პარლამენტის სხდომათა დარბაზი

2020 წლის არჩევნები: საქართველოს პარლამენტი საკონსტიტუციო შესწორებების განხილვას იწყებს

79
(განახლებულია 17:54 26.05.2020)
შესწორებების განხილვა დისტანციურ რეჟიმში, ოპოზიციის მონაწილეობის გარეშე გაიმართება – ოპოზიცია ხელისუფლებისგან 8 მარტის შეთანხმების სრულად შესრულებას მოითხოვს.

თბილისი, 26 მაისი – Sputnik. საქართველოს კონსტიტუციაში საარჩევნო სისტემის ცვლილებასთან დაკავშირებით შესწორებების განხილვა, სავარაუდოდ, მომავალი კვირიდან დაიწყება და კორონავირუსის პანდემიის გამო დისტანციურ რეჟიმში გაიმართება, განაცხადა პარლამენტის იურიდიულ საკითხთა კომიტეტის თავმჯდომარემ ანრი ოხანაშვილმა. 

2020 წლის 31 ოქტომბრის საპარლამენტო არჩევნების ახალი სისტემით ჩატარება საერთაშორისო საზოგადოების მხრიდან საქართველოსადმი ერთ-ერთი ძირითადი მოთხოვნაა.

განხილვის გრაფიკი და სხვა დეტალები ოთხშაბათს პარლამენტის ბიუროს სხდომაზე გახდება ცნობილი, იუწყება ტელეკომპანია „რუსთავი 2“. 

საპარლამენტო ოპოზიცია, რომელიც საარჩევნო სისტემის ცვლილებას მოითხოვდა, საკონსტიტუციო შესწორებების განხილვაში მონაწილეობის მიღებას და მხარდაჭერას არ აპირებს, ვიდრე ხელისუფლება სრულად არ შეასრულებს 8 მარტის შეთანხმებას, კერძოდ, არ გაათავისუფლებს „პოლიტპატიმრებს“, რომელთაგან ამჟამად მხოლოდ ერთ პატიმარზეა ლაპარაკი – გიორგი რურუაზე.

„ჩვენ განხილვებში მონაწილეობას არ მივიღებთ, რადგანაც შეთანხმება ბოლომდე არ შესრულდა. დარჩა მხოლოდ ერთი პატარა ნაბიჯი – გიორგი რურუას გათავისუფლება და ჩვენ დიდი იმედი გვაქვს, რომ ისინი ამას გააკეთებენ, რადგანაც ხალხისა და საერთაშორისო საზოგადოების მხრიდან ზეწოლა ძალზე დიდია. ამის შემდგომ ჩვენ დავბრუნდებით პარლამენტში და მონაწილეობას მივიღებთ კენჭისყრაში“, – განაცხადა ფრაქცია „ნაციონალური მოძრაობის“ თავმჯდომარემ რომან გოცირიძემ. 

საქართველოს პრეზიდენტმა, პოლიტიკური კრიზისისა და 2020 წლის საპარლამენტო არჩევნების ახალი სისტემით ჩატარებასთან დაკავშირებით საკონსტიტუციო შესწორებების თაობაზე შეთანხმების შესაძლო ჩავარდნის ფონზე, მოულოდნელად 15 მაისს ორი მსჯავრდებული – „ევროპული საქართველოს“ ერთ-ერთი ლიდერი გიგი უგულავა და პარტია „გამარჯვებული საქართველოს“ ლიდერი ირაკლი ოქრუაშვილი შეიწყალა, რომელთა გათავისუფლებასაც ასევე მოითხოვდა ოპოზიცია.

