არჩევნების დროს

„ჩვენი საქართველო“ სასწრაფოდ ძლიერ და ქარიზმატულ პოლიტიკოსებს ეძებს

124
ლიდერი აცხადებს, რომ პარტია საბოლოოდ 10 ივლისისთვის ჩამოყალიბდება, ხოლო წინასაარჩევნო პროგრამას აგვისტოში წარადგენს

თბილისი, 9 ივნისი - Sputnik. საქართველოს პოლიტიკურ არენაზე, წინასაარჩევნო კამპანიის დაწყებამდე სამი თვით ადრე გაჩნდა ახალი პოლიტიკური ძალა - „ჩვენი საქართველო - სოლიდარობის ალიანსი“, რომელიც საკუთარ თავს როგორც „ახალი პოლიტიკური კულტურის მატარებელს“ პოზიციონირებს.

პარტია დააარსეს მმართველი პარტია „ქართული ოცნება - დემოკრატიული საქართველოს“ ყოფილმა წევრებმა, რომლებიც ამჟამად პარლამენტში ზომიერად ოპოზიციური ძალის როლს ასრულებენ. დამფუძნებლებს შორის არიან ფრაქცია „დამოუკიდებელი დეპუტატების“ წევრები მარიამ ჯაში, ზვიად კვაჭანტირაძე, გედევან ფოფხაძე, ლევან გოგიჩაიშვილი, ლევან კობერიძე და დამოუკიდებელი დეპუტატები ჯაბა ჯიშკარიანი და ბექა ნაცვლიშვილი.

თუმცა პარტია ამ სიაზე შეჩერებას არ აპირებს. მედია-საშუალებებმა დაადგინეს, რომ ის აქტიურ მოლაპარაკებებს აწარმოებს ყოფილ პრემიერ-მინისტრ და მმართველი პარტიის ყოფილ თავმჯდომარესთან, გიორგი კვირიკაშვილთან. სავარაუდოდ, არჩეული ბექა ნაცვლიშვილის ნაცვლად პარტიას სწორედ ის ჩაუდგება სათავეში.

პოლიტიკაში კვირიკაშვილის დაბრუნების შესახებ ხმები თითქმის ერთი წელია ვრცელდება, 2019 წლის შემოდგომაზე მისი უკიდურესად ოპოზიციური განცხადების შემდეგ. თუმცა თავად ყოფილი პრემიერი ასეთ შესაძლებლობას ბოლო დრომდე კატეგორიულად უარყოფდა.

ამბიციური გეგმები

თავად ახალ პარტიაში კვირიკაშვილს არ ახსენებენ. როგორც პარტიის გენერალურმა მდივანმა მარიამ ჯაშმა განაცხადა, პარტია საბოლოოდ 10 ივლისისთვის ჩამოყალიბდება, ხოლო წინასაარჩევნო პროგრამას აგვისტოში წარადგენს.

„ჩვენ წარვდგებით გაფართოებული გუნდით 10 ივლისიდან. პირველ აგვისტომდე დავასრულებთ წინასაარჩევნო პროგრამას, რომელიც კონკრეტულ ნაბიჯებზე იქნება ორიენტირებული. ჩვენ ვემზადებით 2020 წლის არჩვენებისთვის“, - აცხადებს ჯაში.

ამასთან ის არ მალავს, რომ პარტია გამოცდილი პოლიტიკოსების და სამეცნიერო წრეების წარმომდგენლების გადაბირებას აპირებს.

ჯაში აღნიშნავს, რომ მისი პარტია პარლამენტს ორივე მიმართულებით „შეუტევს“ და არჩევნებში მონაწილეობას 30 ოლქში როგორც პროპორციული, ისე მაჟორიტარული სისტემით აპირებს.

არჩევნებში მონაწილეობას პარტია აპირებს დამოუკიდებლად, თუმცა არ გამორიცხავს შესაძლო კოალიციას, მაგრამ არა მმართველ პარტიასთან თუ ოპოზიციურ გაერთიანებასთან, რომელიც დაახლოებით 30 პარტიას აერთიანებს.

