სალომე ზურაბიშვილი

პრეზიდენტი ქვეყნის გამოწვევებზე: საქართველომ შეძლო „სტაბილურობის კუნძულის" შენარჩუნება

53
(განახლებულია 19:07 06.11.2019)
საქართველოს პრეზიდენტმა ისაუბრა კიბერუსაფრთხოების, შავ ზღვაზე უსაფრთხოების მნიშვნელობასა და ქვეყნის ტერიტორიული მთლიანობის აღდგენის შესახებ.

თბილისი, 6 ნოემბერი — Sputnik. საქართველოს პრეზიდენტმა სალომე ზურაბიშვილმა ბათუმში საქართველოს თავდაცვისა და უშიშროების მე-13 კონფერენცია გახსნა.

ზურაბიშვილი: შტაინმაიერი ჩამოვიდა როგორც პრეზიდენტი და არა როგორც „ფორმულების მატარებელი“>>

კონფერენციის დელეგატთა შორის საქართველოს ხელისუფლების პირველი პირები, ნატოს მაღალჩინოსნები და ამერიკელი კონგრესმენები არიან.

„უსაფრთხოების გამოწვევები საქართველოსთვის და არა მხოლოდ საქართველოსთვის იზრდება. საქართველო არც ისე შორს არის რეგიონის ე.წ. კრიზისული თაღისგან, სადაც ომი, ტერორიზმი, შიდა პოლიტიკური არეულობა ან მიგრაცია საფრთხეს უქმნის მშვიდობას, უსაფრთხოებასა და განვითარებას", – განაცხადა ზურაბიშვილმა.

მან აღნიშნა, რომ საქართველომ შეძლო „სტაბილურობის კუნძულის" შენარჩუნება და ეკონომიკური და დემოკრატიული განვითარების დაცვა არასასურველი ეფექტებისგან.

„მაგრამ ეს ძალისხმევა შესანარჩუნებელი და გასაორმაგებელია მოახლოებული ტერორიზმის პრევენციისთვის. ეს ნიშნავს პარტნიორებთან ინფორმაციის აქტიურ გაცვლას, მეტ გამჭვირვალობასა და საზღვრების და მათზე გადაადგილების მეტ კონტროლს", – აღნიშნა პრეზიდენტმა.

მისი განცხადებით, საქართველოში და მთლიანად მსოფლიოში ერთ-ერთი მთავარი გამოწვევა კიბერუსაფრთხოება გახდა.

„გასულ კვირაში საქართველოში 13 ათას დომენზე განხორციელდა კიბერშეტევა, მათ შორის პრეზიდენტის ადმინისტრაციაც მოხვდა მსხვერპლთა რიცხვში. საქართველო ახალი რესურსების მობილიზაციას აკეთებს და მზად არის უფრო აქტიური თანამშრომლობისთვის, რათა გავუმკლავდეთ ამ საფრთხეებს და მოვემზადოთ სისტემების უკეთესი დაცვისთვის", – განაცხადა ზურაბიშვილმა.

ჰაკერების მორიგი მუქარა – რა წერილები მიიღეს პრეზიდენტმა და ტელეკომპანიებმა>>

ჰაკერებმა 28 ოქტომბერს შეუტიეს სასამართლოების, პრეზიდენტის, ადგილობრივი ხელისუფლების, მასმედიისა და კერძო კომპანიების ვებ-გვერდებს. მათ შეცვალეს ვებ-გვერდების მთავარი გვერდები და მათზე მიხეილ სააკაშვილის ფოტო განათავსეს წარწერით I'll be back. გამოძიებას აწარმოებენ საქართველოს სუს-ი და შსს პარტნიორი ქვეყნების მხარდაჭერით.

პრეზიდენტის თქმით, კიდევ ერთი გამოწვევაა უშიშროება შავ ზღვაზე. ზღვა საქართველოს ეკონომიკური განვითარების პოტენციალია, რომელიც ევროპასა და აზიას შორის ჰაბს წარმოადგენს.

