კახა კალაძე

კალაძე: ეკლესია იყო და იქნება ჩვენი თვითმყოფადობის ფუნდამენტი

383
(განახლებულია 20:50 01.11.2019)
კახა კალაძე დარწმუნებულია, რომ ქართველი ხალხის სიყვარული კათოლიკოს-პატრიარქისადმი საქართველოს მძიმე დღეების გადალახვაში დაეხმარება

 

თბილისი, 1 ნოემბერი - Sputnik. მიუხედავად იმისა, რომ ქართულ მართლმადიდებლურ ეკლესიას ბევრი სირთულე ახსოვს, ის იყო და იქნება ქართველი ხალხის თვითმყოფადობის ფუნდამენტი, განუცხადა მმართველი პარტია „ქართული ოცნება - დემოკრატიული საქართველოს“ გენერალურმა მდივანმა, თბილისის მერმა კახა კალაძემ ჟურნალისტებს. 

ასეთი კომენტარი გააკეთა კალაძემ წმინდა სინოდის ბოლო სხდომასთან დაკავშირებით, რომელიც თანამედროვე საქართველოს ისტორიაში ყველაზე სკანდალური აღმოჩნდა. წმინდა სინოდმა ხუთშაბათს მეუფე პეტრეს მიტროპოლიტის წოდება ჩამოართვა, რადგან მან სრულიად საქართველოს კათოლიკოს-პატრიარქ  ილია მეორეს მამათმავლობის მფარველობაში დასდო ბრალი.

 „ჩვენი ეკლესიის წიაღში ძალიან ბევრი გამარჯვება იყო, იყო პრობლემებიც, სირთულეებიც, თუმცა ის ყოველთვის იყო, არის და იქნება ჩვენი თვითმყოფადობის ფუნდამენტი. ქართველი ხალხის რწმენა, ჩვენი პატრიარქის ავტორიტეტი და სიბრძნე, ქართველი ხალხის დამოკიდებულება და სიყვარული მის მიმართ, დარწმუნებული ვარ, შეგვაძლებინებს ამ რთული დღეების გადალახვას“, - აღნიშნა კალაძემ.

მისი სიტყვებით, პოლიტიკოსებს ძალიან დიდი პასუხისმგებლობა აკისრიათ, რათა ქვეყანაში სიმშვიდე შენარჩუნდეს.  

 „საოცარ განცხადებებს, პოლიტიკურ შეფასებებს ვისმენთ. ვხედავთ, რომ ზოგიერთი პოლიტიკოსი ცდილობს, საკუთარი განცხადებები თავისი ვიწრო პარტიული ინტერესებისთვის გამოიყენოს. ვფიქრობ, ეს არასწორი მიდგომა და დამოკიდებულებაა. ეს ჩვენ ყველას გვაზარალებს, რადგან ამით ზარალდება ჩვენი ქვეყანა“, – აღნიშნა თბილისის მერმა.

დღეს ქართველმა პოლიტიკოსებმა ყველაფერი უნდა იღონონ იმისათვის, რომ იყვნენ ობიექტურები და ქვეყნის განვითარებისკენ მიმართული განცხადებები გააკეთონ.

 „მთავარია, შევინარჩუნოთ სიმშვიდე და ხელი არ შევუწყოთ დაპირისპირების გაღვივებას“, – აღნიშნა თბილისის მერმა.

ჭყონდიდის ეპარქიის ყოფილმა მიტროპოლიტმა პეტრემ (ცაავა) განაცხადა, რომ არ აპირებს შიომღვიმის მონასტერში წასვლას, სადაც პატრიარქის ბრძანებით განწესდა. მან ინჩხურის წმინდა ამბროსი ხელაიას სახელობის მონასტრის დათმობა ითხოვა.

383
თემები:
საეკლესიო სკანდალი საქართველოში (31)
მიეცი ხმა

„რეფორმერი“, ახალგაზრდული პოლიტიკა და საარჩევნო სტრატეგია

35
(განახლებულია 12:58 13.07.2020)
თუ ოპოზიცია ჯერჯერობით ვერ ჩამოყალობდა, ერთიანი სიით მიიღოს მონაწილეობა არჩევნებში თუ ერთმანეთს და „ქართულ ოცნებას“ გაუწიონ კონკურენცია, ხელისუფლება ნელ-ნელა საარჩევნო სტრატეგიაზე ყალიბდება.

მართალია, 30 ადამიანამდე მაჟორიტარების შემცირებამ კიდევ უფრო გაზარდა მათი ფასი და დაასრულა სპეკულაციები, მაგრამ ის, თუ როგორ გადანაწილდება ეს ადგილები, მართლაც საინტერესოა.