ოპოზიციური ტელეკომპანია „მთავარი არხის“ ერთ-ერთ დამფუძნებელ გიორგი რურუაზე პრეზიდენტის შეწყალება ვერ გავრცელდებოდა, რადგან სასამართლოს მის საქმესთან დაკავშირებით საბოლოო განაჩენი ჯერ არ გამოუტანია. კულტურის ყოფილი მინისტრის ნიკა რურუას ძმა გიორგი რურუა 2019 წლის ნოემბერში ცეცხლსასროლი იარაღის უკანონო ტარების ბრალდებით დააკავეს. თუმცა ოპოზიცია ამტკიცებს, რომ რურუას იარაღი პოლიციამ ჩაუდო, რადგანაც რურუას საკუთარი, ოფიციალურად გაფორმებული ბევრი იარაღის შენახვის უფლება აქვს. თავად რურუამ განაცხადა, რომ მოცემულ საქმეში დაზარალებული მხარეა.

საკონსტიტუციო შესწორებების მისაღებად საჭიროა 112 დეპუტატის ხმა, მმართველი პარტიის საპარლამენტო უმრავლესობას კი სულ 93 ხმა აქვს, ამიტომაც მას ოპოზიციის ნაწილის მხარდაჭერა სჭირდება. 

საკანონმდებლო ინიციატივა პარლამენტში 11 მარტს დარეგისტრირდა. შესწორებების თანახმად, არჩევნების ახალ სისტემაში იცვლება ოლქების რაოდენობა, პარტიების გამსვლელი ბარიერი და პარლამენტში ადგილების გადანაწილების სისტემა.

წარმოდგენილ ვარიანტში 73-ის ნაცვლად 30 ერთმანდატიანი მაჟორიტარული ოლქია, პარტიებისთვის გამსვლელი ბარიერი კი 1%. არჩევნების შედეგებით პარტიების ან ბლოკების მიერ მიღებული ადგილების რაოდენობა პარლამენტში დამოკიდებული იქნება არჩევნების შედეგად ერთმანდატიან ოლქებში მიღებულ ადგილებზე.

პარტია ან ბლოკი, ყველა მაჟორიტარულ ოლქში გამარჯვების შემთხვევაშიც კი, არჩევნების შედეგად მიიღებს იმაზე არაუმეტეს ერთი მეოთხედით მეტ მანდატს, ვიდრე მას პროპორციული არჩევნების შედეგად ეკუთვნის.

79
თემები:
საქართველოს პოლიტიკური ცხოვრება (102)
გიორგი ვაშაძე

„ძალა ერთობაშია“ იშლება? ვინ ტოვებს გაერთიანებას

61
(განახლებულია 03:13 15.07.2020)
პარტია „ახალმა საქართველომ“, გაერთიანებაში შემავალი სხვა თანამოაზრეებისგან განსხვავებით, ცესკოში რეგისტრაცია უკვე გაიარა.

თბილისი, 14 ივლისი – Sputnik. ოპოზიციური გაერთიანება „ძალა ერთობაშია“ დაშლის პირასაა, პარტიები არჩევნებში მონაწილეობას ცალ-ცალკე აპირებენ, განაცხადა პარტია „ახალი საქართველოს“ ლიდერმა გიორგი ვაშაძემ.

„ძალა ერთობაშია“ აერთიანებს 11 ოპოზიციურ პარტიას, მათ შორის ერთ-ერთია ყოფილი მმართველი პარტია „ერთიანი ნაციონალური მოძრაობა“. გაერთიანება 2018 წლის ზაფხულში შეიქმნა და მმართველ პარტია „ქართულ ოცნებას“ საპრეზიდენტო არჩევნებში დაუპირისპირდა, თუმცა მისმა კანდიდატმა გია ვაშაძემ არჩევნებზე მეორე ადგილი დაიკავა.

„არის ასეთი საუბარი, არ დაგიმალავთ, რომ მოხდეს გარკვეულწილად დამოუკიდებლად, ცალ-ცალკე პროპორციულ არჩევნებში მონაწილეობა იმისთვის, რომ მაქსიმალურად მოპოვებული იყოს ყველა ოპოზიციური ხმა და არც ერთი ხმა არ დავკარგოთ, ჩვენი კვლევები და მონაცემებიც ამას უჩვენებს. შესაბამისად, ნამდვილად, „ნაციონალური მოძრაობაც“ ფიქრობს, მიიღოს მონაწილეობა არა ერთად, არამედ ცალკე, ჩვენც ცალკე და ა.შ.“, - განუცხადა ვაშაძემ ჟურნალისტებს.

