ცხინვალის რეგიონი

თბილისისა და ცხინვალის წარმომადგენლების შეხვედრა უშედეგოდ დასრულდა

50
ცხინვალის რეგიონთან ადმინისტრაციულ საზღვართან არსებულ სიტუაციასთან დაკავშირებით მოლაპარაკებები ჟენევაში გაგრძელდება

თბილისი, 1 ოქტომბერი — Sputnik. ოფიციალური თბილისისა და ცხინვალის დე-ფაქტო წარმომადგენლებს შორის ერგნეთში ინციდენტების პრევენციისა და მათზე რეაგირების მექანიზმის რიგით მეხუთე ტექნიკური შეხვედრა (IPRM) უშედეგოდ დასრულდა.

„უნდა იყოს რეალური შედეგები" – აბაშიძე ქართველი და რუსი მინისტრების შეხვედრაზე >>

შეხვედრა ერგნეთში ტრადიციულად ევროკავშირისა და ეუთოს შუამავლობით გაიმართა. მოლაპარაკებები სოფელ წნელისში შეიარაღებული ძალების „არაპროპორციული გადაადგილებისა" და შემდგომ სოფელ ჩორჩანაში პოლიციის საგუშაგოს მშენებლობის შემდეგ გახშირდა.

„შედგა აზრთა გაცვლა. ჩვენ კიდევ ერთხელ დავაფიქსირეთ ცენტრალური ხელისუფლების პოზიცია აღნიშნულის თაობაზე. სამწუხაროდ, ცხინვალში მონაწილეები კვლავ არ აღმოჩნდნენ მზად კონსტრუქციული დიალოგისთვის“, - განუცხადა ჟურნალისტებს სახელმწიფო უსაფრთხოების სამსახურის ანალიტიკური დეპარტამენტის დირექტორის მოადგილემ, ირაკლი ანთაძემ.

დე-ფაქტო ხელისუფლების დელეგაციის წარმომადგენლები ამტკიცებენ, რომ ქართული პოსტი ჩორჩანაში საფრთხეს წარმოადგენს, რადგან ოსური დასახლებიდან ეს საგუშაგო 240-250 მეტრში მდებარეობს, ხოლო უახლოეს ქართულ სოფლამდე დაახლოებით ორი კილომეტრია. ქართული მხარე კი აცხადებს, რომ აღნიშნული საგუშაგო უსაფრთხოების უზრუნველყოფისთვის არის აუცილებელი.

„ჩვენს გასაკეთებელს ჩვენ მაგივრად ვერავინ გააკეთებს" – გახარია რუსეთთან ურთიერთობებზე >>

„ჩვენი მოთხოვნა მდგომარეობდა, რომ წაღვლსა და ჩორჩანას მიმდებარე ტერიტორიაზე, ტყის მასივში შეწყდეს უკანონო აქტივობა და ევროკავშირის მისიას მიეცეს ადგილზე სრულფასოვანი მონიტორინგის განხორციელების უფლება. ეს წარმოადგენს ადგილზე სიტუაციის დაძაბვას“, - განაცხადა ანთაძემ.

დე-ფაქტო ხელისუფლების მხრიდან პოლიციის პოსტის გაუქმების მოთხოვნის კომენტირებისას ანთაძემ განაცხადა, რომ პოსტი ცენტრალური ხელისუფლების მიერ კონტროლირებად ტერიტორიაზე მდებარეობს.

„ამ საკითხზე მოლაპარაკებები გაიმართება ჟენევის დისკუსიის ფარგლებში, მომავალ კვირას. ერთზე ვთანხმდებით, რომ აუცილებელია დიალოგის გაგრძელება“, - აღნიშნა ანთაძემ.

ამ ეტაპზე უცნობია, როდის გახსნიან დე-ფაქტო ხელისუფლების წარმომადგენლები სოფელ ახალგორსა და სინაგურში მდებარე გამშვებ პუნქტებს საქართველოს ხელისუფლების მიერ კონტროლირებადი ტერიტორიის მიმართულებით.

