აშშ-ის კონგრესმენი ადამ კიზინგერი

ადამ კინზინგერი: საქართველომ პირველივე ეტაპზე სწორი და ეფექტური ნაბიჯები გადადგა

171
(განახლებულია 15:23 25.03.2020)
25 მარტის მონაცემებით, საქართველოში კორონავირუსით ინფიცირებულთა რაოდენობამ 73 ადამიანს მიაღწია. მათ შორის გამოჯანმრთელებულია 9.

თბილისი, 25 მარტი – Sputnik. საქართველოს პარლამენტის თავმჯდომარემ არჩილ თალაკვაძემ და ამერიკელმა კონგრესმენმა ადამ კინზინგერმა სატელეფონო საუბრისას COVID-19-თან დაკავშირებული ვითარება განიხილეს, ნათქვამია საქართველოს პარლამენტის პრეს-სამსახურის მიერ გავრცელებულ განცხადებაში. 

25 მარტის მონაცემებით, საქართველოში კორონავირუსით ინფიცირებულთა რაოდენობამ 73 ადამიანს მიაღწია. მათ შორის გამოჯანმრთელებულია 9. საკარანტინო სივრცეში იმყოფება 4055, სტაციონარებში მეთვალყურეობის ქვეშ 252 ადამიანია.

გავრცელებული ინფორმაციით, არჩილ თალაკვაძემ კონგრესმენთან საქართველოში COVID-19-თან დაკავშირებული ვითარება და ღონისძიებები, ჯანდაცვის სისტემის მზადყოფნა და ეკონომიკის სტაბილიზაციისა და აღდგენის მიმართულებით შესაძლო ნაბიჯები განიხილა.

„ადამ კინზინგერმა, რომელიც აშშ-ის კონგრესში საქართველოსთან მეგობრობის ჯგუფის თანათავმჯდომარეა, მხარდაჭერა გამოხატა და აღნიშნა, რომ საქართველოს ხელისუფლებამ პირველივე ეტაპზე სწორი და ეფექტური ნაბიჯები გადადგა კორონავირუსის გავრცელების წინააღმდეგ“, – აღნიშნულია განცხადებაში.

საქართველოს ხელისუფლებამ 21 მარტიდან 21 აპრილამდე ქვეყანაში საგანგებო მდგომარეობა გამოაცხადა. 23 მარტს კი მარნეულისა და ბოლნისის მუნიციპალიტეტები კარანტინის ზონად გამოცხადდა.

კორონავირუსის პანდემიასთან დაკავშირებით 18 მარტიდან საქართველოში ორი კვირით ჩაიკეტა საზღვრები უცხოელებისთვის, გამონაკლისი შემთხვევების გარდა. საზღვარგარეთიდან დაბრუნებული საქართველოს ყველა მოქალაქე საკარანტინო ზონაში იქნება გადაყვანილი.  

ქვეყანაში დახურულია საგანმანათლებლო დაწესებულებები. მუშაობის დისტანციურ რეჟიმზეა გადასული ყველა საჯარო უწყება და კერძო ორგანიზაციების დიდი ნაწილი.

მთავრობის გადაწყვეტილებით, 24 მარტიდან საქართველოს ტერიტორიაზე შეწყდა რკინიგზით მგზავრთა გადაყვანა, საქალაქთაშორისო ავტობუსებით მგზავრობა, ასევე შიდა ავიამიმოსვლა, ხოლო А პუნქტიდან B პუნქტში გადაადგილება მხოლოდ პირადი ტრანსპორტით იქნება შესაძლებელი. შეზღუდვა არ ეხება სატვირთო გადაზიდვებს.

საქართველომ 21 მარტიდან ავიამიმოსვლა მსოფლიოს ყველა მიმართულებით შეაჩერა. ფრენებს ახორციელებს მხოლოდ კომპანია Georgian Airways, რომელიც საქართველოს მოქალაქეებს უცხოეთის ქვეყნებიდან ჩამოიყვანს.

გარდა ამისა, აიკრძალა კაფეებისა და რესტორნების მუშაობა, დაკეტილია აბანოები, სპორტდარბაზები, სილამაზის სალონები და ა.შ., გაუქმდა სამარშრუტო ტაქსების მუშაობა როგორც დედაქალაქში, ისე რეგიონებში.

