კარვვები პარლამენტის შენობასთან

რაზე შეთანხმდებიან ხელისუფლება და ოპოზიცია: საარჩევნო სისტემის შეცვლისთვის ვადები იწურება

148
(განახლებულია 14:33 28.02.2020)
კორონავირუსით შეშინებული საზოგადოება უკვე ნაკლებად ინტერესდება, გადავა თუ არა ქვეყანა პროპორციულ სისტემაზე.

მართალია, ეს უკვე უტოპიის სფეროა, მაგრამ გონიერი ექსპერტები ოპოზიციას მოუწოდებენ, ხისტი პოზიციები შეცვალონ და ხელისუფლების იმ წინადადებას დათანხმდნენ, რაც მაჟორიტარების 50-მდე შემცირებას ითვალისწინებს, რადგან 50 ნამდვილად უფრო ნაკლებია, ვიდრე 73. 

გიორგი ვაშაძემ ხელისუფლებისა და ოპოზიციის დახურული შეხვედრიდან ახალი ვერსია გააჟღერა. როგორც ის ამბობს, ხელისუფლება, შესაძლოა, „110/40“ ვარიანტზეც წავიდეს, რაც 110 დეპუტატის პროპორციული წესით არჩევას და 40 მაჟორიტარის არჩევას ნიშნავს.

ამასობაში ოპოზიცია იმ ვარიანტისთვისაც ემზადება, რასაც ლიდერების მაჟორიტარებად დაყენება ჰქვია – ე.წ. „გეგმა B“. თუმცა, ყველაზე საინტერესოდ მაინც ის მოთხოვნა გამოიყურება – სანამ რომელიმე პარტია 40 პროცენტს არ აიღებს, მთავრობის დაკომპლექტების უფლება არავის უნდა მიეცესო. ძნელი სათქმელია, დათანხმდება თუ არა ამაზე ხელისუფლება. ზოგადად, განწყობა ისეთია, ხელისუფლების სპიკერები 50-დან 60 პროცენტამდე ხმების მიღებას ვარაუდობენ, ოპოზიციამ კი კვლევებით უკვე დაამარცხა ხელისუფლება.

რეალობა როგორია – წიწილებს პარტიები შემოდგომაზე დაითვლიან, სავარაუდოდ, 31 ოქტომბერს.

საინტერესოა ოპოზიციის გეგმა მთავარი პოლიტიკური ლიდერების მაჟორიტარ კანდიდატებად დაყენების შესახებ. მაგალითად, თავის დროზე საპრეზიდენტოდ ივანიშვილის რჩეული გიორგი მარგველაშვილი ამჯერად მაჟორიტარობის კანდიდატი იქნება. თუმცა ოპოზიციას, სავარაუდოდ, რეგიონებში უფრო გაუჭირდება მაჟორიტარული ოლქების მოგება, რადგან აქ სახელისუფლებო კონტროლი მართლაც უფრო მაღალია, ვიდრე დედაქალაქში.

ამასთან, გასათვალისწინებელია, რომ მოსახლეობის რაოდენობის მიხედვით ყველაზე მეტი მაჟორიტარი თბილისს ეყოლება.

ოპოზიციურ ფლანგზე ნამდვილად შეინიშნება ერთსულოვნება, თუმცა გამოიკვეთა, რომ, მაგალითად, „ლელო“ არ აპირებს ერთიანი ოპოზიციის სულისკვეთება გაიზიაროს მაჟორიტარების ერთობლივად შერჩევის შესახებ, რადგან ამ ახლად დაფუძნებულ პარტიას აქვს გარკვეული რეიტინგი და ახალი სახეებიც შემოიკრიბა, პარლამენტში მოხვედრის შანსიც აქვს და გარკვეული როლის თამაშისაც. თუმცა ბევრი რამ იმაზეა დამოკიდებული, რა თანხას ჩადებენ ბანკირები ამ სტარტაპ-პოლიტიკურ ბიზნესში.

