ირანელები აშშ-ის დროშას წვავენ

როგორ აისახება საქართველოზე ირანსა და აშშ-ს შორის შესაძლო კონფლიქტი

212
(განახლებულია 20:52 08.01.2020)
ექსპერტი მიიჩნევს, რომ დიდი მასშტაბის ომის შემთხვევაში აშშ ირანის წინააღმდეგ სამხედრო ოპერაციებისთვის საქართველოს ტერიტორიას არ გამოიყენებს.

თბილისი, 8 იანვარი — Sputnik. დაძაბული ვითარება ახლო აღმოსავლეთში, რაც ირანელი გენერლის ქასემ სულეიმანის მკვლელობას მოჰყვა, დიდმასშტაბიან ომს არ მოიტანს, განაცხადა პოლიტოლოგმა, ექსპერტმა კავკასიის საკითხებში მამუკა არეშიძემ „Sputnik-საქართველოსთან" ინტერვიუში.

„ძირს აშშ!“ – ირანული პროტესტი გენერალ სულეიმანის მკვლელობის შემდეგ: ფოტოები>>

შეერთებულმა შტატებმა 2020 წლის დასაწყისში სარაკეტო იერიში მიიტანა ბაღდადის აეროპორტზე, რომლის შედეგად ისლამური რევოლუციის გუშაგთა კორპუსის სპეცქვედანაყოფის მეთაური, გენერალი ქასემ სულეიმანი დაიღუპა.

8 იანვრის ღამით ირანის ისლამური რევოლუციის გუშაგთა კორპუსმა განაცხადა, რომ გენერალ სულეიმანის მკვლელობის გამო შურისძიების ოპერაციას იწყებდა და ერაყში, ერბილეში მდებარე ამერიკულ სამხედრო ბაზას შეუტია "ხმელეთი-ხმელეთის" კლასის რაკეტებით. ამგვარად დაიწყო ირანმა შურისძიება გენერალ სულეიმანის მკვლელობისთვის.

„არანაირ მასშტაბურ ომს არ ველოდები, როგორც ზოგიერთი ამბობს მესამე მსოფლიო ომის თაობაზე. მაგრამ, ვფიქრობ, გარკვეული კონფრონტაცია, როგორც პოლიტიკური, ისე საომარი, იქნება. მაგრამ ეს, დიდი ალბათობით, ლოკალური იქნება", – განაცხადა არეშიძემ.

მისი თქმით, ერთადერთი, რაც შეიძლება მოხდეს, გაჩნდეს ლტოლვილებთან ან რეგიონულ ეკონომიკასთან დაკავშირებული გარკვეული ჰუმანიტარული პრობლემები.

„შეიძლება დადგეს უსაფრთხოების საკითხები, ასევე ლოკალური. მაგრამ მასშტაბურ მოვლენებს არ ველოდები", – აღნიშნა ექსპერტმა.

არეშიძე მიიჩნევს, რომ აშშ საქართველოს ტერიტორიას ირანის წინააღმდეგ სამხედრო ოპერაციებისთვის არ გამოიყენებს. მისი თქმით. ამას არანაირი აზრი არა აქვს, მით უფრო, რომ საქართველოში შესაბამისი სამხედრო-საჰაერო ინფრასტრუქტურა არ არის.

„ქართული ტერიტორიის გამოყენების არანაირი აუცილებლობა არ არის. რამდენადაც ჩემთვის არის ცნობილი, ახლო აღმოსავლეთის საკითხებში ამერიკელები ქართული და, საერთოდ, სამხრეთ კავკასიის ტერიტორიების გამოყენებას არ გეგმავენ", – აღნიშნა არეშიძემ.

ბოლო ინფორმაციით, ისლამური რევოლუციის გუშაგთა კორპუსმა განაცხადა, რომ აშშ-ის ობიექტებს აღარ შეუტევს, თუ შტატები ერაყში სარაკეტო დარტყმებს არ უპასუხებს.

ირანის შეტევებზე პასუხის შემთხვევაში ისლამური რევოლუციის გუშაგთა კორპუსი დაიმუქრა, რომ სარაკეტო დარტყმებს განახორციელებს უკვე თვითონ აშშ-ზე, ასევე დუბაიზე (არაბთა გაერთიანებული საამიროები) და ჰაიფაზე (ისრაელი).