გადაიდო ყველა სპორტული და გასართობი ღონისძიება. 

171
თემები:
კორონავირუსმა საქართველომდეც მოაღწია: ბოლო ცნობები (850)
რომან გოცირიძე

„ნაცმოძრაობა“ დიდი ალიანსისთვის ემზადება: ოპოზიციის გეგმები

39
ყოფილი მმართველი პარტია არ აპირებს ოპოზიციური გაერთიანებიდან წასვლას და ძალების განმტკიცებას ახალი თანამოაზრეების შემოერთებით გეგმავს

თბილისი, 15 ივლისი - Sputnik. ოპოზიციური გაერთიანება „ძალა ერთობაშია“ გაფართოებას გეგმავს და „ერთიანი ნაციონალური მოძრაობა“ ამ გაერთიანების მთავარი ძალა იქნება, განუცხადა „ნაცმოძრაობის“ ლიდერმა რომან გოცირიძემ ჟურნალისტებს.

რამდენ ადამიანს აქვს ხმის მიცემის უფლება საქართველოში - ცესკოს პირველი მონაცემები >>

ბოლო დროს მასმედიაში აქტიურად იხილებოდა 2018 წლის არჩევნებამდე 11 პარტიისგან შექმნილი ოპოზიციური კოალიციის განხეთქილების თემა. ხმები გაძლიერდა ერთობაში შემავალი პარტიის „ახალი საქართველოს“ ლიდერის, გიორგი ვაშაძის განცხადების შემდეგ, რომელმაც მიანიშნა, რომ ყოფილი მმართველი პარტია არჩევნებზე დამოუკიდებლად გასვლის შესაძლებლობას იხილავდა.

„ნაციონალური მოძრაობა“ არის „ძალა ერთობაშია“ მოძრაობის ლიდერი და რეალურად მისი დაფუძნების მთავარი შემოქმედი. „ნაციონალური მოძრაობა“ არსად არ აპირებს გასვლას. „ძალა ერთობაშია“ იქნება იმ ფორმატში, როგორიც არის. პირიქით – კიდევ უფრო გაფართოვდება, შემოგვიერთდებიან სხვა პარტიები და ცალკეული პირები, რომლებიც კიდევ უფრო გააძლიერებენ ოპოზიციურ ფლანგს“, – განაცხადა გოცირიძემ.

თუმცა, როგორც მოსალოდნელი იყო, ოპოზიციური ერთობა საპარლამენტო არჩევნების წინ არ შედგა. პროდასავლური ოპოზიციის ნაწილი აპირებს ძალების დამოუკიდებლად მოსინჯვას. ასეთ პარტიებს შორის არიან „ევროპული საქართველო - მოძრაობა თავისუფლებისთვის“, „გირჩი“, „ლეიბორისტული პარტია“. ცალკე გადიან არჩევნებზე მამუკა ხაზარაძის პარტია „ლელო საქართველოსთვის“ და ნინო ბურჯანაძის პარტია „ერთიანი საქართველო“.

სულ პარლამენტში 150 ადგილია, რომელთაგან 30-ს დაიკავებენ ერთმანდატიან ოლქებში გამარჯვებული კანდიდატები, დანარჩენ 120-ს კი - იმ პარტიების წარმომადგენლები, რომლებიც 1%-იან ბარიერს გადალახავენ.

არჩევნებში მონაწილეობის სურვილი უკვე გამოთქვა 68 არასაპარლამენტო პარტიამ. წინასაარჩევნო შეჯიბრს შეუერთდა 10-მდე საპარლამენტო პარტია. პრეტენდენტების საბოლოო სია ცნობილი გახდება არჩევნებამდე დაახლოებით ერთი თვით ადრე. არჩევნები 31 ოქტომბერსაა დაგეგმილი.

