სალომე ზურაბიშვილი

ზურაბიშვილი: ჩემს გადაწყვეტილებას ძალიან გავუფრთხილდები

72
მსჯავრდებულთა შეწყალება პრეზიდენტის ექსკლუზიური უფლებაა. მსჯავრდებულთა საქმეებს ჯერ შეწყალების სახელმწიფო კომისია განიხილავს, საბოლოო გადაწყვეტილებას კი პრეზიდენტი იღებს. ამ ეტაპზე შეწყალების სახელმწიფო კომისიის საქმიანობა შეჩერებულია.

თბილისი, 3 ნოემბერი - Sputnik. შეწყალების საკითხი არის ძალიან სენსიტიური, საზოგადოებაში დღეს ვნებათაღელვაა,  განაცხადა საქართველოს პრეზიდენტმა სალომე ზურაბიშვილმა შეწყალების საკითხზე საუბრისას.

პრეზიდენტის ადმინისტრაცია: მამალაძის სავარაუდო შეწყალების შესახებ ინფორმაცია „ფეიკნიუსია“ >>

გუშინ გავრცელდა ინფორმაცია, რომ ე.წ. ციანიდის საქმეზე მსჯავრდებულ დეკანოზ გიორგი მამალაძეს პრეზიდენტი სალომე ზურაბიშვილი, სავარაუდოდ, გიორგობაზე, 23 ნოემბერს შეიწყალებს, რაც პრეზიდენტის ადმინისტრაციაში უარყვეს.

სალომე ზურაბიშვილის განმარტებით, საზოგადოებაში არის ვნებათაღელვა, ამიტომ საკუთარ გადაწყვეტილებას „ძალიან გაუფრთხილდება“.

„ისედაც ჯერ ახალი წესები არ არის ჩამოყალიბებული, ამაზე ვმუშაობთ. როგორც კი პრეზიდენტის ახალი ბრძანებულება მზად იქნება, გაგაცნობთ. მერე რაც იქნება საჭირო, იმ დროს დავფიქრდები, რათა მიღებული გადაწყვეტილება იყოს ყველასთვის გასაგები“, – განაცხადა სალომე ზურაბიშვილმა.

დეკანოზი გიორგი მამალაძე 2017 წლის 10 თებერვალს თბილისის საერთაშორისო აეროპორტში დააკავეს, საიდანაც ის გერმანიაში უნდა გაფრენილიყო. მამალაძეს ცხრა წლით თავისუფლების აღკვეთა მიესაჯა საქართველოს კათოლიკოს-პატრიარქის მდივან-რეფერენტ შორენა თეთრუაშვილის მკვლელობის მომზადებისა და ცეცხლსასროლი იარაღის უკანონო შეძენა-შენახვისთვის.

წმინდა სინოდის რიგგარეშე სხდომაზე 31 ოქტომბერს განიხილეს მამალაძის საკითხი და შემდეგი გადაწყვიტეს: „დეკანოზ გიორგი მამალაძეს, რომელსაც შეჩერებული აქვს მღვდელმსახურება, გაეწიოს შუამდგომლობა საქართველოს პრეზიდენტთან შეწყალების თაობაზე, მისი ოჯახის რთული მდგომარეობისა და  არაერთგზის თხოვნის გათვალისწინებით“.

მსჯავრდებულთა შეწყალება პრეზიდენტის ექსკლუზიური უფლებაა. მსჯავრდებულთა საქმეებს ჯერ შეწყალების სახელმწიფო კომისია განიხილავს, საბოლოო გადაწყვეტილებას კი პრეზიდენტი იღებს. ამ ეტაპზე შეწყალების სახელმწიფო კომისიის საქმიანობა შეჩერებულია.

როგორც პრეზიდენტის ადმინისტრაციაში აცხადებენ, ამ ეტაპზე მიმდინარეობს მუშაობა შეწყალების ახალი წესის შემუშავებაზე და შეწყალების საქმეების განხილვა ჯერ არ განახლებულა.

საქართველოს პრეზიდენტის სალომე ზურაბიშვილის მიერ 28 აგვისტოს შეწყალებულთა სიის გასაჯაროებას, რომელთა შორის მკვლელები, ნარკორეალიზატორები და პედოფილიისთვის გასამართლებულები აღმოჩნდნენ, ქვეყანაში სკანდალი მოჰყვა. სკანდალის ფონზე პრეზიდენტმა განაცხადა, რომ შეწყალების ამჟამინდელი წესები გადახედვას საჭიროებს და შეწყალების პროცესზე მორატორიუმი გამოაცხადა, რაც ოპოზიციამ კონსტიტუციის დარღვევად შეაფასა. პრეზიდენტის თქმით, ახალი წესების განხილვაში სხვადასხვა პოლიტიკური ძალის წარმომადგენლები ჩაერთვებიან.

