენის ტერმინალი თბილისის აეროპორტში

ტესტირება, კარანტინი, მოგზაურობის ისტორია - რა უნდა ვიცოდეთ საქართველოს საზღვრის კვეთისას

16
(განახლებულია 19:00 13.07.2020)
ვინ, როგორ და რა პირობით გადმოკვეთს საქართველოს საზღვარს პანდემიის პერიოდში - მთავრობა პასუხობს ხშირად დასმულ კითხვებზე.

თბილისი, 13 ივლისი — Sputnik. საქართველოს მთავრობამ გამოაქვეყნა პასუხები ხშირად დასმულ კითხვებზე, რომლებიც ეხება საზღვრის კვეთას, ტესტირებას, კარანტინს და ამასთან დაკავშირებულ პროცედურებს - Frequently Asked Question About Border Crossing Procedures.

რომელი ქვეყნების მოქალაქეები და რა პირობებით ჩამოვლენ საქართველოში >>

- რომელი ქვეყნებისთვის იხსნება საქართველოს სახელმწიფო საზღვარი?

- ამ ეტაპზე ევროკავშირის 27 წევრი სახელმწიფოდან 5 ქვეყნისთვის (გერმანია, საფრანგეთი, ესტონეთი, ლატვია და ლიეტუვა) საქართველოს სახელმწიფო საზღვარი იხსნება უპირობოდ. ზემოჩამოთვლილი 5 ქვეყნის მოქალაქეებს/მუდმივი ბინადრობის ნებართვის მქონე პირები შეძლებენ ყველა სახის ვიზიტით საქართველოში მხოლოდ საჰაერო გზით ჩამოსვლას, მითითებული 5 ქვეყნიდან გამომგზავრების შემთხვევაში. მაგ: ლატვიის მოქალაქე/ბინადრობის უფლების მქონე პირი გერმანიიდან უპირობოდ შემოვა საქართველოში.

საქართველოს საზღვრის გადმოკვეთამდე, მათ უნდა შეავსონ საგანგებოდ შემუშავებული სპეციალური, ელექტრონული ანკეტა, სადაც უნდა მიუთითონ საქართველოში შემოსვლამდე ბოლო 14 დღის განმავლობაში მოგზაურობის ისტორია, საქართველოში ვიზიტის დროს განსაზღვრული ადგილსამყოფელი, საკონტაქტო ინფორმაცია და სხვ. მათივე თანხმობის შემთხვევაში, აეროპორტში მათ ჩაუტარდებათ PCR ტესტი (სახელმწიფოს ხარჯით).

საზღვარზე თერმოსკრინინგის გავლის შედეგად, 37 გრადუსზე მაღალი ტემპერატურის დაფიქსირების შემთხვევაში პირი გადაყვანილი იქნება სამედიცინო დაწესებულებაში.

ევროკავშირის ქვეყნების (იტალია, კვიპროსი, საბერძნეთი, ესპანეთი, შვედეთი, ლუქსემბურგი, ნიდერლანდები, პოლონეთი, პორტუგალია, რუმინეთი, ხორვატია) მოქალაქეები საქართველოში შემოსვლას შეძლებენ 14 დღიანი სავალდებულო კარანტინის პირობით, რომლის ხარჯებსაც თავად დაფარავენ.

რაც შეეხება ევროკავშირის წევრ სხვა ქვეყნებს (სლოვენია, ავსტრია, ბელგია, ბულგარეთი, დანია, მალტა, სლოვაკეთი, ფინეთი, უნგრეთი, ჩეხეთი, ხორვატია), რომელთაც საქართველოსთან არ გახსნეს საზღვარი, მათთვის ნარჩუნდება დღეს მოქმედი რეჟიმი და შეზღუდვები შემოსვლაზე.

საქართველოში საქმიანი ვიზიტის განსახორციელებლად მსოფლიოს ნებისმიერი ქვეყნის მოქალაქემ უნდა შეავსოს შესაბამისი ფორმა და მიუთითონ შესაბამისი უწყება, რომლის მოწვევითაც მოდის. საქმიანი ვიზიტით საქართველოში ჩამოსულ სტუმრებს ეკისრებათ ვალდებულება, ყოველ 72 საათში ერთხელ, საკუთარი სახსრებით ჩაიტარონ COVID-19-ზე PCR ტესტი, ან გაიარონ სავალდებულო 14 დღიანი კარანტინი, ასევე საკუთარი სახსრებით. აღნიშნული არ ეხებათ ევროკავშირის წევრი იმ 5 ქვეყნის მოქალაქეებს/ბინადრობის ნებართვის მქონე პირებს, რომლებთანაც საქართველო უპირობოდ ხსნის საზღვრებს.

