თურქი ჯარისკაცები ამერიკული ტანკებით

სუს-ის უფროსი: მოვლენები სირიაში საქართველოს უსაფრთხოებისთვის საშიშროებას წარმოადგენს

88
(განახლებულია 14:21 23.10.2019)
გრიგოლ ლილუაშვილი მიიჩნევს, რომ სირიაში და თურქეთის ირგვლივ განვითარებული მოვლენები საქართველოზე შეიძლება ძალზე ნეგატიურად აისახოს

თბილისი, 23 ოქტომბერი — Sputnik. სირიაში მიმდინარე მოვლენები განიხილება, როგორც პოტენციური საფრთხე საქართველოს ეროვნული უსაფრთხოებისთვის, განაცხადა სახელმწიფო უსაფრთხოების სამსახურის (სუს-ი) უფროსმა გრიგოლ ლილუაშვილმა ტელეკომპანია Imedi-ს გადაცემაში SWOT.

სირიაში „არაბული გაზაფხულის" ფონზე დაწყებული შიდაპოლიტიკური კრიზისი 2011 წლის ბოლოს შიდა შეიარაღებულ კონფლიქტში გადაიზარდა. მასში ამოქმედებული აღმოჩნდნენ ქვეყნის შეიარაღებული ძალები, ოპოზიციური დაჯგუფებები და ადგილობრივი და უცხოეთის გადაბირებული მოქალაქეებისგან შემდგარი ტერორისტული ორგანიზაციები.

ოპერაცია „მშვიდობის წყარო“ – თურქეთმა სირიაში ომი დაიწყო>>

ბოლო დროს განსაკუთრებული ყურადღება მიიპყრო თურქეთის მიერ 9 ოქტომბერს ჩრდილოეთ სირიაში გამოცხადებულმა ოპერაციამ „მშვიდობის წყარო". თურქულმა ავიაციამ იმავე დღეს დაარტყა ქალაქ რას ელ-აინსა და ორი ქვეყნის საზღვარზე მდებარე სხვა სირიულ ქალაქებს. თურქეთმა ოთხშაბათს გამოაცხადა, რომ აჩერებს თურქეთში აკრძალული ქურთების პარტიისა და ტერორისტული დაჯგუფება „ისლამური სახელმწიფოს" წინააღმდეგ მიმართულ ოპერაციას.

„სირიაში მიმდინარე მოვლენები ყველა კონტექსტში განიხილება, როგორც პოტენციური საფრთხე ჩვენი ეროვნული უსაფრთხოებისთვის, ვინაიდან საბრძოლო ოპერაციები ხორციელდება ჩვენი საზღვრიდან 1000-1500 კმ დაშორებით. რეგიონის ჭრილში თუ ვიმსჯელებთ, რეგიონში მიმდინარე დიდ არეულობაზე, ყველა ვარიანტს შეუძლია ზეგავლენა მოახდინოს ქვეყნის როგორც ეკონომიკურ განვითარებაზე, ისე სხვა პროცესებზე", - განაცხადა ლილუაშვილმა.

მისი თქმით, თურქეთი საქართველოს მთავარი ეკონომიკური პარტნიორია და თუ ის ეკონომიკური სანქციების ქვეშ მოყვება, ეს ქართულ ეკონომიკაზე ნეგატიური ზემოქმედების ერთ-ერთი ფაქტორი იქნება.

„ვინაიდან სავაჭრო ბრუნვა, ვალუტის კურსი, მეტწილად მჭიდროდ არის ინტეგრირებული თურქეთის მეწარმე სუბიექტებთან და სხვადასხვა სტრუქტურასთან. შესაბამისად, ეკონომიკური კუთხითაც დიდ გამოწვევას წარმოადგენს ბოლო დღეებში განვითარებული მოვლენები", - აღნიშნა სუს-ის ხელმძღვანელმა.

ლილუაშვილი: სირიაში მებრძოლი საქართველოს მოქალაქეების უმრავლესობა გარდაიცვალა>>

უსაფრთხოების თვალსაზრისით, იზრდება იმის რისკი, რომ ბოევიკები, რომლებიც სირიის ბანაკებში ტყვედ არიან, კვლავ აღმოჩნდებიან „ისლამური სახელმწიფოს" რიგებში.

