ქეთევან ციხელაშვილი

ქეთევან ციხელაშვილმა თანამდებობა დატოვა ვინ იქნება მისი შემცვლელი

120
(განახლებულია 15:35 11.06.2020)
პრემიერ გიორგი გახარიას განცხადებით, ყოფილი სახელმწიფო მინისტრი მუშაობას დიპლომატიურ ფრონტზე გააგრძელებს.

თბილისი, 11 ივნისი – Sputnik. შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა თანამდებობა დატოვა.

იმის შესახებ, რომ ციხელაშვილი მინისტრის პორტფელს ტოვებდა, ცნობილი მაისში გახდა. გავრცელებული ინფორმაციით, ის ავსტრიაში საქართველოს ელჩი გახდება.

შერიგებისა და თანასწორობის საკითხებში სახელმწიფო მინისტრი თანამდებობას ტოვებს>>

საქართველოს პრემიერ-მინისტრმა გიორგი გახარიამ დღევანდელ ბრიფინგზე ქეთევან ციხელაშვილს გაწეული საქმიანობისთვის მადლობა გადაუხადა.

„მინდა ქეთევან ციხელაშვილს გადავუხადო მადლობა გაწეული მუშაობისთვის. თითქმის ოთხი წელია უკვე, ის საქართველოს მთავრობაში მოღვაწეობს. მას უკავშირდება ბევრი ძალზე მნიშვნელოვანი ინიციატივა, მათ შორის – „ნაბიჯი უკეთესი მომავლისკენ“, რომელიც არის სერიოზული, წინ გადადგმული ნაბიჯი“, – განაცხადა გიორგი გახარიამ.

პრემიერის თქმით, ქეთევან ციხელაშვილი საქმიანობას დიპლომატიურ სამსახურში გააგრძელებს. რაც შეეხება მის შემცვლელს, მთავრობის მეთაურის განცხადებით, ამის შესახებ საზოგადოებას მოგვიანებით ეცნობება.

„გააგრძელებს მუშაობას დიპლომატიურ ფრონტზე და დარწმუნებული ვარ, რომ მისი კვალიფიკაცია, ცოდნა და დაგროვილი გამოცდილება ხელს შეუწყობს, ჩვენს ქვეყანაში კიდევ უფრო გააღრმაოს და მაღალ დონეზე აიყვანოს ევროპის მიმართულებით ჩვენი დიპლომატიური მიღწევები“, – განაცხადა გიორგი გახარიამ.

ციხელაშვილი ელჩის თანამდებობაზე დავით დონდუას შეცვლის, რომელსაც ავსტრიაში ელჩის თანამდებობა 2018 წლიდან ეკავა.

ქეთევან ციხელაშვილი შერიგებისა და თანასწორობის საკითხებში სახელმწიფო მინისტრის თანამდებობაზე  2016 წლის ივლისში დაინიშნა.

ამ დროის განმავლობაში იგი აქტიურად იყო დაკავებული საქართველოს ხელისუფლების მიერ არაკონტროლირებადი აფხაზეთისა და ცხინვალის რეგიონის მოსახლეობისთვის მთავრობის მხრიდან შეთავაზებული სერვისებისა და დახმარებების წვდომის, ასევე საქართველოში ეროვნული უმცირესობების ინტეგრაციის საკითხებით.

120
თემები:
საქართველოს პოლიტიკური ცხოვრება (155)
საქართველომ ახალი უპილოტო საფრენი აპარატები შეიძინა

საქართველომ ახალი უპილოტო საფრენი აპარატები შეიძინა

54
(განახლებულია 19:54 28.09.2020)
ახალი უპილოტო საფრენი აპარატებით საქართველოს თავდაცვის ძალების დაზვერვის ქვედანაყოფები აღიჭურვებიან

თბილისი, 28 სექტემბერი - Sputnik. საქართველოს თავდაცვის ძალებში დაზვერვის ქვედანაყოფები აღიჭურვება ახალი უპილოტო საფრენი აპარატებით, რომლებიც უწყებამ ესპანეთში შეიძინა, ნათქვამია უწყების ვებგვერდზე გავრცელებულ განცხადებაში.

უწყების ინფორმაციით, უპილოტო დაზვერვის სისტემების მოდერნიზაცია და შეძენა საქართველოს თავდაცვისუნარიანობას მნიშვნელოვნად გაზრდის. ეს სისტემები არსებითად ხელს შეუწყობს თავდაცვის ძალებს სადაზვერვო შესაძლებლობების განვითარებაში, ასევე იქნება გამოყენებული სხვადასხვა წვრთნებში და სამაშველო ოპერაციებში.

