ბიძინა ივანიშვილ

პოლიტიკური კრიზისი პარლამენტში ბიძინა ივანიშვილს მაჟორიტარები აუჯანყდნენ?

320
(განახლებულია 17:19 14.11.2019)
რეალური აჯანყება თუ დადგმული სპექტაკლი? საარჩევნო ცვლილებები არ იქნება. 141 დეპუტატიდან კანონპროექტს ხმა 101-მა მისცა. „ქართული ოცნება“, ერთი შეხედვით, წამგებიან მდგომარეობაშია.

თუ ბიძინა ივანიშვილი ვეღარ აკონტროლებს უმრავლესობას, მითი მისი უძლეველობის შესახებ დასრულებულია. თუ აკონტროლებს და ეს სპექტაკლი, როგორც ბესელია და ჭიჭინაძე ვარაუდობდნენ, საშინაო და საგარეო აქტორების თვალის ასახვევად ჩატარდა, „ქართული ოცნება“ შულერი გამოდის და ამით მაინც იმიჯი ელახება.

ახლა ექსპერტები, ყველა გათვლებით, სერიოზულ კრიზისს ელოდებიან როგორც პარლამენტის შიგნით, ასევე ქუჩაში.

2020 წლის არჩევნები რომ ყველაზე რთული და ბინძური იქნება ბოლო 30 წლის განმავლობაში ჩატარებული არჩევნებიდან, ამაზე თითქმის ყველა ექსპერტი თანხმდება.

მივა კი საქმე არჩევნებამდე? ბევრი ასეც სვამს კითხვას. აგერ, მიხეილ სააკაშვილს გიორგობა და ვარდების რევოლუცია გაახსენდა. მართალია, ჩუგოშვილი და ხულორდავა არ არიან ისეთი პოპულარული პოლიტიკოსები, რომ ხალხი ქუჩაში გამოიყვანონ, მაგრამ არა გვგონია 20 ივნისს დაზარალებული ახალგაზრდები და მათ უკან მდგომი საზოგადოება და პოლიტიკური ძალები გაჩერდნენ.

საინტერესოა ასევე ჩვენი საგარეო პარტნიორების რეაქციაც. ბევრ მათგანს გულწრფელად სჯეროდა, რომ 2020-ში არჩევნები პროპორციული სისტემით ჩატარდებოდა...

ხოლო არჩევნებით სიტუაციის შეცვლა რომ შესაძლებელია, ეს 2012 წელმაც აჩვენა.

რეალურად დღეს მოვლენების განვითარების სამი გზა არსებობს. პირველი და, სამწუხაროდ, არცთუ მოულოდნელი იქნება რევოლუციური სცენარი.

საქართველოში, თუ ლიდერი და საგარეო თუ საშინაო ფაქტორები უწყობს ხელს, ეს სულაც არაა შეუძლებელი. ქვეყანა ისედაც დენთის კასრზეა, სადაც უკვე ავტორიტეტიც აღარ დარჩა, რომ აგრესია შეაკავოს.

მეორე სცენარი გუშინ უმრავლესობის ყოფილმა წევრებმა ეკა ბესელიამ და დავით ჭიჭინაძემ იწინასწარმეტყველეს. სიტუაცია ჯერჯერობით სწორედ ამ სცენარის მიხედვით ვითარდება.

ამ ვერსიის მიხედვით, ქუჩის აქციების პარალელურად პარლამენტში კრიზისი კიდევ უფრო გაღრმავდება და დეკემბერში უმრავლესობა ჩააგდებს ბიუჯეტს. ამის შემდეგ კი დადგება ტექნიკური მთავრობისა და ვადამდელი არჩევნების საკითხი.

პარალელურად მასმედიაში საუბრობენ იმის შესახებ, რომ, შესაძლოა, „ქართული ოცნება“ პროდასავლელი პოლიტიკოსების მსგავსად კახი კალაძემაც დატოვოს დეკემბერში, შექმნას ახალი პოლიტიკური პარტია ირაკლი კობახიძის, მამუკა მდინარაძისა და მათი თანამოაზრეების ლიდერობით და მონაწილეობა მიიღოს არჩევნებში. ამ ვერსიის ავტორი კალაძის პირველ ადგილზე გასვლასაც არ გამორიცხავს.

გაზაფხულზე არჩევნების ჩატარების რეალობას ის ფაქტიც ადასტურებს, რომ მმართველ პარტიას, ფაქტობრივად, საარჩევნო კამპანია უკვე დაწყებული აქვს.

საკმარისია მაჟორიტარების ფეისბუქ-გვერდებს გადახედოთ და ნახავთ, როგორი აქტიური წინასაარჩევნო კამპანია მიმდინარეობს რეგიონებში.

