Delta-ს ჯავშანმანქანა

მაისაია: სამხედრო მრეწველობის განვითარება საქართველოში სწორი პოლიტიკაა

142
(განახლებულია 20:56 09.06.2020)
სამხედრო ექსპერტის თქმით, სამხედრო-სამრეწველო კომპლექსის განვითარებით საქართველო სწორ ნაბიჯებს გადადგამს.

თბილისი, 9 ივნისი — Sputnik. სამხედრო-სამრეწველო კომპლექსის განვითარება და შეიარაღების წარმოება საქართველოსთვის პრესტიჟის საგანია, განუცხადა „Sputnik-საქართველოს“ სამხედრო ექსპერტმა ვახტანგ მაისაიამ.

საქართველო იარაღის წარმოების დაწყებას აპირებს – რა გეგმები აქვს თავდაცვის უწყებას >>

სამხედრო მრეწველობის განვითარება საქართველოს თავდაცვის სამინისტროსთვის პრიორიტეტს წარმოადგენს. როგორც უწყების ხელმძღვანელმა ირაკლი ღარიბაშვილმა განაცხადა, დაიწყო მუშაობა ქვეყანაში მსოფლიო სტანდარტების შესაბამისი საბრძოლო თვითმფრინავების, ყუმბარმტყორცნების, ყუმბარებისა და რაკეტების წარმოების საკითხზე. მინისტრმა აღნიშნა, რომ საქართველოს აბსოლუტურად ყველა რესურსი აქვს – ტექნიკური, ინტელექტუალური თუ ადამიანური, რომ საკუთარი ძალებით შეძლოს Су-25-ების აღდგენა, გამოშვება, ახლების წარმოება და შემდეგ სხვადასხვა ქვეყნებში სარფიანად გაყიდვა.

„ვფიქრობ, რომ სამხედრო-სამრეწველო კომპლექსის განვითარებაზე ფსონის დადება ძალზე სწორი ნაბიჯია, და ღარიბაშვილს ჩვენი სამხედრო პოლიტიკა სწორი მიმართულებით მიჰყავს. როგორ განხორციელდება ეს გეგმები, ეს უკვე დროის საკითხია და დამოკიდებულია იმაზე, რამდენად სწორ მიდგომას შეარჩევს თავდაცვის მინისტრი. რაც მთავარია, იდეები და გეგმები ძალიან კარგი და სწორია", – მიიჩნევს მაისაია.

ექსპერტის აზრით, თავდაცვის ინდუსტრია არის ნებისმიერი სახელმწიფოს სამხედრო პოლიტიკის ერთ-ერთი ყველაზე მნიშვნელოვანი საყრდენი. ეს მომგებიანია ეკონომიკური თვალსაზრისით, რადგან ხელს შეუწყობს საქართველოს საექსპორტო პოტენციალის გაფართოებას.

„მეზობელი სომხეთიც კი უკვე ავითარებს საკუთარ სამხედრო-სამრეწველო კომპლექსს, აღარაფერს ვამბობ აზერბაიჯანზე. ამ თვალსაზრისით საქართველო ძალიან ჩამორჩებოდა. როგორც თავდაცვის მინისტრმა აღნიშნა, ჩვენ, სამწუხაროდ, გვყავს მოძველებული სამხედრო ტექნიკა, რომელიც მოდერნიზაციას საჭიროებს”, – განაცხადა მაისაიამ.

ღარიბაშვილმა აღნიშნა, რომ საქართველოს საკუთრებაშია მრავალი საფრენი აპარატი – თვითმფრინავი, ვერტმფრენი, რომლებსაც რემონტი ესაჭიროება და ამის განხორციელება შესაძლებელია არსებული ქარხნებით.

„დელტას“ ისტორია მე-20 საუკუნის 60-იან წლებში იწყება. დღევანდელი სახით სახელმწიფო სამხედრო სამეცნიერო-ტექნიკური ცენტრი 2010 წლიდან არსებობს. ის აერთიანებს ექვს სამეცნიერო-კვლევით ინსტიტუტს და თბილისის საავიაციო ქარხანას და თავდაცვის სამინისტროს კონტროლის ქვეშაა.

„დელტა“ აწარმოებს ჯავშანმანქანებს, ნაღმმტყორცნებს, ყუმბარმტყორცნებს, უნივერსალურ საბრძოლო მოდულებს, უპილოტო საფრენ აპარატებს, პისტოლეტებს, შაშხანებს, ჯავშანჟილეტებს და სხვ. და ექსპორტზე გააქვს ეს პროდუქცია.

