საქართველოს და სომხეთის პრემიერ-მინისტრები გიორგი გახარია და ნიკოლ ფაშინიანი

„მნიშვნელოვანი და ეფექტური“ სომხეთის პრემიერმა გახარიასთან მოლაპარაკებები შეაფასა

109
(განახლებულია 20:04 15.10.2019)
საქართველოსა და სომხეთის მთავრობების მეთაურებმა ხაზი გაუსვეს თანამშრომლობის გაღრმავების მნიშვნელობას.

თბილისი, 15 ოქტომბერი — Sputnik. საქართველოსა და სომხეთის პრემიერ-მინისტრებმა გიორგი გახარიამ და ნიკოლ ფაშინიანმა ერევანში გამართული მოლაპარაკებები შეაჯამეს.

ჯერ ამინდი, შემდეგ – პოლიტიკა: გახარია ფაშინიანს შეხვდა >>

გახარია ერევანში აზერბაიჯანში ვიზიტიდან ერთი კვირის შემდეგ გაემგზავრა. მისი პირველი უცხოური ვიზიტი პრემიერ-მინისტრის რანგში სწორედ აზერბაიჯანში შედგა.

„პატივცემულო პრემიერ-მინისტრო, მოხარული ვარ, რომ ახალი სტატუსით სომხეთში პირველი ოფიციალური ვიზიტით ვიმყოფები. ჩვენ, უპირველეს ყოვლისა, შევეხეთ ორ ქვეყანას შორის მეგობრულ ურთიერთობას, რომელსაც საუკუნოვანი ისტორია აქვს, და ჩვენს ფუნქციას და როლს – ეს მეგობრობა კიდევ უფრო გავაღრმავოთ და გავხადოთ მეტად ეფექტური“, – განაცხადა გიორგი გახარიამ.

პრემიერების შეხვედრისას განხილვის ერთ-ერთი მთავარი თემა ეკონომიკური ურთიერთობები გახდა.

„აქ ჩვენ კარგი შედეგები გვაქვს, ჩვენ შორის ვაჭრობა ვითარდება. ვისაუბრეთ ტრანსპორტისა და ენერგომატარებლების ნაწილში თანამშრომლობის მნიშვნელობაზე. განვიხილეთ კულტურული განზომილებაც და აღვნიშნეთ, რომ, რა თქმა უნდა, ჩვენი პოზიტიური ვალდებულებაა, გავუფრთხილდეთ კულტურულ მემკვიდრეობას ორივე ქვეყნის ტერიტორიაზე“, – განაცხადა გახარიამ.

ნიკოლ ფაშინიანმა, თავის მხრივ, აღნიშნა, რომ ქვეყნები აწარმოებენ გულახდილ, ნდობაზე დამყარებულ დიალოგს.

„სომხეთის რესპუბლიკის პრემიერად ჩემი არჩევის პირველივე დღიდან სომხურ-ქართული მეგობრული ურთიერთობები ვითარდება აქტიური და გულწრფელი კონტაქტებით, ჩვენთვის მტკივნეული საკითხების ირგვლივ უშუალო და ნდობაზე დაფუძნებული დიალოგით. ეს ყველაფერი იმის გამოხატულებაა, რომ საქართველოსთან ურთიერთობას სომხეთისთვის დიდი მნიშვნელობა აქვს“, – განაცხადა ნიკოლ ფაშინიანმა.

მისი თქმით, კონტაქტების დინამიკა, ნდობის დონე და გახარიას ვიზიტი მეტყველებს იმაზე, რომ საქართველო განსაკუთრებულ მნიშვნელობას ანიჭებს სომხეთთან ურთიერთობას.

ფაშინიანმა გახარიას პრემიერის პოსტზე წარმატებები უსურვა >>

„მნიშვნელოვნად და ეფექტურად ვაფასებ ჩვენს დღევანდელ მოლაპარაკებებს, რამაც კიდევ ერთხელ დაადასტურა ჩვენი ურთიერთობების მაღალი დონე და ორმხრივი მზადყოფნა მათი შემდგომი განვითარების სტიმულირებისთვის. ჩემს კოლეგასთან განვიხილეთ ორმხრივი დღის წესრიგის საკითხების ფართო სპექტრი. ჩვენი ორმხრივი დღის წესრიგი იმდენად ფართო და ყოვლისმომცველია, რომ ძნელია ერთი შეხვედრით ყველა საკითხის განხილვა“, – აღნიშნა ფაშინიანმა.

