„პატრიოტები მიტინგზე რესპუბლიკის მოედანზე

„პატრიოტთა ალიანსმა“ ოპერის თეატრთან აქცია გამართა

99
„პატრიოტები“, სხვა ოპოზიციური პარტიების მსგავსად, არჩევნების პროპორციული სისტემით ჩატარებას მოითხოვენ, მაგრამ ცალკე აქციას მართავენ

თბილისი, 17 ნოემბერი – Sputnik. „საქართველოს პატრიოტთა ალიანსმა“ პირველი რესპუბლიკის მოედნიდან ოპერის თეატრის შენობამდე მსვლელობა მოაწყო. ოპერის თეატრთან პარტიის ლიდერებმა შეკრებილებს სიტყვით მიმართეს.

აქციის მონაწილეებმა საპროტესტო აქციის დასაწყისში ხელისუფლებას წითელი ბარათები აჩვენეს.

თბილისში აგორებულ საპროტესტო ტალღას ბათუმშიც გამოეხმაურნენ>>

პარლამენტის შენობასთან 20–ზე მეტი ოპოზიციური პარტიის მომხრეები შეიკრიბნენ. ისინი ვადამდელი საპარლამენტო არჩევნების პროპორციული სისტემით ჩატარებას მოითხოვენ. „პატრიოტებმა“ ცალკე აქციის გამართვა გადაწყვიტეს.

 „არავის აქვს უფლება, ხალხს თავისუფალი არჩევნები წაართვას. არ შეიძლება, ხალხს პოლიტიკური სპექტაკლები მოუწყო. „ქართული ოცნება არ არის მართალი ხალხის წინაშე. ამიტომ შევიკრიბეთ აქ, რომ ვუთხრათ „ქართულ ოცნებას“, დროა შეასრულოს დანაპირები და გადავიდეთ პროპორციულ არჩევნებზე“, – განაცხადა ირმა ინაშვილმა.

მისი თქმით, არჩევნებზეა დამოკიდებული ქვეყნის მომავალი.

„როდესაც გვეუბნებიან, რომ ხალხს არ აინტერესებს საარჩევნო სისტემა – არ გვაინტერესებს? როგორ არ გვაინტერესებს, არჩევნებზეა დამოკიდებული ჩვენი ქვეყნის მომავალი. როდესაც 73 ოლქში მაჟორიტარ დეპუტატს შენ აძლევ, უწერ გამარჯვებას, ერთი პარტიის დეპუტატი იმარჯვებს ყველგან, ეს არის ხელისუფლების უზურპაცია და ამის წინააღმდეგ ვართ ჩვენ... რასაც ჩვენ ვითხოვთ, ტყუილის და პოლიტიკური სპექტაკლების დამთავრება – ეს არის სამართლიანი მოთხოვნა, უნდა ვაიძულოთ ხელისუფლება, რომ წამოვიდეს ამ კომპრომისზე“, – განაცხადა ინაშვილმა.

საქართველოს პარლამენტმა 14 ნოემბერს საარჩევნო რეფორმა ჩააგდო, რომელიც 2020 წლის საპარლამენტო არჩევნების პროპორციული სისტემით ჩატარებას ითვალისწინებდა.

შესწორებების ჩავარდნის შემდეგ ოპოზიციური პარტიები გაერთიანდნენ და მასშტაბური აქციები დაიწყეს. აქციის მონაწილეების ძირითადი მოთხოვნა ვადამდელი საპარლამენტო არჩევნების პროპორციული სისტემით ჩატარება, მთავრობის გადადგომა და ცენტრალური საარჩევნო კომისიის მოქმედი შემადგენლობის შეცვლაა. პარასკევ საღამოს მათ მმართველ პარტიას შესთავაზეს ე. წ. გერმანული მოდელი, რომელიც, ოპოზიციის განცხადებით, არ საჭიროებს შესწორებებს კონსტიტუციაში.