საჭიროა ქარიზმა და ფული

პოლიტოლოგი პეტრე მამრაძე მიიჩნევს, რომ თუ ახალი პარტია ვერ მოახერხებს ქარიზმატული პოლიტიკოსის მოზიდვას, მას ძალიან ცოტა შანსი ექნება.

საქართველოში ამომრჩეველი ყოველთვის ხმას აძლევდა და აძლევს კონკრეტულ პიროვნებებს, და არა პარტიებს, დარწმუნებული მამრაძე.

„ჯერჯერობით ამ პარტიაში მე ვერ ვხედავ ქარიზმატულ პოლიტიკოსს, რომელიც მასებს გაუძღვებოდა. კიდევ მე პირადად შეკითხვა მაქვს: ვინ დგას ამ პარტიის უკან, ვინ აფინანსებს მას? თუ საკმარისი ფინანსები არაა, შედეგებიც დაბალი იქნება“, - განაცხადა პოლიტოლოგმა.

ამასთან მან ხაზი გაუსვა, რომ საქართველო არაპროგნოზირებადი ქვეყანაა, სადაც არჩევნების შედეგი კენჭისყრამდე ორი კვირით ადრე შეიძლება გადაწყდეს.

სხვა პოლიტოლოგი, რამაზ საყვარელიძე მიიჩნევს, რომ ახლა შეფასებების გაკეთება ნაადრევია. მან აღნიშნა, რომ ახალ პარტიას რთულია უწოდო„ ახალი“, რადგან ყველა სახე ელექტორატისთვის კარგად ნაცნობია.

„ყველა ამ ადამიანს ცალ-ცალკე დადებითად შევაფასებდი, მაგრამ ვერაფერს ვერ ვიტყვი მათი კავშირის შესახებ. ამ პოლიტიკოსებს პოლიტიკური თანაცხოვრების პრაქტიკა არ აქვთ. ამისათვის დრო, წლებია საჭირო. თუ ისინი ერთად დარჩებიან და არ დაიშლებიან, მაშინ შესაძლოა, ჰქონდეთ შანსი მომავალში ძლიერ პოლიტიკურ პარტიად ჩამოყალიბდნენ“, - აცხადებს საყვარელიძე.

124
თემები:
საქართველოს პოლიტიკური ცხოვრება (102)
მიეცი ხმა

„რეფორმერი“, ახალგაზრდული პოლიტიკა და საარჩევნო სტრატეგია

51
(განახლებულია 16:36 13.07.2020)
თუ ოპოზიცია ჯერჯერობით ვერ ჩამოყალიბდა – ერთიანი სიით მიიღონ მონაწილეობა არჩევნებში თუ ერთმანეთს და „ქართულ ოცნებას“ გაუწიონ კონკურენცია, ხელისუფლება ნელ-ნელა საარჩევნო სტრატეგიაზე ყალიბდება.

მართალია, მაჟორიტარების რაოდენობის 30-მდე შემცირებამ კიდევ უფრო გაზარდა მათი ფასი და დაასრულა სპეკულაციები, მაგრამ ის, თუ როგორ გადანაწილდება ეს ადგილები, მართლაც საინტერესოა.

სახელისუფლებო გუნდში არსებული მაღალი კონკურენციის გამო, ჩვენი ინფორმაციით, შესაძლოა, კანდიდატურების დასახელებამ აგვისტოს შუა რიცხვებისთვისაც კი გადაიწიოს. ამ შემთხვევაში კანდიდატებს ცოტა დრო, ასე ორი თვე დარჩებათ მოსახლეობასთან შესახვედრად. ცნობილია რეკომენდაციები, რომ პანდემიის პირობებში ეს შეხვედრები, სასურველია, ღია სივრცეებში ჩატარდეს.

მომავალი პარლამენტი კი საკმაოდ ჭრელი უნდა იყოს, თუ იმას გავითვალისწინებთ, რომ 1-პროცენტიანი ბარიერი ბევრ პოლიტიკურ ძალას აძლევს საშუალებას, 20 ათასამდე ხმა მოიპოვოს და პარლამენტში საკუთარი ინტერეს-ჯგუფის თუნდაც ერთი წარმომადგენელი ჰყავდეს.