სახელისუფლებო გუნდში არსებული მაღალი კონკურენციის გამო, ჩვენი ინფორმაციით, შესაძლოა, კანდიდატურების დასახელებამ აგვისტოს შუა რიცხვებისთვისაც კი გადაიწიოს. ამ შემთხვევაში კანდიდატებს ცოტა დრო, ასე 2 თვე დარჩებათ მოსახლეობასთან შესახვედრად. ცნობილია, რომ ეს შეხვედრები კანონის დაცვით, ღია სივრცეებში უნდა ჩატარდეს.

მომავალი პარლამენტი კი საკმაოდ ჭრელი უნდა იყოს, თუ იმასაც გავითვალისწინებთ, რომ 1-პროცენტიანი ბარიერი ბევრ ძალას აძლევს საშუალებას, 20 ათასამდე ხმა მოიპოვოს და პარლამენტში საკუთარი ინტერესჯგუფის წარმომადგენელი ჰყავდეს.

საოცრება მოიფიქრა სოციალური სამართლიანობისათვის მებრძოლმა მამუკა ტუსკაძემ. ის მოქალაქეებს მოუწოდებს, დაეხმარონ და მზადაა, საარჩევნო 4 წელი 6-6 თვიანი შუალედებით 8 დეპუტატზე გაყოს. ეს 6 თვით გარანტირებულ ხელფასსა და შემდეგ სამუდამო 560-ლარიან პენსიას ნიშნავს და სულაც არაა ცუდი შეთავაზება მოქალაქეებისათვის, ვისაც მინიმუმ 2-3 ათასი კარგი მეგობარი და ხმის მიმცემი აღმოაჩნდება.

დამოუკიდებლად საარჩევნო ბარიერის გადალახვის იმედი აქვს კახა კუკავას.

პარლამენტში მოხვდება ბურჯანაძის დემოკრატიული მოძრაობა. როგორც ამბობენ, მისი ვაჟი ანზორ ბიწაძე პარტიული სიის პირველ სამეულშია.

საკმაოდ ნორმალური შედეგი ექნება ნაციონალურ მოძრაობას. პარლამენტში შევლენ პატრიოტები და შესაძლოა, მე-9 მოწვევაზე უკეთესი შედეგით.

ასევე საპარლამენტო პერსპექტივები აქვს „ლელოსა“ და ევროპულ საქართველოს.

გასულ კვირას კი კიდევ ერთი საინტერესო პარტია დაფუძნდა, რომელსაც ახალგაზრდული პოლიტიკის გატარების ამბიცია აქვს.

პარტია „რეფორმერის“ ლიდერი თორნიკე ჯანაშვილია. როგორც ქართული მედია იუწყება, უტა ივანიშვილის ახლო მეგობარი და კარგი განათლების მქონე ახალგაზრდა.

„ქართულ ოცნებას“ დიდი ხანია, დასავლეთში განათლებამიღებული ახალგაზრდების ნაკლებობისათვის აკრიტიკებდნენ.

სწორედ ამ დანაკლისს შეავსებს „რეფორმერი“, რომელიც, თუ წინასაარჩევნოდ არა, პარლამენტში მოხვედრის შემდეგ მაინც ითანამშრომლებს „ქართულ ოცნებასთან“.

ზოგადად, არჩევნებამდე 4 თვეც კი აღარ რჩება. შესაბამისად, საპარლამენტო არჩევნებზეც რაიმე დიდ სიურპრიზებს არ უნდა ველოდოთ, რადგან თუ ვინმეს პოლიტიკაში ყოფნა დასაკუთარი თავის გაპიარება სურდა, წესით, უკვე უნდა მუშაობდეს და მოსახლეობასთან მართავდეს შეხვედრებს.

 

35
ცესკოს შენობა

არჩევნები 2020: ცესკოში პარტიების განაცხადების მიღება გრძელდება

100
(განახლებულია 19:34 11.07.2020)
ამ დროისათვის 2020 წლის საპარლამენტო არჩევნებში მონაწილეობის სურვილი ათმა პოლიტიკურმა პარტიამ გამოხატა

თბილისი, 11 ივლისი — Sputnik. საქართველოს ცენტრალურმა საარჩევნო კომისიამ (ცესკო) გამოაქვეყნა იმ პარტიების ჩამონათალი, რომლებსაც 31 ოქტომბრის საპარლამენტო არჩევნებში მონაწილეობის სურვილი გამოთქვეს.

