დამოუკიდებლობის დღე

ერთნაირსქესიანთა ქორწინება: მომხრე და წინააღმდეგი ქართველი პოლიტიკოსები

163
არსებობს თუ არა საქართველოში პირობები ერთნაირსქესიანთა ქორწინებისთვის, მოდის თუ არა ეს წინააღმდეგობაში ეროვნულ ტრადიციებთან, და, რაც მთავარია - კონსტიტუციასთან, სადაც ქორწინება განსაზღვრულია როგორც კავშირი მამაკაცსა და ქალს შორის - კამათის მთავარი თემაა

თბილისი, 9 ივნისი - Sputnik. რამდენიმე დღეა პოლიტიკოსების მხრიდან, შემდეგ კი ქართულ მედიაში ერთნაირსქესიანთა ქორწინების თემა გააქტიურდა.

ოპოზიციური პარტიების ნაწილი ღიად აცხადებს მხარდაჭერას, სხვები კი ფრთხილობენ ტერმინების შერჩევისას, ასევე არსებობს კატეგორიულ მოწინააღმდეგეთა რადიკალური ფრთა. ამ საკითხში ერთსულოვნება არ არსებობს.

არნო ხიდირბეგიშვილი: „დედა“ და „მამა“ ბგერების უბრალო ანაკრები არ არის >>

ვინ არის წინააღმდეგი

საკითხის განხილვა აქტუალური მას შემდეგ გახდა, რაც ერთნაირსქესიანთა ქორწინების თემას შეეხო პარტია „ლელოს“ ლიდერი მამუკა ხაზარაძე, რომელმაც განაცხადა, რომ საქართველოში „უმცირესობების უფლებები ძალიან კარგად არის დაცული“. ხაზარაძემ ასევე განაცხადა, რომ ის ერთნაირქესიანთა ქორწინებების წინააღმდეგია და მიიჩნევს, რომ „ბავშვს დედა და მამა უნდა ზრდიდეს“.

მისი თქმით, საქართველოს კონსტიტუციაში ქორწინების ინსტიტუტი „მკაფიოდ არის განსაზღვრული და გადახედვას არ საჭიროებს“.

„საქართველოში არის კანონმდებლობა, რომელიც იცავს – ანტიდისკრიმინაციული კანონი, რომლის მიღების დროს, ჩვენ გვახსოვს, რამდენი ექსპერტი და რამდენი ჩვენი დასავლელი პარტნიორი, ადილობრივი ექსპერტები, პარლამენტარები იყვნენ ჩართული მის მიღებაში. კანონი არის ნორმალური. იქვე აღვნიშნე, რომ ეს კანონი არ სრულდება, ანუ მისი აღსრულების სერიოზული პრობლემა გვაქვს და დავამატე, რომ უმცირესობები ჩვენს ქვეყანაში არ არიან დაცული“, - განაცხადა ხაზარაძემ.

ხაზარაძის განცხადებას გამოეხმაურა „ლელოს“ სხვა ლიდერი, დავით უსუფაშვილი თავის Facebook-გვერდზე.

როგორც პარლამენტის ყოფილი თავმჯდომარე აღნიშნავს, ამ საკითხში სახელმწიფო ეფექტურ პოლიტიკას უნდა ატარებდეს.

„განსხვავებული ორიენტაციის გამო ვინმეს დევნას, შევიწროვებას ან დისკრიმინაციას ვგმობთ ყოველგვარი წინაპირობების გარეშე. სახელმწიფომ უნდა გაატაროს თანმიმდევრული და ეფექტიანი პოლიტიკა არა მხოლოდ შესაბამის დამნაშავეთა დასასჯელად და მსხვერპლთა დასაცავად, არამედ მსგავსი მოპყრობის დაუშვებლობისადმი საზოგადოებრივი კლიმატის შესაქმნელად“, - წერს უსუფაშვილი.

რაც შეეხება ერთნაირქესიანთა ქორწინებას, ის ხაზარაძის მსგავსად აცხადებს, რომ მხარს არ დაუჭერს ერთნაირქესიანთა კავშირს ისევე, „როგორც ამას მხარს არ უჭერდა მთელი დემოკრატიული სამყარო სულ რაღაც ორი ათეული წლის წინ“.