უმრავლესობის ლიდერმა მამუკა მდინარაძემ დაადასტურა, რომ ხელისუფლება მზადაა, რამდენიმე დათმობაზე წავიდეს. მათ შორის პირველი ისაა, რომ ხელისუფლება მთავრობის ფორმირების უფლებისთვის 40%-იანი ბარიერის დაწესებაზე მზადაა.

ოპოზიციას, როგორც ჩანს, დასავლური მხარდაჭერის იმედი აქვს და ხელისუფლებას ყოველ ჯერზე ახალი ბარტყის გადმოგდებას სთხოვს... თუმცა მთავარი მაინც სწორედ რეგიონებში გასვლა და ხალხის გულის მოგებაა. ვნახოთ, რა ნაბიჯებს გადადგამენ უახლოეს დღეებში ხელისუფლება და ოპოზიცია. ყოველ შემთხვევაში, თუ მარტის პირველ ნახევარში საკონსტიტუციო ცვლილების შესატანად კომისია არ შეიქმნა, არჩევნები ძველი კანონით ჩატარდება. ხოლო ვინც მაგარია, ყველა სახის საარჩევნო კანონით მოიგებს არჩევნებს. როგორც ექსპერტი ირაკლი მელაშვილი აცხადებს, მთავარი პრობლემა ის კი არაა, როგორ ჩატარდება არჩევნები, მთავარი აქ ისაა, რომ საქართველოში არსებული ვერტიკალური დაქვემდებარების სისტემის გამო გამარჯვებული, ფაქტობრივად, ყველაფერს აკონტროლებს: ადგილობრივ ხელისუფლებასაც და ხელისუფლების სხვა შტოებსაც, რაც საშიშია და სერიოზულ პოლიტიკურ დაპირისპირებებს იწვევს ქვეყანაში.

თუმცა, ამჯერად, იმედია, ხელისუფლება და ოპოზიცია მოლაპარაკებას მოახერხებენ და არჩევნებიც მეტ-ნაკლებად სამართლიან გარემოში ჩატარდება.

 

148
მეჩეთი

საქართველოს მუსლიმთა სამმართველოს თავმჯდომარე სუს-ში გამოკითხეს: რა გაამხილა შეიხმა

86
საქართველოს მუსლიმთა უმაღლესი სასულიერო სამმართველოს თავმჯდომარემ სუს-ში გამოკითხვის შემდეგ პირველი კომენტარი გააკეთა

თბილისი, 6 ივნისი - Sputnik. საქართველოს სახელმწიფო უსაფრთხოების სამსახურმა (სუს)სრულიად საქართველოს მუსლიმთა უმაღლესი სასულიერო სამმართველოს თავმჯდომარეს, შეიხ მირტაგ ასადოვს გამოკითხვის დეტალებზე საუბარი აუკრძალეს და გაუთქმელობაზე ხელი მოაწერინეს.

ეთნიკური შუღლის გაღვივების საქმე: სუს-ში უმაღლესი სასულიერო სამმართველოს შეიხი იკითხება >>

ასადოვი გამოკითხეს სისხლის სამართლის საქმის ფარგლებში, რომელიც 30 მაისს აღიძრა და ეთნიკური შუღლის გაღვივებას ეხება.

„ძირითადი კითხვები იყო რეგიონთან დაკავშირებით, თუმცაღა გაუთქმელობაზე მაქვს ხელი მოწერილი, ვიდრე გამოძიება არ დამთავრდება. კითხვები იყო რეგიონში მიმდინარე პროცესებზე, მათ შორის ნარიმანოვის ძეგლთან განვითარებულ მოვლენებზე“, - განუცხადა მან ჟურნალისტბს.