ექსპერტების აზრით, ძირითადი ბრძოლა ამომრჩევლების ხმებისთვის გაიმართება „ნაცმოძრაობასა“ და მმართველ პარტია „ქართულ ოცნებას“ შორის. საზოგადოებრივი აზრის გამოკითხვის თანახმად, ამ პარტიებს ყველაზე მეტი მხარდამჭერი ჰყავს იმათ შორის, ვისაც ჯერ კიდევ არ გაუცრუვდა იმედი ქართველ პოლიტიკოსებში. თუმცა გამოკითხვები მეტყველებს ასევე, რომ მოსახლეობა ელოდება მესამე ძალას. ხოლო ვინ აიღებს თავის თავზე ამ როლს, არჩევნებამდე ცოტა ხნით ადრე გახდება ცნობილი.

39
თემები:
საქართველოს პოლიტიკური ცხოვრება
პარლამენტის შენობა

საქართველოს კომუნიკაციების კომისია დათმობაზე მიდის: სკანდალური კანონპროექტი შეიცვალა

50
კომუნიკაციების კომისიის მიერ კომპანიებში დანიშნული სპეციალური მმართველის ფუნქციები და უფლებამოსილებები შეიზღუდება

თბილისი, 15 ივლისი - Sputnik. კომუნიკაციების ეროვნული კომისია დათმობაზე წავიდა და პირველი მოსმენისთვის შეცვალა „ელექტრონული კომუნიკაციების შესახებ“ კანონში შესატანი ცვლილებების პროექტი და დროებითი მმართველის დანიშვნის პირობები.

საქართველოში ვირტუალური მობილური ოპერატორები გაჩნდებიან >>

ცვლილებები კომუნიკაციების ეროვნულ კომისიას ანიჭებდა უფლებამოსილებას, კომპანიაში, რომელიც მომხმარებლებს ელექტრონული კომუნიკაციების სერვისს სთავაზობდა, არაუმეტეს ორი წლის ვადით დაენიშნა სპეციალური მმართველი, რომელიც უზრუნველყოფდა კომისიის გადაწყვეტილების აღსრულებას.

აღნიშნულმა მუხლმა გამოიწვია ოპოზიციისა და ხელისუფლებისადმი კრიტიკულად განწყობილი მასმედიის უკმაყოფილება. მათ მთავრობის ინიციატივა შეაფასეს, როგორც ცენზურის დაწესებისა და სიტყვის თავისუფლების შეზღუდვის მცდელობა. კოალიციამ  „მედიის ადვოკატირებისთვის“, რომელიც აერთიანებს ათზე მეტ არასამთავრობო ორგანიზაციას, თავის განცხადებაში მიუთითა, რომ შემოთავაზებული ცვლილებებით „კომისიას ენიჭება განუსაზღვრელი ძალაუფლება მიღებული გადაწყვეტილებების ამოქმედებით და რეგულირების სფეროს დაქვემდებარებული სუბიექტების მართვის (სპეციალური მმართველის დანიშვნა)  და წილის გასხვისების უფლების მეშვეობით“.

ეს შენიშვნები კანონპროექტის ინიციატორებმა გაითვალისწინეს და კანონში გაჩნდა ახალი ფორმულირება. ახლა დროებითი მმართველი დაინიშნება მხოლოდ იმ შემთხვევაში, თუ კომპანია არ შეასრულებს კომისიის გადაწყვეტილებებს ჯარიმების გამოწერის შემდეგ, მისი ავტორიზაციის ან ლიცენზიის შეწყვეტა კი ზიანს მიაყენებს ქვეყნის ეკონომიკას ან მოქალაქეთა ინტერესებს.

ამასთან, დროებითი მმართველი უზრუნველყოფს მხოლოდ კომისიის გადაწყვეტილებების შესრულებას და ამისათვის აღჭურვილი იქნება შეუზღუდავი უფლებებით, მათ შორის, სამეთვალყურეო საბჭოს წევრებისა თუ დირექტორების გათავისუფლების უფლებით. თუმცა არ ექნება კომპანიის წილის განკარგვის უფლება.

კომისიის მითითებით, აღნიშნული კანონპროექტი არ უკავშირდება მასმედიას. აღსრულების ეფექტური მექანიზმების შესახებ ცვლილებები ეხება მხოლოდ პირებს, რომლებიც ფლობენ კრიტიკულ ინფრასტრუქტურას, ავტორიზებულს „ელექტრონული კომუნიკაციების შესახებ“ კანონით.