„დე ფაქტო რეჟიმის წარმომადგენლებმა გამშვები პუნქტების დაკეტვა დაუკავშირეს ჩორჩანასთან განვითარებულ პროცესებს. აქაც დავაფიქსირეთ პრინციპული პოზიცია. გამშვები პუნქტების ფუნქციონირება უკავშირდება ჰუმანიტარულ საკითხს და ემსახურება ადგილობრივი მოსახლეობის ნორმალურად ცხოვრებას“, - განაცხადა ანთაძემ.

გახარია: იმედია, ეს შეხვედრა ხელს შეუწყობს საქართველო–რუსეთს შორის პრობლემების მოგვარებას >>

მისი თქმით, ეს საკითხიც ჟენევის მოლაპარაკებებზე (8-9 ოქტომბერს) იქნება განხილული. მოლაპარაკებების შემდეგ მხარეები ევროკავშირის „ცხელი ხაზის“ მეშვეობით შეთანხმდებიან ერგნეთში შემდგომი ტექნიკური შეხვედრის გამართვის შესახებ.

ჟენევის მოლაპარაკებები და IPRM შეხვედრები - ცალკე აფხაზეთის დე-ფაქტო ხელისუფლებასთან და ცალკე ცხინვალის რეგიონის დე-ფაქტო ხელისუფლებასთან - 2008 წლის აგვისტოს ომის შემდეგ იმართება. საქართველომ ამ ტერიტორიებზე კონტროლი 1990-იანი წლების დასაწყისში დაკარგა, ხოლო აგვისტოს ომის შემდეგ რუსეთმა ამ ტერიტორიების დამოუკიდებლობა აღიარა.

50
თემები:
ქართულ–რუსული ურთიერთობები (167)
პარტია „გირჩის“ დროშა

არჩევნები 2020: საქართველოს ყველაზე არაორდინარულმა პარტიამ რეგისტრაცია გაიარა

86
(განახლებულია 12:54 04.07.2020)
ახალი წესების მიხედვით, „გირჩს“ საბოლოო რეგისტრაციის მისაღებად ცესკოში ხელმოწერების ჩაბარება არ მოუწევს

თბილისი, 4 ივლისი — Sputnik. ცესკომ 2020 საპარლამენტო არჩევნებში მონაწილეობის მისაღებად დაარეგისტრირა საქართველოს ყველაზე არაორდინარული პარტია - „ახალი პოლიტიკური ცენტრი - გირჩი“, ნათქვამია ცესკოს ვებგვერდზე გავრცელებულ განცხადებაში.

საქართველოში საპარლამენტო არჩევნები 2020 წლის 31 ოქტომბერს გაიმართება. ამჟამად ცესკოში პარტიების რეგისტრაცია მიმდინარეობს. წინასაარჩევნო კამპანიის დაწყების შემდეგ პარტიებმა უნდა წარუდგინონ ცესკოს მხარდამჭერების ხელმოწერები, შემდეგ კი მიიღებენ კენჭისყრაში მონაწილეობის მისაღებად ოფიციალურ რეგისტრაციას და რიგით ნომერს.

„გირჩს“ ხელმოწერების წარდგენა არ დასჭირდება, რადგან მისმა ლიდერმა ზურაბ ჯაფარიძემ 2018 წლის საპრეზიდენტო არჩევნებზე ამომრჩევლების 15 ათასზე მეტი ხმა მოიპოვა.

ამ დროისათვის ცესკოში უკვე დარეგისტრირდა რვა პარტია, საიდანაც „გირჩი“ ერთ-ერთი ყველაზე ცნობილია საზოგადოებაში.