საოცრება მოიფიქრა სოციალური სამართლიანობისათვის მებრძოლმა მამუკა ტუსკაძემ. ის მოქალაქეებს მოუწოდებს დაეხმარონ და მზადაა, საპარლამენტო 4 წელი 6-6 თვიანი შუალედებით 8 დეპუტატზე გაყოს. ეს 6 თვით გარანტირებულ ხელფას და შემდეგ სამუდამო 560-ლარიან პენსიას ნიშნავს და სულაც არაა ცუდი შეთავაზება მოქალაქეებისთვის, ვისაც მინიმუმ 2-3 ათასი კარგი მეგობარი და ხმის მიმცემი აღმოაჩნდება.

სხვა პოლიტიკური სუბიექტებიდან დამოუკიდებლად საარჩევნო ბარიერის გადალახვის იმედი აქვს კახა კუკავას.

პარლამენტში მოხვდება ბურჯანაძის „დემოკრატიული მოძრაობა“. როგორც ამბობენ, მისი ვაჟი ანზორ ბიწაძე პარტიული სიის პირველ სამეულშია.

საკმაოდ ნორმალური შედეგი ექნება „ნაციონალურ მოძრაობას“. პარლამენტში შევლენ „პატრიოტები“ და, შესაძლოა, მე-9 მოწვევაზე უკეთესი შედეგით.

ასევე საპარლამენტო პერსპექტივები აქვთ „ლელოსა“ და „ევროპულ საქართველოს“.

გასულ კვირაში კი კიდევ ერთი საინტერესო პარტია დაფუძნდა, რომელსაც ახალგაზრდული პოლიტიკის გატარების ამბიცია აქვს.

პარტია „რეფორმერის“ ლიდერი თორნიკე ჯანაშვილია – როგორც ქართული მასმედია იუწყება, უტა ივანიშვილის ახლო მეგობარი და კარგი განათლების მქონე ახალგაზრდა.

„ქართულ ოცნებას“ დიდი ხანია დასავლეთში განათლებამიღებული ახალგაზრდების ნაკლებობის გამო აკრიტიკებდნენ.

სწორედ ამ დანაკლისს შეავსებს „რეფორმერი“, რომელიც, თუ წინასაარჩევნოდ არა, პარლამენტში მოხვედრის შემდეგ მაინც ითანამშრომლებს „ქართულ ოცნებასთან“.

ზოგადად, არჩევნებამდე ოთხი თვეც კი აღარ რჩება. შესაბამისად, საპარლამენტო არჩევნებზე რაიმე დიდ სიურპრიზებს არ უნდა ველოდოთ, რადგან თუ ვინმეს პოლიტიკაში ყოფნა და საკუთარი თავის გაპიარება სურდა, წესით, უკვე უნდა მუშაობდეს და მოსახლეობასთან მართავდეს შეხვედრებს.

 

51
ცესკოს შენობა

არჩევნები 2020: ცესკოში პარტიების განაცხადების მიღება გრძელდება

111
(განახლებულია 19:34 11.07.2020)
ამ დროისათვის 2020 წლის საპარლამენტო არჩევნებში მონაწილეობის სურვილი ათმა პოლიტიკურმა პარტიამ გამოხატა

თბილისი, 11 ივლისი — Sputnik. საქართველოს ცენტრალურმა საარჩევნო კომისიამ (ცესკო) გამოაქვეყნა იმ პარტიების ჩამონათალი, რომლებსაც 31 ოქტომბრის საპარლამენტო არჩევნებში მონაწილეობის სურვილი გამოთქვეს.