სიტუაციის მესამე და ქვეყნისთვის სასურველი, მშვიდი სცენარია – არჩევნების ჩატარება 2020 წლის ოქტომბერში, მშვიდად, ყოველგვარი აჩქარების გარეშე.

ქართული რეალობის პოლიტიზირებულ გარემოში, სადაც ასე დიდია სანახაობის წილი, ხალხი პროპორციულ არჩევნებზე მეტად სოციალური სიდუხჭირის გამო წუხს.

დღეს რთული სათქმელია, როგორ განვითარდება მოვლენები ქვეყანაში. თუმცა, მთავარია, ხელისუფლებასაც და ოპოზიციასაც ეყოთ გონიერება და პროტესტი მშვიდობიან ფორმებში იყოს გამოხატული. ასევე იმედია, „გავრილოვის ღამის“ გაკვეთილი გვასწავლის, რომ საკუთარი ქვეყნის მოქალაქეები, საჭიროების შემთხვევაში, თვალების დათხრის გარეშე დავშალოთ.

 

რედაქცია შესაძლოა არ ეთახმებოდეს ავტორის მოსაზრებას

 

320
საპარლამენტო არჩევნები

წინასაარჩევნო საქმეები: პარტიები წინასაარჩევნო კამპანიას ააქტიურებენ

46
საპარლამენტო არჩევნებამდე საქართველოში ორთვე-ნახევარი რჩება, კონკურენცია კი დიდია - 40 პარტიაზე მეტი 150 ადგილზე

თბილისი, 14 აგვისტო - Sputnik. პოლიტიკური პარტიები წინასაარჩევნო კამპანიის ფარგლებში მოსახლეობასთან შეხვედრასა და კანდიდატების წარდგენას განაგრძობენ. გამონაკლისი არც დღევანდელი დღე ყოფილა, რომელიც ერთბაშად რამდენიმე ნათელი პოლიტიკური მოვლენით აღინიშნა.

დღეს ერთბაშად ოთხმა პარტიამ გადაწყვიტა, ამომრჩევლებისთვის თავი შეეხსენებინა და ტელევიზორის ეკრანებზე მოხვედრილიყო.

ყველაზე მასშტაბური და წარმომადგენლობითი გახდა მმართველი პარტია „ქართული ოცნების“ წინასაარჩევნო ღონისძიება ქალაქ გურჯაანში, სადაც მოსახლეობას მაჟორიტარი დეპუტატობის კანდიდატი დავით სონღულაშვილი წარუდგინა.

შეხვედრას ესწრებოდნენ ქვეყნის პრემიერ-მინისტრი გიორგი გახარია და თბილისის მერი კახა კალაძე, ასევე თავდაცვის მინისტრი ირაკლი ღარიბაშვილი.

„ჩემთვის დიდი პატივია, უმაღლეს საკანონმდებლო ორგანოში წარმოვადგენდე საგარეჯოს, დედოფლისწყაროს, სიღნაღისა და გურჯაანის რაიონებს და ვიყო კახეთის მოსახლეობის ხმა პარლამენტში“, - განაცხადა სონღულაშვილმა სიტყვით გამოსვლისას.

მართალია, დაპირებებით არც კანდიდატსა და არც პარტიის პირველ პირებს მოსახლეობა არ გაუნებივრებიათ, მაგრამ სამაგიეროდ აღიარეს, რომ გასაკეთებელი კიდევ ბევრია.

ვიდრე მმართველი პარტია რეგიონებს იპყრობდა, მისმა კონკურენტებმა გადაწყვიტეს, თბილისში გამოეჩინათ თავი. ოპოზიციის ერთიანმა კანდიდატმა ნაძალადევის მაჟორიტარულ ოლქში, „ლეიბორისტული პარტიის“ თავმჯდომარე შალვა ნათელაშვილმა, თავისი წინასაარჩევნო ოფისი გახსნა.

გახსნა მოკრძალებული იყო. მას მხოლოდ პარტიის წევრები ესწრებოდნენ. თუმცა ნათელაშვილი სხვა პარტიებიდან მხარდამჭერების ნაკლებობას არ გაუნაწყენებია. მან განაცხადა, რომ დღეიდან შეუდგებოდა გზას გამარჯვებისკენ.

„ნება მომეცით, წარმოგიდგინოთ ოფისი ნაძალადევში, იმ ნაძალადევში, რომელიც ქვეყანაში ცნობილია თავისი ვაჟკაცობითა და რევოლუციური განწყობით. ჩვენ ერთობლივი ბრძოლით გამოვიყვანთ ქვეყანას კრიზისიდან და შევუდგებით გზას გამარჯვებისკენ“, - განაცხადა ნათელაშვილმა.

