ზურაბ გირჩი ჯაფარიძე

მაჟორიტარები არ გვეყოლება: „გირჩის“ გეგმები საპარლამენტო არჩევნებზე

51
(განახლებულია 20:46 06.06.2020)
მომავალ საპარლამენტო არჩევნებზე „გირჩის“ მხარდამჭერები ოპოზიციის მაჟორიტარობის კანდიდატებს დაუდგებიან გვერდში

თბილისი, 6 ივნისი - Sputnik. ყველაზე არაორდინარული პარტია „ახალი პოლიტიკური ცენტრი - გირჩი“ ერთმანდატიან ოლქებში კანდიდატებს არ წარადგენს, განაცხადა პარტიის ლიდერმა ზურაბ გირჩი ჯაფარიძემ.

არჩევნები და კორონავირუსის გავრცელების საფრთხე: რა რეგულაციებს დააწესებს ხელისუფლება >>

პარტი „გირჩი“ გაერთიანებული ოპოზიციის ნაწილია, რომელიც ახლა აქტიურად განიხილავს 31 ოქტომბრისთვის დაგეგმილ საპარლამენტო არჩევნებში მონაწილეობის სტრატეგიას. ძირითადი იდეაა ერთიანი კანდიდატების წარდგენა.

„გირჩიდან“ მე განვიხილებოდი როგორც შესაძლო მაჟორიტარობის კანდიდატი ვაკეში. მე უარს ვამბობ ამ შესაძლებლობაზე, რაც ნიშნავს, რომ „გირჩი“ წლევანდელ საპარლამენტო არჩევნებში მონაწილეობას მიიღებს მხოლოდ პარტიული სიით“, - განაცხადა ჯაფარიძემ ტელეარხ „ფორმულას“ ეთერში.

ამასთან მან აღნიშნა, რომ „გირჩის“ მომხრეები მაჟორიტარი დეპუტატების არჩევნებზე მხარს ოპოზიციის კანდიდატებს დაუჭერენ.

„ვაკეში განიხილებოდა ელენე ხოშტარიას კანდიდატურა („ევროპული საქართველოს“ კანდიდატურა - რედ.) და თუ იქნება ელენე ხოშტარია წავალ მე დიდი სიამოვნებით შემოვხაზავ მას”, – განაცხადა ზურაბ ჯაფარიძემ.

„გირჩისთვის“ ეს პირველი საპარლამენტო არჩევნებია. ის ახალგაზრდობაში დიდი პოპულარობით სარგებლობს. ამ პარტიის ერთ-ერთმა ლიდერმა ზურაბ ჯაფარიძემ საპრეზიდენტო არჩევნებში მეხუთე ადგილის დაკავება (2%-ით) შეძლო და წინასაარჩევნო კამპანიაზე ყველა კანდიდატთან შედარებით მინიმალური თანხა დახარჯა.

პარტია „გირჩი“ პოლიტიკურ ასპარეზზე 2015 წელს გამოჩნდა და ის ყოფილი მმართველი პარტია „ერთიანი ნაციონალური მოძრაობის“ სამმა წარმომადგენელმა შექმნა.

პარტია ლიბერალური მიმდინარეობისაა და ცნობილია თავისი არაორდინარული საქციელით. მისმა ლიდერებმა შესანიშნავად იციან, როგორ აუარონ გვერდი კანონს. ამ პარტიის წყალობით საქართველოში მარიხუანას დეკრიმინალიზაცია მოხდა.

51
თემები:
საქართველოს საპარლამენტო არჩევნები 2020 (63)
კახა კალაძე

„ქართულმა ოცნებამ“ კახეთში მაჟორიტარი დეპუტატობის კანდიდატი წარადგინა

22
დეპუტატის მანდატისთვის მმართველი პარტიიდან კახეთში ამავე რეგიონის ყოფილი გუბერნატორი ირაკლი ქადაგიშვილი იბრძოლებს

თბილისი, 10 აგვისტო – Sputnik. მმართველმა პარტია „ქართულმა ოცნებამ“ თელავი–ახმეტა–ყვარელი–ლაგოდეხის საარჩევნო ოლქში საპარლამენტო არჩევნებზე მაჟორიტარობის კანდიდატი ოფიციალურად წარადგინა. ის რეგიონის ყოფილი გუბერნატორი ირაკლი ქადაგიშვილი იქნება.