ირანის უსაფრთხოების უმაღლესი საბჭოს მდივანმა ალი შამჰანიმ აღნიშნა, რომ ქვეყანას აშშ-ზე შურისძიების 13 სცენარი აქვს. ამასთან დაკავშირებით აშშ-ის პრეზიდენტმა დონალდ ტრამპმა პირობა დადო, რომ ირანის 52 სამიზნეზე მიიტანს იერიშს, თუ ირანი აშშ-ს შეუტევს.

212
თემები:
ირანი vs აშშ: ქასემ სულეიმანის ლიკვიდაციის შედეგები (14)

წინასაარჩევნო აგიტაცია: როგორ გამოიყურება თბილისის ქუჩები - ფოტო

25
  • ბოლო დღეებში არ დარჩა ქუჩები, სადაც წინასაარჩევნო პლაკატებსა და რეკლამებს არ შეხვდებით
  • მომავალ არჩევნებს გვახსენებს ავტობუსის გაჩერებებიც
  • ყველაზე მეტი ბანერი ქალაქში, რა თქმა უნდა, მმართველი პარტიის არის
  • მმართველ პარტიასთან მეტოქეობას ცდილობს მოძრაობა „ლელო“ - არის რაიონები, სადაც მათი უზარმაზარი ბანერები „ქართული ოცნების“ ბანერების მოპირდაპირედაა განთავსებული
  • ზოგან წინასაარჩევნო პლაკატები ვანდალიზმსაც ემსხვერპლა
  • არც ისე წარმატებული ადგილი პლაკატისათვის - „ლელოს“ ბანერი ბოძზე სანაგვე ურნის გვერდით
  • რუსთაველის გამზირზე ყველა ღობეზე იხილავთ წინასაარჩევნო რეკლამებს - ცარიელი ადგილის პოვნა აქ შეუძლებელია
  • ავლაბარში ასევე ცდილობენ პოტენციური ამომრჩევლის ყურადღება მიიპყრონ ათობით პლაკატით
  • სიტუაცია, როდესაც ალტერნატივა არ არსებობს, ან ფული არ არის საკმარისი. ეკა ბესელიას ერთადერთი პლაკატი ქალაქის ცენტრში. ის საკუთარ პარტიას „სამართლიანობისათვის“ წარმოადგენს
  • არანაკლებ დიდი ბანერები აქვს „ევროპულ საქართველოსაც“
  • თუმცა „ქართული ოცნების“ ბანერები უფრო დიდებია
  • ქალაქში ასევე შეხვდებით „სოციალ-დემოკრატიული პარტიის“ დიდ ბანერსაც
  • და კიდევ უფრო დიდ „ერთიანი ნაციონალური მოძრაობის“ პლაკატს
  • მათ არ ჩამორჩებათ „პატრიოტთა ალიანსი“
  • შედარებით მოკრძალებული ზომის პლაკატი და ადგილი არჩია „ლეიბორსტულმა პარტიამ“
  • მუნიციპალური ავტობუსები ასევე იქცა მოსიარულე რეკლამებად, რომლებზეც, ძირითადად, „ქართული ოცნების“ ბანერებია განთავსებული
  • „სტრატეგია აღმაშენებელის“ ლიდერი გიორგი ვაშაძე, რომელიც პრემიერ-მინისტრობის საკუთარ კანდიდატურას სთავაზობს საზოგჰადოებას, რეკლამები მიკროავტობუსებზე განათავსა
  • „ქართულ ოცნებას“ უპირატესობა აქვს სწორედ იმიტომ, რომ ავტობუსები სწორედ მათი პარტიის ფერისაა
  • მაშ ასე, არჩევნები ახლოვდება და სულ ცოტა დრო რჩება იქამდე, სანამ შედეგებს შევიტყობთ
საქართველოში საპარლლამენტო არჩევნების დღე ახლოვდება. ამის შესახებ ქალაქის მკვიდრებს მუდამ ახსენებს სხვადასხვა პარტიების პლაკატები და ბანერები. იხილეთ Sputnik-საქართველოს ფოტოლენტაში, როგორ გამოიყურება ქვეყნის დედაქალაქი

საქართველოში საპარლამენტო არჩევნები გაიმართება შაბათს, 31 ოქტომბერს. წინასაარჩევნო აგიტაცია ქვეყანაში გაუარესებული ეპიდემიოლოგიური სიტუაციის ფონზე მიმდინარეობს. ყოველდღიურად ირზდება კორონავირუსით დაინფიცირების შემთხვევები. მიუხედავად ამისა, ყველა პარტია და პოლიტიკოსი, განაგრძობს არჩევნებისათვის მზადებას.

