პარლამენტის სხდომა

პარლამენტმა მთავრობას საგანგებო მდგომარეობის შემდეგ შეზღუდვების დაწესების უფლება მიანიჭა

166
(განახლებულია 22:08 22.05.2020)
კანონის ამოქმედების შემდეგ მთავრობა შეძლებს პანდემიისა და განსაკუთრებით საშიში ეპიდემიის დროს დროებითი შეზღუდვების დაწესებას.

თბილისი, 22 მაისი - Sputnik. საქართველოს პარლამენტმა მესამე მოსმენით დაამტკიცა შესწორებები „საზოგადოებრივი ჯანდაცვის შესახებ“ კანონში, რომელიც მთავრობას საგანგებო მდგომარეობის გაუქმების შემდეგ დროებითი შეზღუდვების დაწესების უფლებას აძლევს.

შესწორებებს მესამე მოსმენით კენჭისყრისას 80-მა დეპუტატმა დაუჭირა მხარი.

საქართველოში საგანგებო მდგომარეობის ვადა 22 მაისს იწურება.

კორონავირუსის გავრცელების თავიდან აცილების მიზნით გამოცხადებული საგანგებო მდგომარეობის გაუქმების შემდეგ მთავრობა ზოგიერთი შეზღუდვისა და აკრძალვის დატოვებას აპირებს.

დროებითი შესწორებები მხოლოდ 15 ივლისამდე იმოქმედებს.

კანონის ამოქმედების შემდეგ მთავრობა შეძლებს პანდემიისა და განსაკუთრებით საშიში ეპიდემიის დროს დროებით დააწესოს შეზღუდვები და მოაწესრიგოს წესებით, რომლებიც მოქმედი კანონმდებლობისგან განსხვავდება.

გარდა ამისა, მთავრობა მიიღებს უფლებას, შეზღუდოს მოქალაქეთა გადაადგილება, მათი შრომითი და ეკონომიკური საქმიანობა და აკრძალოს სოციალური ღონისძიებების ჩატარება.

შეზღუდვები საგანგებო მდგომარეობის შემდეგ: ოპოზიციის პროტესტმა შედეგი გამოიღო>>

როგორც მთავრობაში განმარტეს, საგანგებო მდგომარეობის შემდეგ შესაძლოა აიკრძალოს ზოგიერთი სავაჭრო ობიექტის გახსნა, ქალაქებს შორის მგზავრობა, საზოგადოებრივი ტრანსპორტის მოძრაობა, კულტურული და სპორტული ღონისძიებები და სხვ.

კანონპროექტის თანახმად, მთავრობის მიერ დაწესებული შეზღუდვები უნდა შეესაბამებოდეს საქართველოს კონსტიტუციას და განპირობებული იყოს კანონით ან ნორმატიული აქტით. მათი შემოღება შეიძლება, თუ შეზღუდვები აუცილებელია საზოგადოებისთვის და არ არის დისკრიმინაციული.

გარდა ამისა, შეზღუდვები აუცილებლად უნდა იყოს პროპორციული და მათი დაწესებით გამოწვეული სარგებელი აღემატებოდეს ზარალს. ასევე გათვალისწინებული უნდა იყოს ევროპის ადამიანის უფლებათა კონვენცია.

ახალი კანონით ხელისუფლება ადამიანების იზოლაციასა და კარანტინში გაგზავნასაც შეძლებს, თუმცა იზოლაციასა თუ კარანტინში გაგზავნილ ყველა მოქალაქეს ექნება ადვოკატის აყვანის უფლება, ახლობლებისა და დამსაქმებლისთვის ადგილსამყოფელის შესახებ ინფორმაციის მიწოდების უფლება, კარანტინში გაგზავნის მიზეზების ცოდნის უფლება.

გარდა ამისა, კანონმდებლებმა საბოლოო, მესამე მოსმენით მიიღეს შესწორებები საქართველოს სისხლის სამართლის საპროცესო კოდექსში, რომელთა თანახმად, პანდემიის დროს სასამართლო სხდომები შეიძლება დისტანციურად გაიმართოს.

მთელი საპარლამენტო ოპოზიცია ამ შესწორებების წინააღმდეგია, რადგან პროექტში კონსტიტუციის დარღვევისა და წინასაარჩევნო პერიოდში მმართველი პარტიის დიქტატურის დამყარების ჩანასახს ხედავს. ოპოზიცია საკონსტიტუციო სასამართლოში სარჩელის შეტანას გეგმავს.

ამასთან, „დამოუკიდებელი დეპუტატების" ფრაქციამ, რომელიც მმართველი პარტიის ყოფილი მხარდამჭერებისგან შედგება, უკვე გაუგზავნა წერილი პრეზიდენტს, რომლითაც ითხოვს კანონპროექტზე ვეტოს დადებას.