ამომრჩეველთან შეხვედრაზე თელავში კანდიდატი პარტიის გენერალურმა მდივანმა, თბილისის მერმა კახა კალაძემ წარადგინა.

კალაძემ აღნიშნა, რომ კახეთი ყოველთვის იყო და არის საქართველოს ერთ-ერთი მთავარი მამოძრავებელი ძალა. „ლაღი, მშრომელი ადამიანებით დასახლებულ ამ მშვენიერ და სტუმართმოყვარე მხარეს ყოველთვის გადამწყვეტი წვლილი შეჰქონდა ჩვენი ქვეყნის ისტორიაში“.

მისი თქმით, კახეთი მალე გახდება უფრო ძლიერი და მდიდარი, ხოლო რეგიონის წარმატებისთვის ბრძოლაში ყველა ერთად უნდა ჩაებას.

შეკრებილების წინაშე სიტყვით გამოვიდა საქართველოს პრემიერ–მინისტრი გიორგი გახარია. მთავრობის მეთაური უფრო კონკრეტული იყო და რეგიონის მიღწევებზე 2012 წლის შემდეგ ციფრებით ისაუბრა.

პრემიერმა აღნიშნა, რომ უნდა გაგრძელდეს ყველა პროექტი და პროგრამა, რომლებიც კახეთის განვითარებისთვის ხორციელდება, და ეს ყველაფერი უნდა გაკეთდეს „ქართული ოცნების“ მაჟორიტარობის კანდიდატ ირაკლი ქადაგიშვილთან ერთად.

„ქართული ოცნების“ ლიდერები გამარჯვების მოლოდინში: ასპარეზზე ბიძინა ივანიშვილი გამოჩნდა>>

„ყველას კარგად გვახსოვს რამხელა კონცენტრირებული ყურადღება იყო მიმართული კახეთისკენ. მარტივი მაგალითს მოგიყვანთ – 2012 წელს კახეთში მოიკრიფა დაახლოებით 52 000 ტონა ყურძენი, 2019 წელს კი 278 000 ტონა ყურძენი, 5 – ჯერ მეტი, ეს არის ჩვენი, ყველას ერთობლივი შრომის შედეგი და, რა თქმა უნდა, ეს უნდა გავაგრძელოთ. რა თქმა უნდა, სახელმწიფომ უნდა იზრუნოს თავის ფერმერზე, გვერდში უნდა დაუდგეს თითოეულ მშრომელ ადამიანს, რომელსაც მოჰყავს ყურძენი, რომელიც აკეთებს მსოფლიოში საუკეთესო ღვინოს. ყველაფერი უნდა გავაკეთოთ იმისთვის, რომ კახელი გლეხის შრომა იყოს დაფასებული“, – განაცხადა გახარიამ.

გახარიას განცხადებით, ირაკლი ქადაგიშვილმა კარგად იცის რეგიონის პრობლემები და არჩევნებიდან მეორე დღესვე დაიწყებს მუშაობას რეგიონის შემდგომ განვითარებაზე.

დეპუტატობის კანდიდატმა კი განაცხადა, რომ „ქართული ოცნება“ არჩევნებზე ქართველ ხალხთან ერთად გაიმარჯვებს.

„ოთხი წლის წინ, როდესაც მქონდა შემოთავაზება, თბილისში გამეგრძელებინა ჩემი პოლიტიკური საქმიანობა თუ წამოვსულიყავი კახეთში, მე უყოყმანოდ ავირჩიე აქ წამოსვლა, იმიტომ, რომ ეს ჩემთვის იყო გარკვეული გამოწვევა, ჩემი მშობლიური მხარისთვის მემსახურა, გამეკეთებინა ჩემი შესაძლებლობების მაქსიმუმი“, – განაცხადა ქადაგიშვილმა.

მან კახეთის გუბერნატორობის ოთხწლიან პერიოდს საუკეთესო წლები უწოდა.

„გირჩის“ ლიდერი პარლამენტის მაჟორიტარ დეპუტატობას აპირებს>>

ის ამომრჩეველს დაჰპირდა, რომ განავითარებს რეგიონის სოციალურ–ეკონომიკურ პოტენციალს, ხელს შეუწყობს მნიშვნელოვანი პროექტების რეალიზაციასა და ინვესტიციების მოზიდვას.