99
თემები:
ახალი საპროტესტო ტალღა თბილისში: 2019 წლის ნოემბერი (171)
ესტონეთის ახლად დანიშნულმა ელჩმა რიინა კალიურანდმა საქართველოს საგარეო საქმეთა მინისტრს დავით ზალკალიანს რწმუნებათა სიგელების ასლები გადასცა

ესტონეთის ელჩმა დავით ზალკალიანს რწმუნებათა სიგელების ასლები გადასცა

22
(განახლებულია 18:41 13.08.2020)
საგარეო საქმეთა სამინისტროში გამართულ შეხვედრაზე რიინა კალიურანდმა და დავით ზალკალიანმა ორმხრივი და მრავალმხრივი ურთიერთობების ფართე სპექტრი განიხილეს

თბილისი, 13 აგვისტო - Sputnik. ესტონეთის ახლად დანიშნულმა ელჩმა რიინა კალიურანდმა საქართველოს საგარეო საქმეთა მინისტრს დავით ზალკალიანს რწმუნებათა სიგელების ასლები გადასცა, იუწყებიან საგარეო პოლიტიკურ უწყებაში.

ასლების გადაცემის ცერემონიის შემდეგ გაიმართა შეხვედრა, სადაც დავით ზალკალიანმა ხაზი გაუსვა საქართველოსა და ესტონეთს შორის არსებულ განსაკუთრებულ ურთიერთობებს და ესტონეთის მხარეს მადლობა გადაუხადა საქართველოს სუვერენიტეტისა და ტერიტორიული მთლიანობის და ევროპული და ევრო-ატლანტიკური მისწრაფებების მტკიცე მხარდაჭერისთვის.

დიპლომატებმა განიხილეს ორ ქვეყანას შორის არსებული ორმხრივი ურთიერთობების დინამიკა. ამ კონტექსტში, აღინიშნა მაღალი დონის პოლიტიკური დიალოგი, ისევე როგორც ძალიან აქტიური სექტორული თანამშრომლობა სხვადასხვა უწყებებს შორის.

გარდა ამისა, მხარეებმა მიმოიხილეს საქართველოს ევროპული და ევრო-ატლანტიკური ინტეგრაციის პროცესის დღის წესრიგში არსებული აქტუალური საკითხები.

შეხვედრის დასასრულს, დავით ზალკალიანმა ესტონეთის ახალ ელჩთან აქტიური თანამშრომლობის მზადყოფნა გამოხატა და წარმატება უსურვა საქართველოში დიპლომატიურ მისიაში მის შემდგომ საქმიანობაში.

22
თემები:
საქართველოს საგარეო პოლიტიკა
„ქართული ოცნების დროშები

„ქართული ოცნება“ წინასაარჩევნო რეიტინგების ლიდერია კიდევ ერთი გამოკითხვა

58
(განახლებულია 19:12 13.08.2020)
პარტიების რეიტინგში მეორე ადგილზე „ოცნების" შემდეგ ყოფილი მმართველი ძალა „ერთიანი ნაციონალური მოძრაობა“ აღმოჩნდა.

თბილისი, 13 აგვისტო – Sputnik. საქართველოს მოსახლეობის უმეტესობა მზადაა, საპარლამენტო არჩევნებზე მხარი მმართველ პარტიას „ქართული ოცნება – დემოკრატიული საქართველო“ დაუჭიროს. ამაზე მეტყველებს ტელეკომპანია Rustavi 2–ის დაკვეთით კვლევითი კომპანია Survation–ის მიერ ჩატარებული გამოკითხვის შედეგები.

გამოკითხვის მონაცემებით, საპარლამენტო არჩევნები რომ ხვალ ტარდებოდეს, მმართველ პარტიას ხმას გამოკითხულთა 52% მისცემდა.

საქართველოს ყოველი მესამე მცხოვრები ხმას „ქართულ ოცნებას“ მისცემს – IRI-ს გამოკითხვა>>

მეორე ადგილზეა „ნაციონალური მოძრაობა, რომელსაც ხმას გამოკითხულთა 19% მისცემდა. მესამე ადგილი, ტრადიციულად, „ევროპულმა მოძრაობამ თავისუფლებისთვის“ დაიკავა 8%–ით.