142
თემები:
საქართველოს თავდაცვა (85)
სამგზავრო თვითმფრინავი ცაში

რომელი ქვეყნების მოქალაქეები და რა პირობებით ჩამოვლენ საქართველოში

210
(განახლებულია 23:31 09.07.2020)
საქართველოში ჩამოსვლა ნებადართულია 18 ქვეყნის მოქალაქეებისთვის, მაგრამ ხუთი მათგანის მოქალაქეებისთვის განსაკუთრებული შეზღუდვები არ იმოქმედებს

თბილისი, 9 ივლისი – Sputnik. თითქმის ოთხთვიანი პაუზის შემდეგ საქართველო თავის საზღვრებს 18 ქვეყნის მოქალაქეებს უხსნის, თუმცა თითოეული მათგანისთვის გარკვეული რეკომენდაციები და შეზღუდვები დაწესდა.

ქვეყნების ჩამონათალი და მოგზაურთათვის ქვეყანაში ყოფნის პირობები მოყვანილია მთავრობის განკარგულებაში, რომელიც 9 ივლისს 00:00 საათიდან ამოქმედდა. ავიაბილეთების გაყიდვის პროტოკოლები ცნობილი გახდება უახლოეს დღეებში.

ხუთი ქვეყნის მოქალაქეებისთვის საქართველოს საზღვარი ყოველგვარი პირობის გარეშე იხსნება, თუმცა მხოლოდ საჰაერო გზით. ეს არის გერმანია, საფრანგეთი, ლატვია, ლიეტუვა და ესტონეთი.

ამ ქვეყნების მოქალაქეები ქვეყანაში უნდა ჩამოვიდნენ პირდაპირი ავიარეისით და შეავსონ სპეციალური ელექტრონული ანკეტა, სადაც უნდა მიუთითონ მოგზაურობის ისტორია ბოლო 14 დღის განმავლობაში, დატოვონ საკონტაქტო ტელეფონი და იმ ადგილის მისამართი, სადაც გაჩერდებიან.

ვიზიტორთა საერთო რაოდენობის - 9 მილიონის გათვალისწინებით, გასულ წელს საქართველოს ამ ხუთი ქვეყნიდან დაახლოებით 170 ათასი ადამიანი ესტუმრა: საფრანგეთიდან - 27 951, გერმანიიდან - 89 051, ლიეტუვიდან - 22 381, ლატვიიდან – 20 514 და ესტონეთიდან - 12 482.

საქართველო ამ ეტაპზე საზღვარს უხსნის კიდევ 13 ქვეყნის მოქალაქეებსა და რეზიდენტებს: ეს არის ესპანეთი, ლუქსემბურგი, ნიდერლანდები, პოლონეთი, პორტუგალია, რუმინეთი, საბერძნეთი, შვედეთი, ხორვატია, იტალია, სლოვაკეთი, ისლანდია და კვიპროსი. მაგრამ მათთვის ორკვირიანი კარანტინის გავლა სავალდებულოა, თანაც საკუთარი ხარჯით.

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/9 ივლისი >>

რაც შეეხება სამშობლოში დაბრუნებულ საქართველოს მოქალაქეებს, მათთვის 14-დღიანი კარანტინის გავლა ძალაში რჩება, თუმცა ამ შემთხვევაში ხარჯებს სახელმწიფო ფარავს.

ქვეყნების ჩამონათალი, რომელთათვის საქართველო საზღვრებს ხსნის, ორ კვირაში ერთხელ გადაიხედება და განახლდება.

 

210
ვალუტის გადაცვლის პუნქტები

მდიდრები და ღარიბები რომელ პარტიას რამდენი ფული აქვს

71
(განახლებულია 22:05 09.07.2020)
საქართველოს 19 პოლიტიკური პარტიის შემოსავლების თითქმის ნახევარი მმართველ „ქართულ ოცნებაზე“ მოდის და ყველაზე მეტსაც ის ხარჯავს.

თბილისი, 9 ივლისი – Sputnik. ამ დროისათვის საქართველოში ყველაზე მდიდარი პარტია კვლავ მმართველი „ქართული ოცნება – დემოკრატიული საქართველოა“.

დაჩქარებული წესით: პარლამენტმა საარჩევნო კოდექსში ცვლილებები საბოლოოდ დაამტკიცა>>

არასამთავრობო ორგანიზაცია „საერთაშორისო გამჭვირვალობა – საქართველოს“ 2019 წლის მონაცემებით, 19 პოლიტიკურ პარტიას შორის, რომელთა შემოსავლებში ან ხარჯებში 100 ათას ლარზე მეტი თანხა აღინიშნება, „ქართული ოცნება“ ყველაზე მდიდარია – მის ანგარიშზე თითქმის 10 მლნ ლარია.

გასულ წელს 19 პარტიის ერთიანი შემოსავალი 20 739 364 ლარი იყო. ამ თანხის თითქმის ნახევარი – 9 502 653 ლარი მმართველი პარტია „ქართული ოცნების“ ანგარიშებზე შევიდა, ნათქვამია ორგანიზაციის ანგარიშში.

მაღალშემოსავლიანი პარტიების სამეულში არიან ასევე „საქართველოს პატრიოტთა ალიანსი“ – 1 676 618 ლარი და „ევროპული საქართველო“ – 1 643 099 ლარი.