რამდენიმე  დღის წინ საქართველოს პრეზიდენტმა სალომე ზურაბიშვილმა „შეწყალების წესის შესახებ" ბრძანებულების პროექტი შეიმუშავა და საქართველოს პარლამენტის თავმჯდომარეს არჩილ თალაკვაძესა და იუსტიციის მინისტრს თეა წულუკიანს გააცნო.

72
თემები:
საქართველოს პრეზიდენტი (159)
თბილისის სააპელაციო სასამართლო

სააპელაციო სასამართლოს ნიკა მელიას საქმის წარმოებაში მიღების 72-საათიანი ვადა ეწურება

42
(განახლებულია 12:39 25.02.2021)
„ნაცმოძრაობის“ ლიდერის დაკავებიდან რამდენიმე საათის შემდეგ ოპოზიციამ ქუჩის საპროტესტო აქციების დაწყება დააანონსა.

თბილისი, 25 თებერვალი - Sputnik. ოპოზიციური პარტია „ერთიანი ნაციონალური მოძრაობის“ თავმჯდომარე ნიკა მელიას უფლებადამცველებს არ აქვთ მოლოდინი, რომ სააპელაციო სასამართლო ობიექტურ გადაწყვეტილებას მიიღებს და სარჩელის დასაშვებობის საკითხს დააკმაყოფილებს.

შსს-ს სპეციალური დანიშნულების რაზმმა მთავარი ოპოზიციური პარტია „ერთიანი ნაციონალური მოძრაობის“ ლიდერი ნიკა მელია პარტიის ოფისში 23 თებერვალს დააკავა.

ნიკა მელიას ადვოკატ დიმიტრი საძაგლიშვილის განცხადებით, სააპელაციო სასამართლოში ნიკა მელიას საქმის წარმოებაში მიღების 72-საათიანი ვადა დღეს იწურება. 

საძაგლიშვილის განმარტებით, თუ  მეორე ინსტანციის სასამართლო მელიას საქმეს წარმოებაში არ მიიღებს, ის უზენაეს სასამართლოში აღარ საჩივრდება, თუმცა, ახალი გარემოებების აღმოჩენის შემთხვევაში, როგორც ბრალდების, ასევე დაცვის მხარეს შეეძლება, აღკვეთის ღონისძიების გაუქმება მოითხოვოს.

„ჩვენ ვიცით, რომ ნიკა მელიას საქმეზე ყველა გადაწყვეტილება „ქართული ოცნების“ მხრიდან მიიღება. შესაბამისად, სააპელაციო სასამართლო თუ არ დააკმაყოფილებს ჩვენს საჩივარს,  საზოგადოება ნიკა მელიას პოლიტიკურ პატიმრად მიიჩნევს, რაც სერიოზული პრობლემა იქნება ქვეყნისთვის“, - განაცხადა ადვოკატმა.

17 თებერვალს თბილისის საქალაქო სასამართლომ მელიას 2019 წლის 20–21 ივნისის საქმესთან დაკავშირებით დაუსწრებლად პატიმრობა შეუფარდა. ეს მას შემდეგ მოხდა, რაც მელიამ უარი განაცხადა გირაოს გადახდაზე, რომელიც მას აღკვეთის ალტერნატიულ ღონისძიებად შეეფარდა. გადაწყვეტილების სისრულეში მოყვანა შსს-ს დაევალა. 

ნიკა მელიას მიმართ აღკვეთის ღონისძიების სახით პატიმრობის შეფარდების გადაწყვეტილება უფლებადამცველებმა უკვე გაასაჩივრეს. ადვოკატებმა შუამდგომლობა შეიტანეს სააპელაციო სასამართლოში, რომელიც ითვალისწინებს უწყების მხრიდან საკონსიტუტუციო სასამართლოსთვის წარდგინებით მიმართვას, რათა გადამოწმდეს სისხლის სამართლის საპროცესო კოდექსის შესაბამისი ნორმების ნორმატიული შინაარსი.