„ვგულისხმობ არა მარტო იმ მოქალაქეებს, ვინც იქ არიან, ვინც შეიძლება ამ გააქტიურების ფონზე კვლავ შემოაღწიოს საქართველოში... და არ დაიწყოს გადაბირების, ე.წ. რეკრუტირების პროცესი, რაც ყველაზე სახიფათოა. ამას ძალიან დიდი ყურადღებით ვაკვირდებით. ასევე, საფრთხეები შეიძლება განვითარდეს ჩვენი ქვეყნის სატრანზიტო ქვეყნად გამოყენების კუთხით... ჩვენ მაქსიმალურად ვაკონტროლებთ ამ მიმართულებით", - განაცხადა ლილუაშვილმა.

მისი თქმით, პრობლემას აღრმავებს ის, რომ პოტენციურ ბოევიკებს ხელში, შესაძლოა, ევროკავშირის პასპორტები ეკავოთ.

„ამ ქვეყნებთან ჩვენ გვაქვს ძალიან ლიბერალური პოლიტიკა - უვიზო მიმოსვლა, შესაბამისად ამ ნაკადში დიდი სამუშაო გვაქვს, რათა გამოვხშიროთ (ტერორისტები - რედ.)... ის, რომ კაცს ჯიბეში უდევს ევროკავშირის რომელიმე ქვეყნის პასპორტი, ეს არ არის ჩვენთვის დამშვიდების საფუძველი. მაინც ვცდილობთ, რომ მათ შორის გამოვხშიროთ არასასურველი პირები, რომლებიც შეიძლება იყოს ზიანის მომტანი არა მარტო საქართველოს უსაფრთხოებისთვის, არამედ ზოგადად, მსოფლიო მშვიდობას აყენებდეს საფრთხის ქვეშ", - განაცხადა ლილუაშვილმა.

88
„გირჩის“ ლიდერი ზურაბ ჯაფარიძე

ზურაბ ჯაფარიძეს საბანკო ანგარიშები დაუყადაღეს

263
„გირჩის“ ლიდერი ზურაბ ჯაფარიძე აცხადებს, რომ საპარლამენტო არჩევნებზე დიდუბე–ჩუღურეთის საარჩევნო ოლქში იყრის კენჭს.

თბილისი, 10 აგვისტო – Sputnik. საქართველოს აღსრულების ეროვნულმა ბიურომ პარტია „გირჩის“ ლიდერის, ზურაბ ჯაფარიძის საბანკო ანგარიშები ძველი ჯარიმების გადაუხდელობის გამო დააყადაღა, ნათქვამია პარტიის ვებგვერდზე.

„მე მაქვს რამდენიმე ჯარიმა, მათ შორის 2000 და 3000 ლარიანი. არის ისეთი ჯარიმებიც, რომელიც დამაკისრეს ორი წლის წინ. აქამდე სახელმწიფოს არ გახსენებია, რომ მოეკითხა ამ ჯარიმებისთვის და აღსრულება დაეწყო, ამიტომ გასაგებია, რომ ეს არ არის დამთხვევა“, - განაცხადა ჯაფარიძემ.

აღსანიშნავია, რომ ზურაბ ჯაფარიძის შემდეგ აღსრულების ეროვნულმა ბიურომ „გირჩის" ,წევრის იმედა კლდიაშვილის ანგარიშებიც დააყადაღა.

ჯაფარიძე უკავშირებს მომხდარს იმას, რომ დამდეგ საპარლამენტო არჩევნებზე დიდუბე-ჩუღურეთის საარჩევნო ოლქის მაჟორიტარ დეპუტატად კენჭისყრას აპირებს. მას იმედი აქვს, რომ მას სხვა ოპოზიციური პარტიები დაუჭერენ მხარს.

ზურაბ ჯაფარიძის ერთ-ერთი ძირითადი კონკურენტი დიდუბე–ჩუღურეთის საარჩევნო ოლქში მმართველი პარტიის წარმომადგენელი, პარლამენტის ვიცე-სპიკერი გია ვოლსკი იქნება.

პარტია „გირჩისთვის“ ეს პირველი საპარლამენტო არჩევნებია, თუმცა ზურაბ ჯაფარიძეს წინასაარჩევნო რბოლაში მონაწილეობის გამოცდილება აქვს. მან საპრეზიდენტო არჩევნებში ხმების 2% მიიღო და ყველა კანდიდატთან შედარებით წინასაარჩევნო კამპანიაზე ყველაზე ნაკლები თანხა დახარჯა.