კანდიდატმა აღნიშნა, რომ ქვეყანას სჭირდება მშვიდობა, ცოდნა, შრომა და გამდიდრება.

„მხოლოდ მდიდარ, განათლებულ, თავის თავში დარწმუნებულ, ღირსების მატარებელ ქვეყანას შეუძლია იამაყოს თავისი წარსულით, აწმყოთი, მომავლით“, – განაცხადა ქადაგიშვილმა.

ქადაგიშვილის მთავარი მეტოქეები თელავი–ახმეტა–ყვარელი–ლაგოდეხის საარჩევნო ოლქში იქნებიან ოპოზიციური პარტიების კანდიდატები: „ევროპული საქართველოდან ზურაბ ჭიაბერაშვილი და „ერთიანი ნაციონალური მოძრაობიდან“ გიორგი ბოტკოველი.

22
თემები:
საქართველოს საპარლამენტო არჩევნები 2020 (63)
ზურაბ ჯაფარიძე

„გირჩის“ ლიდერი პარლამენტის მაჟორიტარ დეპუტატობას აპირებს

53
(განახლებულია 15:20 10.08.2020)
ზურაბ ჯაფარიძის ერთ-ერთი ძირითადი კონკურენტი დიდუბე-ჩუღურეთის საარჩევნო ოლქში მმართველი პარტიის წარმომადგენელი გია ვოლსკი იქნება.

თბილისი, 10 აგვისტო – Sputnik. ყველაზე არაორდინარული პარტია „გირჩის“ ლიდერი ზურაბ ჯაფარიძე აცხადებს, რომ საპარლამენტო არჩევნებზე დიდუბე–ჩუღურეთის საარჩევნო ოლქში იყრის კენჭს. ამის შესახებ პოლიტიკოსმა თავის Facebook-გვერდზე დაწერა.

„ავტომობილი საჩუქრად“ – რა სიურპრიზს უმზადებს არჩევნებზე მისულ ამომრჩეველს „გირჩი“>>

როგორც ჯაფარიძემ დაწერა, პარტია „გირჩი“ რამდენიმე კვირის წინ ოპოზიციას ერთობლივი კანდიდატების შერჩევის პროცესიდან გამოეყო.

„ეს გადაწყვეტილება განპირობებული იყო სურვილით – გაადვილებულიყო შეთანხმება ერთიან კანდიდატებზე. მე საჯაროდ დავუჭირე მხარი „ევროპული საქართველოს“ კანდიდატს ვაკის მაჟორიტარულ ოლქში, ქ-ნ ელენე ხოშტარიას და ვრჩები ამ გადაწყვეტილების ერთგული. ამავე დროს, იმის გამო, რომ დროში გაიწელა თბილისის 6 ოლქის გარდა სხვა ოლქებში ერთიან ოპოზიციურ კანდიდატებზე შეთანხმების პროცესი, „გირჩმა“ მიიღო გადაწყვეტილება ჩაერთოს მაჟორიტარულ არჩევნებში“, – დაწერა ჯაფარიძემ.

მისი თქმით, სანამ ამგვარ გადაწყვეტილებას მიიღებდა, მან კონსულტაცია გაიარა რამდენიმე ოპოზიციურ პარტიასთან და მათ ეს ნაბიჯი დადებითად შეაფასეს.

ჯაფარიძეს ოპოზიციური პარტიების მხარდაჭერის იმედი აქვს.

ზურაბ ჯაფარიძე: როგორც ნაცრისფერ მასას, ისე ვუყურებ პოლიტიკურ პარტიებს>>

ზურაბ ჯაფარიძის ერთ-ერთი ძირითადი კონკურენტი დიდუბე–ჩუღურეთის საარჩევნო ოლქში მმართველი პარტიის წარმომადგენელი, პარლამენტის ვიცე-სპიკერი გია ვოლსკი იქნება.

„საბჭოთა საქართველოზე ოცნებიდან ჩემი კონკურენტი დიდუბე-ჩუღურეთის ოლქში იქნება ბ-ნი გია ვოლსკი, რომელსაც ამ წუთიდან ვიწვევ საჯაროდ სასაუბროდ ქვეყნისთვის საჭირბოროტო ნებისმიერ თემაზე, იქნება ეს ეკონომიკა თუ იქნება ეს დეოკუპაცია, მისთვის მისაღებ ნებისმიერ მედიაპლატფორმაზე, ნებისმიერ დღეს, ნებისმიერ დროს, ნებისმიერ ფორმატში“, – დაწერა ჯაფარიძემ.