საქართველოს პარლამენტმა შესწორებები პირველი მოსმენით დაამტკიცა.

კომისიას მობეზრდა?

კომუნიკაციების ეროვნულ კომისიაში დევს ერთი საქმე, რომელიც თითქმის ერთი წელია იხილება.

ორმა ქართულმა ინტერნეტ-პროვაიდერმა - „კავკასუს ონლაინმა“ და „რკინიგზის ტელეკომმა“ - გააფორმეს შეთანხმება წილის გაყიდვაზე და ამის შესახებ არ აცნობეს კომისიას. „ელექტრონული კომუნიკაციების შესახებ“ კანონის თანახმად, თუ ავტორიზებული პირი 5%-ზე მეტ წილს გაყიდის, ის ვალდებულია, მიმართოს კომისიას და მისგან თანხმობა მიიღოს. კომპანიებმა განკარგეს წილები, რის შესახებაც წინასწარ არ აცნობეს მარეგულირებელს, რითაც დაარღვიეს მოქმედი კანონმდებლობა.

კომისიამ ჯერ კიდევ გასული წლის ოქტომბერში გააფრთხილა კომპანიები და დაუწესა ვადა დარღვევის აღმოსაფხვრელად 2019 წლის 3 დეკემბრამდე. თუმცა კომპანიებმა დღემდე არ შეასრულეს ეს ვალდებულება, მიუხედავად იმისა, რომ ორჯერ დაჯარიმდნენ.

„კავკასუს ონლაინი“ - არის რეგიონის ლიდერი ტელესაკომუნიკაციო კომპანია. ის 2006 წელს შეიქმნა წამყვანი საკომუნიკაციო კომპანიების - „კავკასუს ნეთვორქის“ (საქართველოს ერთ-ერთი პირველი ინტერნეტ-პროვაიდერი), „ჯორჯიან ონლაინის“, „სანეტისა“ და „ტელენეტის“ შერწყმის შედეგად.

2008 წლიდან „კავკასუს ონლაინი“ არის 1200-კილომეტრიანი წყალქვეშა ოპტიკურ-ბოჭკოვანი კაბელის ერთპიროვნული მფლობელი. სწორედ ამ კაბელის მეშვეობით ხორციელდება ევროპიდან სამხრეთ კავკასიასა და კასპიის ზღვის რეგიონში ინტერნეტის სატრანზიტო მოწოდება. შავი ზღვის ფსკერზე გამავალი ოპტიკურ-ბოჭკოვანი კაბელის დახმარებით შესაძლებელი გახდა მაღალი ხარისხის ინტერნეტის შემოტანა ევროპიდან აზიაში.

მისთვის ავტორიზაციის უფლების ჩამორთმევა ნიშნავს ინტერნეტის პრობლემებს მთელი საქართველოსთვის.

50
თემები:
საქართველოს პარლამენტი
წარმოსახვა პანიკის შეტევისას

სიმაღლის, სიბნელის, დახურული სივრცის თუ... ზოდიაქოს ნიშნების ფობიები

0
(განახლებულია 13:11 15.07.2020)
როგორ მოქმედებენ ვარსკვლავები ჩვენს ფობიებზე? რისი ეშინიათ ყველაზე მეტად ზოდიაქოს ცალკეული ნიშნის წარმომადგენლებს? ამაზე სფეროს ექსპერტები მოგვითხრობენ

იმისთვის, რომ შიში დავძლიოთ, მასზე ყველაფერი უნდა ვიცოდეთ, მათ შორის, როგორ მოქმედებს ზოდიაქოს ნიშანი ჩვენს ფობიებზე.

„ცდუნებების" ჰოროსკოპი - რის წინაშე არიან უძლური ზოდიაქოს ნიშნები>>

ვერძი

ვერძი ბუნებით იდეალისტია, მზადაა, ნებისმიერი გზით მიაღწიოს საწადელს, ოცნების გზაზე ძალას არ იშურებს. ამიტომ ეშინია, რომ წარმატებას ვერ მიაღწევს. ნებისმიერი შეზღუდვა მასში განცდებს იწვევს. მაგალითად, ეშინია კლაუსტროფობიის (დახურული სივრცის შიში). ხანდახან კი ისოლოფობია აშინებს (მარტოობის შიში).

