ვლადიმირ პუტინი

რუსეთი BRICS-ის თავმჯდომარე 1 იანვრიდან გახდება

57
(განახლებულია 20:02 14.11.2019)
რუსეთის თავმჯდომარეობისას BRICS-ის დევიზი იქნება „პარტნიორობა გლობალური სტაბილურობის, საერთო უსაფრთხოებისა და ინოვაციური ზრდის ინტერესებში“

თბილისი, 14 ნოემბერი - Sputnik. 2020 წლის 1 იანვრიდან BRICS-ის თავმჯდომარეობა რუსეთის ხელში გადავა, განაცხადა რუსეთის პრეზიდენტმა ვლადიმირ პუტინმა გაერთიანების პლენარულ სხდომაზე, რომელიც ხუთშაბათს ბრაზილიაში ჩატარდა.

© photo: Sputnik / Alexey Druzhinin
BRICS–ის სამიტზე

BRICS-ის სამიტი ბრაზილიის, რუსეთის, ინდოეთის, ჩინეთისა და სამხრეთ აფრიკის რესპუბლიკის მეთაურთა მონაწილეობით ბრაზილიის დედაქალაქში მიმდინარეობს. სამიტის ფარგლებში ჩატარდება BRICS-ის ბიზნესფორუმის ღონისძიებები და უმაღლესი დონის ორმხრივი შეხვედრები, იუწყება საინფორმაციო სააგენტო РИА Новости.

 „რუსეთის თავმჯდომარეობისას გაერთიანების დევიზი იქნება „BRICS-ის პარტნიორობა გლობალური სტაბილურობის, საერთო უსაფრთხოებისა და ინოვაციური ზრდის ინტერესებში“. გეგმაში გვაქვს სხვადასხვა დონის 150-მდე ღონისძიების ჩატარება, მთავარი მოვლენის - სანქტ-პეტერბურგში დაგეგმილი BRICS-ის სამიტის გარდა, გაიმართება მრავალი შეხვედრა, ფორუმი და სხდომა ჩელაბინსკსა და რუსეთის სხვა ქალაქებში“, - განაცხადა პუტინმა.

მისი სიტყვებით, რუსეთი BRICS-ის თავმჯდომარეობის ფარგლებში, 2020-2021 წლებში გააფართოებს საგარეო პოლიტიკურ კოორდინაციას საერთაშორისო მოედნებზე.

 „რასაკვირველია, რუსეთის თავმჯდომარეობისას განსაკუთრებული ყურადღება დაეთმობა ჩვენს სახელმწიფოებს შორის საგარეო პოლიტიკური კოორდინაციის გაფართოებას საკვანძო საერთაშორისო მოედნებზე. უპირველეს ყოვლისა, გაეროში, სადაც BRICS-ის ქვეყნებს ერთობლივად მოქმედების მართლაც კარგი გამოცდილება დაუგროვდათ“, - აღნიშნა პუტინმა.

მისი თქმით, BRICS-ის ქვეყნებს საერთო პოზიციები აქვთ „ძირითადი დღის წესრიგის საკითხთა ფართო წრესთან დაკავშირებით: ესაა მშვიდობისმყოფელობაც, ტერორისტულ საფრთხესთან, ტრანსნაციონალურ დანაშაულთან ბრძოლაც“.

 „უცვლელად ვუჭერთ მხარს ერთმანეთის ინიციატივებს, ვცდილობთ, შეთანხმებულად დავუჭიროთ მხარი უმნიშვნელოვანეს რეზოლუციებს. თუმცა BRICS-ის სახელმწიფოებმა უფრო მეტი ინიციატივით უნდა იკისრონ ლიდერის როლი. ჩვენ უფრო აქტიურად და უწყვეტი რეჟიმით უნდა წავწიოთ წინ პოზიტიური საერთაშორისო დღის წესრიგი და გარშემო შემოვიკრიბოთ თანამოაზრეები საკვანძო გლობალური და რეგიონული პრობლემების ერთობლივად გადასაჭრელად“, - დასძინა პუტინმა.

57
თემები:
რუსეთი დღეს (551)
თბილისის აეროპორტი

საქართველოში უცხოელებისთვის ლეგალურად ყოფნის ვადა გახანგრძლივდა

25
(განახლებულია 15:50 06.08.2020)
საქართველოში ლეგალურად ყოფნის უფლება ექნებათ მხოლოდ იმ მოქალაქეებს, რომელთაც საქართველოში ყოფნის ვადა გაუვიდათ, თუმცა, ქვეყანაში მათი ყოფნა გარკვეული გარემოებებით არის გამოწვეული

თბილისი, 6 აგვისტო  — Sputnik.  უცხოეთის იმ მოქალაქეებისთვის, რომლებმაც კორონავირუსის პანდემიის გამო ქვეყნის დატოვება ვერ შეძლეს, ქვეყანაში ლეგალურად ყოფნის ვადა 31 დეკემბრამდე გახანგრძლივდა, ნათქვამია საქართველოს მთავრობის განკარგულებაში შესულ  ცვლილებებში.

