ოპოზიციის მიტინგი პარლამენტთან

რა გეგმები აქვს ოპოზიციას

144
(განახლებულია 18:58 18.12.2019)
ბრძოლა ძალაუფლებისათვის გადამწყვეტ ფაზაში შედის და, სავარაუდოდ, მით უფრო გამწვავდება ვითარება, რაც უფრო მოახლოვდება არჩევნები.

მართალია, ვერც ხელისუფლება და ვერც ოპოზიცია ჯერჯერობით პროცესების ექსკლუზიურად მართვას ვერ ახერხებენ, მაგრამ არც ერთი მხარე უკან დახევას არ აპირებს. დასავლეთმა და ელჩებმა კი მოახერხეს ხელისუფლებისა და ოპოზიციის ერთ მაგიდასთან დასმა, მაგრამ, მოლაპარაკებების ამდენი რაუნდის მიუხედავად, შედეგები არ ჩანს და, სავარაუდოდ, არც იქნება. ის კი არადა, უმრავლესობის ლიდერი მამუკა მდინარაძე მიიჩნევს, რომ 2024 წლამდე ყველა რიგგარეშე არჩევნებიც კი შერეული, ანუ მაჟორიტარულ-პროპორციული სისტემით უნდა ჩატარდეს.

ოპოზიციონერ მურმან დუმბაძის თქმით, ოპოზიცია ერთ-ერთ ვარიანტად იმასაც განიხილავდა, რომ პირველ ეტაპზე 2020-ში ხელისუფლებას გაჰყოლოდნენ და არჩევნები ამავე კანონით ჩატარებულიყო, ხოლო შემდეგ შეექმნათ ისეთი სიტუაცია, რომ საჭირო გამხდარიყო ვადამდელი არჩევნები და ის უკვე პროპორციული სისტემით გაიმართებოდა. როგორც ჩანს, ამ ინფორმაციამ ხელისუფლების ყურამდეც მიაღწია და ოპოზიციას ნათლად უთხრეს, რომ არსებულ რეალობას უნდა შეეგუონ. იმასაც, რომ არჩევნები 2020-შიც შერეული სისტემით ჩატარდება და იმასაც, რომ „ქართულ ოცნებას“ მეტი მომხრე ჰყავს და გაიმარჯვებს. სწორედ ამის დემონსტრირება იყო როგორც საშინაო, ასევე საგარეო ასპარეზზე 14 დეკემბრის შეკრება თბილისში, თავისუფლების მოედანზე.

როგორც კულუარებში ამბობენ, აშშ ყურადღებით აკვირდება მოვლენებს და იქ არც ვადამდელი არჩევნების მომხრეები არიან. დასავლეთში გამრავლებული კრიტიკისა და ორი მნიშვნელოვანი გადაწყვეტილების ასახსნელად მთავრობამ ამერიკაში სასწრაფოდ ირაკლი კობახიძე, „აჯანყებული“ მაჟორიტარი ირაკლი (დაჩი) ბერაია და კახა კუჭავა აფრინა. სწორედ მათ უნდა აუხსნან ამერიკელებს, რატომ ჩააგდო ხელისუფლებამ საკონსტიტუციო ცვლილებები და რატომ დანიშნეს უზენაესში 14 ახალი უვადო მოსამართლე.

ორივე თემასთან დაკავშირებით დასავლურმა წრეებმა საკმაოდ კრიტიკული განცხადებები გააკეთეს და დიპლომატები დიპლომატიურ ენაზე მეტს ვერაფერს იტყოდნენ.

რაც შეეხება ოპოზიციის გეგმებს, ფაქტია, რომ ისინი მრავალრიცხოვან აქციებს ვეღარ მართავენ და ვერც ქარიზმატული ლიდერი იპოვეს, ვინც ხალხს ქუჩაში გამოიყვანს. „ნაციონალურ მოძრაობას“ და „ევროპელ დემოკრატებს“ კი მშვენივრად აძლევთ ხელს შერეული სისტემა, რადგან 3%-იან ბარიერსაც გადალახავენ და სამომავლოდ წვრილ-წვრილი პარტიების ამომრჩეველსაც თავისკენ წაიყვანენ.

ჩვენი ინფორმაციით, ოპოზიცია, ერთი მხრივ, „დაბოქლომებისა“ და მცირე ინციდენტების შექმნას გააგრძელებს. მაგალითად, ხუთშაბათს საპროტესტო აქცია ისევ პარლამენტთანაა დაგეგმილი, პარასკევს კი ისინი მოლაპარაკების მაგიდასთან დასხდებიან და საარჩევნო მოდელებზე იმსჯელებენ, თუმცა კი მისი შეცვლის ალბათობა მინიმალურია. მთავარი ახლა სწორედ ისაა, რომ მეტ-ნაკლებად ჯანსაღი პოლიტიკური ძალები და პოლიტიკოსები გააქტიურდნენ და არჩევნებიც სამართლიან გარემოში ჩატარდეს.