კურო

კუროსთვის სტაბილურობაა მნიშვნელოვანი. მთელი ძალებით ებღაუჭება სტაბილურ სამსახურს. ხვალინდელ დღეში რომ იყოს დარწმუნებული, მას უსაფრთხოების ფინანსური „ბალიში“ ესაჭიროება. ამიტომ ეშინია ცვლილებების. ასევე კურო ცდილობს, არ შეეხოს მისტიკას, რომელსაც მისი გეგმების მოულოდელად დანგრევა შეუძლია,

ტყუპი

კომუნიკაბელური და სიცოცხლის მოყვარული ტყუპი მუდამ პირველობისკენ ისწრაფვის. მისთვის წამების ტოლფასია მეორეხარისხოვანი როლის თამაში. ტყუპს ეშინია არასწორი გადაწყვეტილების მიღების, რის გამოც დიდხანს შეიძლება იორჭოფოს თავის ქმედებებში და ერთ ადგილზე იყოს გაჩერებული. ტყუპს უყურადღებოდ დარჩენის ეშინია.

კირჩხიბი

კირჩხიბებზე დამღუპველ ზემოქმედებას ახდენს ნებისმიერი კრიტიკა. ისინი დარწმუნებული არიან, რომ კრიტიკით მათი დათრგუნვა უნდათ. გულდახურულები არიან, რის გამოც პირად ცხოვრებაში ხშირად არ უმართლებთ. ეშინიათ, რომ საყვარელი ადამიანი მათ ვერ გაუგებს, ამიტომ ხშირად განმარტოვდებიან ხოლმე. ასევე ახასიათებს კლაუსტროფობია და აგორაფობია (დახურული და ღია სივრცის შიშები).

ლომი

ლომები ტემპერამენტიანი ხალხია. მათთვის მნიშვნელოვანია, რომ ყოველ წუთს გრძნობდნენ თავისუფლებასა და უპირატესობა–პირველობას გუნდში. ისინი ვერ იტანენ დაცინვას. მიუხედავად მათში ჩადებული ძალისა, ლომებს ტკივილის შეგრძნებებისა ეშინიათ, ამიტომ მათთვის ექიმთან ვიზიტი ღამის კოშმარს ემსგავსება. ასევე ხშირად აქვთ სიმაღლის შიში.

ქალწული

ქალწულები ყაირათიანი და ხელმომჭირნე არიან. ისინი დიდი ყურადღებით ეკიდებიან თავიანთ ნივთებს და არ უყვართ, როცა ვინმე სხვა ეხება მათ. სჯერათ, რომ თითოეულ ნივთს თავისი ენერგეტიკა აქვს. არავის აქვს უფლება, მათ ჩვეულ რეჟიმში ჩაერიოს, ეშინიათ უწესრიგობის. მათ ირგვლივ მხოლოდ „შერჩეული“ ადამიანები არიან, რადგან კრიტიკის ეშინიათ. ხანდახან მერყეობაც სჩვევიათ. ეშინიათ იმ ადამიანებთან კონტაქტის, რომლებმაც მათ, შესაძლოა, ყურადღება არ მიაქციონ. ვერ იტანენ მწერებს.

სასწორი

სასწორი ვერ მიაღწევს თავის მიზნებს, თუ გარშემომყოფებისგან ქებას არ მოისმენს. მათ მიმართ ნათქვამ ნებისმიერ უსიამოვნო სიტყვას მათში წინსვლის სურვილის გაქრობა შეუძლია. ყოველთვის იმისკენ ისწრაფვიან, რომ ირგვლივ მყოფებზე სასიამოვნო შთაბეჭდილება მოახდინონ, მათთვის მნიშვნელოვანია დადებითი იმიჯის შენარჩუნება. თუმცა ამის გამო პირად ცხოვრებაში ხშირად მარცხდებიან. სასწორს მარტოობისა და სიკვდილის ეშინია.

