დავით-გარეჯი

საქართველოს საგარეო საქმეთა მინისტრი: დავით–გარეჯის თემა პრიორიტეტულია

81
(განახლებულია 21:39 17.10.2019)
ამჟამად საქართველოს საგარეო საქმეთა სამინისტრო მუშაობს იმაზე, რომ ქართველმა მღვდელმსახურებმა კვლავ შეძლონ მონასტერთან მისვლა

თბილისი, 17 ოქტომბერი – Sputnik. საქართველოს საგარეო საქმეთა სამინისტრო აქტიურად მუშაობს საქართველო–აზერბაიჯანის საზღვრის დელიმიტაციისა და დემარკაციის კომისიის ფარგლებში, – საგარეო უწყების ხელმძღვანელმა დავით ზალკალიანმა პარლამენტში დეპუტატების კითხვებს უპასუხა.

ანა დოლიძე: დავით-გარეჯი ვაქციოთ დაცულ ტერიტორიად >>

საქართველოს აზერბაიჯანთან 446 კმ სიგრძის საერთო სახელმწიფო საზღვარი აქვს. აქედან შეთანხმებულია 1/3, მათ შორის, დავით–გარეჯის ნაწილი. მიმდინარე წლის მაისში საზღვრის დარჩენილი მონაკვეთის დელიმიტაციის საკითხის განხილვას რამდენიმეწლიანი შესვენების შემდეგ სპეციალური კომისია შეუდგა. პირველი შეხვედრა ბაქოში გაიმართა.

„დავით–გარეჯის თემა ერთ–ერთი ყველაზე პრიორიტეტულია. ჩვენ აქტიურად ვმუშაობთ დელიმიტაციის კომისიის ფარგლებში და უახლოესი შეხვედრა საქართველოში ჩატარდება. ეს იქნება კომისიის მეორე შეხვედრა ბაქოს შეხვედრის შემდეგ. შუალედებში ჩვენ შეხვედრები გავმართეთ ექსპერტებთან ადგილზე და, რასაკვირველია, ვიმოქმედებთ ჩვენი სტრატეგიული პარტნიორობის ინტერესებიდან, ჩვენი ინტერესებიდან გამომდინარე და ყველა საკითხს განვიხილავთ“, – განაცხადა ზალკალიანმა.

ამასთან, მან აღნიშნა, რომ საგარეო უწყების ამოცანა მოცემულ ეტაპზე არის – საქართველოს მოქალაქეებისთვის გაიხსნას ქართული მონასტრებისკენ მისასვლელი გზა.

საქართველოს პრემიერ–მინისტრმა გიორგი გახარიამ რამდენიმე დღის წინ განაცხადა, რომ აზერბაიჯანის პრეზიდენტ ილჰამ ალიევთან ბაქოში შეხვედრისას მიღწეულ იქნა შეთანხმება ქართველი მღვდელმსახურებისთვის ქართული ტაძრებისკენ მისასვლელი გზების გახსნის თაობაზე. ამის მიუხედავად, პარასკევს მღვდელმსახურებმა მხოლოდ აღდგომის ტაძართან მისვლა შეძლეს.

აღდგომის ტაძრის მოძღვარმა ჟურნალისტებს განუცხადა, რომ მესაზღვრეები ჯერჯერობით უარს აცხადებენ ჩიჩხიტურისა და უდაბნოს მონასტრებისკენ მღვდელმსახურების გაშვებაზე.

გახარიამ აზერბაიჯანში ვიზიტი შეაჯამა: დავით-გარეჯთან დაკავშირებით პირველი ნაბიჯი გადაიდგა >>

მრავალი წლის განმავლობაში საზღვრის შეუთანხმებელი მონაკვეთი სტატუს-კვოს ინარჩუნებდა. სამღვდელოება, მომლოცველები და ტურისტები დაუბრკოლებლად სტუმრობდნენ მონასტრებს ამ ტერიტორიაზე, მაგრამ აპრილის ბოლოს ვითარება გამწვავდა. აზერბაიჯანის მხარემ პერიოდულად დაიწყო ქართული კულტურის ამ ძეგლებთან მისასვლელი გზის გადაკეტვა, ქართველმა აქტივისტებმა კი – საპროტესტო აქციების გამართვა.