შესწორებების ასამოქმედებლად მათ ხელი პრეზიდენტმა უნდა მოაწეროს, შემდეგ კი გამოქვეყნდეს „საკანონმდებლო მაცნეს“ ვებ-გვერდზე.

რატომ არ გრძელდება საგანგებო მდგომარეობა

საქართველოს მთავრობას არ სურს საგანგებო მდგომარეობის გაგრძელება კონსტიტუციაში ახალი საარჩევნო სისტემის შესახებ შესწორებების შეტანის გამო, რომელთა მიღებაც საერთაშორისო საზოგადოებისთვის ქვეყანაში დემოკრატიის შეფასების მთავარი კრიტერიუმია.

საგანგებო მდგომარეობის დროს ვერ გაიმართება საკონსტიტუციო შესწორებების მიღების მთავარი ეტაპი - საჯარო განხილვა. ასევე შეზღუდულია პარლამენტის მუშაობაც, რომელმაც ეს შესწორებები სამი მოსმენით უნდა დაამტკიცოს.

გარდა ამისა, პარლამენტმა კონსტიტუციიდან გამომდინარე უნდა დაამტკიცოს შესწორებები საარჩევნო კოდექსში.

ყველა კანონი აგვისტომდე უნდა იქნეს მიღებული, რადგან უკვე სექტემბრის დასაწყისში ქვეყანაში ოფიციალურად დაიწყება წინასაარჩევნო კამპანია.

166
თემები:
COVID-19 საქართველოში (2862)
ნინო ბურჯანაძე

თალაკვაძე ღარიბაშვილის ნაცვლად: ბურჯანაძემ „ოცნებიდან“ მომლაპარაკებლის ვინაობა დაასახელა

19
პარტია „დემოკრატიული მოძრაობა - ერთიანი საქართველოს“ ლიდერი მიიჩნევს, რომ ვინაიდან მოლაპარაკებებზე მთავარ საკითხს წარმოადგენს ვადამდელი საპარლამენტო არჩევნები, მოლაპარაკებათა მაგიდასთან პრემიერის ნაცვლად პარლამენტის სპიკერი უნდა იჯდეს

თბილისი, 7 მარტი – Sputnik. სულ უფრო მეტი ოპოზიციური პარტია წინააღმდეგია, რომ მმართველი პარტიიდან მოლაპარაკებებში პრემიერ-მინისტრი ირაკლი ღარიბაშვილი მონაწილეობდეს.

„ქართული ოცნება“ ბერა ივანიშვილის მონაწილეობით აუდიოჩანაწერებს ფაბრიკაციას უწოდებს >>

როგორც ჟურნალისტებს „ერთიანი საქართველოს” ლიდერმა ნინო ბურჯანაძემ განუცხადა, მოლაპარაკების მაგიდასთან ირაკლი ღარიბაშვილი უნდა ჩაანაცვლოს პარლამენტის სპიკერმა არჩილ თალაკვაძემ.

მისი თქმით, სრულიად გაუგებარი იყო, რატომ ესწრებოდა მმართველი პარტიის სახელით ირაკლი ღარიბაშვილი ევროპული საბჭოს პრეზიდენტ შარლ მიშელის მონაწილეობით ოპოზიციასთან გამართულ შეხვედრას.

„საქმე საპარლამენტო არჩევნებს ეხება. ბევრად ლოგიკური და ადეკვატურია ამ ტიპის შეხვედრას ესწრებოდეს პარლამენტის თავმჯდომარე და არა პრემიერ-მინისტრი. მოლაპარაკება და ბრიუსელი კი არა, არა მგონია ღარიბაშვილი საერთოდაც გამოჩნდეს, რადგან 24 საათზე მეტი გავიდა რაც ამ ჩანაწერების შესახებ პირველი ინფორმაცია გავრცელდა და ღარიბაშვილს განცხადება ჯერ არ გაუკეთებია. ამიტომაც, წესით ღარიბაშვილი ბრიუსელში ვეღარ უნდა წავიდეს“, - განაცხადა ბურჯანაძემ.

პოლიტიკოსი დარწმუნებულია, რომ ღარიბაშვილი სასწრაფოდ უნდა გადადგეს და უნდა დაინიშნოს ვადამდელი არჩევნები, წინააღმდეგ შემთხვევაში ხალხი ქუჩაში „გამოვარდება“ და სიტუაცია ქვეყანაში უმართავი გახდება, რაც არც ხელისუფლებას, არც ოპოზიციას არ აწყობს.

საქართველოში ცნობილ პირთა მონაწილეობით ფარული აუდიოჩანაწერების სკანდალი აგორდა >>

როგორც მხარეებს შორის გამართული შეხვედრის შემდეგ შარლ მიშელმა განაცხადა, მარტის შუა რიცხვებში ბრიუსელში საქართველო–ევროკავშირის ასოცირების საკითხზე საბჭოს სხდომა გაიმართება, სადაც ქვეყანაში მიმდინარე პოლიტიკურ ვითარებას განიხილავენ. მან იმედი გამოთქვა, რომ იმ დროისათვის მხარეები გარკვეულ კონსენსუსს მიაღწევენ და პოლიტიკური კრიზისიდან გამოსვლის გზებს იპოვიან.