ამასთან, თავად „ახალმა საქართველომ“, გაერთიანებაში შემავალი სხვა თანამოაზრეებისგან განსხვავებით, ცესკოში რეგისტრაცია უკვე გაიარა.

გაერთიანებაში შემავალი სხვა პარტიის - „სახელმწიფო ხალხისთვის“ - წარმომადგენელი ნიკა მაჭუტაძე დარწმუნებულია, რომ ერთიანობა შენარჩუნდება.

„ჩვენ გვაქვს ინტენსიური საუბრები სტრატეგიასთან დაკავშირებით, რომელიც გულისხმობს არჩევნებში ჩვენს ერთობლივ მონაწილეობას. დადასტურებულად შემიძლია გითხრათ, რომ ეს ფორმატი არის ერთიანი, მტკიცე. გაერთიანებული ოპოზიციის ფორმატი „ნაციონალურ მოძრაობასთან“ ერთად,– განაცხადა ნიკა მაჭუტაძემ.

მისი თქმით, საბოლოო გადაწყვეტილებას გაერთიანება განხილვის შემდეგ უახლოეს დროს მიიღებს.

ამასთან, გაერთიანების მთავარი ფიგურა - „ერთიანი ნაციონალური მოძრაობა“ ჯერჯერობით ვერ ასახელებს, რა ფორმატით აპირებს პარტია არჩევნებში მონაწილეობას.

საპარლამენტო არჩევნები საქართველოში 31 ოქტომბერს გაიმართება. პარლამენტში მოსახვედრად პარტიამ ხმების 1% უნდა მიიღოს, ბლოკმა - იმდენი პროცენტი, რამდენი პარტიაც არის მის შემადგენლობაში.

დღეისათვის ოპოზიციური პარტიების უმრავლესობა აცხადებს, რომ არჩევნებზე გასვლას ცალ-ცალკე აპირებს და გაერთიანებას მხოლოდ მაჟორიტარული არჩევნებისთვის გეგმავენ.

ცესკოში რეგისტრაცია 14-მა პარტიამ გაიარა. არჩევნების მონაწილეების საბოლოო სია არჩევნებამდე 30 დღით ადრე გახდება ცნობილი.

61
თემები:
საქართველოს საპარლამენტო არჩევნები 2020
ცესკო

არჩევნები 2020: ცესკო პარტიების რეგისტრაციას აგრძელებს

60
(განახლებულია 22:32 14.07.2020)
2020 წლის საპარლამენტო არჩევნებში მონაწილეობის მისაღებად ცენტრალურმა საარჩევნო კომისიამ უკვე 14 პარტია დარეგისტრირდა

თბილისი, 14 ივლისი — Sputnik. საქართველოს ცენტრალური საარჩევნო კომისია (ცესკო) აგრძელებს პარტიების რეგისტრაციას საპარლამენტო არჩევნებში მონაწილეობის მისაღებად, ნათქვამია ცესკოს ვებგვერდზე გავრცელებულ განცხადებაში.

საპარლამენტო არჩევნები საქართველოში 31 ოქტომბერს გაიმართება.

ცესკოს თავმჯდომარის, ნინო ჟვანიას განკარგულებით სამშაბათისთვის რეგისტრაცია გაიარა კიდევ სამმა პარტიამ: „ერთიანი საქართველო-დემოკრატიული მოძრაობა“ (ნინო ბურჯანაძე), „პოლიტიკური პლატფორმა - ახალი საქართველო“ (გიორგი ვაშაძე); „თავისუფლება-ზვიად გამსახურდიას გზა“ (მალხაზ გორგასლიძე).

ამგვარად, ამ დროისთვის ცესკოში სულ 14 პარტიაა რეგისტრირებული.

პარტიების განაცხადების მიღება არჩევნებამდე 43 დღით ადრე - 21 სექტემბერს შეწყდება. ამის შემდეგ პარტიებმა, რომლებმაც წინა არჩევნებზე 15 ათასი ხმა ვერ მოიპოვეს, ცესკოში უნდა წარადგინონ 5 ათასი მხარდამჭერის ხელმოწერა - ბლანკებზე და ელექტრონული სახით.