25
  • ბოლო დღეებში არ დარჩა ქუჩები, სადაც წინასაარჩევნო პლაკატებსა და რეკლამებს არ შეხვდებით
    © Sputnik / Alexander Imedashvili

    ბოლო დღეებში არ დარჩა ქუჩები, სადაც წინასაარჩევნო პლაკატებსა და რეკლამებს არ შეხვდებით

  • მომავალ არჩევნებს გვახსენებს ავტობუსის გაჩერებებიც
    © Sputnik / Alexander Imedashvili

    მომავალ არჩევნებს გვახსენებს ავტობუსის გაჩერებებიც

  • ყველაზე მეტი ბანერი ქალაქში, რა თქმა უნდა, მმართველი პარტიის არის
    © Sputnik / Alexander Imedashvili

    ყველაზე მეტი ბანერი ქალაქში, რა თქმა უნდა, მმართველი პარტიის არის

  • მმართველ პარტიასთან მეტოქეობას ცდილობს მოძრაობა „ლელო“ - არის რაიონები, სადაც მათი უზარმაზარი ბანერები „ქართული ოცნების“ ბანერების მოპირდაპირედაა განთავსებული
    © Sputnik / Alexander Imedashvili

    მმართველ პარტიასთან მეტოქეობას ცდილობს მოძრაობა „ლელო“ - არის რაიონები, სადაც მათი უზარმაზარი ბანერები „ქართული ოცნების“ ბანერების მოპირდაპირედაა განთავსებული

  • ზოგან წინასაარჩევნო პლაკატები ვანდალიზმსაც ემსხვერპლა
    © Sputnik / Alexander Imedashvili

    ზოგან წინასაარჩევნო პლაკატები ვანდალიზმსაც ემსხვერპლა

  • არც ისე წარმატებული ადგილი პლაკატისათვის - „ლელოს“ ბანერი ბოძზე სანაგვე ურნის გვერდით
    © Sputnik / Alexander Imedashvili

    არც ისე წარმატებული ადგილი პლაკატისათვის - „ლელოს“ ბანერი ბოძზე სანაგვე ურნის გვერდით

  • რუსთაველის გამზირზე ყველა ღობეზე იხილავთ წინასაარჩევნო რეკლამებს - ცარიელი ადგილის პოვნა აქ შეუძლებელია
    © Sputnik / Alexander Imedashvili

    რუსთაველის გამზირზე ყველა ღობეზე იხილავთ წინასაარჩევნო რეკლამებს - ცარიელი ადგილის პოვნა აქ შეუძლებელია

  • ავლაბარში ასევე ცდილობენ პოტენციური ამომრჩევლის ყურადღება მიიპყრონ ათობით პლაკატით
    © Sputnik / Alexander Imedashvili

    ავლაბარში ასევე ცდილობენ პოტენციური ამომრჩევლის ყურადღება მიიპყრონ ათობით პლაკატით

  • სიტუაცია, როდესაც ალტერნატივა არ არსებობს, ან ფული არ არის საკმარისი. ეკა ბესელიას ერთადერთი პლაკატი ქალაქის ცენტრში. ის საკუთარ პარტიას „სამართლიანობისათვის“ წარმოადგენს
    © Sputnik / Alexander Imedashvili

    სიტუაცია, როდესაც ალტერნატივა არ არსებობს, ან ფული არ არის საკმარისი. ეკა ბესელიას ერთადერთი პლაკატი ქალაქის ცენტრში. ის საკუთარ პარტიას „სამართლიანობისათვის“ წარმოადგენს

  • არანაკლებ დიდი ბანერები აქვს „ევროპულ საქართველოსაც“
    © Sputnik / Alexander Imedashvili

