რუსეთის საგარეო უწყების შენობა

მოსკოვი: საქართველოსთან ავიამიმოსვლის აღდგენასა და ვიზების გაუქმებაზე საუბარი ნაადრევია

111
(განახლებულია 14:28 11.02.2020)
რუსეთის საგარეო საქმეთა სამინისტროში დაასახელეს მთავარი პირობა იმისთვის, რომ საქართველოსთან გასული წლის ივლისში შეწყვეტილი პირდაპირი ავიამიმოსვლა აღდგეს.

თბილისი, 11 თებერვალი — Sputnik. ამჟამად მოსკოვსა და თბილისს შორის საქართველოს მოქალაქეებისთვის სავიზო რეჟიმის გაუქმების საკითხი დღის წესრიგში არ დგას, განაცხადა რუსეთის საგარეო საქმეთა მინისტრის მოადგილემ ანდრეი რუდენკომ საინფორმაციო სააგენტო РИА Новости-სთან ინტერვიუში.

აბაშიძე: რუსეთთან დიალოგი რთულია, მაგრამ აუცილებელი>>

„რაც შეეხება ჩვენს ქვეყნებს შორის სავიზო რეჟიმის გაუქმების საკითხს, დღეისთვის ეს თემა ორმხრივ დღის წესრიგში არ დგას. მისი განხილვისთვის მზად ვიქნებით, როდესაც გადალახული იქნება ორმხრივ ურთიერთობებში შარშანდელი კრიზისის ნეგატიური შედეგები", – განაცხადა რუდენკომ.

მინისტრის მოადგილემ ასევე აღნიშნა, რომ რუსეთსა და საქართველოს შორის ავიამიმოსვლის აღდგენაზე მაშინ იქნება საუბარი შესაძლებელი, როდესაც თბილისში შეწყდება რუსოფობიული კამპანია და გაქრება რუსეთის მოქალაქეების უსაფრთხოებისთვის სხვადასხვა სახის საშიშროება.

რუდენკომ აღნიშნა, რომ 2019 წლის ივლისში რუსეთსა და საქართველოს შორის პირდაპირი ავიამიმოსვლის შეწყვეტა დროებითი იძულებითი ზომაა, რაზეც მოსკოვი თბილისში 2019 წლის ივნისში მართლმადიდებლობის საერთაშორისო კონფერენციის დროს მოწყობილი უხეში ანტირუსული პროვოკაციის საპასუხოდ წავიდა.

„კარგი გაკვეთილი“: გრიგორი კარასინი ნორმალიზების პროცესის გაგრძელებაზე საუბრობს>>

„ლაპარაკი მისი გაუქმების შესახებ შესაძლებელი იქნება მას შემდეგ, რაც ამისთვის აუცილებელი პირობები შეიქმნება. პირველ რიგში, საუბარია საქართველოში სიტუაციის სტაბილიზებაზე, რუსოფობიული კამპანიის შეწყვეტაზე და ჩვენი მოქალაქეების უსაფრთხოებისთვის რამე სახის საშიშროების გაქრობაზე", – განაცხადა რუდენკომ.

უფრო ადრე საქართველოს პრემიერის სპეციალურმა წარმომადგენელმა რუსეთთან ურთიერთობების საკითხებში ზურაბ აბაშიძემ განაცხადა, რომ საქართველო მიესალმება რუსეთთან პირდაპირი ავიარეისების აღდგენას, ხოლო ტურისტების უსაფრთხოების თვალსაზრისით არანაირი პრობლემა არ არსებობს.

ქართულ-რუსული ურთიერთობები მას შემდეგ დაიძაბა, რაც თბილისში რუსეთის სათათბიროს დეპუტატი გავრილოვი ჩამოვიდა, რომელიც მონაწილეობდა მართლმადიდებლობის საერთაშორისო კონფერნეციაში. ამას დედაქალაქში საპროტესტო აქციები მოჰყვა. ამ ფონზე რუსეთის პრეზიდენტმა ვლადიმირ პუტინმა გამოსცა ბრძანება, რომლითაც აიკრძალა საჰაერო გადაზიდვები ქვეყნებს შორის.