კორონავირუსის პანდემიის გამო საქართველოს ხელისუფლებამ 14 მარტიდან 31 ივლისამდე პერიოდში უცხოელებისა და მოქალაქეობის არმქონე პირებისთვის საქართველოს ტერიტორიაზე კანონიერი ყოფნის საშეღავათო პერიოდი აამოქმედა.  1 აგვისტოდან კი ყველა მათგანი არალეგალად ითვლება.

განკარგულებაში შესული ცვლილებების თანახმად, 14 მარტიდან 31 დეკემბრამდე პერიოდში საქართველოში ლეგალურად ყოფნის უფლება ექნებათ მხოლოდ იმ მოქალაქეებს, რომელთაც ქვეყანაში ყოფნის ვადა გაუვიდათ, თუმცა, ქვეყანაში მათი ყოფნა გარკვეული გარემოებებით არის გამოწვეული. 

კერძოდ, გარემოებები შემდეგია: სახელმწიფო, რომლის მოქალაქეებიც ისინი არიან, ინფიცირების მაღალი რისკის ზონაშია, ან თუ სახელმწიფომ საზღვრის კვეთაზე შეზღუდვები დააწესა, ან თუ პირი იმყოფება საავადმყოფოში, კარანტინსა ან თვითიზოლაციაში, ან თუ სამშობლოში დაბრუნებაში მას ხელს გაუქმებული ავიარეისები უშლის.

საქართველოში ყოფნის კანონიერი ვადის ამოწურვის შემდეგ უცხოეთის მოქალაქე ვალდებულია ქვეყანა დატოვოს, წინააღმდეგ შემთხვევაში მას ჯარიმა ან ქვეყნიდან გაძევება ემუქრება, რომელიც ითვალისწინებს ქვეყანაში შემოსვლაზე აკრძალვას ორიდან ხუთ წლამდე ვადით.

ქვეყნიდან გაძევების გადაწყვეტილებას საქართველოს შინაგან საქმეთა სამინისტრო იღებს – თითოეულ კონკრეტულ შემთხვევაში გადაწყვეტილება ინდივიდუალურია.

რაც შეეხება ჯარიმებს, ვადის ამოწურვის შემდეგ სამი თვის განმავლობაში მათ ჯარიმა 180 ლარი ეკისრებათ, შემდგომ პერიოდში კი ჯარიმის ოდენობა ორმაგდება.

25
თემები:
COVID-19 საქართველოში
მთავრობის სხდომა

საქართველოს მთავრობაში ახალი მინისტრია

66
(განახლებულია 15:51 06.08.2020)
თეა ახვლედიანმა პოსტზე ქეთევან ციხელაშვილი შეცვალა, რომელიც 22 მაისიდან საქართველოს მუდმივი წარმომადგენელია ეუთოს მისიაში და ვენაში მდებარე საერთაშორისო ორგანიზაციებში, ასევე საქართველოს ელჩი ავსტრიაში.

თბილისი, 6 აგვისტო — Sputnik. შერიგებისა და სამოქალაქო თანასწორობის საკითხებში სახელმწიფო მინისტრის თანამდებობა თეა ახვლედიანმა დაიკავა, რომელიც მანამდე ჯანდაცვის მინისტრის მოადგილე იყო. ამის შესახებ ხუთშაბათს გამართულ მთავრობის სხდომაზე პრემიერ-მინისტრმა გიორგი გახარიამ განაცხადა.

თეა ახვლედიანმა ამ პოსტზე ქეთევან ციხელაშვილი შეცვალა, რომელიც 22 მაისიდან საქართველოს მუდმივი წარმომადგენელია ეუთოს მისიაში და ვენაში მდებარე საერთაშორისო ორგანიზაციებში, ასევე საქართველოს ელჩი ავსტრიაში. 

„მინდა პირველ რიგში მას მივულოცო ეს დიდი და საპასუხისმგებლო თანამდებობა. ის ყოველთვის იყო ჩვენი გუნდის წევრი, მაგრამ უკვე იჯდება ამ მრგვალ მაგიდასთან... მას აქვს დიდი და სერიოზული გამოცდილება ჩვენი დიპლომატიური გუნდის წარმომადგენლობაში როგორც ევროპის, ისე კონფლიქტების მიმართულებით“, – განაცხადა გახარიამ.

ქეთევან ციხელაშვილი შერიგებისა და თანასწორობის საკითხებში სახელმწიფო მინისტრის თანამდებობაზე 2016 წლის ივლისში დაინიშნა. მინისტრის პოსტზე ყოფნის განმავლობაში იგი აქტიურად იყო დაკავებული საქართველოს ხელისუფლების მიერ არაკონტროლირებადი აფხაზეთისა და ცხინვალის რეგიონის მოსახლეობისთვის მთავრობის მხრიდან შეთავაზებული სერვისებსა და დახმარებებზე წვდომის, ასევე საქართველოში ეროვნული უმცირესობების ინტეგრაციის საკითხებით.

ამიერიდან აღნიშნული საკითხებით თეა ახვლედიანი დაკავდება.

 

66
თემები:
საქართველოს მთავრობა