- ავსებენ თუ არა საქართველოს მოქალაქეები ელექტრონულ ანკეტას?

ანკეტას ავსებენ მხოლოდ საქართველოს ის მოქალაქეები, რომლებიც ფლობენ ზემოაღნიშნული 5 ქვეყნის მუდმივი ბინადრობის მოწმობას/ ან არიან ორმაგი მოქალაქეები.

- ავსებენ თუ არა ევროკავშირის იმ სახელმწიფოს მოქალაქეები/ბინადრობის ნებართვის მქონე პირები ელექტრონულ ანკეტას, რომელთანაც გარკვეული დათქმით იხსნება საზღვარი?

-არ ავსებენ, ვინაიდან მათთვის სავალდებულოა 14-დღიანი კარანტინის გავლა.

- სად არის ხელმისაწვდომი ელექტრონული ანკეტა?

- ელექტრონული ანკეტა ხელმისაწვდომია საქართველოს მთავრობის მიერ საგანგებოდ შექმნილ ვებგვერდზე www. StopCov.ge

- არის თუ არა აუცილებელი, საქართველოში გამგზავრებამდე წინასწარი PCR კვლევის ჩატარება?

- არ არის აუცილებელი. საზღვარგარეთ ჩატარებული ლაბორატორიული კვლევის ამსახველი დასკვნა არ მიიღება საქართველოში აუცილებელი პრინციპით ჩასატარებელი PCR კვლევის ან/და სავალდებულო 14 დღიანი კარანტინის შემცვლელ პირობად.

- ევროკავშირის რომელი ქვეყნის მოქალაქეებს/ბინადრობის ნებართვის მქონე პირებს მოუწევთ 14 დღიანი კარანტინის გავლა საკუთარი სახსრებით საქართველოში შემოსვლის შემთხვევაში?

საუბარია შემდეგი ქვეყნების მოქალაქეებზე: იტალია, კვიპროსი, საბერძნეთი, ესპანეთი, შვედეთი, ლუქსემბურგი, ნიდერლანდები, პოლონეთი, პორტუგალია, რუმინეთი, ხორვატია.

- რა მიდგომა ვრცელდება ევროპის იმ ქვეყნებთან მიმართებით, რომლებიც არ არიან ევროკავშირის წევრები?

-ასეთი ქვეყნებისთვის საქართველოს სახელმწიფო საზღვარი არ იხსნება, გამონაკლისს წარმოადგენს მხოლოდ საქმიანი ვიზიტები.

- რა მიდგომა ვრცელდება გერმანიის, საფრანგეთის, ესტონეთის, ლიეტუვისა და ლატვიის მოქალაქეების შემოსვლაზე ევროკავშირის იმ წევრი ქვეყნებიდან, რომელთანაც შესაბამისი დათქმით იხსნება სახელმწიფო საზღვარი?

-აღნიშნული ქვეყნებიდან შემოსული პირები ექვემდებარებიან 14 დღიან სავალდებულო კარანტინს, საკუთარი სახსრებით.

16
თემები:
COVID-19-ის პანდემია მსოფლიოში
ზურა ჯაფარიძე

„ავტომობილი საჩუქრად“ რა სიურპრიზს უმზადებს არჩევნებზე მისულ ამომრჩეველს „გირჩი“

25
(განახლებულია 18:29 13.07.2020)
პარტია „გირჩი“ საკუთარი იმიჯის ერთგული რჩება და ისეთ სერიოზულ საკითხს, როგორიცაა საპარლამენტო არჩევნები, არაორდინარულად უდგება

თბილისი, 13 ივლისი — Sputnik. საქართველოს ყველაზე არაორდინარული პარტია - „ახალი პოლიტიკური ცენტრი - გირჩი“ აპირებს Tesla-ს მარკის ავტომობილის გათამაშებას მათთვის, ვინც 31 ოქტომბრის საპარლამენტო არჩევნებზე ხმას ნებისმიერ პარტიას მისცემს, ნათქვამია პარტიის ვებგვერდზე გავრცელებულ განცხადებაში.