„ინფრასტრუქტურის, სატრანსპორტო და საკომუნიკაციო პროექტები უფრო და უფრო პირდაპირ აკავშირებს საქართველოს ევროკავშირის პარტნიორებთან მეორე ნაპირზე. ეს ნიშნავს, რომ შავი ზღვით და მის გარშემო ეკონომიკურ თანამშრომლობას თან უნდა ერთვოდეს უსაფრთხოების გაცნობიერება და სტრატეგიული და თავდაცვითი თანამშრომლობა, რათა ავიცილოთ ყველანაირი ინციდენტი ან ესკალაცია, როგორიც აზოვის ზღვაში ვნახეთ", – აღნიშნა პრეზიდენტმა.

ერთ-ერთ მთავარ საფრთხედ ზურაბიშვილმა დაასახელა ქვეყნის ტერიტორიების 20%-ზე – აფხაზეთსა და ცხინვალის რეგიონზე კონტროლის არარსებობა.

„რუსეთი უნდა დავარწმუნოთ 2008 წლის ცეცხლის შეწყვეტის შეთანხმების შესრულების აუცილებლობაში და საერთაშორისო საზოგადოებასთან ერთად მოვიძიოთ კონფლიქტის მშვიდობიანი გზებით გადაწყვეტის შესაძლებლობები ჟენევის, სხვა ორმხრივ და მრავალმხრივ ფორმატებში. ეს რეგიონში ხანგრძლივი უსაფრთხოების მიღწევის ერთადერთი გზაა", – განაცხადა ზურაბიშვილმა.

ზურაბიშვილი გაეროში: რუსეთთან დიალოგზე უარი არ გვითქვამს>>

საქართველოს პრეზიდენტის განცხადებით, ქვეყნის პასუხი მის წინაშე არსებულ გამოწვევაზე ეკონომიკური და პოლიტიკური განვითარება, ასევე თავდაცვის პოლიტიკა იქნება.

„საქართველოსთვის თავდაცვის პოლიტიკა ნიშნავს ნატოს, როგორც უსაფრთხოების მთავარი უზრუნველყოფის, ღია კართან მაქსიმალურ მიახლოებას... ინტეგრაციის ეს პროცესი დღეს კონსტიტუციით არის გარანტირებული, მოსახლეობის მიერ მხარდაჭერილი და შეუქცევადი", – აღნიშნა პრეზიდენტმა.

ზურაბიშვილმა ასევე ისაუბრა ტურიზმის, სატრანსპორტო ინფრასტრუქტურის, ტექნოლოგიებისა და სოფლის მეურნეობის განვითარების მნიშვნელობაზე.

„ჩვენი პასუხი მყარი დემოკრატიული განვითარებაა ახალი კონსტიტუციით, მშვიდობიანი არჩევნებითა და ახლა სრულად პროპორციულ საარჩევნო სისტემაზე გადასვლით, ოპოზიციურ პარტიებთან ერთად შემუშავებული ახალი საარჩევნო კანონმდებლობით, რომელიც ძალაში შევა 2020 წლის საპარლამენტო არჩევნებისთვის და სასამართლო რეფორმით, რომელიც გადამწყვეტ ფაზაშია", – აღნიშნა ზურაბიშვილმა.

გახარია: საქართველოს ინტეგრირება ნატოში არ არის მიმართული ვინმესთვის საფრთხის შექმნისკენ

პრეზიდენტის განცხადებით, საარჩევნო მარათონის ერთ-ერთი გამოწვევაა დეზინფორმაციის გავრცელება და პოლარიზაცია, რომელიც საქართველომ უნდა გადალახოს.

53
თემები:
საქართველოს პრეზიდენტი (126)
ეკატერინე ტიკარაძე

ეკატერინე ტიკარაძე პარლამენტს ვადას სთხოვს: ვის და რას უფრთხის მინისტრი

31
(განახლებულია 14:53 03.06.2020)
ჯანდაცვის მინისტრმა პარლამენტისთვის გაგზავნილ საპასუხო წერილში არ დააკონკრეტა თუ რატომ მოითხოვა დეპუტატების კითხვებზე საპასუხოდ სხდომის გადადება

თბილისი, 3 ივნისი - Sputnik.  საქართველოს ჯანდაცვის მინისტრმა ეკატერინე ტიკარაძემ დამოუკიდებელ დეპუტატებს დიმიტრი ხუნდაძესა და ლევან კობერიძეს  საკომიტეტო მოსმენის ივნისის ბოლო კვირაში გადატანის თხოვნით მიმართა.