საქართველოს თავდაცვის სამინისტრომ ძველი საფრენი აპარატები ჩაანაცვლა და პერსონალი გადაამზადა.

დაზვერვის ქვედანაყოფების ახალი უპილოტო საფრენი აპარატებით დაკომპლექტება ითვალისწინებს ამ ქვედანაყოფების აღჭურვას თანამედროვე ტაქტიკური და ოპერატიული უპილოტო სადაზვერვო სისტემებით.

თავდაცვის მინისტრმა ირაკლი ღარიბაშვილმა ესპანური უპილოტო სადაზვერვო სისტემები მარნეულის საავიაციო ბაზაზე დაათვალიერა და სადემონსტრაციო ფრენას დაესწრო.

„უპილოტო სადაზვერვო სისტემების განახლების გარდა, აქტიურად მიმდინარეობს საჰაერო თავდაცვის, ჯავშანსაწინააღმდეგო შეიარაღების, თანამედროვე საარტილერიო და სადაზვერვო სისტემების შეძენა და ამ შესაძლებლობების განვითარება“, - ნათქვამია განცხადებაში.

ღარიბაშვილი: როდის ამოქმედდება საქართველოში ფრანგული საჰაერო თავდაცვის სისტემა >>

თანამედროვე სისტემების შეძენა, დანერგვა და განვითარება საქართველოს თავდაცვის ძალების განვითარების ძირითადი პრიორიტეტებია, აცხადებენ უწყებაში.

54
თემები:
საქართველოს თავდაცვა
ზაალ უდუმაშვილი

„ნაციონალური მოძრაობა“ მხოლოდ ოპოზიციასთან დებატებზე უარს აცხადებს

32
(განახლებულია 19:35 28.09.2020)
„ერთიან ნაციონალურ მოძრაობაში“ მიაჩნიათ, რომ დისკუსია ოპოზიციურ პარტიებს შორის წინასაარჩევნო კამპანიას აზიანებს

თბილისი, 28 სექტემბერი - Sputnik. „ერთიანი ნაციონალური მოძრაობა“ უარს ამბობს ისეთ დებატებში მონაწილეობაზე, სადაც არ იქნება წარმოდგენილი მმართველი პარტია „ქართული ოცნება - დემოკრატიული საქართველო“.

ქართველი პოლიტიკოსი უსაფრთხოების რეგიონული საბჭოს შექმნის წინადადებით გამოდის >>

როგორც პარტიის ერთ-ერთმა ლიდერმა ზაალ უდუმაშვილმა აღნიშნა, დისკუსია ოპოზიციურ პარტიებს შორის ზიანს აყენებს მთლიანად წინასაარჩევნო კამპანიას. „ნაცმოძრაობას“ არ სიამოვნებს ისეთ პოლემიკაში მონაწილეობა, რომელიც ოპოზიციურ პარტიებს შორის მიმდინარეობს, ხაზი გაუსვა მან.

„არ მივიჩნევთ, რომ ოპოზიციური პარტიები ჩვენი კონკურენტები არიან. ისინი ჩვენი მომავალი მოკავშირეები არიან. კონკურენტი მხოლოდ მმართველი პარტიაა. ერთიანი ნაციონალური მოძრაობა დღეიდან წყვეტს ოპოზიციურ პარტიებთან დისკუსიაში მონაწილეობას. ეს საერთო მიზნისთვის დამაზიანებელია“, – განაცხადა უდუმაშვილმა.

საქართველოს ექსპრეზიდენტ მიხეილ სააკაშვილის მიერ შექმნილი „ერთიანი ნაციონალური მოძრაობა“ საპარლამენტო არჩევნებში მონაწილეობას მიიღებს ბლოკის „ძალა ერთობაშია“ შემადგენლობაში. დღეისათვის სააკაშვილი წარმოადგენს ნაცმოძრაობის პრემიერ-მინისტრობის კანდიდატს და დავის მთავარ საგანს ოპოზიციისთვის, რომელიც ცოტა ხნის წინ კოალიციურ მთავრობაზე საუბრობდა.

საპარლამენტო არჩევნები საქართველოში 31 ოქტომბერს ჩატარდება. ქვეყნის მოსახლეობა 150 დეპუტატს აირჩევს - 120-ს პარტიული სიით, 30-ს კი - მაჟორიტარულ ოლქებში. გამსვლელი ბარიერი პარტიებისთვის 1%-ია.

არჩევნებში მონაწილეობის უფლება აქვს 3 501 931 საქართველოს მოქალაქეს როგორც ქვეყანაში, ისე მის ფარგლებს გარეთ.