    არანაკლებ დიდი ბანერები აქვს „ევროპულ საქართველოსაც“

  • თუმცა „ქართული ოცნების“ ბანერები უფრო დიდებია
    © Sputnik / Alex Shlamov

    თუმცა „ქართული ოცნების“ ბანერები უფრო დიდებია

  • ქალაქში ასევე შეხვდებით „სოციალ-დემოკრატიული პარტიის“ დიდ ბანერსაც
    © Sputnik / Alex Shlamov

    ქალაქში ასევე შეხვდებით „სოციალ-დემოკრატიული პარტიის“ დიდ ბანერსაც

  • და კიდევ უფრო დიდ „ერთიანი ნაციონალური მოძრაობის“ პლაკატს
    © Sputnik / Alex Shlamov

    და კიდევ უფრო დიდ „ერთიანი ნაციონალური მოძრაობის“ პლაკატს

  • მათ არ ჩამორჩებათ „პატრიოტთა ალიანსი“
    © Sputnik / Alex Shlamov

    მათ არ ჩამორჩებათ „პატრიოტთა ალიანსი“

  • შედარებით მოკრძალებული ზომის პლაკატი და ადგილი არჩია „ლეიბორსტულმა პარტიამ“
    © Sputnik / Alexander Imedashvili

    შედარებით მოკრძალებული ზომის პლაკატი და ადგილი არჩია „ლეიბორსტულმა პარტიამ“

  • მუნიციპალური ავტობუსები ასევე იქცა მოსიარულე რეკლამებად, რომლებზეც, ძირითადად, „ქართული ოცნების“ ბანერებია განთავსებული
    © Sputnik / Alex Shlamov

    მუნიციპალური ავტობუსები ასევე იქცა მოსიარულე რეკლამებად, რომლებზეც, ძირითადად, „ქართული ოცნების“ ბანერებია განთავსებული

  • „სტრატეგია აღმაშენებელის“ ლიდერი გიორგი ვაშაძე, რომელიც პრემიერ-მინისტრობის საკუთარ კანდიდატურას სთავაზობს საზოგჰადოებას, რეკლამები მიკროავტობუსებზე განათავსა
    © Sputnik / Alexander Imedashvili

    „სტრატეგია აღმაშენებელის“ ლიდერი გიორგი ვაშაძე, რომელიც პრემიერ-მინისტრობის საკუთარ კანდიდატურას სთავაზობს საზოგჰადოებას, რეკლამები მიკროავტობუსებზე განათავსა

  • „ქართულ ოცნებას“ უპირატესობა აქვს სწორედ იმიტომ, რომ ავტობუსები სწორედ მათი პარტიის ფერისაა
    © Sputnik / Alexander Imedashvili

    „ქართულ ოცნებას“ უპირატესობა აქვს სწორედ იმიტომ, რომ ავტობუსები სწორედ მათი პარტიის ფერისაა

  • მაშ ასე, არჩევნები ახლოვდება და სულ ცოტა დრო რჩება იქამდე, სანამ შედეგებს შევიტყობთ
    © Sputnik / Alexander Imedashvili

    მაშ ასე, არჩევნები ახლოვდება და სულ ცოტა დრო რჩება იქამდე, სანამ შედეგებს შევიტყობთ

შსს-ს შენობა

შსს: პოლიცია პოლიტიკურად ნეიტრალური უწყებაა

24
ასეთი კომენტარი გააკეთა შსს-მ მედიაში გავრცელებულ ინფორმაციაზე, რომ პოლიციის თანამშრომლები რეგიონებში  წინასაარჩევნო აგიტატორების როლს ასრულებენ.

თბილისი, 24 ოქტომბერი — Sputnik. საქართველოს შინაგან საქმეთა სამინისტრომ უარყო მედიაში გავრცელებული ინფორმაცია იმისა შესახებ, თითქოს რეგიონებში არჩევნების წინ პოლიციის მობილიზება მიმდინარეობს.

ოპოზიციურმა ტელეარხმა „მთავარი არხი“ გუშინ გაავრცელა ინფორმაცია იმის შესახებ, რომ პოლიციის თანამშრომლები რეგიონებში  წინასაარჩევნო აგიტატორების როლს ასრულებენ.