გახარია: კარგად ჩატარებული არჩევნები – ჩვენი საერთო მიზანია >>

ცესკოს ვებგვერდზე გავრცელებული ინფორმაციის მიხედვით, პარტიებმა უკვე მიიღეს უფლება საარჩვენო კომისიაში ჰყავდეთ საკუთარი წარმომადგენელი. დღეისათვის წინასწარი რეგისტრაცია ცესკოში გაიარეს შემდეგმა პოლიტიკურმა ძალებმა:

  • „სამართლიანობის აღდგენის კავშირი - ხმა ერისა: უფალია ჩვენი სიმართლე „სოციალური სამართლიანობისთვის“
  • „ქრისტიან-დემოკრატიული მოძრაობა“
  • „საქართველო“
  • „საქართველოს ერთობისა და განვითარების პარტია“
  • „ახალი პოლიტიკური ცენტრი - გირჩი“
  •  „მოძრაობა თავისუფალი საქართველოსთვის“
  • „საქართველოს ძალოვან ვეტერანთა და პატრიოტთა პოლიტიკური მოძრაობა”
  • „ქრისტიან-დემოკრატიული მოძრაობა“
  • „ახალი ქრისტიან-დემოკრატები“
  • „ევროპელი დემოკრატები“

პარტიების განაცხადების მიღება არჩევნებამდე 43 დღით ადრე - 21 სექტემბერს შეწყდება. ამის შემდეგ პარტიებმა, რომლებმაც წინა არჩევნებზე 15 ათასი ხმა ვერ მოიპოვეს, ცესკოში უნდა წარადგინონ 5 ათასი მხარდამჭერის ხელმოწერა - ბლანკებზე და ელექტრონული სახით. პარტიების საბოლოო ჩამონათვალი გახდება ცნობილი სიების შემოწმების შემდეგ, არჩევნებამდე 30 დღით ადრე - 2 ოქტომბერს. მხარდამჭერების სიების შემოწმების შემდეგ პარტია გაივლის ოფიციალურ რეგისტრაციას და ბიულეტენში თავიანთი რიგითი ნომრები მიენიჭებათ.

პარლამენტში მოსახვედრად პარტიამ არჩევნებზე მისული ამომრჩევლების ხმების სულ მცირე 1% უნდა მიიღოს.

100
თემები:
საქართველოს პოლიტიკური ცხოვრება
ნიკოლოზ თოფურიძე

ნიკოლოზ თოფურიძემ თანამდებობა დატოვა - ეკა კახიანის მეუღლე განცხადებას ავრცელებს

0
(განახლებულია 15:35 13.07.2020)
საზოგადოებამ არ იცის, რომ ხარაგაულის მერი, რომელმაც დღეს თანამდებობა დატოვა, მომღერალ ეკა კახიანის ქმარი და ნინი ბადურაშვილის მამინაცვალია

თბილისი, 13 ივლისი — Sputnik. ხარაგაულის მუნიციპალიტეტის მერი ნიკოლოზ თოფურიძე თანამდებობას ტოვებს. აღნიშნულის შესახებ თოფურიძემ განცხადება, „ფეისბუქის” პირად გვერდზე გაავრცელა.

მისი თქმით, „ქართულ ოცნებას“ არ ტოვებს და რჩება გუნდში, გადაწყვეტილება კი რამდენიმე თვის წინ მიიღო, თუმცა გუბერნატორის თხოვნით, თანამდებობას ინარჩუნებდა.

ცნობისთვის, ნიკოლოზ თოფურიძე, ცნობილი ქართველი მომღერლის და მსახიობის ეკა კახიანის ქმარია. წყვილს ორი უმშვენიერესი ქალიშვილი, ქეთო და ანასტასია ჰყავთ. წყვილს ორი საერთო შვილიშვილიც ჰყავს, რომელთაგან უფროსს იმედო კახიანის გარდაცვლილი ვაჟის, ლადოს სახელი ჰქვია.

ეკა ნაადრევ ასაკში რეჟისორ ერეკლე ბადურაშვილზე დაქორწინდა, რომელთანაც ქალიშვილი, ყველასთვის ცნობილი მომღერალი ნინი ბადურაშვილი ჰყავს. პირველი ქორწინება წარუმატებელი აღმოჩნდა და ერეკლესთან დაშორების შემდეგ, ეკამ ნიკოლოზ თოფურიძეზე იქორწინა.

ნიკოლოზ თოფურიძე, რამდენიმე წლის წინ, ბიზნესიდან პოლიტიკაში წავიდა და „ქართული ოცნების“ რიგებს შეუერთდა. ის ხარაგაულის გამგებელი გახლავთ. საკუთარი საქმიანობიდან გამომდინარე, თოფურიძე დროის უმეტეს ნაწილს მშობლიურ ხარაგაულში ატარებს. ნიკო თოფურიძე თავის დროზე, ყოფილმა პრემიერ-მინისტრმა გიორგი კვირიკაშვილმა წარადგინა.

0