საქართველოს საკონსტიტუციო სასამართლო

საკონსტიტუციო სასამართლო საპენსიო სისტემის შესახებ წარდგენილ სარჩელს განიხილავს

77
(განახლებულია 20:00 04.11.2019)
მოსარჩელეები ითხოვენ, რომ 40 წლამდე პირთა სავალდებულო მონაწილეობა სისტემაში არაკონსტიტუციურად იქნეს ცნობილი

თბილისი, 4 ნოემბერი - Sputnik. საქართველოს საკონსტიტუციო სასამართლომ დაგროვებითი საპენსიო სისტემის შესახებ სარჩელი განსახილველად მიიღო, იუწყება პირველი არხი.

დაგროვებითი საპენსიო სისტემა საქართველოში 1 იანვრიდან ამოქმედდა. სქემის მიხედვით, 24 ათას ლარიანი ნომინალური წლიური შემოსავლის შემთხვევაში მოქალაქის საპენსიო ანგარიშზე დაირიცხება მისი ხელფასის 6%: 2%-ს იგი თავად გადაიხდის, 2%-ს - მისი დამსაქმებელი და კიდევ 2%-ს - სახელმწიფო. 24-დან 60 ათას ლარამდე ყოველწლიური ხელფასის შემთხვევაში, სახელმწიფო მოქალაქის ანგარიშზე მხოლოდ 1%-ს გადარიცხავს.

სადავო ნორმების არაკონსტიტუციურად ცნობის შემთხვევაში, შესაძლოა, სქემაში ჩართვა სავალდებულო აღარ იყოს. საუბარია ედუარდ მარიკაშვილის და ა(ა)იპ „საქართველოს დემოკრატიული ინიციატივის“ მიერ საქართველოს პარლამენტის წინააღმდეგ წარდგენილ სარჩელზე.

სარჩელს განიხილავს სასამართლოს მეორე კოლეგია, რომელშიც თეიმურაზ ტუღუში, ირინე იმერლიშვილი, მანანა კობახიძე და თამაზ ცაბუტაშვილი შედიან.

ახალი საპენსიო სისტემა ნაწილობრივ სავალდებულოა - ის სავალდებულოა 40 წლამდე მოქალაქეებისთვის, დანარჩენებს კი არჩევანის უფლება აქვთ.

რატომ დატოვეს დაგროვებითი პენსიის სქემა დასაქმებულებმა >>

ივნისის ბოლოს დაგროვებითი საპენსიო სქემიდან გამოსულ პირთა რაოდენობამ დარეგისტრირებულ პირთა 10% შეადგინა.

საპენსიო ფონდში აცხადებენ, რომ რეფორმა ორ მნიშვნელოვან მიზანს ემსახურება. ერთი არის გრძელვადიანი და გულისხმობს საპენსიო ასაკში მოქალაქეთა ფინანსურ უზრუნველყოფას, რათა მათ ღირსეული ცხოვრების შესაძლებლობა ჰქონდეთ. მეორე - კაპიტალის ადგილობრივი ბაზრის განვითარებაა.

77
საარჩევნო ყუთი

არჩევნები პანდემიის დროს: შეძლებს თუ არა კენჭისყრაში მონაწილეობას სიცხიანი ამომრჩეველი

5
(განახლებულია 15:53 03.06.2020)
საქართველოს ხელისუფლება სპეციალურ წესებზე მუშაობს, რათა არჩევნების დღემ კორონავირუსის აფეთქების პროვოცირება არ მოახდინოს

თბილისი, 3 ივნისი – Sputnik. საპარლამენტო არჩევნებზე იმოქმედებს სპეციალური წესები, რომლებიც კორონავირუსის გავრცელებას არ დაუშვებს, განაცხადა პარლამენტის დეპუტატმა, „ქართული ოცნების“ აღმასრულებელმა მდივანმა ირაკლი კობახიძემ.

საქართველოში საპარლამენტო არჩევნები 31 ოქტომბერს კორონავირუსის ანდემიის ფონზე ჩატარდება. შემოდგომაზე ქართველი ეპიდემიოლოგები COVID-19–ი მეორე ტალღას პროგნოზირებენ.

საქართველოს კონსტიტუციაში შესწორებების საყოველთაო განხილვა ხუთშაბათს დაიწყება>>

„აუცილებლად იქნება მიღებული ზომები იმისთვის რომ არჩევნები, მათ შორის არჩევნების დღე, არ გახდეს ეპიდემიის გავრცელების წყარო. საუბარია, რა თქმა უნდა, შესაბამის ეკიპირებაზე, პირბადეებზე, იმაზე, რომ დამატებითი ცნობები იქნება მიღებული ასევე საარჩევნო ადმინისტრაციის საუბნო კომისიის წევრებისთვის, საარჩევნო ადმინისტრაციის წარმომადგენლებისთვის. ყველაფერი იქნება უზრუნველყოფილი იმისთვის, რომ მინიმუმამდე დავიდეს ეპიდემიის გავრცელებასთან დაკავშირებული რისკები“, – განუცხადა ჟურნალისტებს ირაკლი კობახიძემ.

დეპუტატის განმარტებით, წესების ნაწილი საარჩევნო კოდექსში მოხვდება, თუმცა, საჭირო იქნება კონსულტაციები ოპოზიციასთან და სხვა დაინტერესებულ მხარეებთან.