ბოლშევიკ ნარიმან ნარიმანოვის ძეგლი მარნეულში გასული საუკუნის 70-იანი წლებიდან დგას, მარნეულის მერიამ ახლახან მისი რესტავრაცია განახორციელა. ამ ძეგლის წინააღმდეგ გამოვიდა მარნეულისა და ხუჯაბის ეპისკოპოსი გიორგი ჯამდელიანი, რომელმაც მაისში ქადაგებისას განაცხადა, რომ ნარიმანოვი იყო საქართველოს მტერი და მერიის ქმედებებს „სახელმწიფოებრიობის შეურაცხყოფა“ და „ჩენი წინაპრების სულის შეფურთხება“ უწოდა.

ამის შემდეგ სხვადასხვა ორგანიზაციები, მათ შორის „ქართული მარში“, რადიკალური განცხადებებით გამოვიდნენ.

„ჩვენ მედიასაშუალებებით ვგმობდით სიძულვილის ენას. იყვნენ გარკვეული ჯგუფები, რომლებიც თავს წარმოაჩენენ ხოლმე, როგორც ქართული ეთნოსის ინტერესების დამცველები. ჩემი მოწოდებები მიმართული იყო იმ ადამიანებისკენ, რომლებიც სიძულვილის ენას იყენებენ და შუღლის ჩამოგდება სურს საქართველოს მოსახლეობას შორის“, – განაცხადა სეიდ მირთაგ ასადოვმა.

სუს-ის იძიებს საქმეს კახეთისა და ქვემო ქართლის რეგიონებში ქართველებსა და აზერბაიჯანელებს შორის ეთნიკური შუღლის გაჩაღებაზე. კონკრეტულად რა ფაქტებზეა საუბარი, უწყებას არ განუმარტავს.

სისხლის სამართლის საქმე სსკ-ის „რასობრივი დისკრიმინაციის“ მუხლით მიმდინარეობს. ამ ტერმინის ქვეშ იგულისხმება ქმედება, ჩადენილი ეროვნული ან რასობრივი მტრობის ან განხეთქილების ჩამოგდების, ეროვნული პატივისა და ღირსების დამცირების მიზნით, აგრეთვე რასის, კანის ფერის, ეროვნული ან ეთნიკური კუთვნილების ნიშნით ადამიანის უფლებების პირდაპირი ან არაპირდაპირი შეზღუდვა ანდა იმავე ნიშნით ადამიანისათვის უპირატესობის მინიჭება, რამაც არსებითად ხელყო მისი უფლება.

აღნიშნული დანაშაული ისჯება თავისუფლების აღკვეთით ვადით შვიდ წლამდე, დამამძიმებელი გარემოებების არსებობიდან გამომდინარე.

86
ზურაბ გირჩი ჯაფარიძე

მაჟორიტარები არ გვეყოლება: „გირჩის“ გეგმები საპარლამენტო არჩევნებზე

36
(განახლებულია 20:46 06.06.2020)
მომავალ საპარლამენტო არჩევნებზე „გირჩის“ მხარდამჭერები ოპოზიციის მაჟორიტარობის კანდიდატებს დაუდგებიან გვერდში

თბილისი, 6 ივნისი - Sputnik. ყველაზე არაორდინარული პარტია „ახალი პოლიტიკური ცენტრი - გირჩი“ ერთმანდატიან ოლქებში კანდიდატებს არ წარადგენს, განაცხადა პარტიის ლიდერმა ზურაბ გირჩი ჯაფარიძემ.

არჩევნები და კორონავირუსის გავრცელების საფრთხე: რა რეგულაციებს დააწესებს ხელისუფლება >>

პარტი „გირჩი“ გაერთიანებული ოპოზიციის ნაწილია, რომელიც ახლა აქტიურად განიხილავს 31 ოქტომბრისთვის დაგეგმილ საპარლამენტო არჩევნებში მონაწილეობის სტრატეგიას. ძირითადი იდეაა ერთიანი კანდიდატების წარდგენა.