„გირჩისთვის“ ეს პირველი საპარლამენტო არჩევნებია. ის ახალგაზრდებში დიდი პოპულარობით სარგებლობს. ამ პარტიის კანდიდატმა ზურაბ ჯაფარიძემ საპრეზიდენტო არჩევნებში ხმების 2% მიიღო და მეხუთე ადგილი დაიკავა. ამავე დროს წინასაარჩევნო კამპანიაზე მან ყველა კანდიდატთან შედარებით მინიმალური თანხა დახარჯა.

პარტია „გირჩი“ პოლიტიკურ არენაზე 2015 წელს გაჩნდა. პარტია „ერთიანი ნაციონალური მოძრაობის“ სამმა ყოფილმა წარმომადგენელმა შექმნა.

ვაკეში გოჭებიც „გულაობენ“: როგორია ზურაბ ჯაფარიძის „ვაკის პარკი“ >>

თავად პარტია ლიბერალური მიმდინარეობისაა და ცნობილია თავისი არაორდინარული საქციელით და კანონის გვერდის ავლის უნარით. ამ პარტიის წყალობით საქართველოში დეკრიმინალიზებულია მარიხუანის მოხმარება. ახლა კი პარტია არჩევნებში ჩაება და უკვე შეიტანა საკონსტიტუციო სასამართლოში სარჩელი, რომლითაც მოითხოვა არასაკონსტიტუციოდ იქნას ცნობილი დეპუტატობის კანდიდატების ნარკოტიკზე შემოწმება.

86
თემები:
საქართველოს პოლიტიკური ცხოვრება
რომან გოცირიძე

„წინასაარჩევნო ვნებანი“: „ნაცმოძრაობა“ „ოცნების“ წინააღმდეგ სარჩელის შეტანისთვის ემზადება

127
(განახლებულია 21:13 03.07.2020)
არ არის გამორიცხული, რომ ოპოზიციური და მმართველი პარტიის წარმომადგენლებმა ურთიერთობები სასამართლოში გაარკვიონ.

თბილისი, 3 ივლისი – Sputnik. „ერთიანი ნაციონალური მოძრაობა“ მმართველი ძალის „ქართული ოცნება – დემოკრატიული საქართველო“ ლიდერების წინააღმდეგ შეურაცხყოფისთვის სასამართლოში სარჩელის შეტანას არ გამორიცხავს, განაცხადა პარლამენტის „ნაციონალური მოძრაობის“ ფრაქციის თავმჯდომარემ რომან გოცირიძემ.

საქართველოს პარლამენტმა კონსტიტუცია 36-ჯერ შეცვალა - რისთვის იყო ეს საჭირო>>

მორიგ საპარლამენტო არჩევნებამდე რამდენიმე თვით ადრე დაპირისპირებამ „ნაცმოძრაობასა“ და „ქართულ ოცნებას“ შორის, რომელიც 2012 წლიდან არ ცხრება, ახალი ელფერი შეიძინა. მმართველი პარტიის ლიდერებმა რიტორიკა გაამკაცრეს და „ნაცმოძრაობას“ ახსენებენ როგორც „კრიმინალურ“ და „მატყუარა“ ოპოზიციას.

„ქართული ოცნება“ კვლავ აპირებს არჩევნებში გამოიყენოს ის მეთოდები, რომლისთვისაც არაერთხელ მიუმართავს – დაშინება, ფიზიკური ზემოქმედება საკუთარი ზონდერ–ჯგუფებით, მოსყიდვა, ადმინისტრაციული რესურსის გამოყენება, სუს-ის და სხვა სახელმწიფო ორგანოების მიერ ამომრჩეველზე ზემოქმედება და, მათ შორის, ასეთი ფსიქოლოგიური ზემოქმედება და სიძულვილის ატმოსფეროს დანერგვა წინასაარჩევნო პერიოდში. პასუხს მოვთხოვთ ყველას – როგორც პოლიტიკურად არჩევნებზე, ასევე სამართლებრივი გზით. ჩვენ გავივლით კონსულტაციებს იურისტებთან და, შეიძლება, ამ საკითხთან დაკავშირებით სასამართლოს მივმართოთ“, – განაცხადა გოცირიძემ.