კატეგორიულად ეთანხმება

ხოლო ქართული პოლიტიკის ცნობილი „სკანდალისტი“ - პარტია „გირჩის“ ლიდერი ზურაბ ჯაფარიძე ღიად უჭერს მხარს ერთნაირქესია ქორწინებას და არა მხოლოდ მას. ის გამოდის წინადადებით დაკანონდეს არამხოლოდ ერთნაირქესიანთა ქორწინება,  არამედ ერთნაირქესიანი ოჯახების მიერ ბავშვების შვილად აყვანა.

„მე მხარს ვუჭერ ერთნაირსქესიანთა ქორწინების, ისევე როგორც ერთნაირსქესიანთა ოჯახების მიერ შვილების აყვანის დაკანონებას. შესაბამისად, ის ბოდვა ჩანაწერი ამოსაშლელია კონსტიტუციიდან“, - დაწერა ჯაფარიძემ თავის Facebook-გვერდზე.

ქორწინების ქვეშ ჯაფარიძე გულისხმობს ურთიერთობის სამოქალაქო რეგისტრაციას, ხოლო რაც შეეხება რელიგიურ რიტუალებს, ეს, მისი თქმით, კონკრეტული საეკლესიო კონფესიის საქმეა.

„ზოგადად, ვთვლი რომ სახელმწიფოს საქმე საერთოდ არ არის ვინ ვისთან ერთად ქმნის ოჯახს, მაგრამ თუ ასეთი (რეგისტრაციის) უფლება არსებობს, საიდანაც შემდეგ სხვა უფლებები გამომდინარეობს, ის უნდა არსებობდეს ყველასთვის, განურჩევლად ნებისმიერი ნიშნისა“, - წერს „გირჩის“ ლიდერი.

როგორც ჯაფარიძემ აღნიშნა, ბევრ პოლიტიკოსს „ხალხის რისხვის და ხმების დაკარგვის ეშინიათ“, ამიტომაც ფრთხილობენ.

„ბრძოლის ავანგარდში მყოფნი“

ამავე დროს რესპუბლიკელების ლიდერმა დავით ბერძენიშვილმა განუცხადა ჟურნალისტებს, რომ მისმა პარტიამ ჯერ კიდევ 2017 წელს შეიმუშავა კონცეფცია, რომელსაც მხარს უჭერს ლგბტ-თემი და არასამთავრობო სექტორი.

„ახლა, 2020 წელს, მთელს ცივილიზებულ სამყაროში, ხუთივე კონტინენტზე დაკანონებულია ერთნაირსქესიანი ადამიანების ქორწინება ან სამოქალაქო კონტრაქტი. ორი ათეული წლის წინ დასავლეთ ევროპაში კონტრაქტი იყო და აღმოსავლეთში არა. 2016 წელს „რესპუბლიკელებმა“ გავაპროტესტეთ და დავუპირისპირდით ხელისუფლების პროპაგანდისტული, შავრაზმული კამპანიის ფარგლებში საკონსტიტუციო ნორმით განსაზღვრას, რომ ქალის და კაცის ერთობაა ქორწინება“, - განაცხადა ბერძენიშვილმა.

აქვე მან პატრიარქი ახსენა და მისი „ნეგატიური“ დამოკიდებულება ლგბტ-უმცირესობების მიმართ.

ბერძენიშვილის თქმით, მისი პარტია თავისუფლებისთვის ბრძოლაში ავანგარდში დგას.

რესპუბლიკელებს სურთ ქვეყანა დაემსგავსოს აღმოსავლეთ და სამხრეთ-აღმოსავლეთ ევროპას, სადაც არსებობს ისეთი ტერმინი, როგორიც სამოქალაქო კონტრაქტია, ანუ სახელმწიფოს მიერ აღიარებული სოციალური ინსტიტუტი, რომლის საშუალებითაც შეიძლება დაკანონდეს ორი ადამიანის ურთიერთობა, რომლებსაც არ სურთ ან შესაძლებლობა არ გააჩნიათ ქორწინების კანონიერი რეგისტრირება, განმარტა ბერძენიშვილმა.

რას ამბობს კონსტიტუცია...