გახარია: კარგად ჩატარებული არჩევნები – ჩვენი საერთო მიზანია >>

ცესკოს ვებგვერდზე გავრცელებული ინფორმაციის მიხედვით, პარტიებმა უკვე მიიღეს უფლება საარჩვენო კომისიაში ჰყავდეთ საკუთარი წარმომადგენელი. დღეისათვის წინასწარი რეგისტრაცია ცესკოში გაიარეს შემდეგმა პოლიტიკურმა ძალებმა:

  • „სამართლიანობის აღდგენის კავშირი - ხმა ერისა: უფალია ჩვენი სიმართლე „სოციალური სამართლიანობისთვის“
  • „ქრისტიან-დემოკრატიული მოძრაობა“
  • „საქართველო“
  • „საქართველოს ერთობისა და განვითარების პარტია“
  • „ახალი პოლიტიკური ცენტრი - გირჩი“
  •  „მოძრაობა თავისუფალი საქართველოსთვის“
  • „საქართველოს ძალოვან ვეტერანთა და პატრიოტთა პოლიტიკური მოძრაობა”
  • „ქრისტიან-დემოკრატიული მოძრაობა“
  • „ახალი ქრისტიან-დემოკრატები“
  • „ევროპელი დემოკრატები“

პარტიების განაცხადების მიღება არჩევნებამდე 43 დღით ადრე - 21 სექტემბერს შეწყდება. ამის შემდეგ პარტიებმა, რომლებმაც წინა არჩევნებზე 15 ათასი ხმა ვერ მოიპოვეს, ცესკოში უნდა წარადგინონ 5 ათასი მხარდამჭერის ხელმოწერა - ბლანკებზე და ელექტრონული სახით. პარტიების საბოლოო ჩამონათვალი გახდება ცნობილი სიების შემოწმების შემდეგ, არჩევნებამდე 30 დღით ადრე - 2 ოქტომბერს. მხარდამჭერების სიების შემოწმების შემდეგ პარტია გაივლის ოფიციალურ რეგისტრაციას და ბიულეტენში თავიანთი რიგითი ნომრები მიენიჭებათ.

პარლამენტში მოსახვედრად პარტიამ არჩევნებზე მისული ამომრჩევლების ხმების სულ მცირე 1% უნდა მიიღოს.

111
თემები:
საქართველოს პოლიტიკური ცხოვრება (102)
ბავშვები შადრევანში

როგორ  დავიცვათ თავი გადახურებისგან ზაფხულის ცხელ დღეებში

0
(განახლებულია 16:03 13.07.2020)
საქართველოში უკვე ძალიან ცხელა. განსაკუთრებით ბავშვებს და მოხცებს უჭირთ ამ სიცხის გაძლება. მზე ამ პერიოდში ძალიან აქტიურია და შუადღისას თითქმის შეუძლებელია გარეთ გასვლა. ტემპერატურა, რომელიც აღემატაბა 32 გრადუსს საფრთხის შემცველია ადამიანის ჯანმრთელობისთვის.

როგორ უნდა მოვიქცეთ ზაფხულის ცხელ დღეებში და როგორ უნდა დავიცვათ თავი გადახურებისგან, ამის შესახებ დაავადებათა კონტროლის ცენტრის დირექტორის მრჩეველი ნია გიუაშვილი საუბრობს.

ნია გიუაშვილი
ნია გიუაშვილი

პრევენციის ელემენტარული ზომები, ასე ვთქვათ უნდა იყოს მიღებული  ინდივიდუალურად. მაქსიმალურად უნდა ვეცადოთ, რომ ორგანიზმი დავიცვათ გადახურებისგან. 32 გრადუსი, ეს გახლავთ ერთგვარი ზღვრული მაჩვენებელი და ამ ტემპერატურის პირობებში ხანგრძლივად ყოფნა, ღია სივრცეში არ არის მისაღები.

რაც შეეხება, თუ გვინდა, რომ ბინაში შევინარჩუნოთ სიგრილე, ამისათვის პირველი საშუალებაა კონდიცირება, რაც უნდა ხდებოდეს ღია ფანჯრების პირობებში. ოთახში გამორთეთ ყველა ხელსაწყო, რომელიც შეაძლოა დამატებით სითბოს გამოყოფდეს. ეს ძალიან მნიშვნელოვანი რამ გახლავთ იმისთვის, რომ წესები იყოს დაცული. თუ ბინაში არ არის კონდიცირება, დახურეთ ფანჯრები, დარაბები, ჩამოაფარეთ ფარდები, ოთახში განათავსეთ სველი პირსახოცები.

