ფრანკ-ვალტერ შტაინმაიერი

საგარეო უწყებამ საქართველოსთვის „შტაინმაიერის ფორმულის" შესახებ ხმები უარყო

71
(განახლებულია 15:05 04.10.2019)
როგორც მინისტრმა აღნიშნა, საქართველოში ფრანკ-ვალტერ შტაინმაიერის ვიზიტი დიდი ხნით ადრე დაიგეგმა.

თბილისი, 4 ოქტომბერი — Sputnik. გერმანიის პრეზიდენტს ფრანკ-ვალტერ შტაინმაიერს კონფლიქტების დარეგულირების საკითხთან დაკავშირებით საქართველოში არანაირი ინიციატივა არ ჩამოაქვს, განაცხადა საქართველოს საგარეო საქმეთა მინისტრმა დავით ზალკალიანმა საზოგადოებრივი მაუწყებლის პირველ არხზე.

ხმები იმასთან დაკავშირებით, რომ გერმანიის პრეზიდენტმა საქართველოს, უკრაინის მსგავსად, უნდა გადასცეს „შტაინმაიერის ფორმულის" ანალოგიური გეგმა, მისი საქართველოში ვიზიტის თაობაზე ინფორმაციის გაჩენის შემდეგ გავრცელდა. შტაინმაიერი საქართველოს ოფიციალური ვიზიტით კვირას ეწვევა.

„შტაინმაიერის ვიზიტი დიდი ხნით ადრე დაიგეგმა. ეს გადაწყვეტილება მიღებულ იქნა საქართველოს პრეზიდენტის გერმანიაში ვიზიტის დროს და მაშინ ჩვენთვის უკვე ცნობილი იყო, რომ საპასუხო ვიზიტით შტაინმაიერი საქართველოს ეწვეოდა. ჩვენ ვუმასპინძლეთ გერმანიის კანცლერს ერთი წლის წინ, რომელიც ასევე მნიშვნელოვანი გამოხატულება იყო გერმანიის მხრიდან საქართველოს მხარდაჭერის. მინდა ძალიან მკაფიოდ განვაცხადო, რომ იგი არანაირი ინიციატივით არ ჩამოდის, კონფლიქტის მოგვარებასთან მიმართებით მას არანაირი წინადადებები არ აქვს", – განაცხადა დავით ზალკალიანმა.

საქართველოში შტაინმაიერს დაგეგმილი აქვს შეხვედრები ქვეყნის პირველ პირებთან, სრულიად საქართველოს კათოლიკოს-პატრიარქთან ილია მეორესთან და ბიზნესმენებთან. იგი ასევე ეწვევა კახეთს, სადაც დაათვალიერებს რამდენიმე ღვინის ქარხანას, ეწვევა ალავერდის საკათედრო ტაძარს და ერეკლე მეორის მუზეუმს.

რაც შეეხება „შტაინმაიერის ფორმულას" უკრაინისთვის, იგი ითვალისწინებს დონეცკისა და ლუგანსკისთვის განსაკუთრებული სტატუსის მინიჭებას მას შემდეგ, რაც იქ ჩატარდება სამართლიანი და თავისუფალი ადგილობრივი თვითმმართველობის არჩევნები უკრაინის კანონმდებლობის მიხედვით და რომელიც აღიარებული იქნება ეუთოს მიერ.

ინიციატივა ბელარუსის დედაქალაქში იქნა შეთანხმებული და ხელმოწერილი უკრაინის წარმომადგენლების მიერ.

საქართველოში ხელისუფლების მიერ არაკონტროლირებადი ორი რეგიონია – აფხაზეთი და ცხინვალის რეგიონი. რუსეთმა მათი დამოუკიდებლობა 2008 წლის აგვისტოს ომის შემდეგ აღიარა, საქართველომ კი საპასუხოდ რუსეთთან დიპლომატიური ურთიერთობები გაწყვიტა.

დიპლომატიური ურთიერთობების არარსებობის პირობებში საქართველოსა და რუსეთს შორის დიალოგი მხოლოდ ჟენევის საერთაშორისო დისკუსიებისა და პრაღაში ორი ქვეყნის დიპლომატების რეგულარული შეხვედრების ფორმატით არის შენარჩუნებული. გასულ კვირაში საქართველოს და რუსეთის საგარეო საქმეთა მინისტრების პირველი შეხვედრა შედგა.

