ბავშვები

ბავშვის უფლებათა კოდექსი საქართველოში 1 სექტემბრიდან ამოქმედდება

103
(განახლებულია 14:30 14.05.2020)
კოდექსი შემუშავებულია ქართველი კანონმდებლების მიერ გაეროს ბავშვთა ფონდთან ერთად და მისი მთავარი ამოცანაა ბავშვთა უფლებების დაცვის ერთიანი სტრატეგიის შემუშავება.

თბილისი, 14 მაისი - Sputnik. "ბავშვის უფლებათა კოდექსი", რომელზეც ადამიანის უფლებათა და სამოქალაქო ინტეგრაციის საპარლამენტო კომიტეტი გაეროს ბავშვთა ფონდთან ერთად მუშაობდა, 1 სექტემბრიდან შევა ძალაში. ასეთი გადაწყვეტილება მიიღო საქართველოს პარლამენტის ბიურომ.

პარლამენტმა "ბავშვის უფლებათა კოდექსი" 2019 წლის სექტემბერში მიიღო. მისი გადავადების გადაწყვეტილება ქვეყანაში კორონავირუსთან დაკავშირებული ვითარებითაა ნაკარნახევი.

პარლამენტის ადამიანის უფლებათა კომიტეტის თავმჯდომარის სოფიო კილაძის სიტყვებით, დასავლელ პარტნიორებთან და დონორებთან ონლაინ-კონსულტაციები და ტრენინგები მიმდინარეობდა. თუმცა, ვერ მოხერხდა პრაქტიკული ნაწილის ხორცშესხმა, ვინაიდან კორონავირუსის ეპიდემიის გამო სოციალური დისტანციის წესები მოქმედებს. 

„პრაქტიკულად ყველა სახელმწიფო ორგანო, ადგილობრივი თვითმმართველობის ორგანოების ჩათვლით, მზად იყო იმისთვის, რომ კოდექსი 1 ივნისიდან ამოქმედებულიყო. როგორ მოგეხსენებათ, კოდექსის მთავარი მიდგომა ის არის, რომ ბავშვებთან იმუშაონ მხოლოდ იმ ადამიანებმა, რომლებსაც აუცილებელი ცოდნა და ჩვევები აქვთ“, - აღნიშნა კილაძემ.

კოდექსის მიღების მნიშვნელობაზე პარლამენტის თავმჯდომარემ არჩილ თალაკვაძემაც ისაუბრა. მისი თქმით, ბიურომ განიხილა კოდექსში ცვლილებების მეტად მნიშვნელოვანი პაკეტი.

„ბავშვის უფლებათა კოდექსში" ცვლილებები - ძალიან მნიშვნელოვანი პაკეტია. ის შემუშავებულია ადამიანის უფლებათა კომიტეტის მიერ სხვა მხარეებთან ერთად და მისი ამოქმედება ახლა იგეგმებოდა, მაგრამ კორონავირუსის პანდემიის გამო გრაფიკში ცვლილებების შეტანა მოგვიხდა“, - განაცხადა თალაკვაძემ.

ახალი კოდექსის ავტორების ამოცანაა ბავშვთა უფლებების დაცვის ერთიანი სტრატეგიისა და მათზე ორიენტირებული სახელმწიფო პოლიტიკის შემუშავება.

კოდექსის ფარგლებში 10 პროგრამა შეიქმნა:

ბავშვისა და ოჯახის დაცვის პროგრამა

პროგრამა მოიცავს კრიზისულ სიტუაციებში ოჯახების ფინანსურ დახმარებას, მშობლებისთვის დასაქმებისა და გადამზადების შესაძლებლობის შეთავაზებას შემდგომი დასაქმების მიზნით. გარდა ამისა, პროგრამა ითვალისწინებს შესაბამის სკოლებთან კოორდინაციის გზით ბავშვების დახმარებას გამოტოვებული სასწავლო პროგრამების ასანაზღაურებლად, ასევე ბავშვების ჩართვას სხვადასხვა საგანმანათლებლო და შემეცნებით პროგრამასა თუ ბავშვთა ფსიქოლოგიური რეაბილიტაციის კურსებში.

მშობელთა კონსულტაციის პროგრამა 

პროგრამა ითვალისწინებს კონსულტაციას მშობლებისთვის ორსულობის პერიოდსა და ბავშვის დაბადების პირველ წელს ოჯახური თანაცხოვრების, ბავშვის ჯანმრთელობისა და კვების საკითხებზე. ასევე ფსიქოლოგის მომსახურებას კონფლიქტური სიტუაციების გადასაწყვეტი უნარების გასავითარებლად როგორც მეუღლეებს შორის, ისე ბავშვების მიმართ. პროგრამის ფარგლებში მშობლებს კონსულტაციას გაუწევენ ოჯახური ძალადობის საკითხებზე.

