გრიგორი კარასინი

კარასინი გაფრინდაშვილის გათავისუფლებაზე: 2020 წელი უფრო კონსტრუქციული იქნება

62
(განახლებულია 10:16 29.12.2019)
რუსი სენატორი გრიგორი კარასინი „Sputnik-საქართველოსთან“ ექსკლუზიურ ინტერვიუში მოუწოდებს კეთილმეზობლური და ურთიერთპატივისცემაზე დამყარებული ურთიერთობების განვითარებისკენ

თბილისი, 29 დეკემბერი — Sputnik. რუსი სენატორი გრიგორი კარასინი მიიჩნევს, რომ ცხინვალის საპატიმროდან ქართველი ექიმის ვაჟა გაფრინდაშვილის გათავისუფლება იძლევა იმედს იმისა, რომ 2020 წელი მეტად კონსტრუქციული გახდება საქართველოს და ცხინვალის დე-ფაქტო ხელისუფლების ურთიერთობების კუთხით.

„ბოლო რამდენიმე კვირის განმავლობაში, საკმაოდ ნერვული ვითარება იყო ექიმ გაფრინდაშვილთან დაკავშირებით. ჩემი აზრით, ის ფაქტი, რომ ის საახალწლოდ სამშობლოში დაბრუნდა, კარგ განწყობას ქმნის და იძლევა იმედს საიმისოდ, რომ ახალი 2020 წელი უფრო კონსტრუქციული იქნება როგორც საქართველოს და სამხრეთ ოსეთს შორის, ისე მთლიანობაში რეგიონში ურთიერთობების კუთით. კერძოდ, იმედი მაქვს, რომ იგი დაუკარგავს საქართველოს პოლიტიკურ ძალებს რუსეთისა და სხვა პარტნიორების მიმართ მტრული განწყობის შექმნის საბაბს და ჩვენ ახალ ჰორიზონტებზე გავალთ”, - განაცხადა კარასინმა ექსკლუზიურ ინტერვიუში „Sputnik-საქართველოსთან“.

შაბათს ცხინვალის რეგიონის დე-ფაქტოს ხელისუფლებამ გაფრინდაშვილი გაათავისუფლა. ქართველი ექიმი უკვე თბილისში, საკუთარ სახლში დაბრუნდა.

ექიმი ვაჟა გაფრინდაშვილი თავისუფალია >>

„მნიშვნელოვანი ძალისხმევა განხორციელდა იმისთვის, რომ ექიმი გაფრინდაშვილი შინ დაბრუნებულიყო. ეს ეხება პოლიტიკოსებს თავად საქართველოში, მოლაპარაკებების ყველა ფორმატსა და ქართველ პარლამენტარებს. მე გავიგე, რომ დღეს ირმა ინაშვილი გაფრინდაშვილს პრაქტიკულად „საზღვარზე“ დახვდა. ჩვენ უნდა ვიყოთ განწყობილი გადაწყვეტილებების მოძიებაზე, იმაზე, რომ ადამიანებმა თავი უფრო თავისუფლად იგრძნონ, ისე რომ წარმოშობილი ინციდენტები პოზიტიურად, კონსტრუქციულად გადაიჭრას. მოდით განვავითაროთ კეთილმეზობლური ურთიერთობები, ურთიერთპატივისცემა, ამის შემდეგ კი ყველაფერი დანარჩენი - უფრო რთული და გრძელვადიანი, დალაგდება“, - განაცხადა რუსეთის ფედერაციის ფედერალური საბჭოს წევრმა.

კარასინმა ცხინვალის გადაწყვეტილება ახალი კონსტრუქციული მიდგომების მოძიებისკენ მოწოდებად შეაფასა.

„რუსულმა მხარემ ხელი შეუწყო იმას, რომ ასეთი გადაწყვეტილება დამდგარიყო. ჩვენ შეგვიძლია მივულოცოთ ცხინვალის ხელმძღვანელობას ეს გადაწყვეტილება. მოდით, მომავალ 2020 წელს ამავე სულისკვეთებით გავაგრძელოთ. ეს, ბუნებრივია, ეხება საქართველოს იმ ძალებს, რომლებმაც უნდა შეამცირონ თავიანთი შიდაპოლიტიკური ამბიციები, რომლებსაც ისინი რუსეთის ფედერაციის, მეზობლების, სამხრეთ ოსეთისა და აფხაზეთისადმი უნდობლობის გაღვივების ხარჯზე ავითარებენ. ჩვენ უნდა ავეწყოთ პოზიტიურ განწყობაზე, წინააღმდეგ შემთხვევაში, კარგი არაფერი იქნება”, - განაცხადა კარასინმა.