მართალია, ექსპერტმა გია ხუხაშვილმა 14 დეკემბრის აქცია უშინაარსო ღონისძიებად შეაფასა, ზოგმა კი 2012 წლის 28 სექტემბერს ნაციონალური მოძრაობის მრავალრიცხოვანი შეკრებაც გაიხსენა,

მაგრამ ამ აქციით მმართველმა პოლიტიკურმა ძალამ აჩვენა: 

1. ჩვენ ბევრნი ვართ და ბევრი მხარდამჭერი გვყავს. ამით მან საკუთარი მომხრეებიც გაამხნევა.

2. ახალგაზრდობა არა მხოლოდ ოპოზიციას უჭერს მხარს, ჩვენკენ უფრო მეტია.

3. ხელისუფლების დათმობას და გადაცემას არ ვაპირებთ.

სარწმუნო წყაროების ცნობით, დიდი სურვილის მიუხედავად, გაზაფხულზე ვადამდელი არჩევნების ჩატარების გეგმა შეიცვალა. დასავლეთის მოთხოვნაა არჩევნები საარჩევნო ციკლის დასრულების შემდეგ და სამართლიანად ჩატარდეს.

უსამართლობის შემთხვევაში ზოგიერთი წყარო 2003 წლის მოვლენების გამეორების ალბათობაზეც საუბრობს. თუმცა, საქართველოს ახლა არა რევოლუციები, არამედ ევოლუციური განვითარება და ეკონომიკის აღორძინება სჭირდება. ვნახოთ, რა პროგრამებს და როგორი განხორციელების პერსპექტივით შემოგვთავაზებენ პარტიები და ვის დაუჯერებს ხალხი.

144
პირბადით არჩევნებზე

როდესაც ყველა ამომრჩეველი ერთმანეთს ჰგავს

75
(განახლებულია 18:40 05.08.2020)
ახალი კორონავირუსის COVID-19-ის გავრცელების საშიშროების გამო წელს არჩევნებზე ამომრჩევლები პირბადეებით მივლენ.
პირბადით არჩევნებზე

კორონავირუსის პანდემიის გამო, რომელიც მსოფლიოში ჯერ კიდევ განაგრძობს გავრცელებას, საარჩევნო უბნებზე წელს, შესაძლოა, ნიღბის ტარება აუცილებელი იყოს.

ზუსტი პასუხი კითხვაზე, როგორ ჩატარდება ამომრჩეველთა რეგისტრაცია პირბადეებით, ჯერ უცნობია. დიდი ალბათობით, ნიღბის გარეშე არჩევნებში მონაწილეობა შეუძლებელი იქნება.

ამავდროულად არჩევნების დროს ნიღბების გამოყენება საკამათო თემად რჩება: რეგისტრაციის დროს პიროვნების ამოსაცნობად ნიღბის მოხსნა, სავარაუდოდ, საჭირო გახდება.

75
ოპოზიციის აქცია

პირველი დარღვევები წინასაარჩევნო კამპანიის დროს: რა დააფიქსირეს დამკვირვებლებმა

85
(განახლებულია 13:56 05.08.2020)
არასამთავრობო ორგანიზაციამ ივლისში მოსახლეობის შესაძლო მოსყიდვის რვა ფაქტი დააფიქსირა და ამას უკვე უწოდა „წინასაარჩევნო კამპანიის ტენდენცია“.

თბილისი, 5 აგვისტო – Sputnik. არასამთავრობო ორგანიზაცია „სამართლიანი არჩევნებისა და დემოკრატიის საერთაშორისო საზოგადოებამ“ მიმდინარე წლის ივლისში წინასაარჩევნო კამპანიაზე დაკვირვების შესახებ ანგარიში გამოაქვეყნა, რომელშიც დააფიქსირა ისეთი დარღვევები, როგორიცაა მუქარა, მოსახლეობის მოსყიდვა და პოლიტიკური ნიშნით სამსახურიდან გათავისუფლება.

საპარლამენტო არჩევნები საქართველოში 31 ოქტომბერს არის დაგეგმილი, ხოლო ოფიციალური წინასაარჩევნო კამპანია არჩევნებამდე 60 დღით ადრე დაიწყება. ამ ეტაპზე წინასაარჩევნო კამპანია ოფიციალურად არ დაწყებულა და, აქედან გამომდინარე, არ ამოქმედებულა ამ კამპანიის პერიოდში მოქმედი შეზღუდვები ადმინისტრაციული რესურსების გამოყენებაზე, ამომრჩევლის დასაჩუქრებაზე და ა.შ.

თუმცა არასამთავრობო ორგანიზაცია შეზღუდვების შესაძლო დარღვევის ფაქტებს უკვე აღრიცხავს და ანგარიშს ყოველთვიურად წარმოადგენს.