საქართველოში ყველაზე მსხვილი ოპოზიციური პარტიის ლიდერის დაკავებამ საერთაშორისო საზოგადოებაში დიდი რეზონანსი გამოიწვია. პრაქტიკულად ყველა საერთაშორისო ორგანიზაციამ და დასავლელმა პარტნიორმა მხარეებს დიალოგისკენ მოუწოდა. მოლაპარაკებების მაგიდასთან შეხვედრა შესთავაზა ოპოზიციას პრემიერ-მინისტრმა ირაკლი ღარიბაშვილმაც, რომელმაც ამავე დროს პარლამენტში სამთავრობო პროგრამის წარდგენისას კრიტიკის ქარცეცხლში გაატარა ოპოზიცია.

მელიამ ხელისუფლებას ბრალი დასდო პოლიტიკური პროცესებისგან მისი იზოლირების მცდელობაში და სასამართლოს გადაწყვეტილებას ფაქტობრივად დაუმორჩილებლობა გამოუცხადა.

 

42
მთავრობის სახლი

ირაკლი ღარიბაშვილმა ვიცე-პრემიერები დაასახელა

47
(განახლებულია 11:34 25.02.2021)
პარლამენტმა განახლებულ მინისტრთა კაბინეტს ნდობა 22 თებერვალს გამოუცხადა.  ოფიციალურად მინისტრები თანამდებობებზე უახლოეს დღეებში დაინიშნებიან

თბილისი, 25 თებერვალი – Sputnik. პრემიერ-მინისტრმა ირაკლი ღარიბაშვილმა მთავრობის სხდომის დაწყებამდე ვიცე-პრემიერები წარადგინა.

ღარიბაშვილის განცხადებით, ამ პოსტებს საგარეო საქმეთა მინისტრი დავით ზალკალიანი და ფინანსთა მინისტრი ივანე მაჭავარიანი დაიკავებენ.

  • „ჩვენ გვეყოლება დღეიდან ორი ვიცე-პრემიერი. ბატონი დავით ზალკალიანი და ბატონი ივანე მაჭავარიანი“, – განაცხადა ღარიბაშვილმა.

22 თებერვალს საქართველოს პარლამენტმა 89 ხმით ორის წინააღმდეგ, ნდობა გამოუცხადა განახლებულ მინისტრთა კაბინეტს ირაკლი ღარიბაშვილის მეთაურობით.

საქართველოს მთავრობის ახალი შემადგენლობა
© Sputnik / Konstantin Ivanov
საქართველოს მთავრობის ახალი შემადგენლობა
47
ნინო შუბლაძე

„არსებობს მუდმივი შიშის ზღვარიც“ - ნინო შუბლაძეს და გარდაეცვალა

0
(განახლებულია 14:55 25.02.2021)
სო­ფოს მდგო­მა­რე­ო­ბა ბოლო თვის გან­მავ­ლო­ბა­ში რამ­დენ­ჯერ­მე დამ­ძიმ­და, თუმ­ცა ახ­ლობ­ლე­ბი მისი გა­დარ­ჩე­ნის იმედს არ კარ­გავ­დნენ

თბილისი, 25 თებერვალი - Sputnik. ქარ­თულ-ამე­რი­კუ­ლი უნი­ვერ­სი­ტე­ტის ერთ-ერთი დამ­ფუძ­ნე­ბე­ლი, არა­სამ­თავ­რო­ბო ორ­გა­ნი­ზა­ცია „პარტნი­ო­რე­ბი სა­ქარ­თვე­ლოს“ დი­რექ­ტო­რი, ტრე­ნე­რი სოფო შუბ­ლა­ძე კო­რო­ნა­ვირუ­სით გა­მოწ­ვე­უ­ლი გარ­თუ­ლე­ბის შე­დე­გად გარ­და­იც­ვა­ლა. ინფორმაცია სოციალურ ქსელში ვრცელდება.

სოფო შუბ­ლა­ძე ცნო­ბი­ლი ჟურ­ნა­ლის­ტის, ტე­ლე­კომ­პა­ნია „რუს­თა­ვი 2“-ის სა­ინ­ფორ­მა­ციო სამ­სა­ხუ­რის უფ­რო­სის ნინო შუბ­ლა­ძის უფ­რო­სი და იყო. სო­ფოს მდგო­მა­რე­ო­ბა ბოლო თვის გან­მავ­ლო­ბა­ში რამ­დენ­ჯერ­მე დამ­ძიმ­და, თუმ­ცა ახ­ლობ­ლე­ბი მისი გა­დარ­ჩე­ნის იმედს არ კარ­გავ­დნენ.