81
თემები:
ვნებათაღელვა დავით–გარეჯის ირგვლივ (42)
ბელარუსის საელჩო საქართველოში

პირველად ისტორიაში: ბელარუსელები პრეზიდენტს საქართველოში ირჩევენ

496
(განახლებულია 14:37 09.08.2020)
საქართველოში მყოფ ბელარუსის მოქალაქეებს პირველად აქვს შესაძლებლობა, აქედან მიიღონ მონაწილეობა თავისი ქვეყნის საპრეზიდენტო არჩევნებში

 

თბილისი, 9 აგვისტო — Sputnik. ბელარუსის მოქალაქეებს პირველად ეძლევათ შესაძლებლობა, საქართველოს ტერიტორიაზე მიიღონ მონაწილეობა საპრეზიდენტო არჩევნებში, განუცხადეს „Sputnik საქართველოს“ ჩვენს ქვეყანაში ბელარუსის საელჩოს წარმომადგენელმა. 

საარჩევნო უბანი განთავსებულია საელჩოს შენობაში მისამართზე: კრწანისის ქუჩა №18. ხმის მიცემა დილის რვა საათზე დაიწყო და საღამოს 20:00 საათამდე გასტანს.

„ჩვენი საელჩო საქართველოში 2016 წლიდან ფუნქციონირებს. ასე რომ არჩევნებს აქ პირველად ვატარებთ“, — განმარტეს საელჩოში.

ბელარუსის საგანგებო და სრულუფლებიანი ელჩის მრჩეველმა კირილ გრიგორიევმა აღნიშნა, რომ ამომრჩეველთა სიები კიდევ ერთხელ დაზუსტდა, ვინაიდან საქართველოში მყოფმა ბელარუსის მოქალაქეებმა თავად მიმართეს საელჩოს თხოვნით, შეეყვანათ სიაში, რათა ხმის მიცემის შესაძლებლობა ჰქონოდათ.

საარჩევნო ბიულეტენში პრეზიდენტობის ხუთი კანდიდატია შეყვანილი: ალექსანდრ ლუკაშენკო (მოქმედი პრეზიდენტი), სვეტლანა ტიხანოვსკაია, ანდრეი დმიტრიევი, სერგეი ჩერეჩნი და ანა კანოპაცკაია. გარდა ამისა, ბიულეტენში არის გრაფა „ყველას წინააღმდეგ“.

როგორც ცნობილია, ბელარუსის პრეზიდენტი 5 წლის ვადით ირჩევა. შესაბამისად, მომდევნო არჩევნები უკვე 2025 წელს უნდა გაიმართოს.

496
თემები:
მსოფლიო დღეს
არჩევნები ბელარუსში

ბელარუსში საპრეზიდენტო არჩევნები ტარდება

317
საქართველოში ბელარუსის მოქალაქეები საკუთარი პოზიციის დაფიქსირებას ქვეყნის საელჩოს შენობაში შეძლებენ.

თბილისი, 9 აგვისტო — Sputnik. ბელარუსში საპარლამენტო არჩევნები ტარდება, იუწყება „Sputnik ბელარუსი“.

9 აგვისტოს ძირითადი კენჭისყრა მიმდინარეობს. ამასთან, 4 აგვისტოდან მოქალაქეებს შეეძლოთ ხმა ვადაზე ადრე მიეცათ. ცესკოს ბოლო მონაცემებით (07.08.2020), ამომრჩევლის აქტივობამ 32,24% შეადგინა.