ძალადობისგან ბავშვების დაცვის პროგრამა

პროგრამა ითვალისწინებს სამედიცინო და ფსიქოსოციალური კონსულტაციებისა და თერაპიის კურსებს, რომლებიც მიმართულია ძალადობის პრევენციისკენ, მოძალადეების ძალადობრივი დამოკიდებულების შეცვლისკენ და ძალადობრივი ქცევის მიზეზების აღმოფხვრისკენ.

ბავშვის ჯანმრთელობის დაცვის პროგრამა

პროგრამა ითვალისწინებს ბავშვის განვითარებაზე ორიენტირებულ პრევენციულ, საკონსულტაციო ღონისძიებებს, გადაუდებელ ამბულატორიულ მომსახურებას და იმუნიზაციას; მოიცავს სოციალური საფრთხის ქვეშ მყოფი ბავშვების ჯანმრთელობის დაცვის ინსტრუმენტებს, ასევე მსხვერპლთა და დანაშაულის მოწმე ბავშვთა ჯანმრთელობის დაცვის ღონისძიებებს.

ბავშვის განათლების მხარდაჭერის პროგრამა 

ითვალისწინებს ბავშვების განათლების მხარდამჭერ ფორმალურ და არაფორმალურ კურსებსა და სემინარებს. პროგრამის მიზანია - მშობლიური ენისადმი და ეროვნული ტრადიციული და კულტურული ფასეულობებისადმი, ასევე სხვადასხვა კულტურისა და ცივილიზაციისადმი ბავშვის პატივისცემის გრძნობის გაღვივება. ბავშვის პიროვნების, ნიჭის, კრიტიკული აზროვნებისა და შესაძლებლობების სრულფასოვანი განვითარება. ადამიანის უფლებებისა და ფუნდამენტური თავისუფლებების პატივისცემა, არაძალადობრივი კომუნიკაციის ჩვევების განვითარება.

სოციალური აქტივობის პროგრამა

ითვალისწინებს მიმართულებას, რომელიც ხელს შეუწყობს სპორტული და გასართობი ღონისძიებების ჩატარებას. ასევე საერთაშორისო ახალგაზრდულ პროგრამებს, ბავშვების დასვენების, კულტურულ და მხატვრულ პროგრამებს.

ბავშვთა მოხალისეობის პროგრამა

ითვალისწინებს ბავშვის ნებაყოფლობით ჩართვას უსასყიდლო საზოგადოებრივად სასარგებლო საქმიანობაში. პროგრამის მიზანია - გადაწყვეტილებების დამოუკიდებლად მიღების უნარის ფორმირება, ასევე საზოგადოების წინაშე სოლიდარობისა და პასუხისმგებლობის გრძნობის ჩამოყალიბება.

დედათა და ბავშვთა თავშესაფარი 

გულისხმობს ბენეფიციართა უზრუნველყოფას კვებით, ტანსაცმლითა და პირადი ჰიგიენის ნივთებით თავშესაფარში ყოფნის პერიოდში, ასევე დახმარებას პროფესიული და არაფორმალური განათლების მიღებაში. აუცილებლობის შემთხვევაში - ამბულატორიულ და სტაციონარულ სამედიცინო დახმარებასა და ფსიქოლოგის მომსახურებას.

ოჯახის დახმარების დღის ცენტრი

პროგრამის თანახმად, დღის ცენტრში ბავშვები უზრუნველყოფილი იქნებიან კვებით. მათ დაეხმარებიან პირადი ჩვევების ჩამოყალიბებაში. ბავშვები ჩაერთვებიან სხვადასხვა კულტურულ და სპორტულ-გამაჯანსაღებელ ღონისძიებაში. აუცილებლობის შემთხვევაში კი მათ აღმოუჩენენ ამბულატორიულ, სამედიცინო და ფსიქოლოგიურ დახმარებას.

სპორტული აქტივობის პროგრამა

პროგრამის მიზანია - ბავშვების ჩაბმა სპორტულ-გამაჯანსაღებელ ღონისძიებებში ჯანსაღი ცხოვრების წესის დანერგვის მიზნით.