აბაშიძე და კარასინი პრაღაში პირდაპირი ავიამიმოსვლის აღდგენაზე იმსჯელებენ>>

საქართველოსა და რუსეთს შორის არ არსებობს დიპლომატიური ურთიერთობები. დიალოგი ქვეყნებს შორის მიმდინარეობს მხოლოდ ჟენევის დისკუსიებისა და რუსი სენატორის გრიგორი კარასინისა და ზურაბ აბაშიძის მოლაპარაკებების ფარგლებში, რომელიც 2012 წლიდან პრაღაში იმართება. ურთიერთობები ქვეყნებს შორის ქართულმა მხარემ მას შემდეგ გაწყვიტა, რაც მოსკოვმა 2008 წლის 26 აგვისტოს აფხაზეთისა და სამხრეთ ოსეთის სუვერენიტეტი აღიარა.

111
თემები:
ქართულ–რუსული ურთიერთობები (163)
მეტროს მგზავრები პირბადეებით

როგორ ემზადება საქართველოს მთავრობა კორონავირუსის მეორე ტალღისთვის

76
(განახლებულია 14:45 04.06.2020)
საქართველო  საერთაშორისო პარტნიორებთან ერთად ცხოვრების სხვადასხვა სფეროზე კორონავირუსის ეპიდემიის გავლენის შესახებ ფართომასშტაბიან კვლევას ჩაატარებს

თბილისი, 4 ივნისი – Sputnik. აუცილებელია დეტალური კვლევის ჩატარება კორნავირუსის ცხოვრების სხვადასხვა სფეროზე გავლენის კუთხით, რათა მოვემზადოთ პანდემიის მეორე ტალღისთვის, რომელზეც ყველა ლაპარაკობს, განაცხადა მთავრობის სხდომაზე საქართველოს პრემიერ-მინისტრმა გიორგი გახარიამ.

პრემიერის თქმით, მუშაობამ პარლამენტისთვის წარდგენილ ანგარიშზე მთავრობის მიერ კრონავირუსთან ბრძოლაში გადადგმული ნაბიჯების შესახებ ნათლად აჩვენა, რომ ეს ძალზე კარგი შესაძლებლობაა სუსტი ადგილების გამოსავლენად.

პრემიერმა აღნიშნა რომ ეს ანგარიში საფუძვლად დაედება კვლევას, რათა პანდემიასთან ბრძოლა უფრო ეფექტური იყოს.

„იმისთვის, რომ უფრო ეფექტურად ვიყოთ მომზადებული შესაძლო მეორე ტალღისთვის... გვინდა, გამოვიყენოთ ეს ანგარიში, როგორც, ასე ვთქვათ, პირველი ნაბიჯი იმისთვის, რომ დავიწყოთ ფართო კვლევა საერთაშორისო პარტნიორებთან ერთად „კოვიდ-19“-ის ვირუსის, ეპიდემიის ზეგავლენის შესახებ ჩვენი ცხოვრების სხვადასხვა სფეროზე – სოციალური და პოლიტიკური ცხოვრება, ადამიანის უფლებები, ბავშვების უფლებები, სამართლებრივი პროცესები და ა.შ. თუ ვამბობთ, რომ ეს არის გლობალური პანდემია, ჩვენ მას ვპასუხობთ ეფექტურად, რამეთუ ვმართავთ რისკებს, შესაბამისად უნდა გადავაზღვიოთ ჩვენი სოციალური ცხოვრების ყველა სფერო, რათა ადაპტაცია მოხდეს არა მხოლოდ ეკონომიკასთან, არამედ ცხოვრების სხვადასხვა სფეროსთან. ვფიქრობ, ჩვენი საერთაშორისო პარტნიორები და დონორები მოგვეხმარებიან მსგავსი კვლევების ჩატარებაში მაქსიმალურად სწრაფ დროში“, – განაცხადა გახარიამ.

პრემიერმა აღნიშნა რომ ეს კვლევა შესანიშნავი შესაძლებლობა გახდება იმისთვის, რომ არა მხოლოდ უკეთ მოვემზადოთ მეორე ტალღისთვის, არამედ გავუზიაროთ საქართველოს გამოცდილება საერთაშორისო პარტნიორებსაც.

76
თემები:
COVID-19 საქართველოში
გიორგი გახარია

გიორგი გახარია „ფეიკ–ნიუსების“ სამიზნე თუ თანამდებობიდან გადადგომის რეალური კანდიდატი?