მორიელი

თუ გულით არ უნდათ, ამ ნიშნის წარმომადგენლებს ვერავინ აიძულებს რამის გაკეთებას. მათთვის ღამის საზარელი კოშმარია საკუთარ თავზე ძალადობა. ეშინიათ დროის უქმად დაკარგვის. ხანდახან უყვართ საკუთარი მნიშვნელობის წარმოჩენა, ჩვენება, თითქოს უკარება არიან; თუმცა შინაგანად საოცრად სიფაქიზით გამოირჩევიან. საგულდაგულოდ მალავენ საკუთარ ფიქრებს სხვებისგან, რომ ვერავინ შეძლოს მათ სულში ჩახედვა.

მშვილდოსანი

მშვილდოსნებს სისუსტედ მიაჩნიათ საკუთარი ემოციების გამომჟღავნება, ამიტომ ურჩევნიათ, რომ ტრიუმფი თუ ვარდნა მარტომ გადაიტანონ. თავს უკარება და უხეშ ადამიანად წარმოადგენენ, რომ მათი სისუსტე ვერავინ დაინახოს. ადრენალინი რომ განიცადონ. საფრთხის შუაგულში შეუძლიათ მოულოდნელად აღმოჩენა. მიაჩნიათ, რომ ყველაფერი ხელეწიფებათ. თუმცა ძალიან ეშინიათ, თუ რამე კონტროლიდან გამოდის, ეშინიათ არაამქვეყნიურ ძალებთან დაკავშირების, ასევე მცირე მწერების, რომლებიც სიცოცხლეს უქმნიან საფრთხეს.

თხის რქა

მიზანსწრაფული თხის რქებისა ბევრს შეიძლება შეშურდეს.რადგანაც თავიანთ სურვილს არიან ჩაბღაუჭებული, საკუთარ მომავალზე შიშობენ. ხანდახან ფსონზე ყველაფერს ჩამოდიან. არასდროს აღიარებენ საკუთარ სისუსტეებს, რომლებთან შერიგებაც ძალიან უჭირთ. ვერ იტანენ ხშირ ურთიერთობებს, რადგან მათთვის კომფორტულია მარტო ყოფნა. საშინლად ეშინიათ საკუთარი შინაგანი ჭეშმარიტი „მეს“ ხალხის წინაშე გამოაშკარავებისა, ამიტომ ქცევის სხვადასხვა მოდელს ირგებენ. მათთვის მნიშვნელოვანია, იცოდნენ, რომ გაუთვალისწინებელ სიტუაციაში ვინმე დააზღვევს. ბევრ თხის რქას აშინებს სიმაღლე და სიღრმე.

მერწყული

მერწყულები ყურადღებას აქცევენ თავიანთ ჯანმრთელობას. უცნობმა სიმპტომებმა და ტკივილმა ისინი, შესაძლოა, პანიკაში ჩააგდოს. ზოდიაქოს ეს ნიშანი განსაკუთრებულად ნიჭიერი წარმომადგენლებით ამაყობს, რომლებიც მთელი ცხოვრების განმავლობაში ცდილობენ, რომ თავიანთი შემოქმედება ადამიანებამდე მიიტანონ. ამის გამო მათ ეშინიათ, რომ ვერ გაუგონ და არ აღიარონ. მათთვის საშინელებაა რუტინული საქმიანობა. ეშინიათ სიბნელეში და დახურულ კარს მიღმა ძილის.

ზოგი ხუმრობით, ზოგიც... ზოდიაქოს ნიშნები სხვა რაკურსით>>

თევზები

თევზებისთვის ძალზე მნიშვნელოვანია ახლობლების მხარდაჭერა. უჭირთ საკუთარ თავთან მარტო დარჩენა. არ იღლებიან განუწყვეტელი ურთიერთობებით. მთელი ცხოვრება ეძებენ ადამიანს, რომელსაც დაეყრდნობიან. მაგრამ მიუხედავად კომუნიკაბელურობისა, საჯაროობის ეშინიათ. განიცდიან, რომ შეიძლება დასცინონ. ვერ იტანენ სიმაღლეს.

0