103
თემები:
საქართველოს პარლამენტი (177)
ცესკოს შენობა

არჩევნები 2020: ცესკოში პარტიების განაცხადების მიღება გრძელდება

51
(განახლებულია 19:34 11.07.2020)
ამ დროისათვის 2020 წლის საპარლამენტო არჩევნებში მონაწილეობის სურვილი ათმა პოლიტიკურმა პარტიამ გამოხატა

თბილისი, 11 ივლისი — Sputnik. საქართველოს ცენტრალურმა საარჩევნო კომისიამ (ცესკო) გამოაქვეყნა იმ პარტიების ჩამონათალი, რომლებსაც 31 ოქტომბრის საპარლამენტო არჩევნებში მონაწილეობის სურვილი გამოთქვეს.

გახარია: კარგად ჩატარებული არჩევნები – ჩვენი საერთო მიზანია >>

ცესკოს ვებგვერდზე გავრცელებული ინფორმაციის მიხედვით, პარტიებმა უკვე მიიღეს უფლება საარჩვენო კომისიაში ჰყავდეთ საკუთარი წარმომადგენელი. დღეისათვის წინასწარი რეგისტრაცია ცესკოში გაიარეს შემდეგმა პოლიტიკურმა ძალებმა:

  • „სამართლიანობის აღდგენის კავშირი - ხმა ერისა: უფალია ჩვენი სიმართლე „სოციალური სამართლიანობისთვის“
  • „ქრისტიან-დემოკრატიული მოძრაობა“
  • „საქართველო“
  • „საქართველოს ერთობისა და განვითარების პარტია“
  • „ახალი პოლიტიკური ცენტრი - გირჩი“
  •  „მოძრაობა თავისუფალი საქართველოსთვის“
  • „საქართველოს ძალოვან ვეტერანთა და პატრიოტთა პოლიტიკური მოძრაობა”
  • „ქრისტიან-დემოკრატიული მოძრაობა“
  • „ახალი ქრისტიან-დემოკრატები“
  • „ევროპელი დემოკრატები“

პარტიების განაცხადების მიღება არჩევნებამდე 43 დღით ადრე - 21 სექტემბერს შეწყდება. ამის შემდეგ პარტიებმა, რომლებმაც წინა არჩევნებზე 15 ათასი ხმა ვერ მოიპოვეს, ცესკოში უნდა წარადგინონ 5 ათასი მხარდამჭერის ხელმოწერა - ბლანკებზე და ელექტრონული სახით. პარტიების საბოლოო ჩამონათვალი გახდება ცნობილი სიების შემოწმების შემდეგ, არჩევნებამდე 30 დღით ადრე - 2 ოქტომბერს. მხარდამჭერების სიების შემოწმების შემდეგ პარტია გაივლის ოფიციალურ რეგისტრაციას და ბიულეტენში თავიანთი რიგითი ნომრები მიენიჭებათ.

პარლამენტში მოსახვედრად პარტიამ არჩევნებზე მისული ამომრჩევლების ხმების სულ მცირე 1% უნდა მიიღოს.

51
თემები:
საქართველოს პოლიტიკური ცხოვრება
ვანო მერაბიშვილი

„ახალი ხალხი მოვა“ - მერაბიშვილმა პოლიტიკაში დაბრუნება გამორიცხა

119
(განახლებულია 17:24 11.07.2020)
ყოფილმა პრემიერ-მინისტრმა გამოთქვა რწმენა იმისა, რომ მოახლოებული არჩევნების შემდეგ საქართველოში ხელისუფლება შეიცვლება

თბილისი, 11 ივლისი — Sputnik. ყოფილმა პრემიერ მინისტრმა და ყოფილმა შინაგან საქმეთა მინისტრმა ვანო მერაბიშვილმა გამორიცხა თავისი დაბრუნება საქართველოს მთავრობაში, თუნდაც ხელისუფლების შეცვლის შემთხვევაში.

მერაბიშვილი გირგვლიანის საქმეზე: არასწორად მოვიქეცი თანამდებობა რომ არ დავტოვე >>

„მე პირადად უკვე ამოვწურე ყველა თანამდებობა, რომელიც კი შეიძლება დამეკავებინა. მინისტრი ვერ ვიქნები. ყოფილი პრემიერ-მინისტრი ვერ იქნება მინისტრი, ხოლო პრემიერ-მინისტრის თანამდებობაზე არც კი ვფიქრობ. ახალი ხალხი მოვა“, - განაცხადა მერაბიშვილმა ჟურნალისტ დმიტრი გორდონთან ინტერვიუში.

ამავე ინტერვიუში მერაბიშვილმა გამოთქვა რწმენა, რომ საქართველოში ხელისუფლება აუცილებლად შეიცვლება არჩევნების შემდეგ, მაგრამ, მისი თქმით, მომავალში ახალი ხელსუფლება პრობლემების წინაშე დადგება.