მხარეებმა მაღალი შეფასება მისცეს სომხურ-ქართული მთავრობათაშორისი კომისიის მუშაობის განახლებას ივნისის ბოლოს, ხანგრძლივი პაუზის შემდეგ.

„ვიმედოვნებთ, რომ ერთობლივი ძალისხმევით მოკლე ვადაში კომისიის მეათე სხდომის ოქმში დაფიქსირებული ყველა შეთანხმება შესრულდება. მნიშვნელოვანია, რომ კომისიის ფარგლებში ასევე გაიმართა სომხურ-ქართული ბიზნეს-ფორუმი, რაც ფართო გზას გაუხსნის ჩვენს ქვეყნებს შორის სავაჭრო-ეკონომიკურ ურთიერთობებს“, – განაცხადა ფაშინიანმა.

მისი თქმით, სომხეთი დიდ მნიშვნელობას ანიჭებს სატრანსპორტო და ენერგეტიკული პროექტების განხორციელებას, ასევე ძალისხმევას რეგიონული სტაბილურობის უზრუნველსაყოფად.

109
თემები:
საქართველოს საგარეო პოლიტიკა (207)
არჩევნები

გახარია: საქართველო მზად არის მიიღოს დამკვირვებლების უპრეცედენტო რაოდენობა არჩევნებზე

49
(განახლებულია 20:06 27.05.2020)
პრემიერის თქმით, არჩევნების ჩატარებას ხელს ვერაფერი შეუშლის, გარდა კორონავირუსის გლობალური აფეთქებისა

თბილისი,28 მაისი - Sputnik. საქართველო მზად არის უზრუნველყოს დამკვირვებლების დიდი რაოდენობა შემოდგომაზე დაგეგმილ საპარლამენტო არჩევნებზე, კორონავირუსის გავრცელების რისკების მიუხედავად, განაცხადა პრემიერ-მინისტრმა გიორგი გახარიამ პარლამენტში სიტყვით გამოსვლისას.

„მერწმუნეთ, რომ წელს საქართველოში საპარლამენტო არჩევნებზე იქნება ყველაზე მეტი დამკვირვებელი. უბრალოდ, დარწმუნებული ვარ ამაში და ამისთვის ჩვენც გავაკეთებთ მაქსიმუმს“, - განაცხადა გახარიამ.

პრემიერის თქმით, ყველაფერს, რაც პანდემიის პირობებში იქნება საჭირო - ეპიდემიოლოგიური ტესტები, სოციალური დისტანციის დაცვა, ტრანსპორტირება და სხვა - ხელისუფლება უზრუნველყოფს.

საპარლამენტო არჩევნები საქართველოში 31 ოქტომბერს გაიმართება. ქვეყანაში ოფიციალური წინასაარჩევნო კამპანია იწყება აგვისტოს ბოლოს - არჩევნებამდე 60 დღით ადრე. 150 დეპუტატს ირჩევენ პარლამენტი შერეული სისტემის მიხედვით: ნაწილს პარტიული სიებით, ნაწილს -მაჟორიტარულ ერთმანდატიან ოლქებში გამარჯვების შედეგად.

ივნისის ბოლოს - ივლისის დასაწყისში, საქართველოში, სავარაუდოდ, მიიღებენ საკონსტიტუციო ცვლილებებს, რომლებმაც ზუსტად უნდა განსაზღვრონ დეპუტატთა რაოდენობა ერთმანდატიან ოლქებში - 73 თუ 30.