„ერთ-ერთ მედიასაშუალებაში გასული ინფორმაცია იმის შესახებ, რომ შინაგან საქმეთა სამინისტროს თანამშრომლები თითქოს პარტიული მითითებით წინასაარჩევნოდ საქართველოს რეგიონებში იმყოფებიან არის „ფეიკ ნიუსი" და არ შეესაბამება სიმართლეს. შინაგან საქმეთა სამინისტრო არის პოლიტიკურად ნეიტრალური უწყება და მედიასაშუალების მხრიდან მსგავსი ცრუ ინფორმაციის გავრცელება ემსახურება პოლიციის მიზანმიმართულ დისკრედიტაციას“, - ნათქვამია შსს-ს განცხადებაში.

საქართველოში 31 ოქტომბერს არჩევნები გაიმართება. ამ დღეს საქართველოს მოსახლეობა აირჩევს პარლამენტის დეპუტატებს, აჭარის უმაღლესი საბჭოს წევრებს, ასევე რამდენიმე მუნიციპალიტეტის ადგილობრივი ხელისუფლების წარმომადგენლებს. ცესკოსა და შსს-ს შორის გაფორმებული შეთანხმებით, პოლიციის თანამშრომლები უზრუნველყოფენ წინასაარჩევნო კამპანიის და კენჭისყრის მსვლელობის უსაფრთხოებას, ასევე ბიულეტენების უსაფრთხო მიწოდებას უბნებზე.

24
თემები:
საქართველოს საპარლამენტო არჩევნები 2020
სპეცოპერაცია ზუგდიდში

„საქართველოს ბანკის“ ფილიალში მძევლად აყვანილ პირთა ნაწილს დაზარალებულის სტატუსი მიენიჭა 

0
ყოფილი მძევლები საგამოძიებო უწყებაში დღეს განმეორებით არ დაკითხულან. მათ დაზარალებულის სტატუსი მიენიჭათ.

თბილისი, 24 ოქტომბერი - Sputnik. ზუგდიდში, „საქართველოს ბანკის“ ფილიალში თავდასხმისას მძევლად აყვანილ პირთა ნაწილს დაზარალებულის სტატუსი მიენიჭა, იუწყება „პირველი არხი“.

არსებული ინფორმაციით, სამეგრელო-ზემო სვანეთის სამხარეო პოლიციის მთავარ სამმართველოში ამ დროისთვის მოწმეების გამოკითხვა მიმდინარეობს.

უწყებაში იკითხებიან ბანკის ის თანამშრომლები, რომლებიც „საქართველოს ბანკზე“ ბანკზე მომხდარი თავდასხმისას მძარცველმა მძევლად აიყვანა.

საგამოძიებო უწყება უკვე დატოვა რამდენიმე მოწმემ. მათი ინფორმაციით, საგამოძიებო უწყებაში დღეს განმეორებით არ დაკითხულან და მათ დაზარალებულის სტატუსი მიენიჭათ.

21 ოქტომბერს შეიარაღებული პირი „საქართველოს ბანკის“ ზუგდიდის ფილიალში შეიჭრა და 40-ზე მეტი ადამიანი მძევლად აიყვანა. ბოროტმოქმედმა ხელისუფლებისგან ნახევარი მილიონი დოლარი, ვერტმფრენი ან მანქანა, ასევე მისი უსაფრთხოების გარანტიები მოითხოვა. მოთხოვნების შეუსრულებლობის შემთხვევაში დამნაშავე მძევლების დახოცვით იმუქრებოდა.

მძევლების გათავისუფლების ოპერაცია შვიდ საათზე მეტხანს გაგრძელდა, რთული და ხანგრძლივი მოლაპარაკებების შედეგად მძევლების გათავისუფლება მოხდა, მათ სამეგრელო–ზემო სვანეთის პოლიციის დეპარტამენტის დირექტორი ავთანდილ გალდავა ჩაენაცვლა. ფულის მიღების შემდეგ თავდამსხმელმა ავთანდილ გალდავასთან და სამ მძევალთან ერთად დატოვა ბანკის შენობა. ამ დროისთვის ყველა მძევალი გათავისუფლებულია, ბოროტმოქმედზე კი ძებნაა გამოცხადებული.

ზუგდიდში მომხდარ ფაქტზე გამოძიება საქართველოს სსკ-ის 179-ე, 236-ე და 144-ე მუხლებით მიმდინარეობს.

0
თემები:
ზუგდიდში შეიარაღებულმა პირმა მძევლები აიყვანა