ამასთან, პარტიების მიერ მიღებული საერთო შემოსავლების 59% (12 301 675 ლარი) – სახელმწიფოს დაფინანსებაა, ხოლო 41% (8 437 689 ლარი) – კერძო პირების შემოწირულობები.

ანგარიშის თანახმად, თუ მხედველობაში არ მივიღებთ „ქართულ ოცნებას“, დანარჩენი 18 პარტიის სახსრების 88% სახელმწიფო დაფინანსებაზე მოდის, ეს კი ნიშნავს, რომ ისინი, პრაქტიკულად, ბიუჯეტზე არიან დამოკიდებული.

ამ 19 პარტიიდან მხოლოდ ერთს – „ლელოს“ არ მიუღია სახელმწიფო დაფინანსება, რადგან 2019 წელს შეიქმნა და არჩევნებში მონაწილეობა ჯერ არ მიუღია.

გზა ხსნილია: რამდენი ხელმოწერა უნდა შეაგროვონ პარტიებმა არჩევნებში მონაწილეობისთვის>>

„2019 წელს 19 პარტიიდან 13-მა მთლიანობაში 8 362 581 ლარის ოდენობის შემოწირულება მიიღო 450 ფიზიკური და 26 იურიდიული პირისგან. შემოწირულებების 84% – 7 036 166 ლარი მმართველ პარტიაზე მოდიოდა“, – აღნიშნულია ანგარიშში.

ანუ „ქართულმა ოცნებამ“ 14-ჯერ მეტი თანხა მიიღო, ვიდრე „ლელომ”, რომელიც კერძო დაფინანსების მხრივ მეორე ადგილზე იმყოფება და 5-ჯერ მეტი, ვიდრე დანარჩენმა 18-მა პარტიამ ერთად.

გასული წლების ანალიზის საფუძველზე „საერთაშორისო გამჭვირვალობა – საქართველომ“ დაადგინა ფიზიკური და იურიდიული პირების მუდმივი წრე, რომლებიც „ქართულ ოცნებას“ ყველა არჩევნებზე აფინანსებენ. ყველა ამ ბიზნეს-ჯგუფს ერთი მახასიათებელი აქვს – მათი წევრების უმრავლესობა თანხას მმართველ პარტიას ერთსა და იმავე დღეს, ან 1–2 დღის განსხვავებით ურიცხავს, რაც ეჭვებს ბადებს – ხომ არ არის ეს „კოლექტიური აქცია“ ვინმეს მიერ წინასწარ ორგანიზებული.

რაც შეეხება ხარჯებს, არასამთავრობო ორგანიზაციის მონაცემებით, 2019 წელს 19-მა პარტიამ მთლიანობაში დახარჯა 20 723 057 ლარი, აქედან 43% – 8 877 711 ლარი – მმართველმა პარტიამ. 2 206 248 ლარით მეორე ადგილზეა „ევროპული საქართველო“, ხოლო მესამეზე 1 671 775 ლარით – „პატრიოტთა ალიანსი“.

პარტიებმა 2019 წელს რეკლამაზე დახარჯეს 2 352 736 ლარი, ამ თანხის 74% – 1 747 140 ლარი „ქართულ ოცნებაზე“ მოდის. მმართველმა პარტიამ რეკლამაზე სამჯერ მეტი დახარჯა, ვიდრე 18-მა პარტიამ ერთად (605 596 ლარი), ნათქვამია ანგარიშში.

„პოლიტიკური დაფინანსების მნიშვნელოვან გამოწვევას Facebook-ზე დასპონსორებული პოლიტიკური შინაარსის საინფორმაციო მასალა წარმოადგენს, რომლის დამკვეთიც არ არის საჯარო“, – აღნიშნავენ ორგანიზაციაში და დასძენენ, რომ სახელმწიფო აუდიტის სამსახური ვერ აკონტროლებს ფინანსების ხარჯვას სოციალურ ქსელებში და ეს პრობლემა გადაჭრას მოითხოვს.

როგორც არასამთავრობო ორგანიზაცია აღნიშნავს, სახელმწიფო აუდიტის მხრიდან მეტი ყურადღება უნდა დაეთმოს პარტიების ფინანსური დეკლარაციების ეფექტურ შემოწმებას, ხოლო პარტიებმა მეტი აქცენტი უნდა გააკეთონ სახსრების სხვადასხვა აქციითა და კამპანიით მოზიდვაზე.

71
თემები:
საქართველოს პოლიტიკური ცხოვრება
ვალუტის გაცვლის პუნქტი

ლარის კურსი 10 ივლისს

0
(განახლებულია 17:42 09.07.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0006 ლარით გაუფასურდა. 

თბილისი, 10 ივლისი — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,0600 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0006 ლარით გაუფასურდა.

ლარის კურსი 10 ივლისს
ლარის კურსი 10 ივლისს
0
თემები:
ლარის კურსი დღეს