კონსტიტუციაში ქორწინების განმარტება 2017 წელს შეიცვალა. მთავარი კანონი ამბობს, რომ ოჯახი - მამაკაცისა და ქალის კავშირია. ძველ ვერსიაში ოჯახი განისაზღვრებოდა როგორც მეუღლეების თანასწორუფლებიანი კავშირი.

კონსტიტუციაში ქორწინების ფორმულირების შეცვლის ინიციატივით 2014 წელს ლგბტ-თემის აქტივიზაციის ტალღაზე მაშინდელი პრემიერ-მინისტრი ირაკლი ღარიბაშვილი გამოვიდა.

ქართულ საზოგადოებაში ზოგადად არაერთგვაროვანი დამოკიდებულებაა არამარტო ერთნაირქესიანთა ქორწინების, არამედ ლგბტ-თემის მიმართ.

2013 წელს საქართველოში ლგბტ-თემის მოწინააღმდეგეებმა სასტიკად დაარბიეს არატრადიციული ორიენტაციის პირთა შეკრება, რომლებიც თბილისის ქუჩებში მარშის მოწყობას ცდილობდნენ. შედეგად ათობით ადამიანი დაშავდა.

არც ისე დიდი ხნის წინ გაიმართა საპროტესტო აქციები ქვეყნის კინოთეატრებთან, სადაც ლევან აკინის გეი-სიყვარულის შესახებ ფილმის „და ჩვენ ვიცეკვეთ“ საპრემიერო ჩვენებები მიმდინარეობდა. კინოჩვენებების ბოიკოტის გარდა, მსახიობების მისამართით მუქარები და შეურაცხყოფები ისმოდა.

163
თემები:
საქართველოს პოლიტიკური ცხოვრება (102)
დავით ზალკალიანი

ზალკალიანი სომეხ და აზერბაიჯანელ კოლეგებს ტელეფონით ესაუბრა

48
მინისტრმა აღნიშნა, რომ მოვლენების ადგილზე ვითარება უნდა განიმუხტოს და შეიარაღებული შეტაკებები შეწყდეს

თბილისი, 13 ივლისი - Sputnik. საქართველოს საგარეო საქმეთა მინისტრმა დავით ზალკალიანმა სომხეთ-აზერბაიჯანის საზღვარზე სიტუაციის ესკალაციის გამო შეშფოთება გამოხატა.

პირველი არხის ინფორმაციით, ზალკალიანი ტელეფონით ესაუბრა თავის კოლეგებს სომხეთიდან და აზერბაიჯანიდან - ზოგრაბ მნაცაკანიანთან და ელმარ მამედიაროვთან.

კვირას შეიარაღებული დაპირისპირება მოხდა აზერბაიჯანსა და სომხეთს შორის საზღვარზე, შესაბამისად, თოვუზის რაიონში და ტავუშის ოლქში, რომელიც საქართველოს საზღვართან ახლოსაა. ამ ტერიტორიიდან რამდენიმე ასეულ კილომეტრშია არაღიარებული მთიანი ყარაბაღი, სადაც ამჟამად მშვიდი ვითარებაა. სროლის ადგილზე განლაგებულია საბრძოლო საგუშაგოები, დისლოცირებული სოფელ მოვსესის მახლობლად.

აზერბაიჯანის თავდაცვის სამინისტრომ განაცხადა, რომ სომხეთის სამხედროებმა აზერბაიჯანული პოზიციები დაცხრილეს. სომხეთის თავდაცვის სამინისტრომ კი, თავის მხრივ, განაცხადა, რომ აზერბაიჯანელი სამხედროები ცდილობდნენ არტილერიის დახმარებით სომხეთის საგუშაგოს ხელში ჩაგდებას. ბაქოს ინფორმაციით, დაიღუპა ოთხი აზერბაიჯანელი სამხედრო. სომხეთის მხარის განცხადებით, დაჭრილია ორი სომეხი პოლიციელი, დაღუპულები არ არიან.

სატელეფონო საუბრისას ზალკალიანმა აღნიშნა, რომ ძალიან მნიშვნელოვანია მოვლენების ადგილზე ვითარების განმუხტვა, შეიარაღებული მოქმედებების შეჩერება და მშვიდობის უზრუნველყოფა.