32
თემები:
საქართველოს საპარლამენტო არჩევნები 2020
საქართველოს ნაკრები. ოქრიაშვილი და ქვილითაია

ვაისმა საქართველოს ფეხბურთის ნაკრების შემადგენლობა ბელარუსთან მატჩისთვის დაასახელა

0
(განახლებულია 23:31 28.09.2020)
თბილისში მატჩის გარდა, ქართველ ფეხბურთელებს კიდევ ორი გასვლითი თამაში ელოდება - სომხეთთან და ჩრდილოეთ მაკედონიასთან

თბილისი, 28 სექტემბერი – Sputnik. საქართველოს ფეხბურთის ნაკრების მთავარმა მწვრთნელმა ვლადიმირ ვაისმა დაასახელა ის ფეხბურთელები, რომლებიც ბელარუსის წინააღმდეგ უეფას ერთა ლიგის ნახევარფინალისთვის მოსამზადებლად ეროვნულ გუნდში გამოიძახა, იუწყება საქართველოს ფეხბურთის ფედერაცია (სფფ).

საქართველოს ნაკრები ბელარუსს თბილისში 8 ოქტომბერს დაუპირისპირდება.

სლოვაკი სპეციალისტის გაფართოებულ სიაში 29 ფეხბურთელი მოხვდა:

მეკარეები:

გიორგი ლორია („ანორთოსისი“, „ფამაგუსტა“, კვიპროსი), გიორგი მაკარიძე („ალმერია“, ესპანეთი), ლაზარე კუპატაძე („საბურთალო“, თბილისი)

მცველები:

გურამ კაშია („სან ხოსე ერთკვეიკსი“, აშშ), ოთარ კაკაბაძე („ტენერიფე“, ესპანეთი), დავით ხოჭოლავა („შახტარი“,უკრაინა), გია გრიგალავა („არსენალი“, ტულა), სოლომონ კვერკველია („როტორი“, ვოლგოგრადი), ნიკა მალი („საბურთალო“, თბილისი), მამუკა კობახიძე („დინამო“, ბათუმი), ჯიმი ტაბიძე („უფა“, რუსეთი), ლაშა დვალი („ფერენცვაროში“, უნგრეთი)

ნახევარმცველები:

ჯაბა კანკავა, ნიკა კვეკვესკირი (ორივე - „ტობოლი“,ყაზახეთი), გიორგი ჩაკვეტაძე („გენტი“, ბელგია), გიორგი აბურჯანია („ოვიედო“, ესპანეთი), მურთაზ დაუშვილი („ანორთოსისი“, კვიპროსი), ლევან შენგელია („კონიასპორი“, თურქეთი), საბა ლობჟანიძე („ანკარაგუჯუ“, თურქეთი), ხვიჩა კვარაცხელია („რუბინი“, ყაზანი), ზურიკო დავითაშვილი („როტორი“, ვოლგოგრადი), ვაკო გვილია („ლეგია“, პოლონეთი), ჯაბა ჯიღაური („დინამო“, ბათუმი), ოთარ კიტეიშვილი („შტურმი“, ავსტრია)

თავდამსხმელები:

გიორგი ქვილითაია, თორნიკე ოქრიაშვილი (ორივე - „ანორთოსისი“, კვიპროსი), ვაკო ყაზაიშვილი („სან ხოსე ერთკვეიკსი“, აშშ), ელგუჯა ლობჯანიძე („კაისარი“, ყაზახეთი), ნიკა კაჭარავა („ლეხი“, პოლონეთი).

საქართველოს ეროვნული გუნდის ფეხბურთელები თბილისში 5 ოქტომბერს შეიკრიბებიან. მზადება მომავალი სამი მატჩისთვის ტრადიციულად „ზესტაფონის“ ბაზაზე ჩატარდება.

საქართველოს ნაკრები თბილისში უეფას ერთა ლიგის წინა გათამაშების ნახევარფინალში ბელარუსს შეხვდება, შემდეგ მას ტურნირის ამჟამინდელი გათამაშების ორი გასვლითი მატჩი ელოდება - 11 ოქტომბერს ერევანში სომხეთის ნაკრების წინააღმდეგ, სამი დღის შემდეგ კი სკოპიეში ჩრდილოეთ მაკედონიის წინააღმდეგ.

უეფას ერთა ლიგის წინა გათამაშების მეორე ნახევარფინალში ჩრდილოეთ მაკედონიის და კოსოვოს ნაკრებები შეხვდებიან.

 

0
თემები:
სპორტის ამბები