50
(განახლებულია 14:06 04.06.2020)
იუსტიციის მინისტრმა თეა წულუკიანმა პრემიერ–მინისტრისა და სხვა მინისტრების თანამდებობიდან შესაძლო გადადგომის შესახებ გავრცელებული ინფორმაცია უარყო

თბილისი, 4 ივნისი – Sputnik.  ეს მცდარი ინფორმაცია, ე.წ. ფეიკ–ნიუსია, არავინ არსად არ მიდის, ბატონი გახარია არის პრემიერ–მინისტრი, რომელიც ჩვენს გუნდს არჩევნებზე საბოლოო გამარჯვებამდე მიგვიყვანს, განაცხადა საქართველოს იუსტიციის მინისტრმა თეა წულუკიანმა მთავრობის ადმინისტრაციაში გამართულ ბრიფინგზე.

მან პრემიერ–მინისტრის შესაძლო გადადგომის თაობაზე გავრცელებულ ინფორმაციასთან დაკავშირებით კომენტარი გააკეთა.

წულუკიანის სიტყვებით, ყველა მინისტრი თავის ადგილზე რჩება და სამთავრობო გუნდი დეზინფორმაციის პირველწყაროს წინააღმდეგ ბრძოლას დაიწყებს. 

 „ეს იქნება გუნდი, რომელიც არამარტო პანდემიაზე გაიმარჯვებს, ქვეყანას მოუტანს არამარტო უვიზო რეჟიმს, არამედ დიდ ევროინტეგრაციამდე მიიყვანს. ეს იქნება ასევე სახელისუფლებო გუნდი, მთავრობა, პარლამენტი, რომელიც დემოკრატიული არჩევნებით კვლავ გაიმარჯვებს იმ სერიოზულ პრობლემაზე, რომელსაც „ფეიკ–ნიუსების“ შემქმნელი ოპოზიცია და მათი მასმედია“, – განაცხადა წულუკიანმა.

იუსტიციის მინისტრმა ასევე უარყო გავრცელებული ხმები  პარლამენტის სპიკერის ან საკონსიტუტციო სასამართლოს თავმჯდომარის პოსტზე მისი შესაძლო დანიშვნის შესახებ.

უკვე რამდენიმე დღეა ქართულ მედიასაშუალებებში პერმანენტულად ვრცელდება ინფორმაცია გიორგი გახარიას და მთავრობაში რამდენიმე მინისტრის თანამდებობიდან გადადგომის შესახებ.


50
მაია ცქიტიშვილი

მარნეულში შვიდი ახალი სკოლა შენდება

0
(განახლებულია 15:53 04.06.2020)
სკოლები სწორედ იმ მუნიციპალიტეტში შენდება, სადაც სულ ახლახანს მკაცრი საკარანტინე რეჟიმი მოქმედებდა.

 

თბილისი, 4 ივნისი – Sputnik. მარნეულის მუნიციპალიტეტში შვიდ ახალ სკოლას აშენებენ და ახლო მომავალში  რიგით მერვე სკოლის მშენებლობაზე ტენდერი გამოცხადდება, განაცხადა რეგიონული განვითარებისა და ინფრასტრუქტურის მინისტრმა მაია ცქიტიშვილმა. 

უწყების პირველი პირი მარნეულში იმყოფებოდა და მშენებლობის პროცესსა და ასევე ახალი სასწავლო წლისთვის სკოლების სამზადისს  ადგილზე გაეცნო.

 „განათლების სისტემის ინფრასტრუქტურის მოწესრიგება ჩვენი სამინისტროს ერთ–ერთი პრიორიტეტული მიმართულებაა. მუნიციპალური განვითარების ფონდი  მარნეულში შვიდ სკოლას აშენებს და მალე მერვე სკოლის მშენებლობაზე ტენდერი გამოცხადდება“, – განაცხადა ცქიტიშვილმა.

მისი სიტყვებით, მუნიციპალური განვითარების ფონდი მთელი ქვეყნის მასშტაბით 59 სკოლას აშენებს და 80-ზე მეტი სკოლის კაპიტალურ რეაბილიტაციას ახორციელებს.

მშენებარე სკოლები თანამედროვე სტანდარტებს პასუხობენ – საკლასო ოთახების გარდა, იქნება ლაბორატორიები, სააქტო დარბაზები, სპორტული დარბაზები და მოედნები, სასადილოები და სხვა საჭირო ინფრასტრუქტურა.

როგორც ცქიტიშვილმა აღნიშნა, გასულ წელს  ქვეყნის მასშტაბით 600 სკოლის სარემონტო სამუშაოები დაფინანსდა. წელს, სკოლების სამშენებლო–სარემონტო სამუშაოებისთვის 400 მლნ ლარია გამოყოფილი.

0