არჩევნები 2020: ცესკოში პარტიების განაცხადების მიღება გრძელდება >>

გათამაშებაში მონაწილეობის მიღება შეუძლია საქართველოს ნებისმიერ მოქალაქეს, რომელიც ცენტრალური საარჩევნო კომისიის ერთიან სიაშია დარეგისტრირებული.

პროექტში მონაწილეობის მისაღებად საჭიროა მარტივი პირობის შესრულება - დარეგისტრირება პარტიის პორტალზე, შემდეგ 31 ოქტომბერს არჩევნების დღეს ხმის მიცემა, მერე კი თავისი საარჩევნო უბნის ფონზე სელფის გადაღება და ფოტოს სოციალურ ქსელში ატვირთვა.

„გირჩს" მიაჩნია, რომ 2020 წლის საპარლამენტო არჩევნები ისტორიული მოვლენაა ქვეყნისთვის, რადგან პირველად, არჩევნები პროპორციული სისტემით, 120/30-ზე ჩატარდება. Tesla-ს პროექტით პარტიას სურს, რომ მოსახლეობა, განსაკუთრებით კი ახალგაზრდები წაახალისოს, რათა რაც შეიძლება მეტმა ამომრჩეველმა მიიღოს მონაწილეობა 2020 წლის საპარლამენტო არჩევნებში“, - განუცხადა ჟურნალისტებს პარტიის ლიდერმა ზურაბ ჯაფარიძემ.

მისი თქმით, ჯამში რამდენი ავტომობილი გათამაშდება შემდეგი 4 წლის განმავლობაში, დამოკიდებულია იმაზე, რამდენ ხმას მიიღებს „გირჩი" და შესაბამისად რამდენი იქნება პარტიისთვის კანონით განსაზღვრული წლიური საბიუჯეტო დაფინანსება.

პარლამენტში მოხვედრილ პარტიებს კანონით ყოველწლიურად ერგებათ გარკვეული სახსრები სახელმწიფო ბიუჯეტიდან, თანხა არჩევნებზე მიღებული ხმების რაოდენობაზეა დამოკიდებული.

საპარლამენტო არჩევნები 2020 წლის 31 ოქტომბერს გაიმართება. ცესკომ საპარლამენტო არჩევნებში მონაწილეობის მისაღებად „ახალი პოლიტიკური ცენტრი - გირჩი“ უკვე დაარეგისტრირა.

„გირჩისთვის“ ეს პირველი საპარლამენტო არჩევნებია. ის ახალგაზრდებში დიდი პოპულარობით სარგებლობს. ამ პარტიის კანდიდატმა ზურაბ ჯაფარიძემ საპრეზიდენტო არჩევნებში ხმების 2% მიიღო და მეხუთე ადგილი დაიკავა. ამავე დროს წინასაარჩევნო კამპანიაზე მან ყველა კანდიდატთან შედარებით მინიმალური თანხა დახარჯა.

პარტია „გირჩი“ პოლიტიკურ არენაზე 2015 წელს გაჩნდა. პარტია „ერთიანი ნაციონალური მოძრაობის“ სამმა ყოფილმა წარმომადგენელმა შექმნა.

თავად პარტია ლიბერალური მიმდინარეობისაა და ცნობილია თავისი არაორდინარული საქციელით და კანონის გვერდის ავლის უნარით. შეიძლება ითქვას, რომ ამ პარტიის წყალობით საქართველოში დეკრიმინალიზებულია მარიხუანის მოხმარება.

როგორც ჩანს, სწორედ ამას გულისხმობდა „ქართული ოცნების“ ერთ-ერთი ლიდერი, პარლამენტის ვიცე-სპიკერი მამუკა მდინარაძე, როდესაც „გირჩის“ ახალ ინიციატივას გამოეხმაურა.

„ერთადერთი დასკვნა შეიძლება გამოვიტანოთ, რომ როგორც ჩანს, ბევრი მოწიეს“, - განაცხადა მდინარაძემ.

როგორც მან ჟურნალისტებს განუცხადა, ეს სხვა არაფერია, თუ არა ამომრჩევლის შესაძლო მოსყიდვა. ხოლო რამდენად არაკანონიერია ეს ქმედებები, ისაუბრებს მაშინ, როცა „გირჩი“ რეალურ ნაბიჯებს გადადგამს.

25
თემები:
საქართველოს საპარლამენტო არჩევნები 2020