დიდუბე–ჩუღურეთის ოლქში მაჟორიტარი დეპუტატობის სურვილი ივლისის ბოლოს მოძრაობის „ხალხისთვის“ ლიდერმა ანა დოლიძემაც გამოთქვა.

ეს დოლიძისთვის არჩევნებზე კანდიდატის სახით ბრძოლის პირველი გამოცდილებაა. ის დიდი ხანი მუშაობდა არასამთავრობო სექტორში, შემდეგ იყო პრეზიდენტის საპარლამენტო მდივანი, ხოლო 2018 წელს იუსტიციის უმაღლესი საბჭოს წევრი გახდა. ეს პოსტი ეკავა მას მიმდინარე წლის ივნისამდე – ამ დროს განაცხადა თავისი პოლიტიკური ამბიციებისა და პოლიტიკური პლატფორმის შექმნის შესახებ.

პარტია „გირჩისთვის“ ეს პირველი საპარლამენტო არჩევნებია, თუმცა ზურაბ ჯაფარიძეს წინასაარჩევნო რბოლაში მონაწილეობის გამოცდილება აქვს. მან საპრეზიდენტო არჩევნებში ხმების 2% მიიღო.

ანა დოლიძე: თამარ მეფემ დიდუბეში გადაიხადა ქორწილი...>>

„გირჩი“ პოლიტიკურ სარბიელზე 2015 წელს გამოჩნდა, პარტია „ერთიანი ნაციონალური მოძრაობის“ ყოფილმა წევრებმა შექმნეს.

პარტია ლიბერალური მიმართულებისაა და ცნობილია თავისი არაორდინარული საქციელითა და კანონის გვერდის ავლის უნარით. შეიძლება ითქვას, რომ მარიხუანის მოხმარების დეკრიმინალიზაციაში „გირჩმა“ ერთ-ერთი მთავარი როლი შეასრულა.

53
თემები:
საქართველოს საპარლამენტო არჩევნები 2020 (63)
ზურაბ ჯაფარიძე

ჯაფარიძე: გადავწყვიტე „გირჩის“ სახელით კენჭი ვიყარო დიდუბე-ჩუღურეთის მაჟორიტარულ ოლქში

0
(განახლებულია 13:35 10.08.2020)
„ახალი პოლიტიკური ცენტრი - გირჩის“ ლიდერი ზურაბ ჯაფარიძე საუბრობს დიდუბე-ჩუღურეთის მაჟორიტარულ ოლქში „გირჩის“ სახელით მაჟორიტარ კანდიდატად კენჭის ყრასთან დაკავშირებით
ჯაფარიძე: გადავწყვიტე „გირჩის“ სახელით კენჭი ვიყარო დიდუბე-ჩუღურეთის მაჟორიტარულ ოლქში
„მიუხედავად იმისა, რომ ძალიან მნიშვნელოვანი მგონია ჩემი აქტიური ჩართულობა „გირჩის“ წინასაარჩევნო კამპანიაში ქვეყნის მასშტაბით, რთულად წარმომიდგენია „გირჩის“ მონაწილეობა მაჟორიტარულ არჩევნებში ისე, რომ მე არ ვიყო კანდიდატი რომელიმე მაჟორიტარულ ოლქში. გადავწყვიტე „გირჩის“ სახელით კენჭი ვიყარო თბილისში, დიდუბე-ჩუღურეთის მაჟორიტარულ ოლქში. წინასწარი კონსულტაცია მქონდა რამდენიმე ოპოზიციური პარტიის ლიდერთან, რომლებმაც დამიდასტურეს საკუთარი კეთილგანწყობა ჩემს ამ გადაწყვეტილებასთან მიმართებაში. მე საჯაროდ დავუჭირე მხარი „ევროპული საქართველოს“ კანდიდატს ვაკის მაჟორიტარულ ოლქში, ელენე ხოშტარიას და ვრჩები ამ გადაწყვეტილების ერთგული.“ - აცხადებს ზურაბ ჯაფარიძე.

ზურაბ ჯაფარიძის განმარტებით, ამ ოლქში მისი კონკურენტი „ქართული ოცნების“ მაჟორიტარობის კანდიდატი გია ვოლსკი იქნება.

0