49
თემები:
საქართველოს პრემიერ–მინისტრი
გიორგი გახარია

გახარიამ პარლამენტს ანგარიში წარუდგინა

53
(განახლებულია 19:50 27.05.2020)
ორი თვე საგანგებო მდგომარეობის რეჟიმში, მთავრობის ანტიკრიზისული გეგმა, მოსახლეობის დახმარება და მომავლის პერსპექტივები - საქართველოს პრემიერ-მინისტრმა გიორგი გახარიამ პარლამენტს ანგარიში წარუდგინა

საქართველო წლის დასაწყისიდან კორონავირუსის პანდემიის პირობებში ცხოვრობს. COVID-19-ის პირველი შემთხვევა ქვეყანაში 26 თებერვალს გამოვლინდა. დღევანდელი მონაცემებით, ქვეყანაში ინფიცირებულთა რაოდენობამ 735-ს მიაღწია, რომელთაგან 557 გამოჯანმრთელდა, 12 კი გარდაიცვალა. დაავადების პიკი აპრილის ბოლოს დაფიქსირდა.

გახარია: საქართველო ინფექციის გავრცელების ახალი ტალღისთვის მზად უნდა იყოს >>

საგანგებო მდგომარეობის რეჟიმი საქართველოში 21 მარტიდან 23 მაისამდე მოქმედებდა, თუმცა ზოგიერთი შეზღუდვა 15 ივლისამდე გაგრძელდება.

რატომ გამოცხადდა საგანგებო მდგომარეობა?

საქართველოს ხელისუფლება იძულებული იყო მკაცრი შეზღუდვები დაეწესებინა, რათა არ დაეშვა მოქალაქეთა მასობრივი დაინფიცირება, აღნიშნა პრემიერმა.

„დღეს საქართველოში 297 სტაციონარია 17 514 საწოლით, თუ არ ჩავთვლით სპეციალური დანიშნულების სტაციონარებს, რჩება დაახლოებით 10 ათასი საწოლი, ამასთან აქედან 2 290 საწოლი არის ინტენსიური თერაპიის, აქედან ხელოვნური სუნთქვის აპარატით - 1 749 საწოლი. გარდა ამისა, ჩვენ ქვეყანაში გვყავს 448 რეანიმატოლოგი, რომელთაც ერთდროულად შეუძლიათ მოემსახურონ მხოლოდ 1 200 პაციენტს, ინფექციონისტი საქართველოში 256-ია, რომელთაც დღეში 853 პაციენტის მომსახურება შეუძლიათ“, - აღნიშნა გახარიამ.

პრემიერის თქმით, ოთხ თვეში ჯანდაცვის სისტემა სერიოზულად გაიზარდა.

„თუ შევადარებთ, რა მდგომარეობაში იყო ჯანდაცვის სისტემა იანვარში, როდესაც ეპიდემიის პირველი რისკები გამოჩნდა, და რა მდგომარეობაშია დღეს - ეს ცა და დედამიწაა. დღეს ჩვენ შეგვიძლია ვთქვათ, რომ ჯანდაცვის სისტემას შეუძლია რამდენიმე ასეული ინფიცირებულის მართვა“, - განაცხადა გახარიამ.

საგანგებო მდგომარეობის შედეგები და მოსახლეობის დახმარება

პრემიერ-მინისტრის სიტყვებით, კორონავირუსმა ქვეყანას სერიოზული ზიანი მიაყენა.

„ეს არ არის კრიზისი საქართველოში, ეს არ არის კრიზისი რეგიონში, ესაა გლობალური კრიზისი და ის არ დასრულებულა... არავინ იცის, როდის დასრულდება“, - განაცხადა გახარიამ.

ამავდროულად პრემიერმა აღნიშნა, რომ მოსახლეობის დახმარება პირდაპირაა დამოკიდებული ეკონომიკაზე და ქვეყნის ბიუჯეტზე.

„საქართველო ვერ გამოყოფს დამატებით სახსრებს დახმარებისთვის, თუ ის არ იქნება დაბალანსებული და ეს დაბალანსებული ბიუჯეტი არ იქნება შეთანხმებული ჩვენს საერთაშორისო პარტნიორებთან, დონორებთან და საერთაშორისო სავალუტო ფონდთან. შემიძლია ვთქვა, რომ ყოველ ოჯახს უნდა გამოვუყოთ 10-10 ათასი ლარი, მაგრამ დახმარებას უნდა ჰქონდეს არგუმენტაცია. შესაბამისად, ჩვენ გამოვაცხადეთ დახმარების შესახებ მას შემდეგ, რაც ყველაფერი დავთვალეთ, გავიაზრეთ და ვიცოდით, საით მივდიოდით“, - განაცხადა გახარიამ.