მან ასევე აღნიშნა, რომ ოპოზიციის შეურაცხყოფით საქართველოს ხელისუფლება შეურაცხყოფას აყენებს ასევე მილიონობით ამომრჩეველს.

მმართველ პარტიაში გოცირიძის განცხადება სასაცილოდ მიიჩნიეს.

პარლამენტში „სასარგებლო ქაოსი" გამეფდება – ექსპერტები კონსტიტუციაში შესწორებებზე>>

„თუ ვინმე რამეზე უნდა იყოს გაბრაზებული, მათ შორის გოცირიძეც, პირველ რიგში, საკუთარ თავსა და პარტიაზე უნდა იყოს გაბრაზებული, რომ მათ ვერაფრით მოახერხეს დაპირებული გადაწყვეტილებებისთვის მხარი დაეჭირათ“, – განაცხადა პარლამენტის თავმჯდომარემ არჩილ თალაკვაძემ.

მისი თქმით, ოპოზიციამ უკვე წააგო, როდესაც უარი თქვა მის მიერვე მოთხოვნილი შესწორებებისთვის ხმის მიცემაზე.

127
„დინამო“ თბილისი

საქართველოს ფეხბურთის ჩემპიონატში ლიდერი შეიცვალა

0
(განახლებულია 15:06 04.07.2020)
თბილისის „დინამომ“ მოუგო „ლოკომოტივს“ ანგარიშით 4:0 და სატურნირო ცხრილის პირველი სტრიქონი დაიკავა.

თბილისი, 4 ივლისი — Sputnik. საქართველოს ფეხბურთის ჩემპიონატის ეროვნული ლიგის მეოთხე ტურში თბილისის „დინამომ“ მოუგო „ლოკომოტივს“ ანგარიშით 4:0 და სატურნირო ცხრილის პირველი სტრიქონზე „რკინიგზელები“ ჩაანაცვლა.

ცნობილი გახდა თარიღი, თუ როდის განახლდება საქართველოს საფეხბურთო ჩემპიონატი მეორე ლიგაში >>

შეხვედრის ყველა გოლი შესვენების შემდეგ გავიდა. ანგარიში 61-ე წუთზე დავით კობოურმა გახსნა. კიდევ ათი წუთის შემდეგ თორნიკე კაპანაძემ პენალტი დაარტყა, რამაც დაპირისპირების დასასრულიც განაპირობა.

შეხვედრის ბოლო 11 წუთში მასპინძლებმა თავი კიდევ ორჯერ გამოიჩინეს. თავიდან კირკიტაძემ ავტოგოლი გაიტანა, ხოლო საბოლოო ანგარიში „დინამოს“ ბრაზილიელი ლეგიონერის, ვიქტორ პერნამბუკოს გატანილმა გოლმა დაამყარა.

აღსანიშნავია, რომ დინამოელები მთელი მეორე ტაიმის დროს უპირატესობას ფლობდნენ, რადგან შესვენების წინ მინდორიდან „ლოკომოტივის“ კაპიტანი და მცველი დავით უბილავა გააძევეს.

ჩემპიონატის ოთხი მატჩის შემდეგ „დინამომ“ რვა ქულა დააგროვა და „ლოკომოტივს“ ერთი ქულით გაუსწრო. დაგროვილი ქულებით „დინამოელებს“ შეიძლება გაუტოლდეს გორის „დილა“, რომელიც საანგარიშო ტურში გასვლაზე საჩხერის „ჩიხურას“ ხვდება.

საქართველოს ჩემპიონატი ეროვნულ ლიგაში მარტის დასაწყისში ორი ტურის შემდეგ COVID-19-ის პანდემიის გამო შეწყდა. ივნისის ბოლოს ჩემპიონატი განახლდა, თუმცა ყველა მატჩი ცარიელი ტრიბუნებით ტარდება.

0
თემები:
სპორტის ამბები