„სამწუხაროდ, ახალ მთავრობას ექნება ნაკლები აზარტი, ნაკლები მოტივაცია. მათ რეფორმატორების წარმატებაც და წარუმატებლობაც ნახეს. ეს არის ყველაზე ცუდი იქიდან, რაც მოხდა. რეფორმების გატარებისას ისინი შეშინდებიან, დაფრთხებიან, იქნებიან უფრო ფრთხილები, რეფორმები კი ასე არ კეთდება. მაგრამ იმედი მაქვს, რომ გლობალიზაცია, ევროკავშირში შესვლა დააჩქარებს სიტუაციის გაუმჯობესებას საქართველოში. ყველაზე მთავარია, რომ ეს გამოიყვანს ქვეყანას იმ სტაგნაციიდან, რომელშიც ის ახლა იმყოფება“, - განაცხადა მერაბიშვილმა.

რაც შეეხება მის გეგმებს პოლიტიკასთან დაკავშირებით, ყოფილმა შინაგან საქმეთა მინისტრმა განაცხადა, რომ მათ თბილისში პრესკონფერენციაზე გაახმოვანებს.

ექს-პრეზიდენტ მიხეილ სააკაშვილის პარტიის „ერთიანი ნაციონალური მოძრაობის“ ყოფილი წევრი თითქმის შვიდწლიანი პატიმრობიდან თებერვალში გათავისუფლდა. სააკაშვილის ხელისუფლების დროს ის ერთ-ერთი ყველაზე გავლენიანი პოლიტიკოსი იყო.

ამჟამად მერაბიშვილი უკრაინაში იმყოფება. მანამდე კი პოლონეთში მკურნალობის კურსი გაიარა.

 

119
თემები:
საქართველოს პოლიტიკური ცხოვრება
ეთერ თუთბერიძე

თუთბერიძე საუკეთესოა! ქართველი სპეციალისტი მსოფლიოში უძლიერეს მწვრთნელად აღიარეს

0
რუსეთში მოღვაწე ქართველმა სპეციალისტმა გაუსწრო ბევრ მწვრთნელს, რომლებმაც სახელოვანი სპორტსმენები აღზარდეს

თბილისი, 11 ივლისი – Sputnik. მოციგურავეთა საერთაშორისო კავშირმა (ISU) ფიგურულ ციგურაობაში დამსახურებული მწვრთნელი ეთერ თუთბერიძე მსოფლიოში უძლიერეს მწვრთნელად აღიარა, იუწყება РИА Новости.

ოთხმაგი სალხოვი: თუთბერიძის 13 წლის მოსწავლემ ურთულესი ნახტომი შეასრულა >>

ქართველმა Skating Awards-ს პრემიის „საუკეთესო მწვრთნელის“ ნომინაციაში გაიმარჯვა. დაჯილდოების პირველი ცერემონია ონლაინ-რეჟიმში მიმდინარეობს.

ეთერ თუთბერიძემ აჯობა ამერიკელ სპეციალისტ რაფაელ არუთინიანს, რომელიც მსოფლიოს ორგზის ჩემპიონ ნატან ჩენს წვრთნის, და კანადელ ბრაიან ორსერს, რომელიც ორგზის ოლიმპიურ ჩემპიონს, იაპონელ იუძურუ ჰანიუს და მსოფლიოს ორგზის ჩემპიონ ევგენია მედვედევას ავარჯიშებს, რომელმაც თავის ყველა მნიშვნელოვან გამარჯვებას თუთბერიძის ხელმძღვანელობით მიაღწია.

მწვრთნელი მუშაობს 2018 წლის ოლიმპიურ ჩემპიონ ალინა ზაგიტოვასთან, 2020 წლის ევროპის ჩემპიონ ანა კოსტორნაიასთან, რუსეთის ორგზის ჩემპიონ ანა შჩერბაკოვასთან, იუნიორთა შორის რუსეთის ორგზის ჩემპიონ დანიილ სამსონოვთან. სპეციალისტმა ასევე იუნიორთა შორის მსოფლიოს ჩემპიონატის ორ უმაღლეს ჯილდომდე ალექსანდრა ტრუსოვა მიიყვანა.

კოსტორნაიამ თავის ვიდეომიმართვაში თუთბერიძეს თავისი საქმის მსოფლიოში საუკეთესო სპეციალისტი უწოდა.

„ეთერი თუთბერიძე ძალიან მომთხოვნია, ის გვეხმარება მივაღწიოთ მაღალ შედეგებს შეჯიბრებებზე“, - აღნიშნა ანა შჩერბაკოვამ.

0
თემები:
სპორტის ამბები