პარალელურად, ოპოზიციური ფრთის კიდევ ერთმა წარმომადგენელმა ანა დოლიძემ განაცხადა, რომ მასზე, როგორც ჩუღურეთის ოლქის კანდიდატზე, ზეწოლა ხორციელდება.

„გუშინ აღმაშენებლისა და წერეთლის გამზირებზე კამპანიას ვატარებდით, როდესაც თავს დაგვესხა ადამიანების ჯგუფი, რომელიც შეურაცხყოფით, ძალადობითა და დაშინებით გვიშლიდა ხელს“, - აღნიშნა დოლიძემ.

მოულოდნელი განცხადებით გამოვიდა კიდევ ერთი ოპოზიციური პარტია „ევროპული საქართველო - მოძრაობა თავისუფლებისთვის“. მის სიაში გამოჩნდება ადამიანი, რომელმაც თავის დროზე თანამოაზრეებთან ერთად დააფუძნა ქვეყნის ყველაზე ორიგინალური პარტია „გირჩი“ - გიორგი მელაძე. იგი უხელმძღვანელებს საბურთალოს  საარჩევნო შტაბს.

დანარჩენმა პარტიებმა პარასკევს გადაწყვიტეს რუტინული შეხვედრების გაგრძელება ამომრჩევლებთან თბილისსა და რეგიონებში. საპარლამენტო არჩევნებამდე ხომ ორთვე-ნახევარი რჩება, კონკურენცია კი დიდი იქნება - 40-ზე მეტი პარტია პარლამენტში 150 ადგილზე.

46
თემები:
საქართველოს საპარლამენტო არჩევნები 2020
თბილისი

ახალი კანონის პროექტი „მეწარმეთა შესახებ“ ბიზნეს-ასოციაციაში შეაფასეს

113
(განახლებულია 19:00 14.08.2020)
საქართველოს ბიზნეს-ასოციაციაში „მეწარმეთა შესახებ“ ახალი კანონპროექტის ინიცირებას მიესალმებიან და მას საინვესტიციო გარემოს გაუმჯობესების კუთხით მნიშვნელოვან წინ გადადგმულ ნაბიჯად მიიჩნევენ.

თბილისი, 14 აგვისტო – Sputnik. „მეწარმეთა შესახებ“ ახალი კანონის პროექტი, რომელიც საქართველოს იუსტიციის სამინისტრომ შეიმუშავა, ახალ სივრცეს გაუხსნის ქართული და ევროპული ბიზნეს-ოპერატორების თანამშრომლობას, მიაჩნიათ საქართველოს ბიზნეს-ასოციაციაში.

საქართველოს იუსტიციის სამინისტრომ დაასრულა მუშაობა ახალ კანონპროექტზე „მეწარმეთა შესახებ“, რომელსაც, მინისტრ თეა წულუკიანის განცხადებით, არა მხოლოდ დარგობრივი უწყებები, ეკონომიკისა და ფინანსთა სამინისტროები, არამედ ბიზნესმენებიც მრავალი წელია ელოდნენ.

„მნიშვნელოვანია, რომ ახალი პროექტის შესაბამისობა ევროკავშირის კანონმდებლობასთან მნიშვნელოვნად შეუწყობს ხელს და პრაქტიკულად ახალ სივრცეს გაუხსნის ქართული და ევროპული ბიზნეს-ოპერატორების თანამშრომლობას. მათ შორის, გამარტივდება ერთობლივი საწარმოების შექმნის პროცესი და გაიზრდება საქართველოში ახალი ინვესტიციებისა და ტექნოლოგიების მოზიდვის შესაძლებლობა“, – ნათქვამია ბიზნეს-ასოციაციის განცხადებაში.

ასოციაციაში მიიჩნევენ, რომ დღეს მოქმედი სამეწარმეო საქმიანობის მარეგულირებელი ძირითადი კანონი მოძველებულია და წლების განმავლობაში განხორციელებული უსისტემო ცვლილებების გამო ის შეუსაბამოა დღეს არსებულ რეალობასთან და გამოწვევებთან.

ორგანიზაციაში ფიქრობენ, რომ ახალი პროექტი ასევე ხელს შეუწყობს სამეწარმეო საქმიანობის ორგანიზაციული ფორმების უფრო მეტად დახვეწას, სამეწარმეო საქმიანობით დაინტერესებული პირებისთვის განჭვრეტადი გარემოს შექმნასა და შესაბამის ადმინისტრაციულ თუ სასამართლო ორგანოებში ერთიანი პრაქტიკის განვითარებას.