დამოუკიდებელი დეპუტატების მოწვევით, მინისტრი  3 ივნისს საპარლამენტო კომიტეტის სხდომაზე სიტყვით უნდა გამოსულიყო, თუმცა, ტიკარაძემ მათ მოსმენის მოგვიანებით დანიშვნა სთხოვა. 

 „პირადად მე და სამინისტროს გუნდი მთლიანად ვაფასებთ  კომიტეტის ინტერესსა და ჩართულობას ეპიდემიის გამოწვევებისადმი ჯანდაცვის სექტორის მზადყოფნის საკითხებში. მაგრამ ჯანდაცვისა და სოციალური საკითხების კომიტეტს ვთხოვთ სხდომის ივნისის ბოლო კვირისთვის გადატანას“, – ნათქვამია პარლამენტისთვის გაგზავნის მინისტრის წერილში.

ასევე, ტიკარაძემ პასუხი გასცა იმ კითხვების ნაწილს, რომელიც წერილობით ფორმით მას გაეგზავნა. ისინი ძირითადად ეხება პანდემიის პერიოდში გეგმურ სამედიცინო სერვისებს, ჰოსპიტალურ სერვისებზე ტარიფებს, სამსახურიდან გათავისუფლებულ სოციალურ აგენტებსა და ა.შ.

მინისტრის პარლამენტში დაბარების ერთ–ერთმა ინიციატორმა – ფრაქცია „დამოუკიდებელი დეპუტატების“ წევრმა ლევან კობერიძემ განაცხადა, რომ იმ შემთხვევაში, თუ ეკატერინე ტიკარაძე საკომიტეტო მოსმენაზე არ გამოცხადდება, იგი კანონს დაარღვევს.

მინისტრი საკანონმდებლო ორგანოში ოთხ ძირითად საკითხთან დაკავშირებით დაიბარეს: მათგან ორი კორონავირუსის პანდემიასთან შექმნილ ვითარებას ეხება, დანარჩენი – სოცმუშაკების გათავისუფლებას და 520–ე დადგენილებას, რომლის ფარგლებშიც საყოველთაო ჯანდაცვის სახელმწიფო პროგრამაში ჩართულ კლინიკებში  ტარიფების ერთიანი სისტემა დგინდება.

31
თემები:
საქართველოს პარლამენტი
წინასაარჩევნო პლაკატები

გაუქმდება თუ არა საქართველოში ფასიანი პოლიტიკური რეკლამა

45
(განახლებულია 15:36 03.06.2020)
დეპუტატი გია ჟორჟოლიანი თვლის, რომ მედიასივრცე ორი დიდი პარტიის პოლემიკისგან შედგება, ხოლო ალტერნატიული ხედვა ჩახშობილია.

თბილისი, 3 ივნისი – Sputnik. ოპოზიციონერი დეპუტატის, პარტია „სოციალ-დემოკრატების“ ლიდერის გია ჟორჟოლიანის ინიციატივამ ფასიანი პოლიტიკური რეკლამის აკრძალვის თაობაზე როგორც ოპოზიციის, ისე მმართველი პარტია „ქართული ოცნება - დემოკრატიული საქართველოს“ უკმაყოფილება გამოიწვია.

საქართველოში წინასაარჩევნო რეკლამა ორი სახეობისაა – უფასო პოლიტიკური რეკლამა, რომლის საშუალება არჩევნებში მონაწილე ყველა სუბიექტს აქვს და ამის თანხა სახელმწიფო ბიუჯეტიდან იფარება, და ფასიანი პოლიტიკური რეკლამა, რომლისთვისაც პარტიები თანხას თვითონ იხდიან.

„ბევრ ევროპულ ქვეყანაში ფასიანი რეკლამა არ არის საარჩევნო სუბიექტებისთვის. ამის მიზანია – ყველა პარტია, ყველა შეხედულება, ყველა პროგრამა აღმოჩნდეს მეტ-ნაკლებად თანაბარ პირობებში, რათა ამომრჩეველმა გააკეთოს თავისი არჩევანი შეხედულებების და არა იმის მიხედვით, რომ ამის თაობაზე გაიგო მხოლოდ იმიტომ, რომ პარტიას აქვს ფული“, – განუცხადა ჟორჟოლიანმა ჟურნალისტებს.

მისი აზრით, ეს აქტუალურია საქართველოსთვის, სადაც მედიასივრცე „ქართული ოცნებისა“ და „ნაციონალური მოძრაობის“ და მათი მომხრეების პოლემიკისგან შედგება, სხვა ალტერნატიული ხედვები კი ჩახშობილია.