„არსებობს მოთმინების, გააზრების, ატანის, მუდმივი შიშის ზღვარიც! ყველა ზღვარს გავცდი! უნდა მოერიოს! უნდა დაძლიოს! ყველა მეუბნება, სხვანაირად არ შეიძლებაო! ჰოდა, არ შეიძლება სხვაგვარად, სოფ! არა!” – წერდა ნინო შუბლაძე რამდენიმე დღის წინ.

კო­რო­ნა­ვირუ­სის გა­და­ტა­ნის შემ­დეგ, მისი მდგო­მა­რე­ო­ბა უმ­ძი­მე­სი იყო და არ­სე­ბუ­ლი ინ­ფორ­მა­ცი­ით, ის თრომ­ბის შე­დე­გად გარ­და­იც­ვა­ლა. სოციალურ ქსელში მის გარდაცვალებას ცნობილი ადამიანები ეხაურებიან:

„და­უ­ჯე­რე­ბე­ლია! ასე იშ­ვი­ა­თად უყ­ვართ ადა­მი­ა­ნებს სი­ცო­ცხლე რო­გორც სო­ფოს უყ­ვარ­და. და ასე იშ­ვი­ა­თად უყ­ვართ ადა­მი­ა­ნებს ერ­თმა­ნე­თი, რო­გორც თქვენ გიყ­ვარ­დათ! ნინო შუბ­ლა­ძე, ღმერ­თს ვთხოვ მოგ­ცეს ძალა, ამ ჯო­ჯო­ხეთს გა­უძ­ლო!“, - წერს ტე­ლე­წამ­ყვა­ნი ნა­ნუ­კა ჟორ­ჟო­ლი­ა­ნი და მე­გო­ბარს დის გარ­დაც­ვა­ლე­ბას უსამ­ძიმ­რებს.
„ყვე­ლა­ფე­რი მეწ­ვის, ისე მეტ­კი­ნა და მე­წყი­ნა ეს სა­ში­ნე­ლი ამ­ბა­ვი. ეს უკე­თი­ლე­სი და ძა­ლი­ან ნი­ჭი­ე­რი, დიდი ენერ­გე­ტი­კის ადა­მი­ა­ნი რო­გორ წა­ვი­და ამ ქვეყ­ნი­დან და დაგვტო­ვა, ვერც კი ვი­ჯე­რებ ვუ­სამ­ძიმ­რებ ოჯახს და გან­სა­კუთ­რე­ბით ნინო შუბ­ლა­ძეს, რომ­ლის­თვი­საც სოფო ნამ­დვი­ლად მეტი იყო, ვიდ­რე უბ­რა­ლოდ და. უმ­ძი­მე­სი დრო და­უდ­გა ნი­ნო­საც და ოჯახ­საც და ყვე­ლა უნდა და­ვეხ­მა­როთ, ამ სა­ში­ნე­ლე­ბის გა­და­სა­ტა­ნად“, - წერს „მთა­ვა­რი არ­ხის“ დი­რექ­ტო­რი ნიკა გვა­რა­მია.
„სოფო, საყვარელო. კორონა რომ შემოიჭრა ქვეყანაში, ზუსტად მაშინ მოვიტეხე ფეხი, ხოდა, მწერდა, რა მაგარია, ფეხი რომ მოიტეხე, შენი ჯანმრთელობის პატრონს გიხაროდესო. თვითონ დამარცხდა. ისე მედარდება, ისე მეტირება ამ უსაყვარლეს გოგოზე. ისეთი უსამართლობაა მისი წასვლა, სიცოცხლით სავსე გოგო. კეთილი გოგო. არც სიტყვები მყოფნის, რითი განუგეშო ნინო შუბლაძე. გაძლებას გისურვებთ მთელ ოჯახს და თქვენთან ერთად ვტირი. წარმოუდგენელი ტრაგედიაა“, - წერს ცნობილი ჟურნალისტი ინგა გრიგოლია.

 

სოფო შუბ­ლა­ძე 1996 წლი­დან მუ­შა­ობ­და კონ­ფლიქ­ტე­ბის მარ­თვის, ინ­ტე­რაქ­ცი­უ­ლი სწავ­ლე­ბი­სა და მოზ­რდილ­თა გა­ნათ­ლე­ბის სფე­რო­ში. მი­ღე­ბუ­ლი ჰქონ­და პრეს­ტო­ნის უნი­ვერ­სი­ტე­ტის მა­გის­ტრის წო­დე­ბა ადა­მი­ა­ნუ­რი რე­სურ­სე­ბის მარ­თვა­ში.

0
თემები:
სელებრითების ცხოვრება