71
თემები:
საქართველოს საგარეო პოლიტიკა (247)
კორონავირუსის ეპიდემია. ჟურნალისტები პირბადეებით

ვინ და როგორ აშუქებს არჩევნებს? სპეციალისტებმა ქართული მასმედია გააანალიზეს

20
ყველაზე კრიტიკული ტონი მთავრობის მიმართ ჰქონდა :მთავარ არხს“ – 72%, ხოლო ყველაზე დადებითი Postv–ს – 33%

თბილისი, 26 სექტემბერი - Sputnik. ქართული მასმედია ყველაზე მეტ ყურადღებას უთმობს მმართველი პარტია „ქართული ოცნება – დემოკრატიული საქართველოს“ საქმიანობის გაშუქებას. შემდეგ მოდიან ოპოზიციური პარტიები „ერთიანი ნაციონალური მოძრაობა“ და „ევროპული საქართველო“.

ამაზე მეტყველებს საპარლამენტო არჩევნების შუალედური მედიამონიტორინგის შედეგები. მედიამონიტორინგმა მასობრივი ინფორმაციის 43 საშუალება მოიცვა: 12 ტელეარხი, 10 რადიო, რვა გაზეთი და 13 ონლაინ–გამოცემა. კვლევა 15 ივნისიდან 31 აგვისტოს ჩათვლით პერიოდში ჩატარდა.

არჩევნები 2020: „ოდირმა“ საქართველოში სადამკვირვებლო მისია გახსნა>>

მედიამონიტორინგი ხორციელდება ევროკავშირისა და გაეროს განვითარების პროგრამის (UNDP) მხარდაჭერით და სამ არასამთავრობო ორგანიზაციასთან – საქართველოს ჟურნალისტური ეთიკის ქარტია, Internews Georgia და CRRC–საქართველო – თანამშრომლობით. მონიტორინგი2020 წლის დეკემბერში დასრულდება.

მონიტორინგის პირველი შედეგები

„ქართული ოცნება უფრო დადებით კონტექსტში გააშუქა ტელეარხმა „იმედი“ (29%), ხოლო ნეგატიურად – ოპოზიციურმა ტელეარხმა „მთავარი არხი“ (72%).

 „ერთიანი ნაციონალური მოძრაობა“ ყველაზე დადებითად გააშუქა „მთავარმა არხმა“ (6%), ხოლო ნეგატიურად – ტელეარხმა „ობიექტივმა (79%).

ოპოზიციურ საპარლამენტო პარტია „ევროპულ საქართველოს“ ყველაზე მეტი დრო დაუთმა ტელეარხმა „ფორმულამ“. დადებითი გაშუქება შეადგენდა მთელი დროის 1%–ზე ოდნავ მეტს. ყველაზე მეტად პარტიას დადებითად იხსენებდა „TV პირველი“ და „კავკასია (2%). ყველაზე ნეგატიურად ეს პარტია გააშუქეს „იმედის“ ეთერში.

პარტიას „ლელო საქართველოსთვის“ ყველაზე მეტი დრო დაუთმო „TV პირველმა“. დადებითი გაშუქება შეადგენდა მხოლოდ 3%–ს. ყველაე მეტად დადებითად პარტია გააშუქა ტელეარხმა „კავკასია“ (21%).

ექს–პრეზიდენტ მიხეილ სააკაშვილს ყველაზე მეტი დრო დაუთმო „იმედმა“. ნეგატიური გაშუქება შეადგენდა 74%–ს.

მთავრობის მიმართ ყველაზე კრიტიკული ტონი ჰქონდა „მთავარ არხს“ – 72%, ხოლო ყველაზე დადებითი – Postv–ს – 33%.

„წინა წლების მსგავსად თითქმის ყველა არხზე პრობლემად რჩება სიღრმისეული, მოკვლევითი სიუჟეტების სიმცირე, რომლებიც დაკავშირებული იქნება საარჩევნო თემატიკასთან და ამომრჩეველს მეტად დაეხმარება ინფორმირებული არჩევანის გაკეთებაში“, – აღნიშნავენ დოკუმენტის ავტორები.

მედიამონიტორინგმა ასევე აჩვენა, რომ წინა წლებთან შედარებით გაიზარდა ეთიკური დარღვევების ფაქტები. როგორც წინა წლებში, თითქმის ყველა არხზე პრობლემას წარმოადგენს გენდერული სტერეოტიპები. როგორც დოკუმენტშია აღნიშნული, მთელი პერიოდის განმავლობაში დაფიქსირდა სექსისტური განცხადებების ტირაჟირების რამდენიმე შემთხვევა. სექსისტური განცხადების ავტორი პოლიტიკოსებთან ერთად ჟურნალისტებიც იყვნენ.