„საქართველოს იუსტიციის სამინისტროს ორგანიზებით მიმდინარე სამუშაო პროცესის შედეგად... დღეს ჩვენ უკვე შეგვიძლია ვისაუბროთ ახალი კანონის პროექტზე, რომელიც დიდწილად თანხვედრაშია როგორც ევროკავშირის შესაბამის კანონმდებლობასთან, ასევე პასუხობს თანამედროვე სტანდარტებსა და ჩვენი ქვეყნის თავისებურებების გათვალისწინებით არსებულ გამოწვევებს“, – აღნიშნულია განცხადებაში.

საქართველოს ბიზნეს-ასოციაცია გამოხატავს მზადყოფნას, რომ ანალოგიურად, როგორც სხვა შემთხვევებში, აქტიურად ჩაერთოს საპარლამენტო განხილვების პროცესში და გაუზიაროს საკუთარი მოსაზრებები საქართველოს საკანონმდებლო ხელისუფლების წარმომადგენლებს.

რა დახმარებით ისარგებლა ქართულმა ბიზნესმა: ეკონომიკის მინისტრის ანგარიში>>

ახალმა კანონმა „მეწარმეთა შესახებ“, პარლამენტის მიერ მიღების შემთხვევაში, მომავალი წლიდან 1994 წელს მიღებული დოკუმენტი უნდა ჩაანაცვლოს, რომელიც, თეა წულუკიანის განცხადებით, მიუხედავად 2008 წელს განხორციელებული ცვლილებებისა, საერთოდ არ პასუხობს თანამედროვეობას, ბიზნეს-წრეების ინტერესებსა და გამჭვირვალობის პრინციპებს, რომელიც თავისუფალი მეწარმეობისთვის აუცილებელია.

113
თემები:
საქართველოს ეკონომიკა
ნახევარმთვარე

მთვარის კალენდარი: 15 აგვისტო რისი გაკეთება შეიძლება და რისი არა

0
(განახლებულია 14:35 13.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 15 აგვისტო, შაბათი. ამ დღეს სატურნი მართავს. კლებადი მთვარე კირჩხიბის ნიშანშია.

კირჩხიბის დღეებში ძლიერდება რომანტიკული განწყობა, ადამიანები უფრო მგრძნობიარე, სენტიმენტალური, მეოცნებე ხდებიან. საწინააღმდეგო სქესის მიმართ იღვიძებს არა ვნება, არამედ უფრო სინაზე. ამ დღეს დაწყებული ურთიერთობები ხშირად ხანგრძლივი და მტკიცე ქორწინებით სრულდება.

რეკომენდებულია ჩვეულებრივი სამუშაოს შესრულება, მეგობრების რჩევების მოსმენა და გათვალისწინება, მარტივი საკითხების გადაჭრა, კოლეგების საქმიანობაში მონაწილეობა, ან ნეიტრალური მდგომარეობის დაკავება, სამსახურის დატოვება, თუ ეს თქვენს გეგმებში შედიოდა, ნებისყოფისა და ამტანობის გამოჩენა, სიმშვიდის შენარჩუნება, ირგვლივ განვითარებული მოვლენებისადმი ყურადღებით ყოფნა, გზაზე ყურადღების გამოჩენა.

არარეკომენდებულია პროვოკაციებზე და ცდუნებებზე აყოლა, სერიოზული გადაწყვეტილებების მიღება, ბიზნეს–საქმიანობა, მოგზაურობა.

არასასურველი დღეა მგზავრობისთვის.

თმის შეჭრა, შეღებვა: ძალზე მგრძნობიარე დღეა. ნებისმიერ პროცედურას განსაკუთრებული ყურადღება სჭირდება. არარეკომენდებულია თმის შეჭრა და შეღებვა, ასევე მანიკური.

მებაღეობა: შეიძლება სინესტის მოყვარული და დეკორატიულ–ფოთლოვანი მცენარეების დარგვა, ნაყოფიანი ხეებისა და ბუჩქების შეწამვლა, ოთახის მცენარეების მორწყვა.

რეკომენდებულია მწვანილეულისა და სამკურნალო მცენარეების გამოშრობა. შეიძლება ყველაფრის დაკრეფა, რაც დიდი ხნით არ უნდა შეინახოთ. კარგი დღეებია ზამთრის მარაგის გასაკეთებლად კომპოტებისა და კონსერვების სახით.

არასასურველია იმ მცენარეების დარგვა ან დათესვა, რომლებიც მაღალი იზრდებიან, ხილისთვისა და ბუჩქებისთვის გამხმარი ტოტების მოშორება.

0