19
„ქართული ოცნების“ ოფისი

„ქართული ოცნება“ ბერა ივანიშვილის მონაწილეობით აუდიოჩანაწერებს ფაბრიკაციას უწოდებს

48
მმართველ პარტიაში დარწმუნებული არიან, რომ ოპოზიცია სკანდალურ აუდიოჩანაწერებს მოლაპარაკებათა პროცესის ჩასაშლელად და ქვეყანაში დაძაბულობის ესკალაციისთვის იყენებს

თბილისი, 7 მარტი – Sputnik. 2010-2011 წლების უკანონო ჩანაწერების უხეში ფაბრიკაცია - ასე შეაფასეს მმართველ პარტიაში „ქართული ოცნება - დემოკრატიული საქართველო“ აუდიოჩანაწერები, რომლებიც ერთ-ერთმა ტელეარხმა გამოაქვეყნა.

თბილისში ირაკლი ღარიბაშვილის გადადგომის მოთხოვნით საპროტესტო მსვლელობა იმართება >>

ოპოზიციურმა ტელეარხმა „ტვ პირველმა“ გამოაქვეყნა სკანდალური აუდიოჩანაწერები, რომლებიც ივანიშვილის ვაჟის - 27 წლის ბერას, ამჟამინდელი პრემიერ-მინისტრ ირაკლი ღარიბაშვილის და სხვა მაღალჩინოსნების მაკომპრომეტირებელ საუბრებს შეიცავს.

როგორც „ქართული ოცნების“ განცხადებაშია აღნიშნული, გამოქვეყნებული ჩანაწერი შედგება ათეულობით ჩანაწერიდან ამოღებული სიტყვებისა და ფრაზებისაგან, რომელიც ბიძინა ივანიშვილის პოლიტიკაში მოსვლამდე რამდენიმე თვის განმავლობაში იწერებოდა.

მმართველ პარტიაში აღნიშნავენ, რომ ჩანაწერის გაკეთების დროს მოქმედი პრემიერ-მინისტრი ირაკლი ღარიბაშვილი საქველმოქმედო ფონდ „ქართუს“ პრეზიდენტის პოსტს იკავებდა, ხოლო ბერა ივანიშვილი არასრულწლოვანი იყო.

„უკანონო მოსმენა, მოსმენილის შენახვა, დამონტაჟება-ფაბრიკაცია, მისი გამოყენება, ძალადობა, მკვლელობა და ა.შ. „ნაციონალური მოძრაობის“ ხელწერაა. რაც შეეხება „ქართულ ოცნებას“ და მათ ლიდერებს, ისინი მსგავს მეთოდებს არ იყენებდნენ არც პოლიტიკაში მოსვლამდე და არც პოლიტიკაში მოსვლის შემდეგ“, - ნათქვამია განცხადებაში.

განცხადებაში ასევე აღნიშნულია, რომ ორი დღის წინ გამოქვეყნდა ეუთო/ოდირის უაღრესად პოზიტიური შეფასება 2020 წლის საპარლამენტო არჩევნების შესახებ, რაც ოპოზიციას არ აწყობს.

„ევროპული საბჭოს პრეზიდენტმა შარლ მიშელმა საკუთარ თავზე აიღო მედიატორის როლი, რაც ბუნებრივია, პროცესის დეესკალაციის და მოლაპარაკებების კონსტრუქციულ რეჟიმში გაგრძელების გარანტი უნდა ყოფილიყო. როგორც ჩანს, სწორედ ამ ფაქტორებმა და მოლაპარაკების ჩაშლის მიზანმა განაპირობა გაყალბებული ჩანაწერების გამოქვეყნება. რადიკალურ ოპოზიციას სურს, ეს ჩანაწერები გამოიყენოს მოლაპარაკებებზე უარის თქმის საბაბად და ვხედავთ მათ მიერ აგორებულ ახალ კამპანიასაც, რომელსაც პერსპექტივა ერთი მარტივი მიზეზის გამო არ გააჩნია – ის სიყალბეზეა დაფუძნებული“, - ნათქვამია განცხადებაში.

საქართველოში ცნობილ პირთა მონაწილეობით ფარული აუდიოჩანაწერების სკანდალი აგორდა >>

ოპოზიციის მოქმედებების მიუხედავად, „ქართული ოცნება“ არ აპირებს უარის თქმას თავის კონსტრუქციულ და სახელმწიფოებრივ პოზიციაზე და მზად არის გააგრძელოს დიალოგი, რომლისკენაც საერთაშორისო პარტნიორები მოუწოდებენ.

48