ცნობილი ქართველი ექიმი-ტრავმატოლოგი ცხინვალის რეგიონში იმისთვის გაემგზავრა, რათა სამედიცინო დახმარება აღმოეჩინა ახალგორში დაშავებული მასწავლებლისთვის. ქალი ჭაში ჩავარდნის შედეგად დაშავდა, ადგილზე კი მისთვის სათანადო დახმარების აღმოჩენის საშუალება არ არსებობდა.

ტრამპი არ გამორიცხავს, რომ მოსკოვში 9 მაისის აღლუმს დაესწრება >>

გაფრინდაშვილი „საზღვრის დარღვევისთვის“ დააკავეს, 20 დეკემბერს მას ერთი წელი და ცხრა თვე მიუსაჯეს. მთელი ამ დროის განმავლობაში თბილისსა და სხვა ქალაქებში არ წყდებოდა საპროტესტო აქციები. დღეს კი ცნობილი გახდა, რომ ექიმი შეიწყალეს.

62
თემები:
ქართულ–რუსული ურთიერთობები (163)
მეტროს მგზავრები პირბადეებით

როგორ ემზადება საქართველოს მთავრობა კორონავირუსის მეორე ტალღისთვის

93
(განახლებულია 14:45 04.06.2020)
საქართველო  საერთაშორისო პარტნიორებთან ერთად ცხოვრების სხვადასხვა სფეროზე კორონავირუსის ეპიდემიის გავლენის შესახებ ფართომასშტაბიან კვლევას ჩაატარებს

თბილისი, 4 ივნისი – Sputnik. აუცილებელია დეტალური კვლევის ჩატარება კორნავირუსის ცხოვრების სხვადასხვა სფეროზე გავლენის კუთხით, რათა მოვემზადოთ პანდემიის მეორე ტალღისთვის, რომელზეც ყველა ლაპარაკობს, განაცხადა მთავრობის სხდომაზე საქართველოს პრემიერ-მინისტრმა გიორგი გახარიამ.

პრემიერის თქმით, მუშაობამ პარლამენტისთვის წარდგენილ ანგარიშზე მთავრობის მიერ კრონავირუსთან ბრძოლაში გადადგმული ნაბიჯების შესახებ ნათლად აჩვენა, რომ ეს ძალზე კარგი შესაძლებლობაა სუსტი ადგილების გამოსავლენად.

პრემიერმა აღნიშნა რომ ეს ანგარიში საფუძვლად დაედება კვლევას, რათა პანდემიასთან ბრძოლა უფრო ეფექტური იყოს.

„იმისთვის, რომ უფრო ეფექტურად ვიყოთ მომზადებული შესაძლო მეორე ტალღისთვის... გვინდა, გამოვიყენოთ ეს ანგარიში, როგორც, ასე ვთქვათ, პირველი ნაბიჯი იმისთვის, რომ დავიწყოთ ფართო კვლევა საერთაშორისო პარტნიორებთან ერთად „კოვიდ-19“-ის ვირუსის, ეპიდემიის ზეგავლენის შესახებ ჩვენი ცხოვრების სხვადასხვა სფეროზე – სოციალური და პოლიტიკური ცხოვრება, ადამიანის უფლებები, ბავშვების უფლებები, სამართლებრივი პროცესები და ა.შ. თუ ვამბობთ, რომ ეს არის გლობალური პანდემია, ჩვენ მას ვპასუხობთ ეფექტურად, რამეთუ ვმართავთ რისკებს, შესაბამისად უნდა გადავაზღვიოთ ჩვენი სოციალური ცხოვრების ყველა სფერო, რათა ადაპტაცია მოხდეს არა მხოლოდ ეკონომიკასთან, არამედ ცხოვრების სხვადასხვა სფეროსთან. ვფიქრობ, ჩვენი საერთაშორისო პარტნიორები და დონორები მოგვეხმარებიან მსგავსი კვლევების ჩატარებაში მაქსიმალურად სწრაფ დროში“, – განაცხადა გახარიამ.

პრემიერმა აღნიშნა რომ ეს კვლევა შესანიშნავი შესაძლებლობა გახდება იმისთვის, რომ არა მხოლოდ უკეთ მოვემზადოთ მეორე ტალღისთვის, არამედ გავუზიაროთ საქართველოს გამოცდილება საერთაშორისო პარტნიორებსაც.

93
თემები:
COVID-19 საქართველოში
გიორგი გახარია

გიორგი გახარია „ფეიკ–ნიუსების“ სამიზნე თუ თანამდებობიდან გადადგომის რეალური კანდიდატი?

63
(განახლებულია 14:06 04.06.2020)
იუსტიციის მინისტრმა თეა წულუკიანმა პრემიერ–მინისტრისა და სხვა მინისტრების თანამდებობიდან შესაძლო გადადგომის შესახებ გავრცელებული ინფორმაცია უარყო

თბილისი, 4 ივნისი – Sputnik.  ეს მცდარი ინფორმაცია, ე.წ. ფეიკ–ნიუსია, არავინ არსად არ მიდის, ბატონი გახარია არის პრემიერ–მინისტრი, რომელიც ჩვენს გუნდს არჩევნებზე საბოლოო გამარჯვებამდე მიგვიყვანს, განაცხადა საქართველოს იუსტიციის მინისტრმა თეა წულუკიანმა მთავრობის ადმინისტრაციაში გამართულ ბრიფინგზე.