„ავტომობილი საჩუქრად“ – რა სიურპრიზს უმზადებს არჩევნებზე მისულ ამომრჩეველს „გირჩი“ >>

„გირჩი“ პოლიტიკურ სარბიელზე 2015 წელს გამოჩნდა, პარტია „ერთიანი ნაციონალური მოძრაობის“ ყოფილმა წევრებმა შექმნეს.

პარტია ლიბერალური მიმართულებისაა და ცნობილია თავისი არაორდინარული საქციელითა და კანონის გვერდის ავლის უნარით. შეიძლება ითქვას, რომ მარიხუანის მოხმარების დეკრიმინალიზაციაში „გირჩმა“ ერთ-ერთი მთავარი როლი შეასრულა.

263
თემები:
საქართველოს პოლიტიკური ცხოვრება
„ქართული ოცნების მთავარი ოფისი

დმანისის მერი „ქართული ოცნებიდან“ გარიცხეს

174
(განახლებულია 20:10 10.08.2020)
პარტიიდან გარიცხვის მიზეზი დმანისის მერის მხრიდან მმართველი პარტიის კონკურენტი კანდიდატის მხარდაჭერა გახდა.

თბილისი, 10 აგვისტო – Sputnik. დმანისის მერი გიორგი ტატუაშვილი მმართველი პარტია „ქართული ოცნებიდან“ გარიცხეს.

როგორც პარტია „ქართული ოცნება – დემოკრატიული საქართველოს“ მიერ გავრცელებულ განცხადებაშია აღნიშნული, გარიცხვის მიზეზი ტატუაშვილის მიერ მმართველი პარტიის კონკურენტი კანდიდატის მხარდაჭერაა.

„გარიცხვის მიზეზი გახდა პარტიული დისციპლინის უხეში დარღვევა, რაც გამოიხატა მის მიერ „ქართული ოცნების“ კონკურენტი კანდიდატის საარჩევნო კამპანიის მხარდაჭერაში“, – აღნიშნულია განცხადებაში.

როგორც ოფიციალურ დოკუმენტშია ნათქვამი, დმანისის რაიონული ორგანიზაციის თავმჯდომარე გიორგი ტატუაშვილი, რომელიც ამავე დროს იკავებს დმანისის მერის თანამდებობას, პარტიის რიგებიდან „ქართული ოცნება – დემოკრატიული საქართველოს“ სამდივნოს გადაწყვეტილებით გარიცხეს.

174
თემები:
საქართველოს საპარლამენტო არჩევნები 2020
საკონტროლო–გამშვები პუნქტი „ყაზბეგი

ყაზბეგში კორონავირუსის კერა აღმოაჩინეს

0
ინფიცირებულია საკონტროლო–სასაზღვრო პუნქტი „ყაზბეგის“ ხუთი თანამშრომელი. ეპიდემიოლოგები მათი კონტაქტების შესწავლას შეუდგნენ

ბილისის, 11 აგვისტო – Sputnik. კორონავირუსით ინფიცირების ხუთი ახალი შემთხვევიდან ხუთი საქართველო–რუსეთის საზღვარზე საკონტროლო–გამშვები პუნქტი „ყაზბეგის“ თანამშრომელია, განაცხადა საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ, იუწყება ტელეარხი Rustavi2.

კორონავირუსის ახალი შემთხვევები და მათი წყაროები>>

ამ დროისთვის ინფიცირებულთა პირდაპირი და ირიბი კონტაქტების კვლევა მიმდინარეობს.

„ვიცით დაახლოებით საიდან შეიძლება იყოს (წყარო, კონტაქტი), ამიტომაც მიმდინარეობს ეპიდკვლევა. პერსონალურ ინფორმაციას მე ვერ მოგცემთ. ჩვენგანაც წავიდა ჯგუფი და თვითონ ადგილობრივი ჯანდაცვაც სწავლობს კონტაქტებს", - განაცხადა ამირან გამყრელიძემ.

კორონავირუსი შემთხვევები ბოლო დროს გახშირდა. მკაცრი კარანტინის ზონად გამოცხადდა სვანეთის რეგიონი – იქ გუშინ ინფიცირების 25 შემთხვევა გამოვლინდა.

ბოლო ოფიციალური მონაცემებით, ამ დროისთვის საქართველოში კორონავირუსით ინფიცირებულია 1264 ადამიანი, გამოჯანმრთელდა 1054, გარდაიცვალა – 17.

0
თემები:
COVID-19 საქართველოში