დავით ზალკალიანმა იმედი გამოთქვა, რომ საერთაშორისო ძალისხმევით შესაძლებელია სიტუაციის დარეგულირება რეგიონში ყველაზე მნიშვნელოვანის - მშვიდობისა და სტაბილურობის უზრუნველსაყოფად.

მანამდე საკითხით შეშფოთება გამოთქვა საქართველოს პრეზიდენტმა სალომე ზურაბიშვილმაც. მან აღნიშნა, რომ ამ რთულ დროს, როდესაც მთელი მსოფლიო იბრძვის „უხილავი მტრის წინააღმდეგ“, უდიდესი მნიშვნელობა აქვს საერთაშორისო სოლიდარობას და გლობალური სტაბილურობის შენარჩუნებას.

სომხეთ–აზერბაიჯანის დაპირისპირება: თურქეთმა არჩევანი გააკეთა >>

ორშაბათს სროლა გაგრძელდა. ერევანის განცხადებით, ბაქო სომხეთის ტერიტორიის მიმართულებით 15-20 წუთის შუალედებით ისვრის. აზერბაიჯანი და სომხეთი სროლაში ერთმანეთს ადანაშაულებენ.

48
თემები:
საქართველოს საგარეო პოლიტიკა
სალომე ზურაბიშვილი

საქართველოს პრეზიდენტმა სომხეთსა და აზერბაიჯანს შორის მომხდარ ინციდენტზე კომენტარი გააკეთა

56
(განახლებულია 22:24 13.07.2020)
ზურაბიშვილმა აღნიშნა, რომ ახლა, როდესაც ყველა უხილავ მტერს ებრძვის, განსაკუთრებული მნიშვნელობა ენიჭება მშვიდობისა და სტაბილურობის შენარჩუნებას.

თბილისი, 13 ივლისი - Sputnik. საქართველოს პრეზიდენტი სალომე ზურაბიშვილი წუხილს გამოთქვამს 12-13 ივლისს აზერბაიჯანისა და სომხეთის საზღვარზე მომხდარი შეიარაღებული დაპირისპირების გამო, იუწყება პრეზიდენტის ადმინისტრაციის პრეს-სამსახური.

კვირას შეიარაღებული დაპირისპირება მოხდა აზერბაიჯანსა და სომხეთს შორის საზღვარზე, შესაბამისად, თოვუზის რაიონში და ტავუშის ოლქში, რომელიც საქართველოს საზღვართან ახლოსაა. ამ ტერიტორიიდან რამდენიმე ასეულ კილომეტრშია არაღიარებული მთიანი ყარაბაღი, სადაც ამჟამად მშვიდი ვითარებაა. სროლის ადგილზე განლაგებულია საბრძოლო საგუშაგოები, დისლოცირებული სოფელ მოვსესის მახლობლად.

აზერბაიჯანის თავდაცვის სამინისტრომ განაცხადა, რომ სომხეთის სამხედროებმა აზერბაიჯანული პოზიციები დაცხრილეს. სომხეთის თავდაცვის სამინისტრომ კი, თავის მხრივ, განაცხადა, რომ აზერბაიჯანელი სამხედროები ცდილობდნენ არტილერიის დახმარებით სომხეთის საგუშაგოს ხელში ჩაგდებას. ბაქოს ინფორმაციით, დაიღუპა ოთხი აზერბაიჯანელი სამხედრო. სომხეთის მხარის განცხადებით, დაჭრილია ორი სომეხი პოლიციელი, დაღუპულები არ არიან.

„დღეს, როცა ყველა ერთად ვიბრძვით უხილავი მტრის წინააღმდეგ, უდიდესი მნიშვნელობა აქვს საერთაშორისო სოლიდარობას და გლობალური სტაბილურობის შენარჩუნებას. ჩვენი რეგიონის მშვიდობა და უსაფრთხოება მნიშვნელოვანია როგორც საქართველოს, ასევე ჩვენი მეგობარი და პარტნიორი სახელმწიფოების – აზერბაიჯანისა და სომხეთის მომავალი განვითარებისა და კეთილდღეობისათვის“, – განაცხადა ზურაბიშვილმა.