შემდეგ მოდიან პარტიები: „საქართველოს პატრიოტთა ალიანსი“ – 5%, „გიორგი ვაშაძე – სტრატეგია აღმაშენებელი“ – 4% და სხვ.

არჩევნებზე წასვლისთვის მზადაა გამოკითხულთა 65%, კიდევ 13%–მა უპასუხა, რომ დიდი ალბათობით წავა. კიდევ 13 პროცენტი ეჭვობს, წავა თუ არა, ხოლო არჩევნებში მონაწილეობაზე უარი 8%–მა განაცხადა.

კომპანიამ 2–22 ივლისის პერიოდში სულ გამოკითხა 1,2 ათასი ადამიანი. გამოკითხვის ცდომილება ცნობილი არ არის.

სხვა გამოკითხვები

კომპანია Survation–ის გამოკითხვა ივლისში ამ ზაფხულს ჩატარებული უკვე მესამე გამოკითხვა იყო. ყველა დანარჩენი გამოკითხვის თანახმად, მმართველი პარტია პირველ ადგილს იკავებს, ხოლო მას „ნაცმოძრაობა“ მოსდევს.

პარტია Edisson Research–ის გამოკითხვა IRI–ს გამოკითხვა Survation–ის გამოკითხვა
„ქართული ოცნება" 39% 33% 52%
„ნაცმოძრობა" 16% 16% 19%
„ევროპული საქართველო" 5% 5% 8*
„პატრიოტთა ალიანსი" 3% 3% 5%
„გიორგი ვაშაძე – სტრატეგია აღმაშენებელი“ 3% 3% 4%
„ლელო საქართველოსთვის 3% 2% 5%
58
თემები:
საქართველოს საპარლამენტო არჩევნები 2020
წვეთოვანი რეანიმაციაში

მახინჯაურში ავარიის დროს დაშავებული 7 წლის ბავშვი გარდაიცვალა

0
(განახლებულია 18:59 13.08.2020)
იმ დღეს ავარიის შედეგად ადგილზე დაიღუპა სამი ადამიანი - ქალი, მისი რძალი და შვილიშვილი. დაშავდა კიდევ ოთხი პირი, ერთ-ერთი დღეს გარდაცვლილი ბავშვი იყო.

თბილისი, 13 აგვისტო – Sputnik. მახინჯაურში, ავარიის შედეგად დაშავებული 7 წლის ბავშვი დღეს გარდაიცვალა, იუწყება აჭარის საზოგადოებრივი მაუწყებელი.

არასრულწლოვანი ოთხი დღის განმავლობაში იაშვილის სახელობის ბათუმის დედათა და ბავშვთა ცენტრალურ ჰოსპიტალის რეანიმაციულ განყოფილებაში, მართვით სუნთქვაზე იმყოფებოდა. ექიმების შეფასებით, პაციენტის მდგომარეობა უკიდურესად მძიმე იყო.

ავტოსაგზაო შემთხვევა, რომლის შედეგადაც ბავშვი მძიმედ დაშავდა, მახინჯაურში 9 აგვისტოს მოხდა. ბათუმი-ჩაქვის დამაკავშირებელ საავტომობილო გზაზე მსუბუქი ავტომობილი ქვეითებს დაეჯახა. იმ დღეს ავარიის შედეგად ადგილზე დაიღუპა სამი ადამიანი - ქალი, მისი რძალი და შვილიშვილი. დაშავდა კიდევ ოთხი პირი, ერთ-ერთი დღეს გარდაცვლილი ბავშვი იყო.

გამოძიება სისხლის სამართლის კოდექსის 276-ე მუხლით დაიწყო, რაც სატრანსპორტო მოძრაობისას წესების დარღვევას გულისხმობს, რამაც ადამიანის სიცოცხლის მოსპობა გამოიწვია.

შინაგან საქმეთა სამინისტროს ინფორმაციით, მძღოლი დაკავებულია.

0
თემები:
შემთხვევები საქართველოში