ორგანიზაციის მონაცემებით, ივლისში მოსახლეობის შესაძლო მოსყიდვის რვა ფაქტი დაფიქსირდა. ამას ორგანიზაციამ უკვე უწოდა „წინასაარჩევნო კამპანიის ტენდენცია“. ამასთან, ამ შესაძლო მოსყიდვაში მონაწილეობდნენ როგორც მმართველი პარტიის წარმომადგენლები, ისე ოპოზიციური პარტიები – „ერთიანი ნაციონალური მოძრაობა“ და „ლელო საქართველოსთვის“.

მოსყიდვაში არასამთავრობო ორგანიზაცია გულისხმობს პარტიის ან კანდიდატის მხრიდან ჩვეულებრივი მოქალაქეებისთვის პროდუქტების, ტანსაცმლისა და მედიკამენტების გადაცემას. ორგანიზაციამ ამ ჩამონათვალში ჩართო ასევე წყალდიდობისგან დაზარალებული რაჭის დახმარება და საქველმოქმედო აქცია ხანდაზმულთა სახლში.

„სამართლიანმა არჩევნებმა“ ასევე გამოავლინა შესაძლო მუქარებისა და ამომრჩეველზე ზეწოლის ფაქტები, ადმინისტრაციული რესურსების გამოყენების შესაძლო ხუთი შემთხვევა, ასევე პოლიტიკური შეხედულებების გამო გათავისუფლების ორი ფაქტი.

არასამთავრობო ორგანიზაციის მიერ დაფიქსირებული ფაქტების 99% რეგიონებში მოხდა და ჰქონდა ლოკალური ხასიათი.

არჩევნების ციებ–ცხელება: გუბერნატორები თანამდებობებს ტოვებენ>>

წინასაარჩევნო გარემოს გასაუმჯობესებლად ორგანიზაციამ, ანგარიშის შედეგებით, ჯერჯერობით პარტიებს ურჩია, თავი შეიკავონ ქველმოქმედებისა და საჩუქრებისგან, ხოლო რეგიონულ ხელისუფლებებს მოუწოდა, დაიცვან ნეიტრალიტეტი დახმარების გამოყოფის, საკადრო გადაადგილებებისა და ახალი კადრების დანიშვნის დროს.

85
თემები:
საქართველოს საპარლამენტო არჩევნები 2020
სავსე მთვარე

მთვარის კალენდარი: 6 აგვისტო რისი გაკეთება შეიძლება და რისი არა

0
(განახლებულია 17:40 05.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

6 აგვისტო, ხუთშაბათი. ამ დღეს იუპიტერი მართავს. კლებადი მთვარე თევზების ნიშანშია.

თევზების დღეები ადამიანებს დასვენებისა და შემოქმედებისთვის განაწყობს. ძლიერდება სენტიმენტალობა, ემოციურობა, ინტუიცია, მგრძნობელობა. შესანიშნავი დროა შემოქმედებითი ადამიანებისთვის, ქველმოქმედებისთვის, იურიდიული პრობლემების მოგვარებისთვის. შეიძლება სესხის აღება.

კარგი დღეა რომანტიკული ურთიერთობების დაწყებისთვის. ამ დროს გამძაფრებულია ინტუიცია, რაც ადამიანის ამოცნობას ხელს უწყობს.

რეკომენდებულია მშვიდად მუშაობა, ფინანსური საკითხების გადაწყვეტა, მნიშვნელოვანი საქმეების გადადება, ირგვლივ მყოფების მოსმენა, განსაკუთრებით დღის პირველ ნახევარში კონფლიქტების თავიდან არიდება, ადამიანებთან ურთიერთობებში მოქნილობა, ნიუანსებისადმი ყურადღება, ინდივიდუალური მუშაობა და არა გუნდური.

არარეკომენდებულია რთული პროექტების დაწყება, მოლაპარაკებების გამართვა, ზეგავლენის ქვეშ მოქცევა და ადამიანების წინადადებებზე დათანხმება, ზედმეტი აქტიურობა, დინების წინააღმდეგ წასვლა.

არასასურველია ამ დღეს მგზავრობა.

თმის შეჭრა, შეღებვა: არახელსაყრელი დღეა როგორც შეჭრის, ისე შეღებვისთვის. შეიძლება თმა დაზიანდეს, გაჩნდეს ქერტლი, გაიყოს თმის ბოლოები.

მთვარის კალენდარი მებაღეებისთვის: 2020 წლის აგვისტო>>

მებაღეობა: ხელსყრელი დღეა ბაღში მუშაობისთვის, კერძოდ, შეიძლება ნიახურის, ბოლქვიანების დათესვა, ხეებისა და კენკროვანების შეწამვლა, მორწყვა, სასუქის მიცემა, ოთახის მცენარეების დათესვა–დარგვა. არასასურველი დღეა მავნებლებთან ბრძოლისთვის, გასხვლისთვის.

0