პარტიების საბოლოო ჩამონათვალი გახდება ცნობილი სიების შემოწმების შემდეგ, არჩევნებამდე 30 დღით ადრე - 2 ოქტომბერს. იმავე დროს პარტიებს ბიულეტენში თავიანთი რიგითი ნომრები მიენიჭებათ.

პარლამენტში მოსახვედრად პარტიამ არჩევნებზე მისული ამომრჩევლების ხმების სულ მცირე 1% უნდა მიიღოს.

60
თემები:
საქართველოს საპარლამენტო არჩევნები 2020
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 15 ივლისს

0
(განახლებულია 09:50 15.07.2020)
გადაუდებელი სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 15 ივლისი — Sputnik. სააქციო საზოგადოება „თელასი" იუწყება, რომ 15 ივლისს გადაუდებელი სარემონტო სამუშაოების გამო დედაქალაქის სხვადასხვა უბანში ელექტროენერგიის მიწოდება დროებით შეიზღუდება.

საბურთალოს რაიონი

10:00 საათიდან 18:00 საათამდე შეზღუდვა შეეხება: სოფელი დიღმის, დიღმის სასწავლო მეურნეობის, ფერაძის და სოლოღაშვილის ქუჩების მაცხოვრებლებს.

11:00 საათიდან 14:00 საათამდე შეზღუდვა შეეხება: ვაჟა-ფშაველას გამზირის მაცხოვრებლებს.

ჩუღურეთის რაიონი

10:00 საათიდან 18:00 საათამდე შეზღუდვა შეეხება: ცოტნე დადიანის ქუჩის მაცხოვრებლებს.

ვაკის რაიონი

10:00 საათიდან 18:00 საათამდე შეზღუდვა შეეხება: დაბა წყნეთის მაცხოვრებლებს.

11:00 საათიდან 18:00 საათამდე შეზღუდვა შეეხება: ტიციან ტაბიძის, რაზმაძის, აბაშელის, არაყიშვილის, მარუხის გმირთა და კოკა კლდიაშვილის ქუჩების მაცხოვრებლებს.

10:0 საათიდან 10:30 საათამდე შეზღუდვა შეეხება: წყნეთის ხევის, მიხეილ თამარაშვილის და წყნეთის ქუჩების მაცხოვრებლებს.

კრწანისის რაიონი

10:00 საათიდან 18:00 საათამდე შეზღუდვა შეეხება: გორგასლის, შოთა ნიშნიანიძის და გულიას ქუჩების მაცხოვრებლებს.

11:00 საათიდან 13:00 საათამდე შეზღუდვა შეეხება: კოტე აფხაზის, ალექსანდრე დიუმას და პუშკინის ქუჩების მაცხოვრებლებს.

ისნის რაიონი

11:00 საათიდან 18:00 საათამდე შეზღუდვა შეეხება: ბერი გაბრიელ სალოსის გამზირის, ჩოლოყაშვილის, ხევის, სახალხოს, ლერწმის და ჩარხის ქუჩების მაცხოვრებლებს.

დიდუბის რაიონი

10:00 საათიდან 18:00 საათამდე შეზღუდვა შეეხება: წერეთლის გამზირის და კარალეთის ქუჩის მაცხოვრებლებს.

10:00 საათიდან 13:00 საათამდე შეზღუდვა შეეხება: ლუბლიანას ქუჩის მაცხოვრებლებს.

გლდანის რაიონი

10:00 საათიდან 17:00 საათამდე შეზღუდვა შეეხება: ქერჩის ქუჩის მაცხოვრებლებს.

სამგორის რაიონი

10:00 საათიდან 18:00 საათამდე შეზღუდვა შეეხება: ნავთლუღი-2 დასახლების, პოლიციის, ელენე მეტრეველის, ჭიჭინაძის და გრიგოლ ლორთქიფანიძის ქუჩების მაცხოვრებლებს.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

0
თემები:
თბილისი დღეს