მან პრემიერ–მინისტრის შესაძლო გადადგომის თაობაზე გავრცელებულ ინფორმაციასთან დაკავშირებით კომენტარი გააკეთა.

წულუკიანის სიტყვებით, ყველა მინისტრი თავის ადგილზე რჩება და სამთავრობო გუნდი დეზინფორმაციის პირველწყაროს წინააღმდეგ ბრძოლას დაიწყებს. 

 „ეს იქნება გუნდი, რომელიც არამარტო პანდემიაზე გაიმარჯვებს, ქვეყანას მოუტანს არამარტო უვიზო რეჟიმს, არამედ დიდ ევროინტეგრაციამდე მიიყვანს. ეს იქნება ასევე სახელისუფლებო გუნდი, მთავრობა, პარლამენტი, რომელიც დემოკრატიული არჩევნებით კვლავ გაიმარჯვებს იმ სერიოზულ პრობლემაზე, რომელსაც „ფეიკ–ნიუსების“ შემქმნელი ოპოზიცია და მათი მასმედია“, – განაცხადა წულუკიანმა.

იუსტიციის მინისტრმა ასევე უარყო გავრცელებული ხმები  პარლამენტის სპიკერის ან საკონსიტუტციო სასამართლოს თავმჯდომარის პოსტზე მისი შესაძლო დანიშვნის შესახებ.

უკვე რამდენიმე დღეა ქართულ მედიასაშუალებებში პერმანენტულად ვრცელდება ინფორმაცია გიორგი გახარიას და მთავრობაში რამდენიმე მინისტრის თანამდებობიდან გადადგომის შესახებ.


63
პოლიცია

39 დღე კარანტინში: თეთრიწყაროში შეზღუდვები მოიხსნა

0
(განახლებულია 17:03 04.06.2020)
თეთრიწყაროს მუნიციპალიტეტში სულ კორონავირუსის 55 დადასტურებული შემთხვევა გამოვლინდა, 50 ადამიანი უკვე გამოჯანმრთელდა.

 

თბილისი, 4 ივნისი – Sputnik. 39–დღიანი შეზღუდვების შემდეგ, თეთრიწყაროში საკარანტინე რეჟიმი მოიხსნა, ყველა საკონტროლო–გამშვები პუნქტი გაუქმდა და მოქალაქეებს თავისუფალად გადაადგილების შესაძლებლობა აქვთ, ნათქვამია მუნიციპალიტეტის Facebook–გვერდზე გავრცელებულ განცხადებაში.

თეთრიწყაროში კორონავირუსის პირველი შემთხვევა 25 აპრილს დაფიქსირდა, 26 აპრილიდან კი უწყებათაშორისი საკოორდინაციო საბჭოს გადაწყვეტილებით მუნიციპალიტეტი ჩაიკეტა. 

დღეს გამართულ მთავრობის სხდომაზე პრემიერ–მინისტრმა გიორგი გახარიამ მუნიციპალიტეტში საკარანტინე რეჟიმის გაუქმება დააანონსა. მისი სიტყვებით, თეთრიწყაროში ეპიდსიტუაცია შეზღუდვების მოხსნის საშუალებას იძლევა, რამდენადაც 22 მაისიდან რაიონში კორონავირუსით ინფიცირების არცერთი ახალი შემთხვევა არ დაფიქსირებულა.

 „ბოლო პერიოდის განმავლობაში დიდი სირთულეების დაძლევა მოგვიწია. მინდა მადლობა გადავუხადო ყველას, ვინც ამ პროცესებში იყო ჩართული, განსაკუთრებით თავდაცვის ძალებს, პოლიციას, ჯანდაცვის სექტორის წარმომადგენლებს გაწეული დაუღალავი შრომისთვის”, – განაცხადა განაცხადა მუნიციპალიტეტის მერმა გიორგი ქორიძემ.

თეთრიწყაროს მუნიციპალიტეტში სულ კორონავირუსის 55 დადასტურებული შემთხვევა გამოვლინდა, მათგან 50 უკვე გამოჯანმრთელდა. ამ დროისთვის თვითიზოლაციაში შვიდი ადამიანი, კარანტინში კი 36 პირი იმყოფება, სტაციონარში  მკურნალობს 5 პაციენტი, 17 886 პირს თერმოსკრინინგი, PCR- ტესტირება კი ჯამში 872 პირს ჩაუტარდა.

0
თემები:
COVID-19 საქართველოში