„რაც შეეხება თერმოსკრინინგს, შეიძლება ეს ჩატარდეს, მაგრამ აქ არის თავისი რისკები... კერძოდ, თერმოსკრინინგმა შეიძლება იქონიოს ამომრჩევლის დაფრთხობის ეფექტი. შეიძლება მოვიდეს ამომრჩეველი და როცა აღმოაჩნდება ტემპერატურა, გავიდეს საარჩევნო უბნიდან და ვერ მიიღოს არჩევნებში მონაწილეობა. აქედან გამომდინარე ყველა დეტალი, იქნება ეს თერმოსკრინინგი, პირბადე თუ ა. შ. იქნება აწონ-დაწონილი როგორც ეპიდემიოლოგიური, ასევე, პოლიტიკური და საარჩევნო კუთხითაც. აქედან გამომდინარე არც ერთი ისეთი წესი არ დადგინდება, რომელიც რაიმე ფორმით დააბრკოლებს ამომრჩეველს ხმის მიცემის პროცესში“, – განაცხადა კობახიძემ.

ოპოზიციური „ნაციონალური მოძრაობის ერთ–ერთმა ლიდერმა რომან გოცირიძემ განაცხადა, რომ კონსტიტუციაში არ არის ჩანაწერი, რომ კორონავირუსით დაავადებულს კენჭისყრაშში მონაწილეობა არ შეუძლია.

„უნდა გამოიძებნოს ისეთი სამართლიანი და ობიექტური მექანიზმი, რომელიც ყველა მოქალაქეს, თუნდაც ის იყოს ინფიცირებული ან ავად, შესაძლებლობას მისცემს, რომ არჩევნებში მონაწილეობა მიიღოს“,– განაცხადა რომან გოცირიძემ.

წინასწარი ინფორმაციით, საარჩევნო უბნებზე ამომრჩევლები, დამკვირვებლები და კომისიის წევრები უნდა იყვნენ პირბადეებით და დაიცვან ორმეტრიანი დისტანცია.

საქართველოს პრეზიდენტი: პანდემია საპარლამენტო არჩევნების ჩატარებას ხელს ვერ შეუშლის>>

თუმცა, საქართველოში არჩევნების დროს საარჩევნო უბანზე, როგორც წესი, სულ ცოტა შვიდი ადამიანი იმყოფება – კომისიის წევრები, დამკვირვებლები პარტიებიდან და არასამთავრობო ორგანიზაციებიდან, ჟურნალისტები, ასევე, თავად ამომრჩევლები.

ამგვარად, დაახლოებით საკლასო ოთახის ზომის ოთახში 20–დან 50–მდე ადამიანი იმყოფება. ამასთან, აუცილებელია დამკვირვებლებისა და პრესის ყოფნა, რათა თავისუფალი და დემოკრატიული არჩევნები ჩატარდეს.

5
თემები:
COVID-19 საქართველოში
ეკატერინე ტიკარაძე

ეკატერინე ტიკარაძე პარლამენტს ვადას სთხოვს: ვის და რას უფრთხის მინისტრი

34
(განახლებულია 14:53 03.06.2020)
ჯანდაცვის მინისტრმა პარლამენტისთვის გაგზავნილ საპასუხო წერილში არ დააკონკრეტა თუ რატომ მოითხოვა დეპუტატების კითხვებზე საპასუხოდ სხდომის გადადება

თბილისი, 3 ივნისი - Sputnik.  საქართველოს ჯანდაცვის მინისტრმა ეკატერინე ტიკარაძემ დამოუკიდებელ დეპუტატებს დიმიტრი ხუნდაძესა და ლევან კობერიძეს  საკომიტეტო მოსმენის ივნისის ბოლო კვირაში გადატანის თხოვნით მიმართა.

დამოუკიდებელი დეპუტატების მოწვევით, მინისტრი  3 ივნისს საპარლამენტო კომიტეტის სხდომაზე სიტყვით უნდა გამოსულიყო, თუმცა, ტიკარაძემ მათ მოსმენის მოგვიანებით დანიშვნა სთხოვა. 

 „პირადად მე და სამინისტროს გუნდი მთლიანად ვაფასებთ  კომიტეტის ინტერესსა და ჩართულობას ეპიდემიის გამოწვევებისადმი ჯანდაცვის სექტორის მზადყოფნის საკითხებში. მაგრამ ჯანდაცვისა და სოციალური საკითხების კომიტეტს ვთხოვთ სხდომის ივნისის ბოლო კვირისთვის გადატანას“, – ნათქვამია პარლამენტისთვის გაგზავნის მინისტრის წერილში.

ასევე, ტიკარაძემ პასუხი გასცა იმ კითხვების ნაწილს, რომელიც წერილობით ფორმით მას გაეგზავნა. ისინი ძირითადად ეხება პანდემიის პერიოდში გეგმურ სამედიცინო სერვისებს, ჰოსპიტალურ სერვისებზე ტარიფებს, სამსახურიდან გათავისუფლებულ სოციალურ აგენტებსა და ა.შ.

მინისტრის პარლამენტში დაბარების ერთ–ერთმა ინიციატორმა – ფრაქცია „დამოუკიდებელი დეპუტატების“ წევრმა ლევან კობერიძემ განაცხადა, რომ იმ შემთხვევაში, თუ ეკატერინე ტიკარაძე საკომიტეტო მოსმენაზე არ გამოცხადდება, იგი კანონს დაარღვევს.

მინისტრი საკანონმდებლო ორგანოში ოთხ ძირითად საკითხთან დაკავშირებით დაიბარეს: მათგან ორი კორონავირუსის პანდემიასთან შექმნილ ვითარებას ეხება, დანარჩენი – სოცმუშაკების გათავისუფლებას და 520–ე დადგენილებას, რომლის ფარგლებშიც საყოველთაო ჯანდაცვის სახელმწიფო პროგრამაში ჩართულ კლინიკებში  ტარიფების ერთიანი სისტემა დგინდება.

34
თემები:
საქართველოს პარლამენტი