ორშაბათს სროლა გაგრძელდა. ერევანის განცხადებით, ბაქო სომხეთის ტერიტორიის მიმართულებით 15-20 წუთის შუალედებით ისვრის. აზერბაიჯანი და სომხეთი სროლაში ერთმანეთს ადანაშაულებენ.

56
თემები:
საქართველოს პრეზიდენტი
ქალი

შევარჩიოთ ჩანთა ზოდიაქოს ნიშნის მიხედვით: პროფესიონალების რჩევები

0
(განახლებულია 16:21 13.07.2020)
მოდა იცვლება, მაგრამ როგორიც არ უნდა იყოს ახალი კოლექცია, მათ შორის მაინც შეიძლება იმ განსაკუთრებული ჩანთის პოვნა, რომელზეც ქალი იტყვის „საჩემოა“

ჩანთა ერთ–ერთი უმნიშვნელოვანესი აქსესუარია ქალის გარდერობში და გარდა იმისა, რომ მას აუცილებელი პრაქტიკული დანიშნულება აქვს, ის ასევე ხაზს უსვამს ადამიანის ინდივიდუალობასა და ხასიათს.

როგორი ჩანთა შეეფერება ზოდიაქოს თითოეული ნიშნის ქალებს, როგორს ანიჭებენ ისინი უპირატესობას – ამის შესახებ გაეცანით ექსპერტების მოსაზრებას.

ვერძი

ვერძი ავანტიურისტია თავისი ბუნებით. ხანდახან ძნელად განსაჭვრეტია, რით დამთავრდება საღამო და საით წაიყვანს მას მოვლენების მთელი რიგი. ამ ნიშნის ქალებს ყველაზე მეტად ტევადი ჩანთა მიესადაგება, სადაც მოათავსებენ კბილის ჯაგრისს, ფეხსაცმელს, თმის ლაქს და საყვარელი სუნამოს ფლაკონს. ვერძების ცხოვრება ხომ სიურპრიზებითაა სავსე, ამიტომ ნუ გაიფუჭებთ განწყობას პატარა ჩანთით.

კურო

კუროებმა აქცენტი დეტალებზე უნდა გააკეთოთ. თუ რესტორანში ან წვეულებაზე მიდიხართ, შავი პატარა ჩანთა დაგჭირდებათ. თუ შოპინგზე მეგობართან ერთად – დიდი ჩანთა, რომელსაც თავისი „ეშხი“ ექნება – განსაკუთრებული ფერი ან ორნამენტი. მთავარია, რომ შინაგანად გრძნობდეთ, რომ ნივთი უნიკალურია, საინტერესო და გარშემომყოფების ყურადღებას იპყრობს.

ზოდიაქოს ნიშნები, რომლებიც ნებისმიერ ასაკში იოლად თხოვდებიან>>

ტყუპი

ტყუპებმა ბოლომდე თავადაც არ იცით, რა გსურთ. მიზეზი მარტივია: ერთი მხრივ, თქვენში მოკრძალებული ნატურა ცხოვრობს, რომელიც მოდის ბოლო ტენდენციებს მისდევს, ხოლო მეორე მხრივ – მეამბოხე, რომელსაც თვითგამოხატვის სურვილი არ ასვენებს. თქვენი ხასიათის გათვალისწინებით შეარჩიეთ ორფერიანი ჩანთები. თქვენი განწყობის ცვალებადობის მიუხედავად, არის შანსი, რომ ჩანთის ფერი გაგახარებთ.

კირჩხიბი

კირჩხიბები არ ჩქარობთ, რომ თითოეული ადამიანის წინაშე გული გახსნათ – ეს თქვენთვის საინტერესო არაა. თუმცა ნივთების საშუალებით თავის წარმოდგენა გიყვართ. საჭიროა არაა, ეს რამე მყვირალა და ორიგინალური იყოს, უფრო დახვეწილი, ნატიფი და უჩვეულო იქნება. მაგალითად, საშუალო ზომის „დუტის“ ჩანთა.