მმართველ პარტიაში უკვე განაცხადეს, რომ დეპუტატის ინიციატივა, დიდი ალბათობით, ჩავარდება.

„ქართული ოცნების“ პარტიული სიის პირველი ნომერი წულუკიანი იქნება?>>

„ჩვენ გვქონდა კონსულტაციები შესაბამისი სამუშაო ჯგუფის ფორმატში, იქ, რამდენადაც მახსოვს, ეს ინიციატივა საერთოდ არ გაჟღერებულა, თუმცა სხვა ტიპის დისკუსიები იყო ამ თემასთან დაკავშირებით და პარტიებს ჰქონდათ რადიკალურად განსხვავებული პოზიციები. მათ მიაჩნიათ, რომ ტელევიზიებში კომერციული რეკლამის გაშვების საშუალება უნდა ჰქონდეთ. აქედან გამომდინარე, მე ძალიან მეეჭვება, რაიმე მსვლელობა მიეცეს ამ ინიციატივას“, – განაცხადა დეპუტატმა „ქართული ოცნებიდან“ ირაკლი კობახიძემ.

კობახიძეს მხარი დაუჭირა ასევე დეპუტატმა ოპოზიციური პარტიიდან „ევროპული საქართველო - მოძრაობა თავისუფლებისთვის“ სერგი კაპანაძემ.

„ჩვენი მიდგომა არის, რომ არასაარჩევნო დროსაც უნდა ჰქონდეს საშუალება პოლიტიკურ ძალას, თავისთვის მნიშვნელოვანი გზავნილები მიიტანოს საზოგადოებამდე. ეს უნდა გვახსოვდეს, რომ ამაში ჩვენ ვხარჯავთ ჩვენ ფულს“, – განაცხადა კაპანაძემ.

ასეთი ინიციატივის წინააღმდეგია ასევე ის არასაპარლამენტო ოპოზიციაც, რომლისთვისაც ფასიანი პოლიტიკური რეკლამა ტელევიზორის ეკრანებზე გამოჩენის კარგი შანსია.

გახარია: საქართველო მზად არის მიიღოს დამკვირვებლების უპრეცედენტო რაოდენობა არჩევნებზე>>

ამგვარად, საპარლამენტო პარტიების რიტორიკით თუ ვიმსჯელებთ, გია ჟორჟოლიანის ინიციატივა დარჩება მხოლოდ ქაღალდზე და შემდეგ მსვლელობას არ მიიღებს.

45
თემები:
საქართველოს პარლამენტი
ნინო ბურჯანაძე

ბურჯანაძე: ოპოზიციის გაერთიანების მიზანი ერთმანეთის ხმების დაცვაა

0
(განახლებულია 17:04 03.06.2020)
პარტია „ერთიანი საქართველო - დემოკრატიული მოძრაობის“ ლიდერი ნინო ბურჯანაძე ოპოზიციის გაერთიანებასა და მომავალ არჩევნებზე საუბრობს.
ბურჯანაძე: ოპოზიციის გაერთიანების მიზანი ერთმანეთის ხმების დაცვაა
„მთავარი ამოცანა და მთავარი მიზანი ამ ოპოზიციური ერთობის იყო და რჩება საარჩევნო სისტემის გაუმჯობესება. მნიშვნელოვანია, რომ ხელისუფლებამ ჩვენ უარი არ გვითხრას უკვე შეთანხმებულ მუხლებზე. ეს მნიშვნელოვანი ნაბიჯი იქნება იმისათვის, რომ წინაასაარჩევნოდ ვიცოდეთ, არჩევნები ტარდება ნორმალური სისტემით. ასევე, ამ გაერთიანების ამოცანაა, საარჩევნო გარემო, წინასაარჩევნო პერიოდი იყოს ნორმალური, ვერავინ შეძლოს ხმების მოპარვა, ვერც ხელისუფლებამ და ვერც რომელიმე ოპოზიციურმა პარტიამ“, -ამბობს ბურჯანაძე.

მისი თქმით, ამ პრინციპებით ჩატარებული არჩევნები გამორიცხავს  რომელიმე პოლიტიკური ძალის აბსოლუტურ უპირატესობას ვინმეზე და ხელისუფლების უზურპაციას. 

0