საქართველოს პრეზიდენტმა ესპანეთის მეფე საქართველოში მოიწვია

© photo: Salome Zourabichvili / FBსალომე ზურაბიშვილი
სალომე ზურაბიშვილი - Sputnik საქართველო
გამოწერა
მხარეებმა კორონავირუსის გავრცელებისა და პოსტკრიზისული პერიოდის გადალახვის გეგმების შესახებ ინფორმაციები გაცვალეს.

თბილისი, 14 მაისი - Sputnik. საქართველოს პრეზიდენტმა სალომე ზურაბიშვილმა ესპანეთის მეფე ფილიპე VI-სთან სატელეფონო საუბრისას განიხილა უსაფრთხო ტურიზმის სფეროში თანამშრომლობის პერსპექტივები და ორ ქვეყანაში კორონავირუსთან დაკავშირებული სიტუაცია, ნათქვამია სახელმწიფო მეთაურის ვებ-გვერდზე გავრცელებულ ინფორმაციაში. 

რომის პაპი ფრანცისკე - Sputnik საქართველო
რომის პაპი საქართველოსთვის ილოცებს

მხარეებმა ისაუბრეს უსაფრთხო ტურიზმის განვითარების კუთხით იმ საერთაშორისო, სანიტარული ნორმების დაცვის მნიშვნელობაზე, რომელსაც შესაბამისი საერთაშორისო ორგანიზაციები გასცემენ. საუბარი ასევე შეეხო კორონავირუსით გამოწვეული მსოფლიო კრიზისის ფონზე სოლიდარობის მნიშვნელობასა და მის აუცილებლობას.

სატელეფონო საუბრისას ასევე განიხილეს როგორც ორმხრივ, ისე მრავალმხრივ ფორმატში ქართულ–ესპანური ურთიერთობების სხვა აქტუალური საკითხები.

ფილიპე VI-მ, თავის მხრივ, აღნიშნა, თუ რამდენად მნიშვნელოვანია ქვეყნებს შორის ურთიერთობების გაღრმავება, რაც მაღალი რანგის ვიზიტების განხორციელებას ხელს შეუწყობს.

სალომე ზურაბიშვილმა ესპანეთის მეფე კრიზისის დასრულების შემდეგ საქართველოში ვიზიტით მოიწვია.

ყველა ახალი ამბავი
0