20
თემები:
საქართველოს საპარლამენტო არჩევნები 2020
პრემიერი გიორგი გახარია

გახარია: საქართველო ახალი შესაძლებლობების ქვეყანაა

67
(განახლებულია 20:35 25.09.2020)
მთავრობის მეთაურმა აღნიშნა, რომ ბიზნესის კეთების სიმარტივის მხრივ საქართველო მსოფლიოში ერთ-ერთი მოწინავე ქვეყანაა.

თბილისი, 25 სექტემბერი - Sputnik. საქართველო არის ახალი შესაძლებლობების ქვეყანა, ადგილი, რომელსაც შეუძლია შესთავაზოს ის, რასაც ვერ შესთავაზებენ სხვაგან, განაცხადა საქართველოს პრემიერ-მინისტრმა, გიორგი გახარიამ გაეროს გენერალური ასამბლეის 75-ე სესიაზე სიტყვით გამოსვლისას.

გახარია: მოვახერხეთ, გავმკლავებოდით პანდემიის შემოტევას და მწვანე ზონად დავრჩენილიყავით>>

მთავრობის მეთაურმა ხაზი გაუსვა, რომ ბიზნესის კეთების სიმარტივის კუთხით საქართველო არის მსოფლიოში ერთ-ერთი მოწინავე ქვეყანა.

„საქართველოს განვითარებული ეკონომიკის ქვეყნად ქცევა ჩვენი მთავარი მიზანია და ამ გზაზე შთამბეჭდავი წარმატებებიც გვაქვს. საქართველო არის ახალი შესაძლებლობების ქვეყანა, ადგილი, რომელსაც შეუძლია შესთავაზოს ის, რასაც ვერ შესთავაზებენ სხვაგან, მათ შორის სტრატეგიული ადგილმდებარეობა, სადაც კულტურულ-ენობრივი ბარიერი უბრალოდ არ არსებობს, სადაც გადასახადები მინიმალურია და ბიზნესს ეძლევა ყველანაირი საშუალება, განვითარდეს“, -განაცხადა პრემიერმა.

როგორც გახარიამ აღნიშნა, დღეს საქართველო უკვე პოზიციონირებს, როგორც მულტიფუნქციური რეგიონული ცენტრი – განათლებაში, მედიცინაში, ლოგისტიკაში, ტურიზმსა და ზოგადად, ბიზნესის კეთებაში.

„ჩვენ დღეს, 21-ე საუკუნეში, მსოფლიოს ვაცნობთ საქართველოს, როგორც პროგრესის, ცოდნისა და კულტურის დამაკავშირებელს ევროპიდან აზიისკენ და პირიქით. ჩვენი მთავარი ფასეულობა არის ხალხი, რომლის იდენტობის უმნიშვნელოვანესი ნაწილია ტოლერანტობა – მთავარი დასავლური ფასეულობა“, – აღნიშნა პრემიერ-მინისტრმა.

საქართველოს მთავრობის მეთაურმა სიტყვით გამოსვლისას ყურადღება გაამახვილა ასევე ისეთ მნიშვნელოვან საკითხებზე, როგორიცაა Covid-19-ის პანდემიის წინააღმდეგ ბრძოლა, საქართველოს ევროპული და ევროატლანტიკური ინტეგრაცია, საკონსტიტუციო რეფორმა და სხვ.

წელს გაერთიანებული ერების ორგანიზაცია 75 წლის იუბილეს აღნიშნავს და ორგანიზაციის არსებობის ისტორიაში პირველად  გენერალური ასამბლეა დისტანციურად იმართება.

საქართველოს პრეზიდენტის ოთხი პრინციპი: რაზე ისაუბრა ზურაბიშვილმა გაეროში>>

გენერალური ასამბლეის საიუბილეო სხდომაზე საქართველოს პრეზიდენტი სალომე ზურაბიშვილი დისტანციურად უკვე გამოვიდა. მის სიტყვას ერქვა „მომავალი, რომელიც ჩვენ გვსურს“, რომელშიც ჩამოთვლილი იყო თანამედროვე გამოწვევების პირობებში ქვეყნის კეთილდღეობის ფუნდამენტური საფუძვლები.

67