ამასთან მან აღნიშნა, რომ დახმარება მინიმალურია, მაგრამ ხელისუფლება ორიენტირებული უნდა იყოს მომავალზე.

„ეს არის ჩვენი სოციალური დახმარება მოქალაქეებისთვის და სავსებით გააზრებულად არის განაწილებული ექვს თვეზე. მესმის, რომ ეს არასაკმარისია, მაგრამ ესაა მინიმუმი, რათა მათ ჰქონდეთ დახმარება ყოველდღიურ ცხოვრებაში“, - განაცხადა გახარიამ.

ყველაფერი კონტროლს ექვემდებარება

პრემიერ-მინისტრის თქმით, დღესდღეობით კორონავირუსი ქვეყანაში მთლიანად კონტროლდება.

„დღეს ოფიციალურად შეგვიძლია განვაცხადოთ, რომ ახალი ქეისები (დაავადების შემთხვევები, - რედ.) ფიქსირდება საქართველოს მთავრობის მიერ კონტროლირებად ზონებში - ესაა საკარანტინო ზონები, ცნობილი კლასტერები, შესაბამისად, შეიძლება ითქვას, რომ ეპიდემიის გავრცელება და მისი სისწრაფე მთლიანად კონტროლდება“, - აღნიშნა გახარიამ.

პრემიერმა აქვე დასძინა, რომ საქართველოში სიკვდილიანობის მაჩვენებელი ევროპაში ყველაზე დაბალია - 0,3% 100 ათას ადამიანზე.

„ქვეყანაში ინფექციის განვითარების მიხედვით 143-ე ადგილზე ვართ. ეს სიამაყის საფუძველი არ არის და არც მხოლოდ მთავრობის დამსახურებაა, არამედ ბიზნესისა და საზოგადოებისა, პირველ რიგში. მაგრამ ეს გვაძლევს შესაძლებლობას, ვაკონტროლოთ პანდემია და თანდათანობით გავხსნათ ეკონომიკა“, - აღნიშნა გახარიამ.

როგორც პრემიერმა აღნიშნა, კრიზისი - ეს არის შანსი თითოეულისთვის საქართველოში.

„დარწმუნებული ვარ, რომ სახელმწიფო, მოქალაქეები, ბიზნესი, კომპანიები შეძლებენ ამ კრიზისის, როგორც შესაძლებლობის გამოყენებას. სინამდვილეში ჩვენ შეგვიძლია გამოვიყენოთ მენეჯმენტის სწრაფი და პროაქტიური ნაბიჯები, რომლებიც გადავდგით“, - აღნიშნა გახარიამ. 

მისი თქმით, საქართველომ ზაფხულში უნდა გააძლიეროს მედიცინის სფერო, გააფართოოს ლაბორატორიების ქსელი, გააძლიეროს სამშენებლო და ფინანსური სექტორი.

53
თემები:
საქართველოს პრემიერ–მინისტრი
წერილი

„ძალიან გვენატრება დედა...“- ნახეთ რას წერს 18 წლის ანა სალომე ზურაბიშვილს

0
(განახლებულია 10:58 28.05.2020)
სოციალურ ქსელში ერთ-ერთი მსჯავრდებულის შვილის წერილი ვრცელდება, სადაც ის საქართველოს პრეზიდენტს მიმართავს

თბილისი, 28 მაისი – Sputnik. ადვოკატი ლექსო კობაიძე 18 წლის ანას წერილს აქვეყნებს, რომელიც საქართველოს პრეზიდენტს 2018 წელს ნარკოდანაშაულისთვის დაკავებული დედის გათავისუფლებას სთხოვს.

წერილიდან ირკვევა, რომ ქალს 4 წელი აქვს მისჯილი.

გოგონა საქართველოს პრეზიდენტს, სალომე ზურაბიშვილს მიმართავს და სთხოვს, რომ დედამისი შეიწყალოს. მისი თქმით, პატიმარმა ბევრჯერ დაწერა წერილი შეწყალებასთან დაკავშირებით, მაგრამ არ შეიწყალეს.

0