9 აგვისტოს საარჩევნო უბნები 08:00 საათიდან გაიხსნა და 20:00 საათზე დაიხურება, რის შემდეგაც ხმების დათვლის პროცესი დაიწყება. 

საარჩევნო კამპანიის პერიოდში 5767 საარჩევნო უბანი შეიქმნა, მათგან 44 უცხოეთში, რომლებიც 36 ქვეყანაში ბელარუსის საელჩოებსა და გენერალურ საკონსულოებში მუშაობენ.

არჩევნების სავარაუდო შედეგები 10 აგვისტოს დილით გახდება ცნობილი.

არჩევნებში ხუთი კანდიდატი მონაწილეობს: ალექსანდრ ლუკაშენკო – მოქმედი პრეზიდენტი, კენჭს იყრის მეექვსედ, ასევე ანა კანოპაცკაია, ანდრეი დმიტრიევი, სერგეი ჩერეჩენი, სვეტლანა ტიხანოვსკაია.

საქართველოში ბელარუსის მოქალაქეები საკუთარი პოზიციის დაფიქსირებას ქვეყნის საელჩოს შენობაში შეძლებენ.

317
ქართული ღვინო

პოპულარული ღვინოები რუსეთში ლიდერთა შორისაა ქართული ღვინო

0
(განახლებულია 11:24 10.08.2020)
საქართველო ლიდერია იმ ქვეყნებს შორის, რომელიც რუსეთს სუფრის ღვინოებს აწვდის. ამ სახეობის ქართულ ღვინოებზე ბაზრის 24% მოდის

თბილისი, 10 აგვისტო - Sputnik. საქართველო იმ ლიდერ ქვეყნებს შორისაა, რომლებიც რუსეთის მოქალაქეებში ღვინის მიწოდების მხრივ ყველაზე პოპულარულია, აღნიშნულია „როსკაჩესტვოს“ (Роскачество, რუსეთის ხარისხის მონიტორინგის სისტემა) კვლევის შედეგებში.

კერძოდ, საქართველო იტალიისა და ესპანეთის შემდეგ მესამე ადგილზეა რუსეთის მოქალაქეებისთვის ყველაზე პოპულარულ ღვინის მიმწოდებელ ქვეყნებს შორის. მან გაუსწრო საფრანგეთს, ჩილესა და გერმანიას.

საქართველო ლიდერია სუფრის ღვინოების მიმწოდებელ ქვეყნებს შორის – მასზე ამ სახეობის ღვინოების ბაზრის 24% მოდის.

რუსეთში შეტანილი ღვინის ღირებულების კუთხით ლიდერობს საფრანგეთი (4 დოლარზე მეტი 1 ლიტრ ღვინოში), მეორე ადგილზეა საქართველო (3,19). ყველაზე იაფად ღვინო რუსეთში მოლდოვას შეაქვს (1,7).

რაც შეეხება გეოგრაფიული ინდიკატორებით დაცულ ღვინოებს, ხუთეულში პირველ ადგილზეა ესპანეთი, მეორე და მესამე ადგილებზე – საქართველო („ქინძმარაულის“ მარკის ღვინოები), მეოთხეზე – იტალია და მეხუთეზე – კვლავ ესპანეთი.

„ქართული ღვინის მაღალი რეპუტაციისთვის": ღვინის ხარისხს ახალი პარამეტრებით შეამოწმებენ>>

საქართველოს ღვინის ეროვნული სააგენტოს მონაცემებით, საქართვეკლოდან 2019 წელს მსოფლიოს 53 ქვეყანაში 94 მილიონამდე ბოთლი (0,75 ლიტრი) ღვინო გაიტანეს, რაც 20918 წელთან შედარებით 9%–ით მეტია. ყველაზე მეტი ღვინო – 58,4 მლნ ბოთლი გაიტანეს რუსეთში.

0
თემები:
ღვინის კულტურა და მეღვინეობა