„გირჩიდან“ მე განვიხილებოდი როგორც შესაძლო მაჟორიტარობის კანდიდატი ვაკეში. მე უარს ვამბობ ამ შესაძლებლობაზე, რაც ნიშნავს, რომ „გირჩი“ წლევანდელ საპარლამენტო არჩევნებში მონაწილეობას მიიღებს მხოლოდ პარტიული სიით“, - განაცხადა ჯაფარიძემ ტელეარხ „ფორმულას“ ეთერში.

ამასთან მან აღნიშნა, რომ „გირჩის“ მომხრეები მაჟორიტარი დეპუტატების არჩევნებზე მხარს ოპოზიციის კანდიდატებს დაუჭერენ.

„ვაკეში განიხილებოდა ელენე ხოშტარიას კანდიდატურა („ევროპული საქართველოს“ კანდიდატურა - რედ.) და თუ იქნება ელენე ხოშტარია წავალ მე დიდი სიამოვნებით შემოვხაზავ მას”, – განაცხადა ზურაბ ჯაფარიძემ.

„გირჩისთვის“ ეს პირველი საპარლამენტო არჩევნებია. ის ახალგაზრდობაში დიდი პოპულარობით სარგებლობს. ამ პარტიის ერთ-ერთმა ლიდერმა ზურაბ ჯაფარიძემ საპრეზიდენტო არჩევნებში მეხუთე ადგილის დაკავება (2%-ით) შეძლო და წინასაარჩევნო კამპანიაზე ყველა კანდიდატთან შედარებით მინიმალური თანხა დახარჯა.

პარტია „გირჩი“ პოლიტიკურ ასპარეზზე 2015 წელს გამოჩნდა და ის ყოფილი მმართველი პარტია „ერთიანი ნაციონალური მოძრაობის“ სამმა წარმომადგენელმა შექმნა.

პარტია ლიბერალური მიმდინარეობისაა და ცნობილია თავისი არაორდინარული საქციელით. მისმა ლიდერებმა შესანიშნავად იციან, როგორ აუარონ გვერდი კანონს. ამ პარტიის წყალობით საქართველოში მარიხუანას დეკრიმინალიზაცია მოხდა.

36
საველე გეოლოგიური კვლევების პირველი ეტაპი თბილისში

თბილისში საველე გეოლოგიური კვლევები მიმდინარეობს

0
(განახლებულია 12:33 07.06.2020)
კვლევების საბოლოო შედეგები მიზნად ისახავს ინფრასტრუქტურული ობიექტების მდგრადობას და მოსახლეობის დაცვას მოსალოდნელი სტიქიური გეოლოგიური პროცესებისგან.

თბილისი, 7 ივნისი — Sputnik. თბილისის ტერიტორიაზე საველე გეოლოგიური კვლევები ჩატარდა, ნათქვამია გარემოს ეროვნული სააგენტოს მიერ გავრცელებულ განცხადებაში.

გარემოს ეროვნული სააგენტოს სპეციალისტებმა კლიმატის მწვანე ფონდის, შვეიცარიის განვითარებისა და თანამშრომლობის სააგენტოს და საქართველოში გაეროს განვითარების პროგრამის ფარგლებში საველე გეოლოგიური კვლევების პირველი ეტაპი განახორციელეს.

სამუშაოები ყველა სახის გეოლოგიური პროცესის საველე პირობებში იდენტიფიცირებას გულისხმობს. კვლევების საფუძველზე მომზადდება გეოლოგიური საფრთხეების მონაცემთა ბაზა, კატალოგი და ზონირების რუკა, შესაბამისი გეოლოგიური ანგარიშით.

კვლევები ითვალისწინებს გეოლოგიური საფრთხეების მონიტორინგის სისტემის გაუმჯობესებას და მიღებული საბოლოო შედეგები ხელს შეუწყობს როგორც ინფრასტრუქტურული ობიექტების მდგრადობას, ისე მოსახლეობის დაცვას მოსალოდნელი სტიქიური გეოლოგიური პროცესებისგან.

პირველი ეტაპი მტკვრის მარცხენა სანაპიროს მოიცავს.

0
თემები:
გარემოს დაცვა და ეკოლოგია