დღის განმავლობაში უნდა დაიგეგმოს საქმიანობა და მოხდეს საქმის გადანაწილება. თუ კი 32 გრადუსის პირობებში გიწევთ საქმიანობა, მუშაობის დრო არ უნდა აჭარბებდეს ორ საათს. ამის შემდგომ საჭიროა დასვენება, გაგრილება და მხოლოდ შემდგომ შეიძლება დაბრუნება იმავე საქმიანობაზე.

ზოგადად, დღის პირობებში 32 გრადუსი, ღამის პირობებში 24 გრადუსის შენარჩუნება გახლავთ ის ზღვრული მაჩვენებელი, რომელიც უნდა იყოს დაცული. სითბური ტალღებისათვის დამახასიათებელია ღამის ტემპერატურის მატება და შესაბამისად ღამის პირობებში ვერ ხდება ორგანიზმის სათანადოდ გაგრილება. ამიტომ მაქსიმალურად უნდა ვეცადოთ, რომ გავაგრილოთ ორგანიზმი. უნდა გავაღოთ ყველა ფანჯარა, განსხვავებით დღისაგან, როდესაც პირიქით ჯობია დავხურთ და ამგვარად შევინარჩუნოთ დაბალი ტემპერატურა.

როგორც წესი, დილის ოთხი საათიდან დილის შვიდ საათამდე გახლავთ ყველაზე უფრო გრილი პერიოდი და თუ კი რაიმე ტიპის ფიზიკურ აქტივობას ვგეგმავთ, სწორედ ამ პერიოდში უნდა დაიგეგმოს და არა უფრო გვიან, რომელიც შეიძლება საფრთხის შემცველი იყოს ჯანმრთელობისთვის. მითუმეტეს საქართველოში ადრე თენდება, დილის ხუთ საათზე სრულად არის გათენებული. შესაბამისად სრულიად შესაძლებელი დილის ფიზიკური აქტივობით დაწყება.

ძალიან მნიშვნელოვანია, რომ სიცხის დროს საკმარისი რაოდენობით მივიღოთ სითხე. მოხუცებისთვის სწორედ ეს არის დამახასიათებელი, მათ წყურვილის გრძნობა დაქვეითებული აქვთ. უბრაოდ არ ახსოვთ, რომ წყალი უნდა დალიონ. ამ დროს მეთვალყურეობა ოჯახის წევრების მხრიდან ბავშვებზე და მოხუცებზე, არის ძალიან მნიშვნელოვანი. მათ უნდა შევახსენოთ, იცოდნენ, რომ სიცხეში ფიზიკური აქტივობა უნდა იყოს შეზღუდული და  სითხე უნდა იქნეს საკმარისი რაოდენობით მიღებული.

სიცხის დროს მნიშვნელობა ენიჭება კვებასაც. კვება უნდა იყოს სათანადო, მცირე პორციებით და ხშირად, ხილის და ბოსტნეულის მაღალი შემცველებით. ამ დროს რაც შეიძლება შეამცირეთ ცხიმები. უარი თქვით კოფეინზე, ტკბილ და გაზიან სასმელებზე. თუმცა მინარული წყლები გაახლავთ საუკეთესო საშუალება იმისთვის, რომ სითხე იყოს შენარჩუნებული ორგანიზმში და იყოს საკმარისი ჰიდრატაცია.

კიდევ ერთი ძლიან მნიშნელოვანი რამ. ვინაიდან სიცხე ქრონიკული დაავადებების მქონე პირებისათვის გახლავთ ყველაზე მაღალი რისკის შემცველი, მნიშვნელოვანია, რომ ცხელი დღეების დადგომისთანავე მათ შესაბამისი კონსულტაცია გაიარონ მკურნალ ექიმთან და გაარკვიონ საჭიროებს თუ არა ექიმის დანიშნულება ცვლილებას.

ჯანმრთელობას გისურვებთ!

0
თემები:
ჯანმრთელობა და სილამაზე