ლომი

ლომებს ყურადღების გარეშე ყოფნა არ შეგიძლიათ, ამიტომ ყველაფერს აკეთებთ, რომ ყურადღება მიიქციოთ, მათ შორის, ტანსაცმლისა და აქსესუარების გამოყენებით. მოგიხდებათ ლითონით დამშვენებული კაშკაშა ფერის ჩანთები. ეს გარშემომყოფების ყურადღებას მიიპყრობს.

თუ გინდათ, სურვილები აგისრულდეთ: ფერი-თილისმა ზოდიაქოს ნიშნის მიხედვით>>

ქალწული

ქალწულები, თუ არ მოგწონთ, მოდის გამო ჩანთას არ იყიდით – უფრო საკუთარ თავს მოუსმენთ და რამე უნივერსალურს, საიმედოს და ვინტაჟურსაც კი შეარჩევთ. ჩანთის ფერი ისეთი იქნება, რომ ნებისმიერ სამოსს მოუხდეს, ზომა კი – იმაზე დამოკიდებული, თუ რა მიზნით ყიდულობთ მას.

სასწორი

ზოდიაოქს ნიშანი თვითონ მეტყველებს ყველაფერზე – სასწორები დიდხანს წონიან დასკვნებს, სანამ არჩევანს გააკეთებენ. ამასთან, გადაწყვეტილება სრულიად მოულოდნელია ხოლმე. მაგალითად, თუ არჩევენ ჩანთას – წითელი აიღონ თუ ნაცრისფერი, უეცრად თვალს მოჰკრავენ დამაჯერებლი ზომის ჩანთა–საქაღალდეს და არჩევანს მასზე აჩერებენ. აქ წინასწარ ვერასდროს გამოიცნობთ. უბრალოდ, მოუსმინეთ საკუთარ თავს.

მორიელი

მორიელის გარდერობში იდეალურად ჩაეწერება რთული შეფერილობის ჩანთა აქტუალური პალიტრიდან. ეს შეიძლება იყოს ტყავის ან ზამშის ჩანთა, ოღონდ უნიკალური და თავისი საოცარი პეწით. ასეთი ჩანთების შეხამება სხვადასხვა სტილის ნივთებთან შეიძლება. თუმცა, მორიელები თავადაც შესანიშნავად ერკვევიან ამაში – გემოვნების „დეფიციტი“ არა აქვთ.

როგორია თქვენი აურის ფერი ზოდიაქოს ნიშნის მიხედვით>>

მშვილდოსანი

მშვილდოსნებს ორიგინალური ნივთები უყვართ, მათ შორის სხვადასხვა მორთულობა. გამონაკლისი არც ჩანთაა. ფერი და ზომა სხვადასხვა შეიძლება იყოს, მთავარია, რომ ხაზი გაუსვას თქვენს ორიგინალობასა და გადმოსცეს განუმეორებელი გემოვნება.

თხის რქა

თხის რქები ყველაფერში პრაქტიკულობას აფასებენ: ს ეხება როგორც ფინანსურ საკითხებს, ისე ნივთების შერჩევას. ამ ნიშნისთვის იდეალური ვარიანტია ნატურალური ტყავის ჩანთა. ჯერ ერთი, დიდხანს ძლებს, მეორეც – ყოველთვის მოდური და ესთეტიკურია.

მერწყული

ამ ნიშნის წარმომადგენლებს ექსპერიმენტებისა არ ეშინიათ. მათ „არსენალში“ შეიძლება შეგხვდეთ ნოუთბუქისთვის განკუთვნილი ან მყვირალა ლიმონისფერი ჩანთა, მაგრამ სრულიად ჩვეულებრივს ვერაფერს აღმოაჩენთ. განაგრძეთ ექსპერიმენტების ჩატარება და ირგვლივ მყოფთა გაოცება.

რომელი ფერია თქვენთვის ბედნიერებისა და წარმატების მომტანი ზოდიაქოს ნიშნის მიხედვით>>

თევზები

თევზები არ უშინდებიან სიახლეებს და ამიტომ ადვილად შეუძლიათ რამე მოულოდნელი, უჩვეულო მოსინჯონ, მაგალითად, კასრის ფორმის ჩანთა – ეს იდეალური გადაწყვეტილებაა ამ ნიშნის ქალებისთვის.

0